༡-༢. སཱ་མ་ཀ་སུ་ཏྟཱ་དི་ཝ་ཎྞ་ནཱ

༢༡-༢༢. ཏ་ཏི་ཡ་སྶ པ་ཋ་མེ ཀེ་ཝ་ལ་ཀ་པྤནྟི ཨེ་ཏྠ ཀེ་ཝ་ལ-ས་དྡོ ཨ་ན་ཝ་སེ་ས་ཏྠོ, ཀ་པྤ-ས་དྡོ ས་མ་ནྟ་བྷཱ་ཝ་ཏྠོ. ཏ་སྨཱ ཀེ་ཝ་ལ་ཀ་པྤཾ པོ་ཀྑ་ར་ཎི་ཡ་ནྟི ཨེ་ཝ་མ་ཏྠོ ད་ཊྛ་བྦོ. ཨ་ན་ཝ་སེ་སཾ ཕ་རི་ཏུཾ ས་མ་ཏྠ་སྶ་པི ཨོ་བྷཱ་ས་སྶ ཀེ་ན་ཙི ཀཱ་ར་ཎེ་ན ཨེ་ཀ་དེ་ས་ཕ་ར་ཎ་མྤི སི་ཡཱ, ཨ་ཡཾ པ་ན ས་བྦ་སོ་ཝ ཕ་ར་ཏཱི་ཏི ད་སྶེ་ཏུཾ ས་མ་ནྟ་ཏྠོ ཀ་པྤ-ས་དྡོ ག་ཧི་ཏོ. ཨ་ཏྟ་ནོ ཨོ་བྷཱ་སེ་ན ཕ་རི་ཏྭཱཏི ཝ་ཏྠཱ་ལ་ངྐཱ་ར་ས་རཱི་ར་ས་མུ་ཊྛི་ཏེ་ན ཨོ་བྷཱ་སེ་ན ཕ་རི་ཏྭཱ, ཙ་ནྡི་མཱ ཝི་ཡ ཨེ་ཀོ་བྷཱ་སཾ ཨེ་ཀ་པ་ཛྫོ་ཏཾ ཀ་རི་ཏྭཱ་ཏི ཨ་ཏྠོ. ས་མ་ནུ་ཉྙོཏི ས་མྨ་དེ་ཝ ཀ་ཏ་མ་ནུ་ཉྙོ. ཏེ་ནཱ་ཧ ‘‘ས་མཱ་ན་ཙི་ཏྟོ’’ཏི, ས་མཱ་ན་ཛ྄ཛྷཱ་ས་ཡོ་ཏི ཨ་ཏྠོ. དུ་ཀྑཾ ཝ་ཙོ ཨེ་ཏ་སྨི་ནྟི དུ་བྦ་ཙོ, ཏ་སྶ ཀ་མྨཾ དོ་ཝ་ཙ་སྶཾ, ཏ་སྶ པུ་གྒ་ལ་སྶ ཨ་ནཱ་ད་རི་ཡ་ཝ་སེ་ན པ་ཝ་ཏྟཱ ཙེ་ཏ་ནཱ, ཏ་སྶ བྷཱ་ཝོ ཨ་ཏྠི་ཏཱ དོ་ཝ་ཙ་སྶ་ཏཱ. ཨ་ཐ ཝཱ དོ་ཝ་ཙ་སྶ་མེ་ཝ དོ་ཝ་ཙ་སྶ་ཏཱ. སཱ ཨ་ཏྠ་ཏོ ས་ངྑཱ་ར་ཀྑ་ནྡྷོ ཧོ་ཏི. ཙེ་ཏ་ནཱ་པ་དྷཱ་ནོ ཧི ས་ངྑཱ་ར་ཀྑ་ནྡྷོ. ཙ་ཏུ་ནྣཾ ཝཱ ཁ་ནྡྷཱ་ནཾ ཨ་པ་ད་ཀྑི་ཎ་གྒཱ་ཧི་ཏཱ་ཀཱ་རེ་ན པ་ཝ་ཏྟཱ་ནཾ ཨེ་ཏཾ ཨ་དྷི་ཝ་ཙ་ན་ནྟི ཝ་ད་ནྟི. པཱ་པཱ ཨ་སྶ་དྡྷཱ་ད་ཡོ པུ་གྒ་ལཱ ཨེ་ཏ་སྶ མི་ཏྟཱ་ཏི པཱ་པ་མི་ཏྟོ, ཏ་སྶ བྷཱ་ཝོ པཱ་པ་མི་ཏྟ་ཏཱ. སཱ་པི ཨ་ཏྠ་ཏོ དོ་ཝ་ཙ་སྶ་ཏཱ ཝི་ཡ ད་ཊྛ་བྦཱ. ཡཱ་ཡ ཧི ཙེ་ཏ་ནཱ་ཡ པུ་གྒ་ལོ པཱ་པ་མི་ཏྟོ པཱ་པ་ས་མྤ་ཝ་ངྐོ ནཱ་མ ཧོ་ཏི, སཱ ཙེ་ཏ་ནཱ པཱ་པ་མི་ཏྟ་ཏཱ. ཙ་ཏྟཱ་རོ་པི ཝཱ ཨ་རཱུ་པི་ནོ ཁ་ནྡྷཱ ཏ་དཱ་ཀཱ་ར་པྤ་ཝ་ཏྟཱ པཱ་པ་མི་ཏྟ་ཏཱ. དུ་ཏི་ཡཾ ཨུ་ཏྟཱ་ན་མེ་ཝ.

སཱ་མ་ཀ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.