༧. ཀཱ་མ་སུ་ཏྟ་ཝ་ཎྞ་ནཱ

༧. ས་ཏྟ་མེ ཨ་ས་ནྟི ལཱུ་ན་ནྟི ཏེ་ནཱ་ཏི ཨ་སི་ཏཾ, དཱ་ཏྟཾ. ཝི་ཝི་དྷཱ ཨཱ་བྷ་ཉྫ་ནྟི བྷཱ་རཾ ཨོ་ལ་མྦེ་ནྟི ཏེ་ནཱ་ཏི བྱཱ་བྷ་ངྒཱི, ཝི་དྷཾ. ཀུ་ལ་པུ་ཏྟོཏི ཨེ་ཏྠ དུ་ཝི་དྷོ ཀུ་ལ་པུ་ཏྟོ ཛཱ་ཏི་ཀུ་ལ་པུ་ཏྟོ, ཨཱ་ཙཱ་ར་ཀུ་ལ་པུ་ཏྟོ ཙ. ཏ་ཏྠ ‘‘ཏེ་ན ཁོ པ་ན ས་མ་ཡེ་ན ར་ཊྛ་པཱ་ལོ ནཱ་མ ཀུ་ལ་པུ་ཏྟོ ཏ་སྨིཾ་ཡེ་ཝ ཐུ་ལླ་ཀོ་ཊྛི་ཀེ ཨ་གྒ་ཀུ་ལི་ཀ་སྶ པུ་ཏྟོ’’ཏི (མ. ནི. ༢.༢༩༤) ཨེ་ཝཾ ཨཱ་ག་ཏོ ཨུ་ཙྩ་ཀུ་ལ་པྤ་སུ་ཏོ ཛཱ་ཏི་ཀུ་ལ་པུ་ཏྟོ ནཱ་མ. ‘‘ཡེ ཏེ ཀུ་ལ་པུ་ཏྟཱ ས་དྡྷཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏཱ’’ཏི (མ. ནི. ༡.༣༤) ཨེ་ཝཾ ཨཱ་ག་ཏཱ པ་ན ཡ་ཏྠ ཀ་ཏྠ་ཙི ཀུ་ལེ པ་སུ་ཏཱ་པི ཨཱ་ཙཱ་ར་ས་མྤ་ནྣཱ ཨཱ་ཙཱ་ར་ཀུ་ལ་པུ་ཏྟོ ནཱ་མ. ཨི་དྷ པ་ན ཨཱ་ཙཱ་ར་ཀུ་ལ་པུ་ཏྟོ ཨ་དྷི་པྤེ་ཏོ. ཏེ་ནཱ་ཧ ‘‘ཀུ་ལ་པུ་ཏྟོ་ཏི ཨཱ་ཙཱ་ར་ཀུ་ལ་པུ་ཏྟོ’’ཏི. ཡུ་ཏྟནྟི ཨ་ནུ་ཙྪ་ཝི་ཀཾ, ཨེ་ཝཾ ཝ་ཏྟ་བྦ་ཏཾ ཨ་ར་ཧ་ཏཱི་ཏི ཨ་ཏྠོ. སེ་ས་མེ་ཏྠ ཨུ་ཏྟཱ་ན་མེ་ཝ.

ཀཱ་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.