༩. སཱི་ཏི་ཝ་གྒོ

༡. སཱི་ཏི་བྷཱ་ཝ་སུ་ཏྟ་ཝ་ཎྞ་ནཱ

༨༥. ན་ཝ་མ་སྶ པ་ཋ་མེ སཱི་ཏི་བྷཱ་ཝནྟི ནི་བྦཱ་ནཾ, ཀི་ལེ་ས་ཝཱུ་པ་ས་མཾ ཝཱ. ནི་གྒ་ཎྷཱ་ཏཱིཏི ཨ་ཙྩཱ་ར་དྡྷ་ཝཱི་རི་ཡ་ཏཱ་དཱི་ཧི ཨུ་དྡྷ་ཏཾ ཙི་ཏྟཾ ཨུ་དྡྷ་ཙྩ་པ་ཀྑ་ཏོ ར་ཀྑ་ཎ་ཝ་སེ་ན ནི་གྒ་ཎྷཱ་ཏི. པ་གྒ་ཎྷཱ་ཏཱིཏི ཨ་ཏི་སི་ཐི་ལ་ཝཱི་རི་ཡ་ཏཱ་དཱི་ཧི ལཱི་ནཾ ཙི་ཏྟཾ ཀོ་ས་ཛྫ་པཱ་ཏ་ཏོ ར་ཀྑ་ཎ་ཝ་སེ་ན པ་གྒ་ཎྷཱ་ཏི. ས་མྤ་ཧཾ་སེ་ཏཱིཏི ས་མ་པྤ་ཝ་ཏྟ་ཙི་ཏྟཾ ཏ་ཐཱ་པ་ཝ་ཏྟི་ཡཾ པ་ཉྙཱ་ཡ ཏོ་སེ་ཏི ཨུ་ཏྟེ་ཛེ་ཏི ཝཱ. ཡ་དཱ ཝཱ པ་ཉྙཱ་པ་ཡོ་ག་མ་ནྡ་ཏཱ་ཡ ཨུ་པ་ས་མ་སུ་ཁཱ་ན་དྷི་ག་མེ་ན ཝཱ ནི་ར་སྶཱ་དཾ ཙི་ཏྟཾ བྷཱ་ཝ་ནཱ་ཡ ན པ་ཀྑ་ནྡ་ཏི, ཏ་དཱ ཛཱ་ཏི་ཨཱ་དཱི་ནི སཾ་ཝེ་ག་ཝ་ཏྠཱུ་ནི པ་ཙྩ་ཝེ་ཀྑི་ཏྭཱ ས་མྤ་ཧཾ་སེ་ཏི ས་མུ་ཏྟེ་ཛེ་ཏི. ཨ་ཛ྄ཛྷུ་པེ་ཀྑ་ཏཱིཏི ཡ་དཱ པ་ན ཙི་ཏྟཾ ཨ་ལཱི་ནཾ ཨ་ནུ་དྡྷ་ཏཾ ཨ་ནི་ར་སྶཱ་དཾ ཨཱ་ར་མྨ་ཎེ ས་མ་པྤ་ཝ་ཏྟཾ ས་མྨ་དེ་ཝ བྷཱ་ཝ་ནཱ་ཝཱི་ཏིཾ ཨོ་ཏི་ཎྞཾ ཧོ་ཏི, ཏ་དཱ པ་གྒ་ཧ་ནི་གྒ་ཧ་ས་མྤ་ཧཾ་ས་ནེ་སུ ཀི་ཉྩི བྱཱ་པཱ་རཾ ཨ་ཀ་ཏྭཱ ས་མ་པྤ་ཝ་ཏྟེ་སུ ཨ་སྶེ་སུ སཱ་ར་ཐཱི ཝི་ཡ ཨ་ཛ྄ཛྷུ་པེ་ཀྑ་ཏི, ཨུ་པེ་ཀྑ་ཀོ་ཝ ཧོ་ཏི. པ་ཎཱི་ཏཱ་དྷི་མུ་ཏྟི་ཀོཏི པ་ཎཱི་ཏེ ཨུ་ཏྟ་མེ མ་གྒ་ཕ་ལེ ཨ་དྷི་མུ་ཏྟོ ནི་ནྣ་པོ་ཎ་པ་བྦྷཱ་རོ.

སཱི་ཏི་བྷཱ་ཝ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༢-༡༡. ཨཱ་ཝ་ར་ཎ་སུ་ཏྟཱ་དི་ཝ་ཎྞ་ནཱ

༨༦-༩༥. དུ་ཏི་ཡེ ཨ་ཙྪ་ནྡི་ཀོཏི ཀ་ཏྟུ་ཀ་མྱ་ཏཱ་ཀུ་ས་ལ་ཙྪ་ནྡ་ར་ཧི་ཏོ. ཨུ་ཏྟ་ར་ཀུ་རུ་ཀཱ མ་ནུ་སྶཱ ཨ་ཙྪ་ནྡི་ཀ་ཊྛཱ་ནཾ པ་ཝི་ཊྛཱ. དུ་པྤ་ཉྙོཏི བྷ་ཝ་ངྒ་པ་ཉྙཱ་ཡ པ་རི་ཧཱི་ནོ. བྷ་ཝ་ངྒ་པ་ཉྙཱ་ཡ པ་ན པ་རི་པུ་ཎྞཱ་ཡ་པི ཡ་སྶ བྷ་ཝ་ངྒཾ ལོ་ཀུ་ཏྟ་ར་སྶ པ་ཙྩ་ཡོ ན ཧོ་ཏི, སོ་པི དུ་པྤ་ཉྙོ ཨེ་ཝ ནཱ་མ. ཨ་བྷ་བྦོ ནི་ཡཱ་མཾ ཨོ་ཀྐ་མི་ཏུཾ ཀུ་ས་ལེ་སུ དྷ་མྨེ་སུ ས་མྨ་ཏྟནྟི ཀུ་ས་ལེ་སུ དྷ་མྨེ་སུ ས་མྨ་ཏྟ་ནི་ཡཱ་མ་ས་ངྑཱ་ཏཾ ཨ་རི་ཡ་མ་གྒཾ ཨོ་ཀྐ་མི་ཏུཾ ཨ་དྷི་ག་ནྟུཾ ཨ་བྷ་བྦོ. ན ཀ་མྨཱ་ཝ་ར་ཎ་ཏཱ་ཡཱཏི་ཨཱ་དཱི་སུ ཨ་བྷ་བྦ་ཝི་པ་རི་ཡཱ་ཡེ་ན ཨ་ཏྠོ ཝེ་དི་ཏ་བྦོ. ཙ་ཏུ་ཏྠཱ་དཱི་ནི ཨུ་ཏྟཱ་ན་ཏྠཱ་ནི.

ཨཱ་ཝ་ར་ཎ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

སཱི་ཏི་ཝ་གྒ་ཝ་ཎྞ་ནཱ ནི་ཊྛི་ཏཱ.