༨. ཨ་ར་ཧ་ཏྟ་ཝ་གྒོ

༡-༣. དུ་ཀྑ་སུ་ཏྟཱ་དི་ཝ་ཎྞ་ནཱ

༧༥-༧༧. ཨ་ཊྛ་མ་སྶ པ་ཋ་མཱ་དཱི་སུ ན་ཏྠི ཝ་ཏྟ་བྦཾ. ཏ་ཏི་ཡེ ཏི་ཝི་དྷཾ ཀུ་ཧ་ན་ཝ་ཏྠུནྟི པ་ཙྩ་ཡ་པྤ་ཊི་སེ་ཝ་ན་སཱ་མ་ནྟ་ཛ་པྤ་ན་ཨི་རི་ཡཱ་པ་ཐ་པྤ་ཝ་ཏྟ་ན་ས་ངྑཱ་ཏཾ ཏི་ཝི་དྷཾ ཀུ་ཧ་ན་ཝ་ཏྠུཾ. ཨུ་ཀྑི་པི་ཏྭཱཏི ‘‘མ་ཧཱ་ཀུ་ཊུ་མྦི་ཀོ མ་ཧཱ་ནཱ་ཝི་ཀོ མ་ཧཱ་དཱ་ན་པ་ཏཱི’’ཏི་ཨཱ་དི་ནཱ པ་གྒ་ཎྷི་ཏྭཱ ལ་པ་ནཾ. ཨ་ཝ་ཀྑི་པི་ཏྭཱཏི ‘‘ཀིཾ ཨི་མ་སྶ ཛཱི་ཝི་ཏཾ, བཱི་ཛ་བྷོ་ཛ་ནོ ནཱ་མཱ་ཡ’’ནྟི ཧཱི་ལེ༹་ཏྭཱ ལ་པ་ནཾ.

དུ་ཀྑ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༤. སུ་ཁ་སོ་མ་ན་སྶ་སུ་ཏྟ་ཝ་ཎྞ་ནཱ

༧༨. ཙ་ཏུ་ཏྠེ ཡ་ཐཱ་ཝུ་ཏྟ་དྷ་མྨཱ་དཱི་སུ ཏ་སྶ ཀི་ལེ་ས་ནི་མི་ཏྟཾ དུ་ཀྑཾ ཨ་ན་ཝ་སྶ་ན་ནྟི ‘‘སུ་ཁ་སོ་མ་ན་སྶ་བ་ཧུ་ལོ ཝི་ཧ་ར་ཏཱི’’ཏི ཝུ་ཏྟཾ. ཀཱ་ཡི་ཀ་སུ་ཁ་ཉྩེ་ཝ ཙེ་ཏ་སི་ཀ་སོ་མ་ན་སྶ་ཉྩ བ་ཧུ་ལཾ ཨ་སྶཱ་ཏི སུ་ཁ་སོ་མ་ན་སྶ་བ་ཧུ་ལོ. ཡ་ཝ་ཏི ཏེ་ན ཕ་ལཾ མི་སྶི་ཏཾ ཝི་ཡ ཧོ་ཏཱི་ཏི ཡོ་ནི, ཨེ་ཀ་ནྟི་ཀཾ ཀཱ་ར་ཎཾ. ཨ་སྶཱཏི ཡ་ཐཱ་ཝུ་ཏྟ་སྶ བྷི་ཀྑུ་ནོ. པ་རི་པུ་ཎྞནྟི ཨ་ཝི་ཀ་ལཾ ཨ་ན་ཝ་སེ་སཾ.

སུ་ཁ་སོ་མ་ན་སྶ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༥. ཨ་དྷི་ག་མ་སུ་ཏྟ་ཝ་ཎྞ་ནཱ

༧༩. པ་ཉྩ་མེ ཨཱ་ག་ཙྪ་ནྟི ཨེ་ཏེ་ན ཀུ་ས་ལཱ ཝཱ ཨ་ཀུ་ས་ལཱ ཝཱ་ཏི ཨཱ་ག་མ་ནཾ, ཀུ་ས་ལཱ་ཀུ་ས་ལཱ་ནཾ ཨུ་པྤ་ཏྟི་ཀཱ་ར་ཎཾ. ཏ་ཏྠ ཀུ་ས་ལོ་ཏི ཨཱ་ག་མ་ན་ཀུ་ས་ལོ. ཨེ་ཝཾ དྷ་མྨེ མ་ན་སི་ཀ་རོ་ཏོ ཀུ་ས་ལཱ ཝཱ ཨ་ཀུ་ས་ལཱ ཝཱ དྷ་མྨཱ ཨ་བྷི་ཝ་ཌྜྷ་ནྟཱི་ཏི ཨེ་ཝཾ ཛཱ་ན་ནྟོ. ཨ་པ་ག་ཙྪ་ནྟི ཀུ་ས་ལཱ ཝཱ ཨ་ཀུ་ས་ལཱ ཝཱ ཨེ་ཏེ་ནཱ་ཏི ཨ་པ་ག་མ་ནཾ. ཏེ་སཾ ཨེ་ཝ ཨ་ནུ་པྤ་ཏྟི་ཀཱ་ར་ཎཾ, ཏ་ཏྠ ཀུ་ས་ལོ་ཏི ཨ་པ་ག་མ་ན་ཀུ་ས་ལོ. ཨེ་ཝཾ དྷ་མྨེ མ་ན་སི་ཀ་རོ་ཏོ ཀུ་ས་ལཱ ཝཱ ཨ་ཀུ་ས་ལཱ ཝཱ དྷ་མྨཱ ནཱ་བྷི་ཝ་ཌྜྷ་ནྟཱི་ཏི ཨེ་ཝཾ ཛཱ་ན་ནྟོ. ཨུ་པཱ་ཡ་ཀུ་ས་ལོཏི ཋཱ་ནུ་པྤ་ཏྟི་ཀ་པ་ཉྙཱ་ས་མ་ནྣཱ་ག་ཏོ. ཨི་ད་ཉྩ ཨ་ཙྩཱ་ཡི་ཀ་ཀི་ཙྩེ ཝཱ བྷ་ཡེ ཝཱ ཨུ་པྤ་ནྣེ ཏ་སྶ ཏི་ཀི་ཙྪ་ན་ཏྠཾ ཋཱ་ནུ་པྤ་ཏྟི་ཡཱ ཀཱ་ར་ཎ་ཛཱ་ན་ན་ཝ་སེ་ན ཝེ་དི་ཏ་བྦཾ.

ཨ་དྷི་ག་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༦-༧. མ་ཧ་ནྟ་ཏྟ་སུ་ཏྟཱ་དི་ཝ་ཎྞ་ནཱ

༨༠-༨༡. ཚ་ཊྛེ ས་མྤ་ཏྟེཏི ཀི་ལེ་སེ ས་མྤ་ཏྟེ. ས་ཏྟ་མཾ ཨུ་ཏྟཱ་ན་མེ་ཝ.

མ་ཧ་ནྟ་ཏྟ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༨-༡༠. དུ་ཏི་ཡ་ནི་ར་ཡ་སུ་ཏྟཱ་དི་ཝ་ཎྞ་ནཱ

༨༢-༨༤. ཨ་ཊྛ་མེ ཀཱ་ཡ་པཱ་ག་བྦྷི་ཡཱ་དཱི་ཧཱིཏི ཨཱ་དི-ས་དྡེ་ན ཝ་ཙཱི་པཱ་ག་བྦྷི་ཡཾ མ་ནོ་པཱ་ག་བྦྷི་ཡ་ཉྩ ས་ངྒ་ཎྷཱ་ཏི. ན་ཝ་མཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

དུ་ཏི་ཡ་ནི་ར་ཡ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཨ་ར་ཧ་ཏྟ་ཝ་གྒ་ཝ་ཎྞ་ནཱ ནི་ཊྛི་ཏཱ.