(༧) ༢. ས་ཉྙཱ་ཝ་གྒོ

༡-༥. ས་ཉྙཱ་སུ་ཏྟཱ་དི་ཝ་ཎྞ་ནཱ

༦༡-༦༥. དུ་ཏི་ཡ་སྶ པ་ཋ་མེ ‘‘མ་ཧ་པྥ་ལཱ མ་ཧཱ་ནི་སཾ་སཱ’’ཏི ཨུ་བྷ་ཡ་མྤེ་ཏཾ ཨ་ཏྠ་ཏོ ཨེ་ཀཾ, བྱ་ཉྫ་ན་མེ་ཝ ནཱ་ན་ནྟི ཨཱ་ཧ ‘‘མ་ཧ་པྥ་ལཱ’’ཏི་ཨཱ་དི. ‘‘པ་ཉྩི་མེ ག་ཧ་པ་ཏ་ཡོ ཨཱ་ནི་སཾ་སཱ’’ཏི་ཨཱ་དཱི་སུ (ཨུ་དཱ. ༧༦) ཨཱ་ནི་སཾ་ས-ས་དྡོ ཕ་ལ་པ་རི་ཡཱ་ཡོ་པི ཧོ་ཏི. མ་ཧ་ཏོ ལོ་ཀུ་ཏྟ་ར་སྶ སུ་ཁ་སྶ པ་ཙྩ་ཡཱ ཧོ་ནྟཱི་ཏི མ་ཧཱ་ནི་སཾ་སཱ. ཨ་མ་ཏོ་ག་དྷཱཏི ཨ་མ་ཏ་བྦྷ་ནྟ་རཱ ཨ་མ་ཏཾ ཨ་ནུ་པྤ་ཝི་ཊྛཱ ནི་བྦཱ་ན་དི་ཊྛ་ཏྟཱ, ཏ་ཏོ པ་རཾ ན ག་ཙྪ་ནྟི. ཏེ་ན ཝུ་ཏྟཾ ‘‘ཨ་མ་ཏ་པ་རི་ཡོ་སཱ་ནཱ’’ཏི. ཨ་མ་ཏཾ པ་རི་ཡོ་སཱ་ནཾ ཨ་ཝ་སཱ་ནཾ ཨེ་ཏཱ་ས་ནྟི ཨ་མ་ཏ་པ་རི་ཡོ་སཱ་ནཱ. མ་ར་ཎ་ས་ཉྙཱཏི མ་ར་ཎཱ་ནུ་པ་སྶ་ནཱ་ཉཱ་ཎེ་ན ས་ཉྙཱ. ཨཱ་ཧཱ་རེ པ་ཊི་ཀཱུ་ལ་ས་ཉྙཱཏི ཨཱ་ཧཱ་རཾ ག་མ་ནཱ་དི་ཝ་སེ་ན པ་ཊི་ཀཱུ་ལ་ཏོ པ་རི་གྒ་ཎྷ་ནྟ་སྶ ཨུ་པྤ་ནྣ་ས་ཉྙཱ. ཨུ་ཀྐ་ཎྛི་ཏ་སྶཱཏི ནི་བྦི་ནྡ་ནྟ་སྶ ཀ་ཏྠ་ཙི་པི ཨ་ས་ཛྫ་ནྟ་སྶ. དུ་ཏི་ཡཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

ས་ཉྙཱ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༦-༡༠. སཱ་ཛཱི་ཝ་སུ་ཏྟཱ་དི་ཝ་ཎྞ་ནཱ

༦༦-༧༠. ཚ་ཊྛེ ས་ཧ ཨཱ་ཛཱི་ཝ་ནྟི ཨེ་ཏྠཱ་ཏི སཱ་ཛཱི་ཝོ, པ་ཉྷ་སྶ པུ་ཙྪ་ནཾ ཝི་སྶ་ཛྫ་ན་ཉྩ. ཏེ་ནཱ་ཧ ‘‘སཱ་ཛཱི་ཝོ་ཏི པ་ཉྷ་པུ་ཙྪ་ན་ཉྩེ་ཝ པ་ཉྷ་ཝི་སྶ་ཛྫ་ན་ཉྩཱ’’ཏི་ཨཱ་དི. ཨ་བྷི་ས་ངྑ་ཏནྟི ཙི་ཏཾ. ས་ཏྟ་མཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

སཱ་ཛཱི་ཝ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ས་ཉྙཱ་ཝ་གྒ་ཝ་ཎྞ་ནཱ ནི་ཊྛི་ཏཱ.