(༢༥) ༥. ཨཱ་པ་ཏྟི་བྷ་ཡ་ཝ་གྒོ
༡. ས་ངྒྷ་བྷེ་ད་ཀ་སུ་ཏྟ་ཝ་ཎྞ་ནཱ
༢༤༣. པ་ཉྩ་མ་སྶ པ་ཋ་མེ ཝི་ཝཱ་དཱ་དྷི་ཀ་ར་ཎཱ་དཱི་སཱུཏི ཝི་ཝཱ་དཱ་དྷི་ཀ་ར་ཎཾ ཨ་ནུ་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎ་ནྟི ཨི་མེ་སུ ཙ་ཏཱུ་སུ. ཏ་ཏྠ དྷ་མྨོ་ཏི ཝཱ ཨ་དྷ་མྨོ་ཏི ཝཱ ཨ་ཊྛཱ་ར་ས་ཧི ཝ་ཏྠཱུ་ཧི ཝི་ཝ་ད་ནྟཱ་ནཾ བྷི་ཀྑཱུ་ནཾ ཡོ ཝི་ཝཱ་དོ, ཨི་དཾ ཝི་ཝཱ་དཱ་དྷི་ཀ་ར་ཎཾ ནཱ་མ. སཱི་ལ་ཝི་པ་ཏྟི་ཡཱ ཝཱ ཨཱ་ཙཱ་ར་དི་ཊྛི་ཨཱ་ཛཱི་ཝ་ཝི་པ་ཏྟི་ཡཱ ཝཱ ཨ་ནུ་ཝ་ད་ནྟཱ་ནཾ ཡོ ཨ་ནུ་ཝཱ་དོ ཨུ་པ་ཝ་ད་ནཱ ཙེ་ཝ ཙོ་ད་ནཱ ཙ, ཨི་དཾ ཨ་ནུ་ཝཱ་དཱ་དྷི་ཀ་ར་ཎཾ ནཱ་མ. མཱ་ཏི་ཀཱ་ཡ ཨཱ་ག་ཏཱ པ་ཉྩ, ཝི་བྷ་ངྒེ དྭེ་ཏི ས་ཏྟ་པི ཨཱ་པ་ཏྟི་ཀྑ་ནྡྷཱ, ཨི་དཾ ཨཱ་པ་ཏྟཱ་དྷི་ཀ་ར་ཎཾ ནཱ་མ. ས་ངྒྷ་སྶ ཨ་པ་ལོ་ཀ་ནཱ་དཱི་ནཾ ཙ་ཏུ་ནྣཾ ཀ་མྨཱ་ནཾ ཀ་ར་ཎཾ, ཨི་དཾ ཀི་ཙྩཱ་དྷི་ཀ་ར་ཎཾ ནཱ་མ. སེ་ས་མེ་ཏྠ ཨུ་ཏྟཱ་ན་མེ་ཝ.
ས་ངྒྷ་བྷེ་ད་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.
༢-༣. ཨཱ་པ་ཏྟི་བྷ་ཡ་སུ་ཏྟཱ་དི་ཝ་ཎྞ་ནཱ
༢༤༤-༥. དུ་ཏི་ཡེ བྷ་སྶ་ཏི ནི་ར་ཏྠ་ཀ་བྷཱ་ཝེ་ན ཁི་པཱི་ཡ་ཏཱི་ཏི བྷ་སྨཾ, ཚཱ་རི་ཀཱ. ཏ་སྶ པུ་ཊཾ བྷ་ཎྜི་ཀཱ བྷ་སྨ་པུ་ཊཾ. ཏེ་ནཱ་ཧ ‘‘བྷ་སྨ་པུ་ཊ་ནྟི ཚཱ་རི་ཀཱ་བྷ་ཎྜི་ཀ’’ནྟི. ཏ་ཏི་ཡཾ ཨུ་ཏྟཱ་ན་ཏྠ་མེ་ཝ.
ཨཱ་པ་ཏྟི་བྷ་ཡ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༤-༧. སེ་ཡྻཱ་སུ་ཏྟཱ་དི་ཝ་ཎྞ་ནཱ
༢༤༦-༩. ཙ་ཏུ་ཏྠེ པེ་ཏཱཏི པེ་ཙྩ་བྷཱ་ཝཾ ག་ཏཱ. ཏེ པ་ན ཡ་སྨཱ ཨི་དྷ ཀ་ཏ་ཀཱ་ལ་ཀི་རི་ཡཱ ཀཱ་ལེ་ན ཀ་ཏ་ཛཱི་ཝི་ཏུ་ཙྪེ་དཱ ཧོ་ནྟི, ཏ་སྨཱ ཝུ་ཏྟཾ ‘‘ཀཱ་ལ་ཀ་ཏཱ ཝུ་ཙྩ་ནྟཱི’’ཏི, མ་ཏཱ་ཏི ཨ་ཏྠོ. ཨ་ཐ ཝཱ པེ་ཙྩ་བྷ་ཝཾ ག་ཏཱ, པེ་ཏཱུ་པ་པ་ཏྟི་ཝ་སེ་ན ནི་བྦ་ཏྟིཾ ཨུ་པ་ག་ཏཱ་ཏི ཨ་ཏྠོ. ཏེ་ནཱ་ཧ ‘‘ཨ་ཐ ཝཱ པེ་ཏ་ཝི་ས་ཡེ ནི་བྦ་ཏྟཱ པེ་ཏཱ ནཱ་མཱ’’ཏི. ཨེ་ཀེ་ན པ་སྶེ་ན ས་ཡི་ཏུཾ ན ས་ཀྐོ་ནྟི དུ་ཀྑུ་པྤ་ཏྟི་ཏོ.
ཏེ་ཛུ་སྶ་ད་ཏྟཱཏི ཨི་མི་ནཱ སཱི་ཧ་སྶ ཨ་བྷཱི་རུ་ཀ་བྷཱ་ཝཾ ད་སྶེ་ཏི. བྷཱི་རུ་ཀཱ སེ་ས་མི་གཱ ཨ་ཏྟ་ནོ ཨཱ་ས་ཡཾ པ་ཝི་སི་ཏྭཱ ས་ནྟཱ་ས་པུ་བྦ་ཀཾ ཡ་ཐཱ ཏ་ཐཱ ས་ཡ་ནྟི, སཱི་ཧོ པ་ན ཨ་བྷཱི་རུ་ཀོ ས་བྷཱ་ཝ་ཏོ ས་ཏོ་ཀཱ་རཱི བྷི་ཀྑུ ཝི་ཡ ས་ཏིཾ ཨུ་པ་ཊྛ་པེ་ཏྭཱ་ཝ ས་ཡ་ཏི. ཏེ་ནཱ་ཧ ‘‘དྭེ པུ་རི་མ་པཱ་དེ’’ཏི་ཨཱ་དི. ད་ཀྑི་ཎེ པུ་རི་མ་པཱ་དེ ཝཱ་མ་སྶ པུ་རི་མ་པཱ་ད་སྶ ཋ་པ་ན་ཝ་སེ་ན དྭེ པུ་རི་མ་པཱ་དེ ཨེ་ཀ་སྨིཾ ཋཱ་ནེ ཋ་པེ་ཏྭཱ. པ་ཙྪི་མ་པཱ་དེ ཝུ་ཏྟ་ན་ཡེ་ནེ་ཝ ཨི་དྷཱ་པི ཨེ་ཀ་སྨིཾ ཋཱ་ནེ ཋ་པ་ནཾ ཝེ་དི་ཏ་བྦཾ, ཋི་ཏོ་ཀཱ་ས་ས་ལླ་ཀྑ་ཎཾ ཨ་བྷཱི་རུ་ཀ་ཝ་སེ་ནེ་ཝ. སཱི་སཾ པ་ན ཨུ་ཀྑི་པི་ཏྭཱཏི་ཨཱ་དི་ནཱ ཝུ་ཏྟ་སཱི་ཧ་ཀི་རི་ཡཱ ཨ་ནུ་ཏྲ་སྟ་པྤ་བུ་ཛ྄ཛྷ་ནཱ ཝི་ཡ ཨ་བྷཱི་རུ་བྷཱ་ཝ་སི་དྡྷ་དྷ་མྨ་ཏཱ་ཝ་སེ་ནེ་ཝཱ་ཏི ཝེ་དི་ཏ་བྦཱ. སཱི་ཧ་ཝི་ཛ་མྦྷ་ནཾ ཨ་ཏི་ཝེ་ལཾ ཨེ་ཀཱ་ཀཱ་རེ ཋ་པི་ཏཱ་ནཾ ས་རཱི་རཱ་ཝ་ཡ་ཝཱ་ནཾ ག་མ་ནཱ་དི་ཀི་རི་ཡཱ་སུ ཡོ་གྱ་བྷཱ་ཝཱ་པཱ་ད་ན་ཏྠཾ. ཏི་ཀྑ་ཏྟུཾ སཱི་ཧ་ནཱ་ད་ན་ད་ནཾ ཨ་པྤེ་ས་ཀྑ་མི་ག་རཱ་ཛེ་ཧི པ་རི་ཏྟཱ་ས་པ་རི་ཧ་ར་ཎ་ཏྠཾ.
ཨ་ཡཾ ཝུ་ཙྩ་ཏི, བྷི་ཀྑ་ཝེ, ཏ་ཐཱ་ག་ཏ་སེ་ཡྻཱཏི ཨི་མི་ནཱ ཙ་ཏུ་ཏྠ་ཛ྄ཛྷཱ་ན་སེ་ཡྻཱ ཏ་ཐཱ་ག་ཏ་སེ་ཡྻཱ ནཱ་མཱ་ཏི ད་སྶེ་ཏི. སེ་ཏི ཨ་བྱཱ་ཝ་ཊ་བྷཱ་ཝེ་ན པ་ཝ་ཏྟ་ཏི ཨེ་ཏྠཱ་ཏི སེ་ཡྻཱ, ཙ་ཏུ་ཏྠ་ཛ྄ཛྷཱ་ན་མེ་ཝ སེ་ཡྻཱ ཙ་ཏུ་ཏྠ་ཛ྄ཛྷཱ་ན་སེ་ཡྻཱ. ཀིཾ པ་ན ཏཾ ཙ་ཏུ་ཏྠ་ཛ྄ཛྷཱ་ན་ནྟི? ཨཱ་ནཱ་པཱ་ན་ཙ་ཏུ་ཏྠ་ཛ྄ཛྷཱ་ནཾ. ཏ་ཏྠ ཧི ཋ་ཏྭཱ ཝི་པ་སྶ་ནཾ ཝ་ཌྜྷེ་ཏྭཱ བྷ་ག་ཝཱ ཨ་ནུ་ཀྐ་མེ་ན ཨ་གྒ་མ་གྒཾ ཨ་དྷི་ག་ནྟྭཱ ཏ་ཐཱ་ག་ཏོ ཛཱ་ཏོ་ཏི. ཏ་ཡི་དཾ པ་ད་ཊྛཱ་ནཾ ནཱ་མ ན སེ་ཡྻཱ, ཏ་ཐཱ་པི ཡ་སྨཱ ‘‘ཙ་ཏུ་ཏྠ་ཛ྄ཛྷཱ་ན་ས་མ་ན་ནྟ་རཱ བྷ་ག་ཝཱ པ་རི་ནི་བྦཱ་ཡཱི’’ཏི མ་ཧཱ་པ་རི་ནི་བྦཱ་ནེ (དཱི. ནི. ༢.༢༡༩) ཨཱ་ག་ཏཾ, ཏ་སྨཱ ལོ་ཀི་ཡ་ཙ་ཏུ་ཏྠ་ཛ྄ཛྷཱ་ན་ས་མཱ་པ་ཏྟི ཨེ་ཝ ཏ་ཐཱ་ག་ཏ་སེ་ཡྻཱ་ཏི ཀེ་ཙི. ཨེ་ཝཾ ས་ཏི པ་རི་ནི་བྦཱ་ན་ཀཱ་ལི་ཀཱ་ཝ ཏ་ཐཱ་ག་ཏ་སེ་ཡྻཱ ཨཱ་པ་ཛྫ་ཏི, ན ཙ བྷ་ག་ཝཱ ལོ་ཀི་ཡ་ཙ་ཏུ་ཏྠ་ཛ྄ཛྷཱ་ན་ས་མཱ་པ་ཛྫ་ན་བ་ཧུ་ལོ ཝི་ཧཱ་སི. ཨ་གྒ་ཕ་ལ་ཝ་སེ་ན པ་ཝ་ཏྟཾ པ་ནེ་ཏྠ ཙ་ཏུ་ཏྠ་ཛ྄ཛྷཱ་ནཾ ཝེ་དི་ཏ་བྦཾ. ཏ་ཏྠ ཡ་ཐཱ ས་ཏྟཱ་ནཾ ནི་དྡཱུ་པ་ག་མ་ལ་ཀྑ་ཎཱ སེ་ཡྻཱ བྷ་ཝ་ངྒ་ཙི་ཏྟ་ཝ་སེ་ན ཧོ་ཏི, སཱ པ་ན ནེ་སཾ པ་ཋ་མ་ཛཱ་ཏི་ས་མ་ནྭ་ཡཱ ཡེ་བྷུ་ཡྻ་ཝུ་ཏྟི་ཀཱ, ཨེ་ཝཾ བྷ་ག་ཝ་ཏོ ཨ་རི་ཡ་ཛཱ་ཏི་ས་མ་ནྭ་ཡཾ ཡེ་བྷུ་ཡྻ་ཝུ་ཏྟི་ཀཾ ཨ་གྒ་ཕ་ལ་བྷཱུ་ཏཾ ཙ་ཏུ་ཏྠ་ཛ྄ཛྷཱ་ནཾ ཏ་ཐཱ་ག་ཏ་སེ་ཡྻཱ་ཏི ཝེ་དི་ཏ་བྦཾ. པ་ཉྩ་མཱ་དཱི་ནི ཨུ་ཏྟཱ་ན་ཏྠཱ་ནི.
སེ་ཡྻཱ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༨. པ་ཋ་མ་ཝོ་ཧཱ་ར་སུ་ཏྟ་ཝ་ཎྞ་ནཱ
༢༥༠-༢༥༣. ཨ་ཊྛ་མེ ཨ་ན་རི་ཡཱ་ནནྟི ཨ་སཱ་དྷཱུ་ནཾ ནི་ཧཱི་ནཱ་ནཾ. ཝོ་ཧཱ་རཱཏི སཾ་ཝོ་ཧཱ་རཱ ཨ་བྷི་ལཱ་པཱ ཝཱ, ‘‘དི་ཊྛཾ མ་ཡཱ’’ཏི ཨེ་ཝཾ་ཝཱ་དི་ཏཱ. ཨེ་ཏྠ ཙ ཏཾ་ཏཾ་ས་མུ་ཊྛཱ་པ་ཀ་ཙེ་ཏ་ནཱ་ཝ་སེ་ན ཨ་ཏྠོ ཝེ་དི་ཏ་བྦོ. ན་ཝ་མཱ་དཱི་སུ ན་ཏྠི ཝ་ཏྟ་བྦཾ.
པ་ཋ་མ་ཝོ་ཧཱ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.
ཨཱ་པ་ཏྟི་བྷ་ཡ་ཝ་གྒ་ཝ་ཎྞ་ནཱ ནི་ཊྛི་ཏཱ.
པ་ཉྩ་མ་པ་ཎྞཱ་ས་ཀཾ ནི་ཊྛི་ཏཾ.