༡. སུ་མ་ན་སུ་ཏྟ་ཝ་ཎྞ་ནཱ

༣༡. ཙ་ཏུ་ཏྠ་སྶ པ་ཋ་མེ ས་ཏ་ཀྐ་ཀཱུཏི ས་ཏ་སི་ཁ་རོ, ཨ་ནེ་ཀ་ཀཱུ་ཊོ་ཏི ཨ་ཏྠོ. ཨི་དཾ ཏ་སྶ མ་ཧཱ་མེ་གྷ་བྷཱ་ཝ་ད་སྶ་ནཾ. སོ ཧི མ་ཧཱ་ཝ་སྶཾ ཝ་སྶ་ཏི. ཏེ་ནེ་ཝཱ་ཧ – ‘‘ཨི་ཏོ ཙི་ཏོ ཙ ཨུ་ཊྛི་ཏེ་ན ཝ་ལཱ་ཧ་ཀ་ཀཱུ་ཊ་ས་ཏེ་ན ས་མ་ནྣཱ་ག་ཏོ་ཏི ཨ་ཏྠོ’’ཏི. ད་སྶ་ན་ས་མྤ་ནྣོཏི ཨེ་ཏྠ ད་སྶ་ནཾ ནཱ་མ སོ་ཏཱ་པ་ཏྟི་མ་གྒོ. སོ ཧི པ་ཋ་མཾ ནི་བྦཱ་ན་ད་སྶ་ན་ཏོ ‘‘ད་སྶ་ན’’ནྟི ཝུ་ཙྩ་ཏི. ཡ་དི་པི ཏཾ གོ་ཏྲ་བྷུ པ་ཋ་མ་ཏ་རཾ པ་སྶ་ཏི, དི་སྭཱ པ་ན ཀ་ཏྟ་བྦ་ཀི་ཙྩ་སྶ ཀི་ལེ་ས་པྤ་ཧཱ་ན་སྶ ཨ་ཀ་ར་ཎ་ཏོ ན ཏཾ ‘‘ད་སྶ་ན’’ནྟི ཝུ་ཙྩ་ཏི. ཨཱ་ཝ་ཛྫ་ན་ཊྛཱ་ནི་ཡ་ཉྷི ཏཾ ཉཱ་ཎཾ. མ་གྒ་སྶ ནི་བྦཱ་ནཱ་ར་མྨ་ཎ་ཏཱ་སཱ་མ་ཉྙེ་ན ཙེ་ཏཾ ཝུ་ཏྟཾ, ན ནི་བྦཱ་ན་པྤ་ཊི་ཝི་ཛ྄ཛྷ་ནེ་ན, ཏ་སྨཱ དྷ་མྨ་ཙ་ཀྑུཾ པུ་ན་པྤུ་ནཾ ནི་བྦ་ཏྟ་ནེ་ན བྷཱ་ཝ་ནཾ ཨ་པྤ་ཏྟཾ ད་སྶ་ནཾ, དྷ་མྨ་ཙ་ཀྑུ་ཉྩ པ་རི་ཉྙཱ་དི་ཀི་ཙྩ་ཀ་ར་ཎེ་ན ཙ་ཏུ་ས་ཙྩ་དྷ་མྨ་ད་སྶ་ནཾ ཏ་ད་བྷི་ས་མ་ཡོ་ཏི ན་ཏྠེ་ཏྠ གོ་ཏྲ་བྷུ་སྶ ད་སྶ་ན་བྷཱ་ཝཱ་པ་ཏྟི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

སུ་མ་ན་སུ་ཏྟ་ཝ་ཎྞ་ནཱ ནི་ཊྛི་ཏཱ.