(༧) ༢. པ་ཏྟ་ཀ་མྨ་ཝ་གྒོ
༡-༤. པ་ཏྟ་ཀ་མྨ་སུ་ཏྟཱ་དི་ཝ་ཎྞ་ནཱ
༦༡-༦༤. དུ་ཏི་ཡ་སྶ པ་ཋ་མེ ཡེ ཨ་ནི་ཊྛཱ ན ཧོ་ནྟི, ཏེ ཨི་ཊྛཱ་ཏི ཨ་དྷི་པྤེ་ཏཱ་ཏི ཨཱ་ཧ ‘‘ཨ་ནི་ཊྛ་པ་ཊི་ཀྑེ་པེ་ན ཨི་ཊྛཱ’’ཏི. ཨི་ཊྛཱཏི ཙ པ་རི་ཡི་ཊྛཱ ཝཱ ཧོ་ཏུ མཱ ཝཱ, ཨི་ཊྛཱ་ར་མྨ་ཎ་བྷཱུ་ཏཱ་ཏི ཨ་ཏྠོ. ག་ཝེ་སི་ཏ་མྤི ཧི ཨི་ཊྛ་ནྟི ཝུ་ཙྩ་ཏི, ཏཾ ཨི་དྷ ནཱ་དྷི་པྤེ་ཏཾ. མ་ནེཏི མ་ན་སྨིཾ. ཀ་ནྟཱཏི ཝཱ ཀ་མ་ནཱི་ཡཱ, ཀཱ་མེ་ཏ་བྦཱ་ཏི ཨ་ཏྠོ. མ་ནཾ ཨ་པྤཱ་ཡ་ནྟཱིཏི ཨི་ཊྛ་བྷཱ་ཝེ་ན མ་ནཾ ཝ་ཌྜྷེ་ནྟི. ཀ་མྨ་སཱ་དྷ་ནོ ཨི་དྷ བྷོ་ག-ས་དྡོ་ཏི ཨཱ་ཧ ‘‘བྷོ་གཱ་ཏི བྷུ་ཉྫི་ཏ་བྦཱ’’ཏི་ཨཱ་དི. དྷ་མྨཱུ་པ་གྷཱ་ཏཾ ཀ་ཏྭཱ ཀུ་ས་ལ་དྷ་མྨཾ ཝི་ནོ་དེ་ཏྭཱ. ཨུ་པ་ནི་ཛ྄ཛྷཱ་ཡཱི་ཡ་ནྟཱི་ཏི ཨུ་པ་ཛ྄ཛྷཱ་ཡཱཏི ཨཱ་ཧ ‘‘སུ་ཁ་དུ་ཀྑེ་སུ ཨུ་པ་ནི་ཛ྄ཛྷཱ་ཡི་ཏ་བྦ་ཏྟཱ’’ཏི, སུ་ཁ་དུ་ཀྑེ་སུ ཨུ་པྤ་ནྣེ་སུ ཨ་ནུ་སྶ་རི་ཏ་བྦ་ཏྟཱ་ཏི ཨ་ཏྠོ. ས་ནྡི་ཊྛ་ས་མྦྷ་ཏྟེ་ཧཱིཏི ཨེ་ཏྠ ཏ་ཏྠ ཏ་ཏྠ ས་ངྒ་མྨ དི་ཊྛ་མ་ཏྟཱ ནཱ་ཏི་ད་ལ༹ྷ་མི་ཏྟཱ ས་ནྡི་ཊྛཱ, སུ་ཊྛུ བྷ་ཏྟཱ སི་ནེ་ཧ་ཝ་ནྟོ ད་ལ༹ྷ་མི་ཏྟཱ ས་མྦྷ་ཏྟཱ.
ཝི་ས་མ་ལོ་བྷནྟི བ་ལ་ཝ་ལོ་བྷཾ. སུ་ཁི་ཏནྟི ས་ཉྫཱ་ཏ་སུ་ཁཾ. པཱི་ཎི་ཏནྟི དྷཱ་ཏཾ སུ་ཧི་ཏཾ. ཏ་ཐཱ་བྷཱུ་ཏོ པ་ན ཡ་སྨཱ བ་ལ་ས་མྤ་ནྣོ ཧོ་ཏི, ཏ་སྨཱ ‘‘བ་ལ་ས་མྤ་ནྣཾ ཀ་རོ་ཏཱི’’ཏི ཝུ་ཏྟཾ.
སོ་བྷ་ནེ ཀཱ་ཡི་ཀ་ཝཱ་ཙ་སི་ཀ་ཀ་མྨེ ར་ཏོ་ཏི སཱུ་ར་ཏོ ཨུ་ཀཱ་ར་སྶ དཱི་གྷཾ ཀ་ཏྭཱ, ཏ་སྶ བྷཱ་ཝོ སོ་ར་ཙྩཾ, ཀཱ་ཡི་ཀ་ཝཱ་ཙ་སི་ཀོ ཨ་ཝཱི་ཏི་ཀྐ་མོ. སོ པ་ན ཨ་ཏྠ་ཏོ སུ་སཱི་ལ་བྷཱ་ཝོ་ཏི ཨཱ་ཧ ‘‘ཁ་ནྟི་སོ་ར་ཙྩེ ནི་ཝི་ཊྛཱ་ཏི ཨ་དྷི་ཝཱ་ས་ན་ཀྑ་ནྟི་ཡ་ཉྩ སུ་སཱི་ལ་ཏཱ་ཡ ཙ ནི་ཝི་ཊྛཱ’’ཏི. ཨེ་ཀ་མ་ཏྟཱ་ནནྟི ཨེ་ཀཾ ཙི་ཏྟ་ནྟི ཨ་ཏྠོ. རཱ་གཱ་དཱི་ན་ཉྷི པུ་བྦ་བྷཱ་གི་ཡཾ ད་མ་ནཱ་དི པ་ཙྩེ་ཀཾ ཨི་ཙྪི་ཏ་བྦཾ, ན མ་གྒ་ཀྑ་ཎེ ཝི་ཡ ཨེ་ཀ་ཛ྄ཛྷཾ པ་ཊི་ས་ངྑཱ་ན་མུ་ཁེ་ན པ་ཛ་ཧ་ན་ཏོ. ཨེ་ཀ་མ་ཏྟཱ་ནནྟི ཝཱ ཝི་ཝེ་ཀ་ཝ་སེ་ན ཨེ་ཀཾ ཨེ་ཀཱ་ཀི་ནཾ ཨ་ཏྟཱ་ནཾ. ཏེ་ནེ་ཝཱ་ཧ ‘‘ཨེ་ཀཾ ཨ་ཏྟ་ནོ་ཝ ཨ་ཏྟ་བྷཱ་ཝ’’ནྟི་ཨཱ་དི. ཨུ་པ་རཱུ་པ་རི་བྷཱུ་མཱི་སཱུཏི ཚ་ཀཱ་མ་ས་གྒ་ས་ངྑཱ་ཏཱ་སུ ཨུ་པ་རཱུ་པ་རི་ཀཱ་མ་བྷཱུ་མཱི་སུ. ཀ་མྨ་སྶ ཕ་ལཾ ཨ་གྒཾ ནཱ་མ. ཏཾ པ་ནེ་ཏྠ ཨུ་ཙྩ་གཱ་མཱི་ཏི ཨཱ་ཧ ‘‘ཨུ་དྡྷ་མ་གྒ་མ་སྶཱ’’ཏི. སུ་ཝ་གྒེ ནི་ཡུ་ཏྟཱ, སུ་ཝ་གྒ་པྤ་ཡོ་ཛ་ནཱ་ཏི ཝཱ སོ་ཝ་གྒི་ཀཱ. ད་ས་ནྣཾ ཝི་སེ་སཱ་ནནྟི དི་བྦ་ཨཱ་ཡུ་ཝ་ཎྞ་ཡ་ས་སུ་ཁ་ཨཱ་དྷི་པ་ཏེ་ཡྻཱ་ན་ཉྩེ་ཝ ཨི་ཊྛ་རཱུ་པཱ་དཱི་ན་ཉྩ ཕ་ལ་ཝི་སེ་སཱ་ནཾ. ཝ་ཎྞ་གྒ་ཧ་ཎེ་ན ཙེ་ཏྠ ས་ཀོ ཨ་ཏྟ་བྷཱ་ཝ་ཝ་ཎྞོ ག་ཧི་ཏོ, རཱུ་པ་གྒ་ཧ་ཎེ་ན བ་ཧི་དྡྷཱ རཱུ་པཱ་ར་མྨ་ཎཾ. དུ་ཏི་ཡ་ཏ་ཏི་ཡ་ཙ་ཏུ་ཏྠཱ་ནི ཨུ་ཏྟཱ་ན་ཏྠཱ་ནེ་ཝ.
པ་ཏྟ་ཀ་མྨ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༥. རཱུ་པ་སུ་ཏྟ་ཝ་ཎྞ་ནཱ
༦༥. པ་ཉྩ་མེ པ་མི་ནོ་ཏི ཨུ་ལཱ༹་ར་ཏཱ་དི་ཝི་སེ་སཾ ཨེ་ཏེ་ནཱ་ཏི པ་མཱ་ཎཾ, རུ་པ་ཀཱ་ཡོ པ་མཱ་ཎཾ ཨེ་ཏ་སྶཱ་ཏི རཱུ་པ་པྤ་མཱ་ཎོ. ཏ་ཏོ ཨེ་ཝ རཱུ་པེ པ་ས་ནྣོ་ཏི རཱུ་པ་པྤ་ས་ནྣོ. གྷོ་སོཏི ཙེ་ཏྠ ཐུ་ཏི་གྷོ་སོ. ལཱུ་ཁནྟི པ་ཙྩ་ཡ་ལཱུ་ཁ་ཏཱ. དྷ་མྨཱཏི སཱི་ལཱ་ད་ཡོ གུ་ཎ་དྷ་མྨཱ ཨ་དྷི་པྤེ་ཏཱ. ཨི་མེ་སཾ པ་ན ཙ་ཏུ་ནྣཾ པུ་གྒ་ལཱ་ནཾ ནཱ་ནཱ་ཀ་ར་ཎཾ པཱ་ལི༹་ཡཾ་ཡེ་ཝ ཨཱ་ག་ཏཾ. ཝུ་ཏྟ་ཉྷེ་ཏཾ –
‘‘ཀ་ཏ་མོ ཙ པུ་གྒ་ལོ རཱུ་པ་པྤ་མཱ་ཎོ རཱུ་པ་པྤ་ས་ནྣོ? ཨི་དྷེ་ཀ་ཙྩོ པུ་གྒ་ལོ ཨཱ་རོ་ཧཾ ཝཱ པ་སྶི་ཏྭཱ པ་རི་ཎཱ་ཧཾ ཝཱ པ་སྶི་ཏྭཱ ས་ཎྛཱ་ནཾ ཝཱ པ་སྶི་ཏྭཱ པཱ་རི་པཱུ་རིཾ ཝཱ པ་སྶི་ཏྭཱ ཏ་ཏྠ པ་མཱ་ཎཾ ག་ཧེ་ཏྭཱ པ་སཱ་དཾ ཛ་ནེ་ཏི. ཨ་ཡཾ ཝུ་ཙྩ་ཏི པུ་གྒ་ལོ རཱུ་པ་པྤ་མཱ་ཎོ རཱུ་པ་པྤ་ས་ནྣོ.
‘‘ཀ་ཏ་མོ ཙ པུ་གྒ་ལོ གྷོ་ས་པྤ་མཱ་ཎོ གྷོ་ས་པྤ་ས་ནྣོ? ཨི་དྷེ་ཀ་ཙྩོ པུ་གྒ་ལོ པ་ར་ཝ་ཎྞ་ནཱ་ཡ པ་ར་ཐོ་མ་ནཱ་ཡ པ་ར་པ་སཾ་ས་ནཱ་ཡ པ་ར་ཝ་ཎྞ་ཧཱ་རི་ཀཱ་ཡ ཏ་ཏྠ པ་མཱ་ཎཾ ག་ཧེ་ཏྭཱ པ་སཱ་དཾ ཛ་ནེ་ཏི. ཨ་ཡཾ ཝུ་ཙྩ་ཏི པུ་གྒ་ལོ གྷོ་ས་པྤ་མཱ་ཎོ གྷོ་ས་པྤ་ས་ནྣོ.
‘‘ཀ་ཏ་མོ ཙ པུ་གྒ་ལོ ལཱུ་ཁ་པྤ་མཱ་ཎོ ལཱུ་ཁ་པྤ་ས་ནྣོ? ཨི་དྷེ་ཀ་ཙྩོ པུ་གྒ་ལོ ཙཱི་ཝ་ར་ལཱུ་ཁཾ ཝཱ པ་སྶི་ཏྭཱ པ་ཏྟ་ལཱུ་ཁཾ ཝཱ པ་སྶི་ཏྭཱ སེ་ནཱ་ས་ན་ལཱུ་ཁཾ ཝཱ པ་སྶི་ཏྭཱ ཝི་ཝི་དྷཾ ཝཱ དུ་ཀྐ་ར་ཀཱ་རི་ཀཾ པ་སྶི་ཏྭཱ ཏ་ཏྠ པ་མཱ་ཎཾ ག་ཧེ་ཏྭཱ པ་སཱ་དཾ ཛ་ནེ་ཏི. ཨ་ཡཾ ཝུ་ཙྩ་ཏི པུ་གྒ་ལོ ལཱུ་ཁ་པྤ་མཱ་ཎོ ལཱུ་ཁ་པྤ་ས་ནྣོ.
‘‘ཀ་ཏ་མོ ཙ པུ་གྒ་ལོ དྷ་མྨ་པྤ་མཱ་ཎོ དྷ་མྨ་པྤ་ས་ནྣོ? ཨི་དྷེ་ཀ་ཙྩོ པུ་གྒ་ལོ སཱི་ལཾ ཝཱ པ་སྶི་ཏྭཱ ས་མཱ་དྷིཾ ཝཱ པ་སྶི་ཏྭཱ པ་ཉྙཾ ཝཱ པ་སྶི་ཏྭཱ ཏ་ཏྠ པ་མཱ་ཎཾ ག་ཧེ་ཏྭཱ པ་སཱ་དཾ ཛ་ནེ་ཏི. ཨ་ཡཾ ཝུ་ཙྩ་ཏི པུ་གྒ་ལོ དྷ་མྨ་པྤ་མཱ་ཎོ དྷ་མྨ་པྤ་ས་ནྣོ’’ཏི (པུ. པ. ༡༧༡-༡༧༢).
ཏ་ཏྠ ཨཱ་རོ་ཧནྟི ཨུ་ཙྩ་ཏཾ. སཱ ཙ ཁོ ཏ་སྨིཾ ཏ་སྨིཾ ཀཱ་ལེ པ་མཱ་ཎ་ཡུ་ཏྟཱ ད་ཊྛ་བྦཱ. པ་རི་ཎཱ་ཧནྟི ནཱ་ཏི་ཀི་ས་ཐཱུ་ལ་ཏཱ་ཝ་སེ་ན པཱི་ཎ་ཏཾ. ས་ཎྛཱ་ནནྟི ཏེ་སཾ ཏེ་སཾ ཨ་ངྒ་པ་ཙྩ་ངྒཱ་ནཾ སུ་ས་ཎྛི་ཏ་ཏཾ དཱི་གྷ་ར་སྶ་ཝ་ཊྚཱ་དི་ཡུ་ཏྟ་ཊྛཱ་ནེ་སུ ཏ་ཐཱ་བྷཱ་ཝཾ. པཱ་རི་པཱུ་རིནྟི ས་བྦེ་སཾ ས་རཱི་རཱ་ཝ་ཡ་ཝཱ་ནཾ པ་རི་པུ་ཎྞ་ཏཾ ཨ་ཝི་ཀ་ལ་ཏཾ. ཏ་ཏྠ པ་མཱ་ཎཾ ག་ཧེ་ཏྭཱཏི ཏ་སྨིཾ རཱུ་པེ རཱུ་པ་ས་མྤ་ཏྟི་ཡཾ པ་མཱ་ཎ་བྷཱ་ཝཾ ཨུ་པཱ་དཱ་ཡ. པ་སཱ་དཾ ཛ་ནེ་ཏཱིཏི ཨ་དྷི་མོ་ཀྑཾ ཛ་ནེ་ཏི ཨུ་པྤཱ་དེ་ཏི.
པ་ར་ཝ་ཎྞ་ནཱ་ཡཱཏི ‘‘ཨ་སུ་ཀོ ཨེ་དི་སོ ཙ ཨེ་དི་སོ ཙཱ’’ཏི པ་ར་སྶ གུ་ཎ་ཝ་ཙ་ནེ་ན. པ་ར་ཐོ་མ་ནཱ་ཡཱཏི པ་ར་མྨུ་ཁཱ པ་ར་སྶ སི་ལཱ་གྷུ་པྤཱ་ད་ཀེ་ན ཨ་བྷི་ཏྠ་ཝ་ནེ་ན པ་རེ་ན ཐུ་ཏི་ཝ་སེ་ན, གཱ་ཐཱ་དི་ཨུ་པ་ནི་བ་ནྡྷ་ནེ་ན ཝུ་ཏྟཱ་ཡ ཐོ་མ་ནཱ་ཡཱ་ཏི ཝུ་ཏྟཾ ཧོ་ཏི. པ་ར་པ་སཾ་ས་ནཱ་ཡཱཏི པ་ར་མྨུ་ཁཱ པ་ར་སྶ གུ་ཎ་སཾ་ཀི་ཏྟ་ནེ་ན. པ་ར་ཝ་ཎྞ་ཧཱ་རི་ཀཱ་ཡཱཏི པ་ར་མྤ་ར་ཝ་ཎྞ་ཧཱ་རི་ཀཱ་ཡ པ་ར་མྤ་རཱ་ཡ པ་ར་སྶ ཀི་ཏྟ་ན་ས་དྡ་སྶ ཨུ་པ་སཾ་ཧཱ་རེ་ན. ཏ་ཏྠཱཏི ཏ་སྨིཾ ཐུ་ཏི་གྷོ་སེ.
ཙཱི་ཝ་ར་ལཱུ་ཁནྟི ཐཱུ་ལ་ཛི་ཎྞ་བ་ཧུ་ཏུ་ནྣ་ཀ་ཏཱ་དི་ཙཱི་ཝ་ར་སྶ ལཱུ་ཁ་བྷཱ་ཝཾ. པ་ཏྟ་ལཱུ་ཁནྟི ཨ་ནེ་ཀ་ག་ནྠི་ཀཱ་ཧ་ཊ་ཏཱ་དི་པ་ཏྟ་སྶ ལཱུ་ཁ་བྷཱ་ཝཾ. ཝི་ཝི་དྷཾ ཝཱ དུ་ཀྐ་ར་ཀཱ་རི་ཀནྟི དྷུ་ཏ་ངྒཱ་དི་ཝ་སེ་ན པ་ཝ་ཏྟ་ནཱ་ནཱ་ཝི་དྷཾ དུ་ཀྐ་ར་ཙ་རི་ཡཾ. སཱི་ལཾ ཝཱ པ་སྶི་ཏྭཱཏི སཱི་ལ་པཱ་རི་པཱུ་རི་ཝ་སེ་ན ཝི་སུ་དྡྷཾ ཀཱ་ཡ་ཝ་ཙཱི་སུ་ཙ་རི་ཏཾ ཉཱ་ཎ་ཙ་ཀྑུ་ནཱ པ་སྶི་ཏྭཱ, ཛྷཱ་ནཱ་དི་ཨ་དྷི་ག་མ་སུ་དྡྷི་ས་མཱ་དྷིཾ ཝཱ ཝི་པ་སྶ་ནཱ་བྷི་ཉྙཱ་ས་ངྑཱ་ཏཾ པ་ཉྙཾ ཝཱ པ་སྶི་ཏྭཱ་ཏི ཨ་ཏྠོ.
ཨེ་ཝ་མེ་ཏ་སྨིཾ ཙ་ཏུ་པྤ་མཱ་ཎེ ལོ་ཀ་ས་ནྣི་ཝཱ་སེ བུ་དྡྷེ་སུ ཨ་པྤ་ས་ནྣཱ མ་ནྡཱ, པ་ས་ནྣཱ བ་ཧུ་ཀཱ. རཱུ་པ་པྤ་མཱ་ཎ་སྶ ཧི བུ་དྡྷ་རཱུ་པ་ཏོ ཨུ་ཏྟ་རི པ་སཱ་དཱ་ཝ་ཧཾ རཱུ་པཾ ནཱ་མ ན་ཏྠི. གྷོ་ས་པྤ་མཱ་ཎ་སྶ བུ་དྡྷཱ་ནཾ ཀི་ཏྟི་གྷོ་ས་ཏོ ཨུ་ཏྟ་རི པ་སཱ་དཱ་ཝ་ཧོ གྷོ་སོ ནཱ་མ ན་ཏྠི. ལཱུ་ཁ་པྤ་མཱ་ཎ་སྶ ཀཱ་སི་ཀཱ་ནི ཝ་ཏྠཱ་ནི མ་ཧཱ་ར་ཧཱ་ནི ཀ་ཉྩ་ན་བྷཱ་ཛ་ནཱ་ནི ཏི་ཎྞཾ ཨུ་ཏཱུ་ནཾ ཨ་ནུ་ཙྪ་ཝི་ཀེ ས་བྦ་ས་མྤ་ཏྟི་ཡུ་ཏྟེ པཱ་སཱ་ད་ཝ་རེ པ་ཧཱ་ཡ པཾ་སུ་ཀཱུ་ལ་ཙཱི་ཝ་ར་སེ་ལ་མ་ཡ་པ་ཏྟ་རུ་ཀྑ་མཱུ་ལཱ་དི་སེ་ནཱ་ས་ན་སེ་ཝི་ནོ བུ་དྡྷ་སྶ བྷ་ག་ཝ་ཏོ ལཱུ་ཁ་ཏོ ཨུ་ཏྟ་རི པ་སཱ་དཱ་ཝ་ཧཾ ཨ་ཉྙཾ ལཱུ་ཁཾ ནཱ་མ ན་ཏྠི. དྷ་མྨ་པྤ་མཱ་ཎ་སྶ ས་དེ་ཝ་ཀེ ལོ་ཀེ ཨ་སཱ་དྷཱ་ར་ཎ་སཱི་ལཱ་དི་གུ་ཎ་སྶ ཏ་ཐཱ་ག་ཏ་སྶ སཱི་ལཱ་དི་གུ་ཎ་ཏོ ཨུ་ཏྟ་རི པ་སཱ་དཱ་ཝ་ཧོ ཨ་ཉྙོ སཱི་ལཱ་དི་གུ་ཎོ ནཱ་མ ན་ཏྠི. ཨི་ཏི བྷ་ག་ཝཱ ཨི་མཾ ཙ་ཏུ་པྤ་མཱ་ཎི་ཀཾ ལོ་ཀ་ས་ནྣི་ཝཱ་སཾ མུ་ཊྛི་ནཱ ག་ཧེ་ཏྭཱ ཝི་ཡ ཋི་ཏོ་ཏི.
པ་མཱ་ཎིཾ་སཱུཏི པ་མཱ་ཎཾ ཨ་གྒ་ཧེ་སུཾ. ནི་ཡ་ཀ་ཛ྄ཛྷ་ཏྟེ ཏ་སྶ གུ་ཎཾ ན ཛཱ་ནཱ་ཏཱིཏི ཏ་སྶ ཨ་བྦྷ་ནྟ་རེ པ་ཝ་ཏྟ་མཱ་ནཾ སཱི་ལཱ་དི་གུ་ཎཾ ན ཛཱ་ནཱ་ཏི. སེ་སཾ སུ་ཝི་ཉྙེ་ཡྻ་མེ་ཝ.
རཱུ་པ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༧. ཨ་ཧི་རཱ་ཛ་སུ་ཏྟ་ཝ་ཎྞ་ནཱ
༦༧. ས་ཏྟ་མེ ད་ཊྛ་ཝི་སཱ་ནེ་ཝཱཏི ཨ་ཝ་དྷཱ་ར་ཎེ་ན དི་ཊྛ་ཝི་སཱ་ད་ཡོ ནི་ཝ་ཏྟེ་ཏི. ཀ་ཊྛ་མུ་ཁཱ་ད་ཡོ ཧི ཙ་ཏྟཱ་རོ ཨཱ་སཱི་ཝི་སཱ ད་ཊྛ་ཝི་སོ, དི་ཊྛ་ཝི་སོ, ཕུ་ཊྛ་ཝི་སོ, ཝཱ་ཏ་ཝི་སོ་ཏི པ་ཙྩེ་ཀཾ ཙ་ཏུ་བྦི་དྷཱ ཧོ་ནྟཱི་ཏི ཝི་ས་ཝེ་ག་ཝི་ཀཱ་ར་ཝ་སེ་ན སོ་ལ༹་ས ཝུ་ཏྟཱ. ཏེ་སུ ད་ཊྛ་ཝི་སཱ་ནཾ་ཡེ་ཝ ཨི་དྷ ག་ཧ་ཎཾ, ན ཨི་ཏ་རེ་ས་ནྟི ད་སྶེ་ཏི. སེ་སཾ སུ་ཝི་ཉྙེ་ཡྻ་མེ་ཝ.
ཨ་ཧི་རཱ་ཛ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༨. དེ་ཝ་ད་ཏྟ་སུ་ཏྟ་ཝ་ཎྞ་ནཱ
༦༨. ཨ་ཊྛ་མེ ཀཱ་ལེ ས་མྤ་ཏྟེཏི ག་བྦྷ་སྶ པ་རི་པཱ་ཀ་ག་ཏ་ཏྟཱ ཝི་ཛཱ་ཡ་ན་ཀཱ་ལེ ས་མྤ་ཏྟེ. པོ་ཏ་ཀནྟི ཨ་སྶ་ཏ་རི་ཡཱ པུ་ཏྟཾ. ‘‘ཕ་ལཾ ཝེ ཀ་ད་ལིཾ ཧ་ནྟཱི’’ཏི་ཨཱ་དི་གཱ་ཐཱ་ཡ ཀུ་ཀྐུ་ཛ་ཀེ་ནེ་ཝ པ་ཏྟ་ཝ་ཊྚི་པ་ས་ཝ་སྶ ཨུ་ཙྪི་ནྣ་ཏྟཱ ཕ་ལུ་པྤ་ཏྟི ཀ་ད་ལི་ཡཱ པ་རཱ་བྷ་ཝཱ་ཡ ཧོ་ཏཱི་ཏི ཨཱ་ཧ ‘‘ཕ་ལཾ ཝེ ཀ་ད་ལིཾ ཧ་ནྟཱི’’ཏི. ཀུ་ཀྐུ་ཛ་ཀཾ ནཱ་མ ཀ་ད་ལི་ཡཱ པུ་པྥ་ནཱ་ལ༹ཾ. ཏ་ཐཱ ཕ་ལ་པཱ་ཀ་པ་རི་ཡོ་སཱ་ན་ཏྟཱ ཨོ་ས་དྷཱི་ནཾ ‘‘ཕ་ལཾ ཝེ་ལུ༹ཾ ན་ལ༹’’ནྟི ཝུ་ཏྟཾ. ཨ་ཡཾ པ་ནེ་ཏྠ པི་ཎྜ་ཏྠོ – ཡ་ཐཱ ཨ་ཏྟ་ནོ ཕ་ལཾ ཀ་ད་ལི་ཝེ་ལུ༹་ན་ལེ༹ ཝི་ནཱ་སེ་ཏི, ག་བྦྷོ ཙ ཨ་སྶ་ཏ་རིཾ, ཨེ་ཝཾ ཨ་ཏྟ་ནོ ཀ་མྨ་བྷཱུ་ཏོ ས་ཀྐཱ་རོ ཨ་ས་པྤུ་རི་སཾ ཝི་ནཱ་སེ་ཏཱི་ཏི.
དེ་ཝ་ད་ཏྟ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༩. པ་དྷཱ་ན་སུ་ཏྟ་ཝ་ཎྞ་ནཱ
༦༩. ན་ཝ་མེ པ་ད་ཧ་ཏི ཨེ་ཏེ་ཧཱི་ཏི པ་དྷཱ་ནཱ་ནི. ཨུ་ཏྟ་མ་ཝཱི་རི་ཡཱ་ནི སེ་ཊྛ་ཝཱི་རི་ཡཱ་ནི ཝི་སི་ཊྛ་སྶ ཨ་ཏྠ་སྶ སཱ་དྷ་ན་ཏོ. ཀི་ལེ་སཱ་ནཾ སཾ་ཝ་ར་ཏྠཱ་ཡཱཏི ཡ་ཐཱ ཨ་བྷི་ཛ྄ཛྷཱ་ད་ཡོ ན ཨུ་པྤ་ཛྫ་ནྟི, ཨེ་ཝཾ ས་ཏི་ཡཱ ཨུ་པ་ཊྛཱ་ནེ་ན ཀི་ལེ་སཱ་ནཾ སཾ་ཝ་ར་ཎ་ཏྠཱ་ཡ. པ་ཛ་ཧ་ན་ཏྠཱ་ཡཱཏི ཀཱ་མ་ཝི་ཏ་ཀྐཱ་དཱི་ནཾ ཝི་ནོ་ད་ན་ཏྠཱ་ཡ. པ་དྷཱ་ནནྟི ཏ་སྶེ་ཝ པ་ཛ་ཧ་ན་སྶ སཱ་དྷ་ན་ཝ་སེ་ན པ་ཝ་ཏྟ་ཝཱི་རི་ཡཾ. ཀུ་ས་ལཱ་ནཾ དྷ་མྨཱ་ནཾ བྲཱུ་ཧ་ན་ཏྠཱ་ཡཱཏི བོ་ཛ྄ཛྷ་ངྒ་ས་ངྑཱ་ཏཱ་ནཾ ཀུ་ས་ལ་དྷ་མྨཱ་ནཾ ཝ་ཌྜྷ་ན་ཏྠཱ་ཡ. པ་དྷཱ་ནནྟི ཏ་སྶེ་ཝ ཝ་ཌྜྷ་ན་སྶ སཱ་དྷ་ན་ཝ་སེ་ན པ་ཝ་ཏྟ་ཝཱི་རི་ཡཾ.
པ་དྷཱ་ན་སུ་ཏྟ་ཝ་ཎྞ་ནཱ ནི་ཊྛི་ཏཱ.
༡༠. ཨ་དྷ་མྨི་ཀ་སུ་ཏྟ་ཝ་ཎྞ་ནཱ
༧༠. ད་ས་མེ ཝི་ས་མནྟི བྷཱ་ཝ་ན་པུཾ་ས་ཀ་མེ་ཏཾ. ཏེ་ནཱ་ཧ ‘‘ཝི་ས་མཱ ཧུ་ཏྭཱ’’ཏི. ཨ་ས་མ་ཡེ་ནཱཏི ཨ་ཀཱ་ལེ. བྷུ་མྨ་ཏྠེ ཧེ་ཏཾ ཀ་ར་ཎ་ཝ་ཙ་ནཾ. པ་ཀ་ཊྛཾ པ་དྷཱ་ནཾ ཨ་ཉྫ་སཾ ཨེ་ཏེ་ས་ནྟི པ་ཉྫ་སཱ, ཨ་ཉྫ་སཾ པ་ག་ཏཱ པ་ཊི་པ་ནྣཱ་ཏི ཝཱ པ་ཉྫ་སཱ, པ་ཀ་ཏི་མ་གྒ་གཱ་མི་ནོ. ན པ་ཉྫ་སཱ ཨ་པ་ཉྫ་སཱ, ཨ་མ་གྒ་པྤ་ཊི་པ་ནྣཱ. ཏེ པ་ན ཡ་སྨཱ མ་གྒ་ཏོ ཨ་པ་ག་ཏཱ ནཱ་མ ཧོ་ནྟི, ཏ་སྨཱ ཝུ་ཏྟཾ ‘‘མ་གྒ་ཏོ ཨ་པ་ག་ཏཱ’’ཏི་ཨཱ་དི.
གཱ་ཐཱ་སུ པ་ན ཨེ་ཝ་མེ་ཏྠ ས་མྦ་ནྡྷོ ཝེ་དི་ཏ་བྦོ. གུ་ནྣཾ ཙེ ཏ་ར་མཱ་ནཱ་ནནྟི གཱ་ཝཱི་སུ མ་ཧོ་གྷཾ ཏ་ར་ནྟཱི་སུ. ཛི་མྷཾ ག་ཙྪ་ཏི པུ་ངྒ་ཝོཏི ཡ་དི ཡཱུ་ཐ་པ་ཏི ཨུ་ས་བྷོ ཀུ་ཊི་ལཾ ག་ཙྪ་ཏི. ས་བྦཱ ཏཱ ཛི་མྷཾ ག་ཙྪ་ནྟཱིཏི ས་བྦཱ ཏཱ གཱ་ཝི་ཡོ ཀུ་ཊི་ལ་མེ་ཝ ག་ཙྪ་ནྟི. ཀ་སྨཱ? ནེ་ཏྟེ ཛི་མྷཾ ག་ཏེ ས་ཏི ཏ་སྶ ཀུ་ཊི་ལ་ག་ཏ་ཏྟཱ. སོ ཧི ཏཱ་སཾ པ་ཙྩ་ཡི་ཀོ ཨུ་པ་དྡ་ཝ་ཧ་རོ ཙ. ཨེ་ཝ་མེ་ཝནྟི ཡ་ཐཱ ཙེ་ཏཾ, ཨེ་ཝ་མེ་ཝ ཡོ མ་ནུ་སྶེ་སུ པ་དྷཱ་ན་ས་མྨ་ཏོ, ཡ་དི སོ ཨ་དྷ་མྨ་ཙཱ་རཱི སི་ཡཱ, ཡེ ཏ་སྶ ཨ་ནུ་ཛཱི་ཝི་ནོ, ས་བྦེ་པི ཨ་དྷ་མྨི་ཀཱ ཧོ་ནྟི. སཱ་མི་ས་མྤ་དཱ ཧི པ་ཀ་ཏི་ས་མྤ་དཾ ས་མྤཱ་དེ་ཏི. ཡ་སྨཱ ཨེ་ཏ་དེ་ཝཾ, ཏ་སྨཱ ས་བྦཾ ར་ཊྛཾ དུ་ཀྑཾ སེ་ཏི, རཱ་ཛཱ ཙེ ཧོ་ཏི ཨ་དྷ་མྨི་ཀོ.
ཨ་དྷ་མྨི་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.
པ་ཏྟ་ཀ་མྨ་ཝ་གྒ་ཝ་ཎྞ་ནཱ ནི་ཊྛི་ཏཱ.