(༡༧) ༢. ཨཱ་གྷཱ་ཏ་ཝ་གྒོ

༡-༥. པ་ཋ་མ་ཨཱ་གྷཱ་ཏ་པ་ཊི་ཝི་ན་ཡ་སུ་ཏྟཱ་དི་ཝ་ཎྞ་ནཱ

༡༦༡-༡༦༥. དུ་ཏི་ཡ་སྶ པ་ཋ་མེ ན་ཏྠི ཝ་ཏྟ་བྦཾ. དུ་ཏི་ཡེ ཨཱ་གྷཱ་ཏོ པ་ཊི་ཝི་ན་ཡ་ཏི ཨེ་ཏྠ, ཨེ་ཏེ་ཧཱི་ཏི ཝཱ ཨཱ་གྷཱ་ཏ་པ་ཊི་ཝི་ན་ཡཱ. ཏེ་ནཱ་ཧ ‘‘ཨཱ་གྷཱ་ཏོ ཨེ་ཏེ་ཧི པ་ཊི་ཝི་ནེ་ཏ་བྦོ’’ཏི་ཨཱ་དི.

ན་ནྟ་ཀནྟི ཨ་ན་ནྟ་ཀཾ, ཨ་ནྟ་ཝི་ར་ཧི་ཏཾ ཝ་ཏྠ་ཁ་ཎྜཾ. ཡ་དི ཧི ཏ་སྶ ཨ་ནྟོ བྷ་ཝེ་ཡྻ, ‘‘པི་ལོ་ཏི་ཀཱ’’ཏི ས་ངྑཾ ན ག་ཙྪེ་ཡྻ.

སེ་ཝཱ་ལེ་ནཱཏི བཱི་ཛ་ཀ་ཎྞི་ཀ་ཀེ་ས་རཱ་དི་བྷེ་དེ་ན སེ་ཝཱ་ལེ་ན. ཨུ་ད་ཀ་པ་པྤ་ཊ་ཀེ་ནཱཏི ནཱི་ལ་མ་ཎྜཱུ་ཀ་པི་ཊྛི་ཝ་ཎྞེ་ན ཨུ་ད་ཀ་པི་ཊྛིཾ ཚཱ་དེ་ཏྭཱ ནི་བྦ་ཏྟེ་ན ཨུ་ད་ཀ་པི་ཊྛི་ཀེ་ན. གྷ་མྨེ་ན ཨ་ནུ་ག་ཏོཏི གྷ་མྨེ་ན ཕུ་ཊྛོ ཨ་བྷི་བྷཱུ་ཏོ. ཙི་ཏྟུ་པྤཱ་དནྟི པ་ཊི་གྷ་ས་མྤ་ཡུ་ཏྟ་ཙི་ཏྟུ་པྤཱ་དཾ.

ཝི་ས་བྷཱ་ག་ཝེ་ད་ནུ་པྤ་ཏྟི་ཡཱ ཀ་ཀ་ཙེ་ནེ་ཝ ཨི་རི་ཡཱ་པ་ཐ་པ་ཝ་ཏྟི་ནི་ཝཱ་ར་ཎེ་ན ཚི་ནྡ་ནྟོ ཨཱ་བཱ་དྷ་ཏི པཱི་ལེ༹་ཏཱི་ཏི ཨཱ་བཱ་དྷོ, སོ ཨ་སྶ ཨ་ཏྠཱི་ཏི ཨཱ་བཱ་དྷི་ཀོ. ཏཾ་ས་མུ་ཊྛཱ་ནེ་ན དུ་ཀྑི་ཏོ ས་ཉྫཱ་ཏ་དུ་ཀྑོ. བཱ་ལ༹ྷ་གི་ལཱ་ནོཏི ཨ་དྷི་མ་ཏྟ་གི་ལཱ་ནོ. གཱ་མ་ནྟ་ནཱ་ཡ་ཀ་སྶཱཏི གཱ་མ་ནྟ་ས་མྤཱ་པ་ཀ་སྶ.

པ་ས་ནྣ་བྷཱ་ཝེ་ན ཨུ་ད་ཀ་སྶ ཨ་ཙྪ་བྷཱ་ཝོ ཝེ་དི་ཏ་བྦོ་ཏི ཨཱ་ཧ ‘‘ཨ་ཙྪོ་ད་ཀཱ་ཏི པ་ས་ནྣོ་ད་ཀཱ’’ཏི. སཱ་དུ་ར་ས་ཏཱ་ཡ སཱ་ཏ་ཏཱ་ཏི ཨཱ་ཧ ‘‘མ་དྷུ་རོ་ད་ཀཱ’’ཏི. ཏ་ནུ་ཀ་མེ་ཝ ས་ལི་ལཾ ཝི་སེ་ས་ཏོ སཱི་ཏ་ལཾ, ན བ་ཧ་ལཱ་ཏི ཨཱ་ཧ ‘‘ཏ་ནུ་སཱི་ཏ་ས་ལི་ལཱ’’ཏི. སེ་ཏ་ཀཱཏི ནི་ཀྐ་དྡ་མཱ. ས་ཙི་ཀྑ་ལླཱ་དི་ཝ་སེ་ན ཧི ཨུ་ད་ཀ་སྶ ཝི་ཝ་ཎྞ་ཏཱ. ས་བྷཱ་ཝ་ཏོ པ་ན ཏཾ སེ་ཏ་ཝ་ཎྞ་མེ་ཝ. ཏ་ཏི་ཡཱ་དཱི་ནི ཨུ་ཏྟཱ་ན་ཏྠཱ་ནེ་ཝ.

པ་ཋ་མ་ཨཱ་གྷཱ་ཏ་པ་ཊི་ཝི་ན་ཡ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༦. ནི་རོ་དྷ་སུ་ཏྟ་ཝ་ཎྞ་ནཱ

༡༦༦. ཚ་ཊྛེ ཨ་མ་རི་ས་ན་ཏྠེཏི ཨ་ས་ཧ་ན་ཏྠེ. ཨ་ནཱ་ག་ཏ་ཝ་ཙ་ནཾ ཀ་ཏནྟི ཨ་ནཱ་ག་ཏ་ས་དྡ་པྤ་ཡོ་གོ ཀ་ཏོ, ཨ་ཏྠོ པ་ན ཝ་ཏྟ་མཱ་ན་ཀཱ་ལི་ཀོ་ཝ. ཨ་ཀྑ་ར་ཙི་ནྟ་ཀཱ (པཱ་ཎི་ནི. ༣.༣.༡༤༥-༡༤༦) ཧི ཨཱི་དི་སེ་སུ ཋཱ་ནེ་སུ ཨ་ནོ་ཀ་པྤ་ནཱ་མ་རི་ས་ན་ཏྠ་ཝ་སེ་ན ཨ་ཏྠི་ས་དྡེ ཨུ་པ་པ་དེ ཝ་ཏྟ་མཱ་ན་ཀཱ་ལེ་པི ཨ་ནཱ་ག་ཏ་ཝ་ཙ་ནཾ ཀ་རོ་ནྟི.

ནི་རོ་དྷ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༧-༩. ཙོ་ད་ནཱ་སུ་ཏྟཱ་དི་ཝ་ཎྞ་ནཱ

༡༦༧-༩. ས་ཏྟ་མེ ཝ་ཏྠུ་ས་ནྡ་སྶ་ནཱཏི ཡ་སྨིཾ ཝ་ཏྠུ་སྨིཾ ཨཱ་པ་ཏྟི, ཏ་སྶ ས་རཱུ་པ་ཏོ ད་སྶ་ནཾ. ཨཱ་པ་ཏྟི་ས་ནྡ་སྶ་ནཱཏི ཡཾ ཨཱ་པ་ཏྟིཾ སོ ཨཱ་པ་ནྣོ, ཏ་སྶཱ ད་སྶ་ནཾ. སཾ་ཝཱ་ས་པྤ་ཊི་ཀྑེ་པོཏི ཨུ་པོ་ས་ཐ་པྤ་ཝཱ་ར་ཎཱ་དི་སཾ་ཝཱ་ས་སྶ པ་ཊི་ཀྑི་པ་ནཾ ཨ་ཀ་ར་ཎཾ. སཱ་མཱི་ཙི་པྤ་ཊི་ཀྑེ་པོཏི ཨ་བྷི་ཝཱ་ད་ནཱ་དི་སཱ་མཱི་ཙི་ཀི་རི་ཡཱ་ཡ ཨ་ཀ་ར་ཎཾ. ཙོ་ད་ཡ་མཱ་ནེ་ནཱཏི ཙོ་དེ་ནྟེ་ན. ཙུ་དི་ཏ་ཀ་སྶ ཀཱ་ལོཏི ཙུ་དི་ཏ་ཀ་སྶ ཙོ་དེ་ཏ་བྦ་ཀཱ་ལོ. པུ་གྒ་ལནྟི ཙོ་དེ་ཏ་བྦ་པུ་གྒ་ལཾ. ཨུ་པ་པ་རི་ཀྑི་ཏྭཱཏི ‘‘ཨ་ཡཾ ཙུ་དི་ཏ་ཀ་ལ་ཀྑ་ཎེ ཏི་ཊྛ་ཏི, ན ཏི་ཊྛ་ཏཱི’’ཏི ཝཱི་མཾ་སི་ཏྭཱ. ཨ་ཡ་སཾ ཨཱ་རོ་པེ་ཏཱིཏི ‘‘ཨི་མེ མཾ ཨ་བྷཱུ་ཏེ་ན ཨ་བྦྷཱ་ཙི་ཀྑ་ནྟཱ ཨ་ཡ་སཾ བྱ་ས་ནཾ ཨུ་པྤཱ་དེ་ནྟཱི’’ཏི བྷི་ཀྑཱུ་ནཾ ཨ་ཡ་སཾ ཨུ་པྤཱ་དེ་ཏི. ཨ་ཊྛ་མ་ན་ཝ་མཱ་ནི ཨུ་ཏྟཱ་ན་ཏྠཱ་ནེ་ཝ.

ཙོ་ད་ནཱ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༡༠. བྷ་དྡ་ཛི་སུ་ཏྟ་ཝ་ཎྞ་ནཱ

༡༧༠. ད་ས་མེ ཨ་བྷི་བྷ་ཝི་ཏྭཱ ཋི་ཏོ ཨི་མེ ས་ཏྟེ་ཏི ཨ་དྷི་པྤཱ་ཡོ. ཡ་སྨཱ པ་ན སོ ‘‘པཱ་སཾ་ས་བྷཱ་ཝེ་ན ཨུ་ཏྟ་མ་བྷཱ་ཝེ་ན ཙ ཏེ ས་ཏྟེ ཨ་བྷི་བྷ་ཝི་ཏྭཱ ཋི་ཏོ’’ཏི ཨ་ཏྟཱ་ནཾ མ་ཉྙ་ཏི, ཏ་སྨཱ ཝུ་ཏྟཾ ‘‘ཛེ་ཊྛ་ཀོ’’ཏི. ཨ་ཉྙ་ད་ཏྠུ ད་སོཏི ད་སྶ་ནེ ཨ་ནྟ་རཱ་ཡཱ་བྷཱ་ཝ་ཝ་ཙ་ནེ་ན ཉེ་ཡྻ་ཝི་སེ་ས་པ་རི་གྒཱ་ཧི་ཀ་བྷཱ་ཝེ་ན ཙ ཨ་ནཱ་ཝ་ར་ཎ་ད་སྶཱ་ཝི་ཏཾ པ་ཊི་ཛཱ་ནཱ་ཏཱི་ཏི ཨཱ་ཧ ‘‘ས་བྦཾ པ་སྶ་ཏཱི་ཏི ཨ་དྷི་པྤཱ་ཡོ’’ཏི.

བྷ་དྡ་ཛི་སུ་ཏྟ་ཝ་ཎྞ་ནཱ ནི་ཊྛི་ཏཱ.

ཨཱ་གྷཱ་ཏ་ཝ་གྒ་ཝ་ཎྞ་ནཱ ནི་ཊྛི་ཏཱ.