(༡༩) ༤. ཨ་ར་ཉྙ་ཝ་གྒོ

༡. ཨཱ་ར་ཉྙི་ཀ་སུ་ཏྟ་ཝ་ཎྞ་ནཱ

༡༨༡. ཙ་ཏུ་ཏྠ་སྶ པ་ཋ་མེ ཨ་པྤཱི་ཙྪ་ཏཾ་ཡེ་ཝ ནི་སྶཱ་ཡཱཏི་ཨཱ་དཱི་སུ ‘‘ཨི་ཏི ཨ་པྤི་ཙྪོ བྷ་ཝི་སྶཱ་མཱི’’ཏི ཨི་དཾ མེ ཨཱ་ར་ཉྙི་ཀ་ངྒཾ ཨ་པྤི་ཙྪ་ཏཱ་ཡ སཾ་ཝ་ཏྟི་སྶ་ཏི, ‘‘ཨི་ཏི ས་ནྟུ་ཊྛོ བྷ་ཝི་སྶཱ་མཱི’’ཏི ཨི་དཾ མེ ཨཱ་ར་ཉྙི་ཀ་ངྒཾ ས་ནྟུ་ཊྛི་ཡཱ སཾ་ཝ་ཏྟི་སྶ་ཏི, ‘‘ཨི་ཏི ཀི་ལེ་སེ ས་ལླི་ཁི་སྶཱ་མཱི’’ཏི ཨི་དཾ མེ ཨཱ་ར་ཉྙི་ཀ་ངྒཾ ཀི་ལེ་ས་ས་ལླི་ཁ་ན་ཏྠཱ་ཡ སཾ་ཝ་ཏྟི་སྶ་ཏཱི་ཏི ཨཱ་ར་ཉྙི་ཀོ ཧོ་ཏི. ཨ་གྒོཏི ཛེ་ཊྛ་ཀོ. སེ་སཱ་ནི ཏ་སྶེ་ཝ ཝེ་ཝ་ཙ་ནཱ་ནི.

ག་ཝཱ ཁཱི་རནྟི གཱ་ཝི་ཏོ ཁཱི་རཾ ནཱ་མ ཧོ་ཏི, ན གཱ་ཝི་ཡཱ ད་དྷི. ཁཱི་ར་མྷཱ ད་དྷཱིཏི་ཨཱ་དཱི་སུ་པི ཨེ་སེ་ཝ ན་ཡོ. ཨེ་ཝ་མེ་ཝནྟི ཡ་ཐཱ ཨེ་ཏེ་སུ པ་ཉྩ་སུ གོ་ར་སེ་སུ ས་པྤི་མ་ཎྜོ ཨ་གྒོ, ཨེ་ཝ་མེ་ཝཾ ཨི་མེ་སུ པ་ཉྩ་སུ ཨཱ་ར་ཉྙི་ཀེ་སུ ཡོ ཨ་ཡཾ ཨ་པྤི་ཙྪ་ཏཱ་དཱི་ནི ནི་སྶཱ་ཡ ཨཱ་ར་ཉྙི་ཀོ ཧོ་ཏི, ཨ་ཡཾ ཨ་གྒོ ཙེ་ཝ སེ་ཊྛོ ཙ མོ་ཀྑོ ཙ པ་ཝ་རོ ཙ. ཨི་མེ་སུ ཨཱ་ར་ཉྙི་ཀེ་སུ ཛཱ་ཏི་ཨཱ་ར་ཉྙི་ཀཱ ཝེ་དི་ཏ་བྦཱ, ན ཨཱ་ར་ཉྙི་ཀ་ནཱ་མ་མ་ཏྟེ་ན ཨཱ་ར་ཉྙི་ཀཱ་ཏི ཝེ་དི་ཏ་བྦཱ. པཾ་སུ་ཀཱུ་ལི་ཀཱདཱི་སུ་པི ཨེ་སེ་ཝ ན་ཡོ.

ཨཱ་ར་ཉྙི་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.

ཨ་ར་ཉྙ་ཝ་གྒ་ཝ་ཎྞ་ནཱ ནི་ཊྛི་ཏཱ.