༩. གི་ཧི་སུ་ཏྟ་ཝ་ཎྞ་ནཱ

༡༧༩. ན་ཝ་མེ ཨཱ་བྷི་ཙེ་ཏ་སི་ཀཱ་ནནྟི ཨ་བྷི་ཙེ་ཏོཏི ཨ་བྷི་ཀྐ་ནྟཾ ཝི་སུ་དྡྷ་ཙི་ཏྟཾ ཝུ་ཙྩ་ཏི ཨ་དྷི་ཙི་ཏྟཾ ཝཱ, ཨ་བྷི་ཙེ་ཏ་སི ཛཱ་ཏཱ་ནི ཨཱ་བྷི་ཙེ་ཏ་སི་ཀཱ་ནི, ཨ་བྷི་ཙེ་ཏོ ས་ནྣི་སྶི་ཏཱ་ནཱི་ཏི ཝཱ ཨཱ་བྷི་ཙེ་ཏ་སི་ཀཱ་ནི. ཏེ་ནེ་ཝཱ་ཧ ‘‘ཨུ་ཏྟ་མ་ཙི་ཏྟ་ནི་སྶི་ཏཱ་ན’’ནྟི. དི་ཊྛ་དྷ་མྨ་སུ་ཁ་ཝི་ཧཱ་རཱ་ནནྟི དི་ཊྛ་དྷ་མྨེ སུ་ཁ་ཝི་ཧཱ་རཱ་ནཾ. དི་ཊྛ་དྷ་མྨོཏི པ་ཙྩ་ཀྑོ ཨ་ཏྟ་བྷཱ་ཝོ ཝུ་ཙྩ་ཏི, ཏ་ཏྠ སུ་ཁ་ཝི་ཧཱ་རཱ་ན་ནྟི ཨ་ཏྠོ. རཱུ་པཱ་ཝ་ཙ་ར་ཛ྄ཛྷཱ་ནཱ་ན་མེ་ཏཾ ཨ་དྷི་ཝ་ཙ་ནཾ. ཏཱ་ནི ཧི ཨ་པྤེ་ཏྭཱ ནི་སི་ནྣཱ ཛྷཱ་ཡི་ནོ ཨི་མ་སྨིཾ་ཡེ་ཝ ཨ་ཏྟ་བྷཱ་ཝེ ཨ་སཾ་ཀི་ལི་ཊྛཾ ནེ་ཀྑ་མྨ་སུ་ཁཾ ཝི་ནྡ་ནྟི, ཏ་སྨཱ ‘‘དི་ཊྛ་དྷ་མྨ་སུ་ཁ་ཝི་ཧཱ་རཱ་ནཱི’’ཏི ཝུ་ཙྩ་ནྟི.

ཙ་ཏུ་བྦི་དྷ་མེ་ར་ཡནྟི པུ་པྥཱ་ས་ཝོ, ཕ་ལཱ་ས་ཝོ, གུ་ལཱ༹་ས་ཝོ, མ་དྷྭཱ་ས་ཝོ་ཏི ཨེ་ཝཾ ཙ་ཏུ་པྤ་བྷེ་དཾ མེ་ར་ཡཾ. པ་ཉྩ་ཝི་དྷ་ཉྩ སུ་རནྟི པཱུ་ཝ་སུ་རཱ, པི་ཊྛ་སུ་རཱ, ཨོ་ད་ན་སུ་རཱ, ཀི་ཎྞ་པ་ཀྑི་ཏྟཱ, ས་མྦྷཱ་ར་སཾ་ཡུ་ཏྟཱ་ཏི ཨེ་ཝཾ པ་ཉྩ་པྤ་བྷེ་དཾ སུ་རཾ. པུ་ཉྙཾ ཨ་ཏྠོ ཨེ་ཏ་སྶཱ་ཏི པུ་ཉྙ་ཏྠོ. ཡ་སྨཱ པ་ནེ་ས པུ་ཉྙེ་ན ཨ་ཏྠི་ཀོ ནཱ་མ ཧོ་ཏི, ཏ་སྨཱ ཝུ་ཏྟཾ ‘‘པུ་ཉྙེ་ན ཨ་ཏྠི་ཀ་སྶཱ’’ཏི. སེ་ས་མེ་ཏྠ ཨུ་ཏྟཱ་ན་མེ་ཝ.

གི་ཧི་སུ་ཏྟ་ཝ་ཎྞ་ནཱ ནི་ཊྛི་ཏཱ.