༧-༩. ཙོ་ད་ནཱ་སུ་ཏྟཱ་དི་ཝ་ཎྞ་ནཱ

༡༦༧-༩. ས་ཏྟ་མེ ཝ་ཏྠུ་ས་ནྡ་སྶ་ནཱཏི ཡ་སྨིཾ ཝ་ཏྠུ་སྨིཾ ཨཱ་པ་ཏྟི, ཏ་སྶ ས་རཱུ་པ་ཏོ ད་སྶ་ནཾ. ཨཱ་པ་ཏྟི་ས་ནྡ་སྶ་ནཱཏི ཡཾ ཨཱ་པ་ཏྟིཾ སོ ཨཱ་པ་ནྣོ, ཏ་སྶཱ ད་སྶ་ནཾ. སཾ་ཝཱ་ས་པྤ་ཊི་ཀྑེ་པོཏི ཨུ་པོ་ས་ཐ་པྤ་ཝཱ་ར་ཎཱ་དི་སཾ་ཝཱ་ས་སྶ པ་ཊི་ཀྑི་པ་ནཾ ཨ་ཀ་ར་ཎཾ. སཱ་མཱི་ཙི་པྤ་ཊི་ཀྑེ་པོཏི ཨ་བྷི་ཝཱ་ད་ནཱ་དི་སཱ་མཱི་ཙི་ཀི་རི་ཡཱ་ཡ ཨ་ཀ་ར་ཎཾ. ཙོ་ད་ཡ་མཱ་ནེ་ནཱཏི ཙོ་དེ་ནྟེ་ན. ཙུ་དི་ཏ་ཀ་སྶ ཀཱ་ལོཏི ཙུ་དི་ཏ་ཀ་སྶ ཙོ་དེ་ཏ་བྦ་ཀཱ་ལོ. པུ་གྒ་ལནྟི ཙོ་དེ་ཏ་བྦ་པུ་གྒ་ལཾ. ཨུ་པ་པ་རི་ཀྑི་ཏྭཱཏི ‘‘ཨ་ཡཾ ཙུ་དི་ཏ་ཀ་ལ་ཀྑ་ཎེ ཏི་ཊྛ་ཏི, ན ཏི་ཊྛ་ཏཱི’’ཏི ཝཱི་མཾ་སི་ཏྭཱ. ཨ་ཡ་སཾ ཨཱ་རོ་པེ་ཏཱིཏི ‘‘ཨི་མེ མཾ ཨ་བྷཱུ་ཏེ་ན ཨ་བྦྷཱ་ཙི་ཀྑ་ནྟཱ ཨ་ཡ་སཾ བྱ་ས་ནཾ ཨུ་པྤཱ་དེ་ནྟཱི’’ཏི བྷི་ཀྑཱུ་ནཾ ཨ་ཡ་སཾ ཨུ་པྤཱ་དེ་ཏི. ཨ་ཊྛ་མ་ན་ཝ་མཱ་ནི ཨུ་ཏྟཱ་ན་ཏྠཱ་ནེ་ཝ.

ཙོ་ད་ནཱ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.