(༢༢) ༢. ཨ་ཀྐོ་ས་ཀ་ཝ་གྒོ
༡-༢. ཨ་ཀྐོ་ས་ཀ་སུ་ཏྟཱ་དི་ཝ་ཎྞ་ནཱ
༢༡༡-༢. དུ་ཏི་ཡ་སྶ པ་ཋ་མེ ད་ས་ཧི ཨ་ཀྐོ་ས་ཝ་ཏྠཱུ་ཧི ཨ་ཀྐོ་ས་ཀོཏི ‘‘བཱ་ལོ་སི, མཱུ་ལ༹ྷོ་སི, ཨོ་ཊྛོ་སི, གོ་ཎོ་སི, ག་དྲ་བྷོ་སཱི’’ཏི་ཨཱ་དི་ནཱ ད་ས་ཧི ཨ་ཀྐོ་ས་ཝ་ཏྠཱུ་ཧི ཨ་ཀྐོ་ས་ཀོ. ‘‘ཧོ་ཏུ, མུ་ཎྜ་ཀ་ས་མ་ཎ, ཨ་ད་ཎྜོ ཨ་ཧ་ནྟི ཀ་རོ་སི, ཨི་དཱ་ནི ཏེ རཱ་ཛ་ཀུ་ལཾ ག་ནྟྭཱ ད་ཎྜཾ ཨཱ་རོ་པེ་སྶཱ་མཱི’’ཏི་ཨཱ་དཱི་ནི ཝ་ད་ནྟོ པ་རི་བྷཱ་ས་ཀོ ནཱ་མཱ་ཏི ཨཱ་ཧ ‘‘བྷ་ཡ་ད་སྶ་ནེ་ན པ་རི་བྷཱ་ས་ཀོ’’ཏི. ལོ་ཀུ་ཏྟ་ར་དྷ་མྨཱ ཨ་པཱ་ཡ་མ་གྒ་སྶ པ་རི་པ་ནྠ་བྷཱ་ཝ་ཏོ པ་རི་པ་ནྠོ ནཱ་མཱ་ཏི ཨཱ་ཧ ‘‘ལོ་ཀུ་ཏྟ་ར་པ་རི་པ་ནྠ་སྶ ཚི་ནྣ་ཏྟཱ’’ཏི, ལོ་ཀུ་ཏྟ་ར་ས་ངྑཱ་ཏ་སྶ ཨ་པཱ་ཡ་མ་གྒ་པ་རི་པ་ནྠ་སྶ ཚི་ནྣ་ཏྟཱ་ཏི ཨ་ཏྠོ. དུ་ཏི་ཡེ ན་ཏྠི ཝ་ཏྟ་བྦཾ.
ཨ་ཀྐོ་ས་ཀ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༣-༡༠. སཱི་ལ་སུ་ཏྟཱ་དི་ཝ་ཎྞ་ནཱ
༢༡༣-༢༢༠. ཏ་ཏི་ཡེ (དཱི. ནི. ཊཱི. ༢.༡༤༩) དུ་སྶཱི་ལོཏི ཨེ་ཏྠ དུ-ས་དྡོ ཨ་བྷཱ་ཝ་ཏྠོ ‘‘དུ་པྤ་ཉྙོ’’ཏི་ཨཱ་དཱི་སུ (མ. ནི. ༡.༤༤༩) ཝི་ཡ, ན ག་ར་ཧ་ཎ་ཏྠོ་ཏི ཨཱ་ཧ ‘‘ཨ་སཱི་ལོ ནི་སྶཱི་ལོ’’ཏི. བྷི་ནྣ་སཾ་ཝ་རོཏི ཨེ་ཏྠ ས་མཱ་དི་ནྣ་སཱི་ལོ ཀེ་ན་ཙི ཀཱ་ར་ཎེ་ན སཱི་ལ་བྷེ་དཾ པ་ཏྟོ, སོ ཏཱ་ཝ བྷི་ནྣ་སཾ་ཝ་རོ ཧོ་ཏུ. ཡོ པ་ན ས་བྦེ་ན ས་བྦཾ ཨ་ས་མཱ་དི་ནྣ་སཱི་ལོ ཨཱ་ཙཱ་ར་ཧཱི་ནོ, སོ ཀ་ཐཾ བྷི་ནྣ་སཾ་ཝ་རོ ནཱ་མ ཧོ་ཏཱི་ཏི? སོ་པི སཱ་དྷུ་ས་མཱ་ཙཱ་ར་སྶ པ་རི་ཧ་ར་ཎཱི་ཡ་སྶ བྷེ་དི་ཏ་ཏྟཱ བྷི་ནྣ་སཾ་ཝ་རོ ཨེ་ཝ ནཱ་མ. ཝི་ན་ཊྛ་སཾ་ཝ་རོ སཾ་ཝ་ར་ར་ཧི་ཏོ་ཏི ཧི ཝུ་ཏྟཾ ཧོ་ཏི. ཏཾ ཏཾ སི་པྤ་ཊྛཱ་ནཾ. མཱ་གྷཱ་ཏ་ཀཱ་ལེཏི ‘‘མཱ གྷཱ་ཏེ་ཐ པཱ་ཎཱི་ན’’ནྟི ཨེ་ཝཾ མཱ་གྷཱ་ཏ་གྷོ་ས་ནཾ གྷོ་སི་ཏ་དི་ཝ་སེ. ཨ་བྦྷུ་གྒ་ཙྪ་ཏི པཱ་པ་ཀོ ཀི་ཏྟི་ས་དྡོ. ཨ་ཛ྄ཛྷཱ་ས་ཡེ་ན མ་ངྐུ ཧོ་ཏི་ཡེ་ཝ ཝི་པྤ་ཊི་སཱ་རི་བྷཱ་ཝ་ཏོ.
ཏ་སྶཱཏི དུ་སྶཱི་ལ་སྶ. ས་མཱ་དཱ་ཡ ཝ་ཏྟི་ཏ་ཊྛཱ་ནནྟི ཨུ་ཊྛཱ་ཡ ས་མུ་ཊྛཱ་ཡ ཀ་ཏ་ཀཱ་ར་ཎཾ. ཨཱ་པཱ་ཐཾ ཨཱ་ག་ཙྪ་ཏཱིཏི ཏཾ མ་ན་སོ ཨུ་པ་ཊྛཱ་ཏི. ཨུ་མྨཱི་ལེ་ཏྭཱ ཨི་དྷ་ལོ་ཀནྟི ཨུ་མྨཱི་ལ་ན་ཀཱ་ལེ ཨ་ཏྟ་ནོ པུ་ཏྟ་དཱ་རཱ་དི་ཝ་སེ་ན ཨི་དྷ་ལོ་ཀཾ པ་སྶ་ཏི. ནི་མཱི་ལེ་ཏྭཱ པ་ར་ལོ་ཀནྟི ནི་མཱི་ལ་ན་ཀཱ་ལེ ག་ཏི་ནི་མི་ཏྟུ་པ་ཊྛཱ་ན་ཝ་སེ་ན པ་ར་ལོ་ཀཾ པ་སྶ་ཏི. ཏེ་ནཱ་ཧ ‘‘ཙ་ཏྟཱ་རོ ཨ་པཱ་ཡཱ’’ཏི་ཨཱ་དི. པ་ཉྩ་མ་པ་དནྟི ‘‘ཀཱ་ཡ་སྶ བྷེ་དཱ’’ཏི་ཨཱ་དི་ནཱ ཝུ་ཏྟོ པ་ཉྩ་མོ ཨཱ་དཱི་ན་ཝ་ཀོ་ཊྛཱ་སོ. ཝུ་ཏྟ་ཝི་པ་རི་ཡཱ་ཡེ་ནཱ་ཏི ཝུ་ཏྟ་ཏྠཱ་ཡ ཨཱ་དཱི་ན་ཝ་ཀ་ཐཱ་ཡ ཝི་པ་རི་ཡཱ་ཡེ་ན ‘‘ཨ་པྤ་མ་ཏྟོ ཏཾ ཏཾ ཀ་སི་ཝ་ཎི་ཛྫཱ་དིཾ ཡ་ཐཱ་ཀཱ་ལཾ ས་མྤཱ་དེ་ཏུཾ ས་ཀྐོ་ཏཱི’’ཏི་ཨཱ་དི་ནཱ. པཱ་སཾ་སཾ སཱི་ལ་མ་སྶ ཨ་ཏྠཱི་ཏི སཱི་ལ་ཝཱ. སཱི་ལ་ས་མྤ་ནྣོཏི སཱི་ལེ་ན ས་མ་ནྣཱ་ག་ཏོ ས་མྤ་ནྣ་སཱི་ལོ་ཏི ཨེ་ཝ་མཱ་དི་ཀཾ པ་ན ཨ་ཏྠ་ཝ་ཙ་ནཾ སུ་ཀ་ར་ནྟི ཨ་ནཱ་མ་ཊྛཾ. ཙ་ཏུ་ཏྠཱ་དཱི་ནི ཨུ་ཏྟཱ་ན་ཏྠཱ་ནེ་ཝ.
སཱི་ལ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
ཨ་ཀྐོ་ས་ཀ་ཝ་གྒ་ཝ་ཎྞ་ནཱ ནི་ཊྛི་ཏཱ.