༦. ཨུ་མྨ་གྒ་སུ་ཏྟ་ཝ་ཎྞ་ནཱ

༡༨༦. ཚ་ཊྛེ ཨཱ་ཀ་ཌྜྷཱི་ཡ་ཏཱིཏི ཙི་ཏྟ་ཝ་སི་ཀོ ལོ་ཀོ ཏ་ཏྠ ཏ་ཏྠ ཨུ་པ་ཀ་ཌྜྷཱི་ཡ་ཏི. ཏེ་སཾ་ཡེ་ཝེ་ཏྠ ག་ཧ་ཎཾ ཝེ་དི་ཏ་བྦནྟི ཡེ ཨ་པ་རི་ཉྙཱ་ཏ་ཝ་ཏྠུ་ཀཱ ཙི་ཏྟ་སྶ ཝ་སཾ ག་ཙྪ་ནྟི, ཏེ་སཾ་ཡེ་ཝ ག་ཧ་ཎཾ. ན ཧི པ་རི་ཉྙཱ་ཏ་ཀྑ་ནྡྷཱ པ་ཧཱི་ན་ཀི་ལེ་སཱ ཙི་ཏྟ་སྶ ཝ་སཾ ག་ཙྪ་ནྟི, ཙི་ཏྟཾ པ་ན ཨ་ཏྟ་ནོ ཝ་སེ ཝ་ཏྟེ་ནྟི. ས་ཧ སཱི་ལེ་ནཱཏི ཙཱ་རི་ཏྟ་ཝཱ་རི་ཏྟ་སཱི་ལེ་ན ས་དྡྷིཾ. པུ་བྦ་བྷཱ་ག་པ་ཊི་པ་དནྟི དྷུ་ཏ་ངྒ་མཱ་དིཾ ཀ་ཏྭཱ ཡཱ་ཝ གོ་ཏྲ་བྷུ་ཉཱ་ཎཾ, ཏཱ་ཝ པ་ཝ་ཏྟེ་ཏ་བྦཾ ས་མ་ཐ་ཝི་པ་སྶ་ནཱ་ས་ངྑཱ་ཏཾ ས་མྨཱ་པ་ཊི་པ་དཾ. སེ་སཾ སུ་ཝི་ཉྙེ་ཡྻ་མེ་ཝ.

ཨུ་མྨ་གྒ་སུ་ཏྟ་ཝ་ཎྞ་ནཱ ནི་ཊྛི་ཏཱ.