༩. ཝི་པ་ལླཱ་ས་སུ་ཏྟ་ཝ་ཎྞ་ནཱ

༤༩. ན་ཝ་མེ ཨ་ནི་ཙྩཱ་དཱི་ནི ཝ་ཏྠཱུ་ནི ནི་ཙྩ་ནྟི་ཨཱ་དི་ནཱ ཝི་པ་རཱི་ཏ་ཏོ ཨ་ས་ནྟཱི་ཏི ཝི་པ་ལླཱ་སཱ, ས་ཉྙཱ་ཡ ཝི་པ་ལླཱ་སོ ས་ཉྙཱ་ཝི་པ་ལླཱ་སོ. ཨི་ཏ་རེ་སུ་པི ཏཱི་སུ ཨེ་སེ་ཝ ན་ཡོ. ཨེ་ཝ་མེ་ཏེ ཙ་ཏུ་ནྣཾ ཝ་ཏྠཱུ་ནཾ ཝ་སེ་ན ཙ་ཏྟཱ་རོ, ཏེ་སུ ཝ་ཏྠཱུ་སུ ས་ཉྙཱ་དཱི་ནཾ ཝ་སེ་ན དྭཱ་ད་ས ཧོ་ནྟི. ཏེ་སུ ཨ་ཊྛ སོ་ཏཱ་པ་ཏྟི་མ་གྒེ་ན པ་ཧཱི་ཡ་ནྟི. ཨ་སུ་བྷེ སུ་བྷནྟི ས་ཉྙཱ་ཙི་ཏྟ་ཝི་པ་ལླཱ་སཱ ས་ཀ་དཱ་གཱ་མི་མ་གྒེ་ན ཏ་ནུ་ཀཱ ཧོ་ནྟི, ཨ་ནཱ་གཱ་མི་མ་གྒེ་ན པ་ཧཱི་ཡ་ནྟི. དུ་ཀྑེ སུ་ཁནྟི ས་ཉྙཱ་ཙི་ཏྟ་ཝི་པ་ལླཱ་སཱ ཨ་ར་ཧ་ཏྟ་མ་གྒེ་ན པ་ཧཱི་ཡ་ནྟཱི་ཏི ཝེ་དི་ཏ་བྦཱ. སེ་ས་མེ་ཏྠ ཨུ་ཏྟཱ་ན་མེ་ཝ.

ཝི་པ་ལླཱ་ས་སུ་ཏྟ་ཝ་ཎྞ་ནཱ ནི་ཊྛི་ཏཱ.