(༨) ༣. ཨ་པ་ཎྞ་ཀ་ཝ་གྒོ

༡-༢. པ་དྷཱ་ན་སུ་ཏྟཱ་དི་ཝ་ཎྞ་ནཱ

༧༡-༧༢. ཏ་ཏི་ཡ་ཝ་གྒ་སྶ པ་ཋ་མེ ཡ་ཝ་ཏི ཏེ་ན ཕ་ལཾ མི་སྶི་ཏཾ ཝི་ཡ ཧོ་ཏཱི་ཏི ཡོ་ནི, ཨེ་ཀ་ནྟི་ཀཾ ཀཱ་ར་ཎཾ. ཨ་སྶཱཏི ཡ་ཐཱ་ཝུ་ཏྟ་སྶ བྷི་ཀྑུ་ནོ. པ་རི་པུ་ཎྞནྟི ཨ་ཝི་ཀ་ལཾ ཨ་ན་ཝ་སེ་སཾ. ཨཱ་ས་ཝེ ཁེ་པེ་ཏཱི་ཏི ཨཱ་ས་ཝ་ཀྑ་ཡོ, ཨ་གྒ་མ་གྒོ. ཨི་དྷ པ་ན ཨ་ར་ཧ་ཏྟ་ཕ་ལཾ ཨ་དྷི་པྤེ་ཏ་ནྟི ཨཱ་ཧ ‘‘ཨ་ར་ཧ་ཏྟ་ཏྠཱ་ཡཱ’’ཏི. དུ་ཏི་ཡཾ ཨུ་ཏྟཱ་ན་མེ་ཝ.

པ་དྷཱ་ན་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༣-༥. ས་པྤུ་རི་ས་སུ་ཏྟཱ་དི་ཝ་ཎྞ་ནཱ

༧༣-༧༥. ཏ་ཏི་ཡེ པ་ཉྷ་ཏྠཱ་ཡ ཨ་བྷི་ནཱི་ཏོཏི པ་ཉྷ་ཀ་ར་ཎ་ཏྠཱ་ཡ ཨ་བྷི་མུ་ཁཾ ནཱི་ཏོ. ཨ་ལ་མྦི་ཏཾ ཀ་ཏྭཱཏི ཨ་ལ་མྦཾ ཀ་ཏྭཱ, ཨ་ཡ་མེ་ཝ ཝཱ པཱ་ཋོ, ཝི་པ་ལ་མྦཾ ཨ་ཀ་ཏྭཱ་ཏི ཨ་ཏྠོ. ཨ་ཝ་ཛཱ་ནཱ་ཏཱིཏི ཨ་ཝ་ཉྙཾ ཀ་རོ་ཏི, ནི་ནྡ་ཏཱི་ཏི ཨ་ཏྠོ. ཙ་ཏུ་ཏྠ་པ་ཉྩ་མེ ན་ཏྠི ཝ་ཏྟ་བྦཾ.

ས་པྤུ་རི་ས་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༦. ཀུ་སི་ནཱ་ར་སུ་ཏྟ་ཝ་ཎྞ་ནཱ

༧༦. ཚ་ཊྛེ ན་ག་རཾ པ་ཝི་སི་ཏུ་ཀཱ་མཱ ཨུ་ཡྻཱ་ན་ཏོ ཨུ་པེ་ཙྩ ཝ་ཏྟ་ནྟི ག་ཙྪ་ནྟི ཨེ་ཏེ་ནཱ་ཏི ཨུ་པ་ཝ་ཏྟ་ནཾ. ཡ་ཐེ་ཝ ཧི ཀ་ལ་མྦ་ན་དི་ཏཱི་ར་ཏོ རཱ་ཛ་མཱ་ཏུ་ཝི་ཧཱ་ར་དྭཱ་རེ་ན ཐཱུ་པཱ་རཱ་མཾ ག་ནྟ་བྦཾ ཧོ་ཏི, ཨེ་ཝཾ ཧི་ར་ཉྙ་ཝ་ཏི་ཀཱ་ཡ པཱ་རི་མ་ཏཱི་ར་ཏོ སཱ་ལ་ཝ་ནཾ ཨུ་ཡྻཱ་ནཾ, ཡ་ཐཱ ཨ་ནུ་རཱ་དྷ་པུ་ར་སྶ ཐཱུ་པཱ་རཱ་མོ ད་ཀྑི་ཎ་པ་ཙྪི་མ་དི་སཱ་ཡ, ཨེ་ཝཾ ཏཾ ཨུ་ཡྻཱ་ནཾ ཀུ་སི་ནཱ་རཱ་ཡ ད་ཀྑི་ཎ་པ་ཙྪི་མ་དི་སཱ་ཡ ཧོ་ཏི. ཡ་ཐཱ ཐཱུ་པཱ་རཱ་མ་ཏོ ད་ཀྑི་ཎ་དྭཱ་རེ་ན ན་ག་རཾ པ་ཝི་ས་ན་མ་གྒོ པཱ་ཙཱི་ན་མུ་ཁོ ག་ནྟྭཱ ཨུ་ཏྟ་རེ་ན ནི་ཝ་ཏྟ་ཏི, ཨེ་ཝཾ ཨུ་ཡྻཱ་ན་ཏོ སཱ་ལ་པ་ནྟི པཱ་ཙཱི་ན་མུ་ཁཱ ག་ནྟྭཱ ཨུ་ཏྟ་རེ་ན ནི་ཝ་ཏྟཱ, ཏ་སྨཱ ཏཾ ‘‘ཨུ་པ་ཝ་ཏྟ་ན’’ནྟི ཝུ་ཙྩ་ཏི. ཨ་ནྟ་རེཏི དྭི་ནྣཾ སཱ་ལ་རུ་ཀྑཱ་ནཾ ཝེ་མ་ཛ྄ཛྷེ. ཏ་ཏྠ ཧི པ་ཉྙཱ་པི་ཡ་མཱ་ན་སྶ མ་ཉྩ་སྶ ཨེ་ཀཱ སཱ་ལ་པ་ནྟི སཱི་ས་བྷཱ་གེ ཧོ་ཏི, ཨེ་ཀཱ པཱ་ད་བྷཱ་གེ. ཏ་ཏྲ་པི ཨེ་ཀོ ཏ་རུ་ཎ་སཱ་ལོ སཱི་ས་བྷཱ་ག་སྶ ཨཱ་ས་ནྣོ ཧོ་ཏི, ཨེ་ཀོ པཱ་ད་བྷཱ་ག་སྶ. ཨ་པི་ཙ ཡ་མ་ཀ་སཱ་ལཱ ནཱ་མ མཱུ་ལ་ཁ་ནྡྷ་ཝི་ཊ་པ་པ་ཏྟེ་ཧི ཨ་ཉྙ་མ་ཉྙཾ སཾ་སི་བྦི་ཏྭཱ ཋི་ཏ་སཱ་ལཱ་ཏི་པི ཝ་ད་ནྟི.

དྭེ་ལ༹ྷ་ཀནྟི དྭི་དྷཱ་གཱ་ཧོ, ཨ་ནེ་ཀཾ་ས་གྒཱ་ཧོ་ཏི ཨ་ཏྠོ. ཝི་མ་ཏཱིཏི སཾ་ས་ཡཱ་པ་ཏྟཱི་ཏི ཨཱ་ཧ ‘‘ཝི་ནི་ཙྪི་ཏུཾ ཨ་ས་མ་ཏྠ་ཏཱ’’ཏི. ཏཾ ཝོ ཝ་དཱ་མཱིཏི ཏཾ སཾ་ས་ཡ་ཝ་ནྟཾ བྷི་ཀྑུཾ ས་ནྡྷཱ་ཡ ཝོ ཏུ་མྷེ ཝ་དཱ་མཱི་ཏི. ནི་ཀྐ་ངྑ་བྷཱ་ཝ་པ་ཙྩ་ཀྑ་ཀ་ར་ཎནྟི བུ་དྡྷཱ་དཱི་སུ ཏེ་སཾ བྷི་ཀྑཱུ་ནཾ ནི་ཀྐ་ངྑ་བྷཱ་ཝ་སྶ པ་ཙྩ་ཀྑ་ཀཱ་རི་ཡཱ ཡཱ་ཐཱ་ཝ་ཏོ ཏ་མ་ཏྠཾ པ་ཊི་ཝི་ཛ྄ཛྷི་ཏྭཱ ཋི་ཏཾ ས་བྦ་ཉྙུ་ཏ་ཉྙཱ་ཎ་མེ་ཝ. ཨེ་ཏྠཱཏི ཨེ་ཏ་སྨིཾ ཨ་ཏྠེ.

ཀུ་སི་ནཱ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.

༧. ཨ་ཙི་ནྟེ་ཡྻ་སུ་ཏྟ་ཝ་ཎྞ་ནཱ

༧༧. ས་ཏྟ་མེ ལོ་ཀ་ཙི་ནྟཱཏི ལོ་ཀ་ས་ནྣི་ཝེ་ས་པྤ་ཊི་སཾ་ཡུ་ཏྟཱ ཝཱི་མཾ་སཱ. ཏེ་ནཱ་ཧ ‘‘ཀེ་ན ནུ ཁོ ཙ་ནྡི་མ་སཱུ་རི་ཡཱ’’ཏི་ཨཱ་དི. ནཱ་ལི༹་ཀེ་རཱ་ད་ཡོཏི ཨཱ་དི-ས་དྡེ་ན ཨ་ཝུ་ཏྟཱ་ནཾ ཨོ་ས་དྷི་ཏི་ཎ་ཝ་ན་པྤ་ཏི་ཨཱ་དཱི་ནཾ ས་ངྒ་ཧོ. ཨེ་ཝ་རཱུ་པཱ ལོ་ཀ་ཙི་ནྟཱཏི ཨེ་དི་སཱ ཝུ་ཏྟ་ས་དི་སཱ ཨ་ཉྙཱ་པི སཱ ལོ་ཀ་ཙི་ནྟཱ.

ཨ་ཙི་ནྟེ་ཡྻ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༨. ད་ཀྑི་ཎ་སུ་ཏྟ་ཝ་ཎྞ་ནཱ

༧༨. ཨ་ཊྛ་མེ དཱ་ན་ས་ངྑཱ་ཏཱ་ཡ ད་ཀྑི་ཎཱ་ཡཱཏི དེ་ཡྻ་དྷ་མྨ་ས་ངྑཱ་ཏཱ་ཡ ད་ཀྑི་ཎཱ་ཡ. ཝི་སུ་དྡྷི ནཱ་མ མ་ཧཱ་ཛུ་ཏི་ཀ་ཏཱ. སཱ པ་ན མ་ཧ་པྥ་ལ་ཏཱ་ཡ ཝེ་དི་ཏ་བྦཱ་ཏི ཨཱ་ཧ ‘‘མ་ཧ་པྥ་ལ་བྷཱ་ཝེ་ནཱ’’ཏི. ཝི་སུ་ཛ྄ཛྷ་ཏཱིཏི ན ཀི་ལི་སྶ་ཏི, ཨ་མ་ལི་ནཱ མ་ཧཱ་ཛུ་ཏི་ཀཱ མ་ཧཱ་ཝི་པྥཱ་རཱ ཧོ་ཏཱི་ཏི ཨ་ཏྠོ. སུ་ཙི་དྷ་མྨོཏི རཱ་གཱ་དི་ཨ་སུ་ཙི་ཝི་དྷ་མ་ནེ་ན སུ་ཙི་ས་བྷཱ་ཝོ. ལཱ་མ་ཀ་དྷ་མྨོཏི ཧཱི་ན་ས་བྷཱ་ཝོ པཱ་པ་ཀི་རི་ཡཱ་ཡ. ཨ་ཀུ་ས་ལ་དྷ་མྨཱ ཧི ཨེ་ཀ་ནྟ་ནི་ཧཱི་ནཱ. ཛཱུ་ཛ་ཀོ སཱི་ལ་ཝཱ ཀ་ལྱཱ་ཎ་དྷ་མྨོ ན ཧོ་ཏི, ཏ་སྶ མ་ཧཱ་བོ་དྷི་ས་ཏྟ་སྶ ཨ་ཏྟ་ནོ པུ་ཏྟ་དཱ་ནཾ དཱ་ན་པཱ་ར་མི་ཡཱ མ་ཏྠ་ཀཾ ག་ཎྷ་ནྟཾ མ་ཧཱ་པ་ཐ་ཝི་ཀ་མྤ་ན་ས་མ་ཏྠཾ ཛཱ་ཏཾ. སྭཱ་ཡཾ དཱ་ཡ་ཀ་གུ་ཎོ་ཏི ཨཱ་ཧ ‘‘ཝེ་སྶ་ནྟ་ར་མ་ཧཱ་རཱ་ཛཱ ཀ་ཐེ་ཏ་བྦོ’’ཏི་ཨཱ་དི. ཨུ་དྡྷ་ར་ཏཱིཏི བ་ཧུ་ལཾ པཱ་པ་ཀ་མྨ་ཝ་སེ་ན ལ་དྡྷ་བྦ་ཝི་ནི་པཱ་ཏ་ཏོ ཨུ་དྡྷ་ར་ཏི, ཏ་སྨཱ ན་ཏྠི མ་ཡ྄ཧཾ ཀི་ཉྩི ཙི་ཏྟ་སྶ ཨ་ཉྙ་ཏྠ་ཏྟ་ནྟི ཨ་དྷི་པྤཱ་ཡོ.

པེ་ཏ་ད་ཀྑི་ཎནྟི པེ་ཏེ ཨུ་དྡི་སྶ དཱ་ཏ་བྦ་ད་ཀྑི་ཎཾ. པཱ་པི་ཏ་ཀཱ་ལེ་ཡེ་ཝཱཏི ‘‘ཨི་དཾ དཱ་ནཾ ཨ་སུ་ཀ་སྶ པེ་ཏ་སྶ ཧོ་ཏཱུ’’ཏི ཏཾ་ཨུ་དྡི་ས་ན་ཝ་སེ་ན པ་ཏྟི་ཡཱ པཱ་པི་ཏ་ཀཱ་ལེ་ཡེ་ཝ. ཨ་སྶཱཏི པེ་ཏ་སྶ. པཱ་པུ་ཎཱིཏི ཕ་ལ་ས་མྤ་ཏྟི་ལ་བྷཱ་པ་ན་ཝ་སེ་ན པཱ་པུ་ཎི. ཨ་ཡ་ཉྷི པེ་ཏེ ཨུ་དྡི་སྶ དཱ་ནེ དྷ་མྨ་ཏཱ. ཏ་དཱ ཀོ་ས་ལ་ར་ཉྙོ པ་རི་ཙྩཱ་ག་ཝ་སེ་ན ཨ་ཏི་ཝི་ཡ དཱ་ན་ཛ྄ཛྷཱ་ས་ཡ་ཏཾ བུ་དྡྷ་པྤ་མུ་ཁ་སྶ ཙ ས་ངྒྷ་སྶ ཨུ་ཀྐཾ་ས་ག་ཏ་གུ་ཎ་ཝི་སི་ཊྛ་ཏཾ ས་ནྡྷཱ་ཡཱ་ཧ ‘‘ཨ་ས་དི་ས་དཱ་ནཾ ཀ་ཐེ་ཏ་བྦ’’ནྟི.

ད་ཀྑི་ཎ་སུ་ཏྟ་ཝ་ཎྞ་ནཱ ནི་ཊྛི་ཏཱ.

༩-༡༠. ཝ་ཎི་ཛྫ་སུ་ཏྟཱ་དི་ཝ་ཎྞ་ནཱ

༧༩-༨༠. ན་ཝ་མེ ཏཾ་ས་དི་སཱཏི ཡཱ་དི་སཱ ཝ་ཎི་ཛྫཱ པ་ཡུ་ཏྟཱ ཨ་ཡ་ཐཱ་དྷི་པྤཱ་ཡཱ ཨ་ཉྙཱ ཝཱ ས་མྤ་ཛྫ་ཏི, ཏཱ་དི་སཱ་ཝཱ་ཏི ཨ་ཏྠོ. ཚེ་དཾ ག་ཙྪ་ཏཱིཏི ཝི་ནཱ་སཾ པཱ་པུ་ཎཱ་ཏི. ཨ་དྷི་པྤཱ་ཡ་ཏོ པ་རཱ ཝི་སི་ཊྛཱ་ཏི པ་རཱ་དྷི་པྤཱ་ཡོ. ཏེ་ནེ་ཝཱ་ཧ ‘‘ཨ་ཛ྄ཛྷཱ་ས་ཡ་ཏོ ཨ་དྷི་ཀ་ཏ་ར་ཕ་ལཱ ཧོ་ཏཱི’’ཏི. ཙཱི་ཝ་རཱ་དི་ནཱ པ་ཙྩ་ཡེ་ན ཝ་དེ་ཡྻཱ་སཱིཏི ཙཱི་ཝ་རཱ་དི་པ་ཙྩ་ཡ་ཧེ་ཏུ མཾ ཝ་དེ་ཡྻཱ་སི པ་ཏྠེ་ཡྻཱ་སི. ཨ་ཐ ཝཱ ཡ་དཱ ཙཱི་ཝ་རཱ་དི་ནཱ པ་ཙྩ་ཡེ་ན ཨ་ཏྠོ ཧོ་ཏི, ཏ་དཱ མཾ ཡཱ་ཙེ་ཡྻཱ་སཱི་ཏི ཨ་ཏྠོ. སེ་སཾ སུ་ཝི་ཉྙེ་ཡྻ་མེ་ཝ. ད་ས་མཾ ཨུ་ཏྟཱ་ན་མེ་ཝ.

ཝ་ཎི་ཛྫ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཨ་པ་ཎྞ་ཀ་ཝ་གྒ་ཝ་ཎྞ་ནཱ ནི་ཊྛི་ཏཱ.