(༢༡) ༡. ཀི་མི་ལ་ཝ་གྒོ

༡-༤. ཀི་མི་ལ་སུ་ཏྟཱ་དི་ཝ་ཎྞ་ནཱ

༢༠༡-༤. པ་ཉྩ་མ་སྶ པ་ཋ་མ་དུ་ཏི་ཡཱ་ནི ཨུ་ཏྟཱ་ན་ཏྠཱ་ནེ་ཝ. ཏ་ཏི་ཡེ ཨ་དྷི་ཝཱ་ས་ནཾ ཁ་མ་ནཾ, པ་རེ་སཾ དུ་ཀྐ་ཊཾ དུ་རུ་ཏྟ་ཉྩ པ་ཊི་ཝི་རོ་དྷཱ་ཀ་ར་ཎེ་ན ཨ་ཏྟ་ནོ ཨུ་པ་རི ཨཱ་རོ་པེ་ཏྭཱ ཝཱ་ས་ནཾ ཨ་དྷི་ཝཱ་ས་ནཾ, ཏ་དེ་ཝ ཁ་ནྟཱི་ཏི ཨ་དྷི་ཝཱ་ས་ན་ཀྑ་ནྟི. སུ་བྷེ ར་ཏོ་ཏི སཱུ་ར་ཏོ, སུ་ཊྛུ ཝཱ པཱ་པ་ཏོ ཨོ་ར་ཏོ ཝི་ར་ཏོ སོ་ར་ཏོ, ཏ་སྶ བྷཱ་ཝོ སོ་ར་ཙྩཾ. ཏེ་ནཱ་ཧ ‘‘སོ་ར་ཙྩེ་ནཱ་ཏི སུ་ཙི་སཱི་ལ་ཏཱ་ཡཱ’’ཏི. སཱ ཧི སོ་བྷ་ན་ཀ་མྨ་ར་ཏ་ཏཱ, སུ་ཊྛུ ཝཱ པཱ་པ་ཏོ ཨོ་ར་ཏ་བྷཱ་ཝོ ཝི་ར་ཏ་ཏཱ. ཙ་ཏུ་ཏྠེ ན་ཏྠི ཝ་ཏྟ་བྦཾ.

ཀི་མི་ལ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༥. ཙེ་ཏོ་ཁི་ལ་སུ་ཏྟ་ཝ་ཎྞ་ནཱ

༢༠༥. པ་ཉྩ་མེ ཙེ་ཏོ་ཁི་ལཱ ནཱ་མ ཨ་ཏྠ་ཏོ ཝི་ཙི་ཀི་ཙྪཱ ཀོ་དྷོ ཙ. ཏེ པ་ན ཡ་སྨིཾ ས་ནྟཱ་ནེ ཨུ་པྤ་ཛྫ་ནྟི, ཏ་སྶ ཁ་ར་བྷཱ་ཝོ ཀ་ཀྑ་ལ༹་བྷཱ་ཝོ ཧུ་ཏྭཱ ཨུ་པ་ཏི་ཊྛ་ནྟི, པ་གེ་ཝ ཨ་ཏྟ་ནཱ ས་མྤ་ཡུ་ཏྟ་ཙི་ཏྟ་སྶཱ་ཏི ཨཱ་ཧ ‘‘ཙི་ཏྟ་སྶ ཐ་དྡྷ་བྷཱ་ཝཱ’’ཏི. ཡ་ཐཱ ལ་ཀྑ་ཎ་པཱ་རི་པཱུ་རི་ཡཱ ག་ཧི་ཏཱ་ཡ ས་བྦཱ ས་ཏྠུ རཱུ་པ་ཀཱ་ཡ་སི་རཱི ག་ཧི་ཏཱ ཨེ་ཝ ནཱ་མ ཧོ་ཏི ཨེ་ཝཾ ས་བྦ་ཉྙུ་ཏཱ་ཡ ས་བྦ་དྷ་མྨ་ཀཱ་ཡ་སི་རཱི ག་ཧི་ཏཱ ཨེ་ཝ ནཱ་མ ཧོ་ཏཱི་ཏི ཏ་དུ་བྷ་ཡ་ཝ་ཏྠུ་ཀ་མེ་ཝ ཀ་ངྑཾ ད་སྶེ་ནྟོ ‘‘ས་རཱི་རེ ཀ་ངྑ་མཱ་ནོ’’ཏི་ཨཱ་དི་མཱ་ཧ. ཝི་ཙི་ན་ནྟོཏི དྷ་མྨ་ས་བྷཱ་ཝཾ ཝཱི་མཾ་ས་ནྟོ. ཀི་ཙྪ་ཏཱིཏི ཀི་ལ་མ་ཏི. ཝི་ནི་ཙྪེ་ཏུཾ ན ས་ཀྐོ་ཏཱིཏི ས་ནྣི་ཊྛཱ་ཏུཾ ན ས་ཀྐོ་ཏི. ཨཱ་ཏ་པ་ཏི ཀི་ལེ་སེ་ཏི ཨཱ་ཏ་པྤཾ, ས་མྨཱ་ཝཱ་ཡཱ་མོ་ཏི ཨཱ་ཧ ‘‘ཨཱ་ཏ་པྤཱ་ཡཱ་ཏི ཀི་ལེ་ས་ས་ནྟཱ་པ་ན་ཝཱི་རི་ཡ་ཀ་ར་ཎ་ཏྠཱ་ཡཱ’’ཏི. པུ་ན་པྤུ་ནཾ ཡོ་གཱ་ཡཱཏི བྷཱ་ཝ་ནཾ པུ་ན་པྤུ་ནཾ ཡུ་ཉྫ་ནཱ་ཡ. ས་ཏ་ཏ་ཀི་རི་ཡཱ་ཡཱཏི བྷཱ་ཝ་ནཱ་ཡ ནི་ར་ནྟ་ར་པྤ་ཡོ་གཱ་ཡ.

པ་ཊི་ཝེ་དྷ་དྷ་མྨེ ཀ་ངྑ་མཱ་ནོཏི ཨེ་ཏྠ ཀ་ཐཾ ལོ་ཀུ་ཏྟ་ར་དྷ་མྨེ ཀ་ངྑཱ པ་ཝ་ཏྟཱི་ཏི? ན ཨཱ་ར་མྨ་ཎ་ཀ་ར་ཎ་ཝ་སེ་ན, ཨ་ནུ་སྶུ་ཏཱ་ཀཱ་ར་པ་རི་ཝི་ཏ་ཀྐ་ལ་དྡྷེ པ་རི་ཀ་པྤི་ཏ་རཱུ་པེ ཀ་ངྑཱ པ་ཝ་ཏྟ་ཏཱི་ཏི ད་སྶེ་ནྟོ ཨཱ་ཧ ‘‘ཝི་པ་སྶ་ནཱ…པེ… ཝ་ད་ནྟི, ཏཾ ཨ་ཏྠི ནུ ཁོ ན་ཏྠཱི་ཏི ཀ་ངྑ་ཏཱི’’ཏི. སི་ཀྑཱཏི ཙེ་ཏྠ པུ་བྦ་བྷཱ་ག་སི་ཀྑཱ ཝེ་དི་ཏ་བྦཱ. ཀཱ་མ་ཉྩེ་ཏྠ ཝི་སེ་སུ་པྤ་ཏྟི་ཡཱ མ་ཧཱ་སཱ་ཝ་ཛྫ་ཏཱ་ཡ ཙེ་ཝ སཾ་ཝཱ་ས་ནི་མི་ཏྟཾ གྷ་ཊ་ནཱ་ཧེ་ཏུ ཨ་བྷི་ཎྷུ་པྤ་ཏྟི་ཀ་ཏཱ་ཡ ཙ ས་བྲ་ཧྨ་ཙཱ་རཱི་སཱུ་ཏི ཀོ་པ་སྶ ཝི་ས་ཡོ ཝི་སེ་སེ་ཏྭཱ ཝུ་ཏྟོ, ཨ་ཉྙ་ཏྠཱ་པི ཀོ་པོ ན ཙེ་ཏོ་ཁི་ལོ་ཏི ན ས་ཀྐཱ ཝི་ཉྙཱ་ཏུ་ནྟི ཀེ་ཙི. ཡ་དི ཨེ་ཝཾ ཝི་ཙི་ཀི་ཙྪཱ་ཡ་པི ཨ་ཡཾ ན་ཡོ ཨཱ་པ་ཛྫ་ཏི, ཏ་སྨཱ ཡ་ཐཱ་རུ་ཏ་ཝ་སེ་ན ག་ཧེ་ཏ་བྦཾ.

ཙེ་ཏོ་ཁི་ལ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༦-༨. ཝི་ནི་བ་ནྡྷ་སུ་ཏྟཱ་དི་ཝ་ཎྞ་ནཱ

༢༠༦-༨. ཚ་ཊྛེ པ་ཝ་ཏྟི་ཏུཾ ཨ་པྤ་དཱ་ན་ཝ་སེ་ན ཀུ་ས་ལ་ཙི་ཏྟཾ ཝི་ནི་བ་ནྡྷ་ནྟཱི་ཏི ཙེ་ཏ་སོ་ཝི་ནི་བ་ནྡྷཱ. ཏཾ པ་ན ཝི་ནི་བ་ནྡྷ་ནྟཱ མུ་ཊྛི་གྒཱ་ཧཾ ག་ཎྷ་ནྟཱ ཝི་ཡ ཧོ་ནྟཱི་ཏི ཨཱ་ཧ ‘‘ཙི་ཏྟཾ ཝི་ནི་བ་ནྡྷི་ཏྭཱ’’ཏི་ཨཱ་དི. ཀཱ་མ་གི་དྡྷོ པུ་གྒ་ལོ ཝ་ཏྠུ་ཀཱ་མེ་པི ཀི་ལེ་ས་ཀཱ་མེ་པི ཨ་སྶཱ་དེ་ཏི ཨ་བྷི་ན་ནྡ་ཏཱི་ཏི ཝུ་ཏྟཾ ‘‘ཝ་ཏྠུ་ཀཱ་མེ་པི ཀི་ལེ་ས་ཀཱ་མེ་པཱི’’ཏི. ཨ་ཏྟ་ནོ ཀཱ་ཡེཏི ཨ་ཏྟ་ནོ ནཱ་མ་ཀཱ་ཡེ, ཨ་ཏྟ་བྷཱ་ཝེ ཝཱ. བ་ཧི་དྡྷཱ་རཱུ་པེཏི པ་རེ་སཾ ཀཱ་ཡེ ཨ་ནི་ནྡྲི་ཡ་བ་དྡྷ་རཱུ་པེ ཙ. ཨུ་ད་རཾ ཨ་ཝ་དི་ཧ་ཏི ཨུ་པ་ཙི་ནོ་ཏི པཱུ་རེ་ཏཱི་ཏི ཨུ་ད་རཱ་ཝ་དེ་ཧ་ཀཾ. སེ་ཡྻ་སུ་ཁནྟི སེ་ཡྻཱ་ཡ ས་ཡ་ན་ཝ་སེ་ན ཨུ་པྤ་ཛྫ་ན་ཀ་སུ་ཁཾ. ས་མྤ་རི་ཝ་ཏྟ་ཀནྟི ས་མྤ་རི་ཝ་ཏྟི་ཏྭཱ. པ་ཎི་དྷཱ་ཡཱཏི ཏ་ཎྷཱ་ཝ་སེ་ནེ་ཝ པ་ཎི་ད་ཧི་ཏྭཱ. ཨི་ཏི པ་ཉྩ་ཝི་དྷོ་པི ལོ་བྷ་ཝི་སེ་སོ ཨེ་ཝ ‘‘ཙེ་ཏོ་ཝི་ནི་བ་ནྡྷོ’’ཏི ཝུ་ཏྟོ་ཏི ཝེ་དི་ཏ་བྦོ. ས་ཏྟ་མ་ཊྛ་མེ་སུ ན་ཏྠི ཝ་ཏྟ་བྦཾ.

ཝི་ནི་བ་ནྡྷ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༩-༡༠. གཱི་ཏ་སྶ་ར་སུ་ཏྟཱ་དི་ཝ་ཎྞ་ནཱ

༢༠༩-༢༡༠. ན་ཝ་མེ ཨཱ་ཡ་ཏ་ཀོ ནཱ་མ གཱི་ཏ་སྶ་རོ ཏཾ ཏཾ ཝ་ཏྟཾ བྷི་ནྡི་ཏྭཱ ཨ་ཀྑ་རཱ་ནི ཝི་ནཱ་སེ་ཏྭཱ པ་ཝ་ཏྟོ་ཏི ཨཱ་ཧ ‘‘ཨཱ་ཡ་ཏ་ཀེ་ནཱ’’ཏི་ཨཱ་དི. དྷ་མྨེ་ཧི སུ་ཏྟ་ཝ་ཏྟཾ ནཱ་མ ཨ་ཏྠི, གཱ་ཐཱ་ཝ་ཏྟཾ ནཱ་མ ཨ་ཏྠི, ཏཾ ཝི་ནཱ་སེ་ཏྭཱ ཨ་ཏི་དཱི་གྷཾ ཀཱ་ཏུཾ ན ཝ་ཊྚ་ཏི. དྷ་མྨ་ཉྷི བྷཱ་ས་ནྟེ་ན ཙ་ཏུ་ར་སྶེ་ན ཝ་ཏྟེ་ན པ་རི་མ་ཎྜ་ལཱ་ནི པ་ད་བྱ་ཉྫ་ནཱ་ནི ད་སྶེ་ཏ་བྦཱ་ནི. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ས་ར་བྷ་ཉྙ’’ནྟི (ཙཱུ་ལ༹་ཝ. ༢༤༩) ཙ ཝ་ཙ་ན་ཏོ ས་རེ་ན དྷ་མྨཾ བྷ་ཎི་ཏུཾ ཝ་ཊྚ་ཏི. ས་ར་བྷ་ཉྙེ ཀི་ར ཏ་ར་ངྒ་ཝ་ཏྟ་དྷོ་ཏ་ཀ་ཝ་ཏྟ་བྷཱ་ག་གྒ་ཧ་ཀ་ཝ་ཏྟཱ་དཱི་ནི དྭ་ཏྟིཾ་ས ཝ་ཏྟཱ་ནི ཨ་ཏྠི. ཏེ་སུ ཡཾ ཨི་ཙྪ་ཏི, ཏཾ ཀཱ་ཏུཾ ལ་བྷ་ཏཱི་ཏི. ད་ས་མེ ན་ཏྠི ཝ་ཏྟ་བྦཾ.

གཱི་ཏ་སྶ་ར་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཀི་མི་ལ་ཝ་གྒ་ཝ་ཎྞ་ནཱ ནི་ཊྛི་ཏཱ.