(༢༦) ༦. ཨ་བྷི་ཉྙཱ་ཝ་གྒོ

༡-༣. ཨ་བྷི་ཉྙཱ་སུ་ཏྟཱ་དི་ཝ་ཎྞ་ནཱ

༢༥༤-༢༥༦. ཚ་ཊྛ་སྶ པ་ཋ་མེ པ་ཙྩ་ནཱི་ཀ་ས་མ་ན་ཏོ ས་མ་ཐོ, ས་མཱ་དྷཱི་ཏི ཨཱ་ཧ ‘‘ཙི་ཏྟེ་ཀ་གྒ་ཏཱ’’ཏི. ཨ་ནི་ཙྩཱ་དི་ནཱ ཝི་ཝི་དྷེ་ནཱ་ཀཱ་རེ་ན ད་སྶ་ན་ཏོ ཝི་པ་སྶ་ནཱ, ས་ངྑཱ་ར་པ་རི་གྒཱ་ཧ་ཀ་ཉཱ་ཎཾ. ཏེ་ནཱ་ཧ ‘‘ས་ངྑཱ་ར་པ་རི་གྒ་ཧ་ཝི་པ་སྶ་ནཱ་ཉཱ་ཎ’’ནྟི.

དུ་ཏི་ཡེ ཨ་ན་རི་ཡེ་ཧི པ་རི་ཡེ་སི་ཏ་བྦ་ཏྟཱ ཨ་ན་རི་ཡཱ་ནཾ པ་རི་ཡེ་ས་ནཱ་ཏི ཨ་ན་རི་ཡ་པ་རི་ཡེ་ས་ནཱ. ས་ཡཾ ལཱ་མ་ཀ་ཏཱ་ཡ ཨ་ན་རི་ཡཱ་ནཾ པ་རི་ཡེ་ས་ནཱ་ཏི ཝཱ ཨ་ན་རི་ཡ་པ་རི་ཡེ་ས་ནཱ. ཛ་རཱ་ས་བྷཱ་ཝནྟི ཛཱི་ར་ཎ་པ་ཀ་ཏི་ཀཾ. ཏ་ཏི་ཡཾ ཨུ་ཏྟཱ་ན་མེ་ཝ.

ཨ་བྷི་ཉྙཱ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

༤-༡༠. མཱ་ལུ་ཀྱ་པུ་ཏྟ་སུ་ཏྟཱ་དི་ཝ་ཎྞ་ནཱ

༢༥༧-༢༦༣. ཙ་ཏུ་ཏྠེ ཨ་པ་སཱ་དེ་ཏཱིཏི ནི་གྒ་ཎྷཱ་ཏི. ཨུ་སྶཱ་དེ་ཏཱིཏི པ་གྒ་ཎྷཱ་ཏི. ཨ་པ་སཱ་ད་ནཱ་ཀཱ་རཾ ཨུ་སྶཱ་ད་ནཱ་ཀཱ་ར་ཉྩ ཝི་བྷཱ་ཝེ་ཏུཾ ‘‘ཀ་ཐ’’ནྟི་ཨཱ་དི ཨཱ་ར་དྡྷཾ. པ་ཉྩ་མཱ་དཱི་ནི ཨུ་ཏྟཱ་ནཱ་ནེ་ཝ. སེ་སཾ སུ་ཝི་ཉྙེ་ཡྻ་མེ་ཝ.

མཱ་ལུ་ཀྱ་པུ་ཏྟ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.

ཨ་བྷི་ཉྙཱ་ཝ་གྒ་ཝ་ཎྞ་ནཱ ནི་ཊྛི་ཏཱ.

ཨི་ཏི མ་ནོ་ར་ཐ་པཱུ་ར་ཎི་ཡཱ ཨ་ངྒུ་ཏྟ་ར་ནི་ཀཱ་ཡ-ཨ་ཊྛ་ཀ་ཐཱ་ཡ

ཙ་ཏུ་ཀྐ་ནི་པཱ་ཏ་ཝ་ཎྞ་ནཱ་ཡ ཨ་ནུ་ཏྟཱ་ན་ཏྠ་དཱི་པ་ནཱ ས་མ་ཏྟཱ.

དུ་ཏི་ཡོ བྷཱ་གོ ནི་ཊྛི་ཏོ.