༣. ཨུ་གྒ་ཧ་སུ་ཏྟ་ཝ་ཎྞ་ནཱ

༣༣. ཏ་ཏི་ཡེ ས་བྦ་པ་ཋ་མཾ ཨུ་ཊྛཱ་ན་སཱི་ལཱཏི ར་ཏྟི་ཡཱ ཝི་བྷཱ་ཡ་ན་ཝེ་ལཱ་ཡ སཱ་མི་ཀེ པ་རི་ཛ་ནེ སེ་ཡྻཱ་ཡ ཨ་ཝུ་ཊྛི་ཏེ ས་བྦ་པ་ཋ་མཾ ཨུ་ཊྛཱ་ན་སཱི་ལཱ. སཱ་མི་ཀཾ དི་སྭཱ ནི་སི་ནྣཱ་ས་ན་ཏོ ཨ་གྒི་ད་ཌྜྷཱ ཝི་ཡ པ་ཋ་མ་མེ་ཝ ཝུ་ཊྛ་ཧ་ནྟཱི་ཏི ཝཱ པུ་བྦུ་ཊྛཱ་ཡི་ནི་ཡོ. ཀིཾ་ཀཱ་རནྟི ཀིཾ་ཀ་ར་ཎཱི་ཡཾ, ཀིཾ་ཀ་ར་ཎ་བྷཱ་ཝེ་ན པུ་ཙྪི་ཏྭཱ ཀཱ་ཏ་བྦ་ཝེ་ཡྻཱ་ཝ་ཙྩ་ནྟི ཨ་ཏྠོ. ཏཾ པ་ཊི་སྶུ་ཎ་ནྟཱ ཝི་ཙ་ར་ནྟཱི་ཏི ཀིཾ་ཀཱ་ར་པྤ་ཊི་སྶཱ་ཝི་ནི་ཡོ. མ་ནཱ་པཾ་ཡེ་ཝ ཀི་རི་ཡཾ ཀ་རོ་ནྟི སཱི་ལེ་ནཱ་ཏི མ་ནཱ་པ་ཙཱ་རི་ནི་ཡོ. པི་ཡ་མེ་ཝ ཝ་ད་ནྟི སཱི་ལེ་ནཱ་ཏི པི་ཡ་ཝཱ་དི་ནི་ཡོ.

ཏ་ཏྲུ་པཱ་ཡཱ་ཡཱཏི ཏ་ཏྲ ཀ་མྨེ སཱ་དྷེ་ཏ་བྦ་ཨུ་པཱ་ཡ་བྷཱུ་ཏཱ་ཡ ཝཱི་མཾ་སཱ་ཡ. ཏེ་ནཱ་ཧ ‘‘ཏ་སྨིཾ ཨུ་ཎྞཱ་ཀ་པྤཱ་ས་སཾ་ཝི་དྷཱ་ནེ’’ཏི་ཨཱ་དི. ཨ་ལཾ ཀཱ་ཏུནྟི ཀཱ་ཏུཾ ས་མ་ཏྠཱ. ཨ་ལཾ སཾ་ཝི་དྷཱ་ཏུནྟི ཝི་ཙཱ་རེ་ཏུཾ ས་མ་ཏྠཱ. ཏེ་ནཱ་ཧ ‘‘ཨ་ལཾ ཀཱ་ཏུཾ ཨ་ལཾ སཾ་ཝི་དྷཱ་ཏུ་ནྟི ཨ་ཏྟ་ནཱ ཀཱ་ཏུ་མྤི པ་རེ་ཧི ཀཱ་རཱ་པེ་ཏུ་མྤཱི’’ཏི་ཨཱ་དི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

ཨུ་གྒ་ཧ་སུ་ཏྟ་ཝ་ཎྞ་ནཱ ནི་ཊྛི་ཏཱ.