༡-༢. ཨ་ནུ་བུ་དྡྷ་སུ་ཏྟཱ་དི་ཝ་ཎྞ་ནཱ

༡-༢. ཙ་ཏུ་ཀྐ་ནི་པཱ་ཏ་སྶ པ་ཋ་མེ ཨ་ནུ་བོ་དྷོ པུ་བྦ་བྷཱ་གི་ཡཾ ཉཱ་ཎཾ, པ་ཊི་ཝེ་དྷོ ཨ་ནུ་བོ་དྷེ་ན ཨ་བྷི་ས་མ་ཡོ. ཏ་ཏྠ ཡ་སྨཱ ཨ་ནུ་བོ་དྷ་པུ་བྦ་ཀོ པ་ཊི་ཝེ་དྷོ ཨ་ནུ་བོ་དྷེ་ན ཝི་ནཱ ན ཧོ་ཏི. ཨ་ནུ་བོ་དྷོ ཧི ཨེ་ཀ་ཙྩོ པ་ཊི་ཝེ་དྷ་ས་མྦ་དྡྷོ, ཏ་དུ་བྷ་ཡཱ་བྷཱ་ཝ་ཧེ་ཏུ་ཀ་ཉྩ ཝ་ཊྚེ སཾ་ས་ར་ཎཾ, ཏ་སྨཱ ཝུ་ཏྟཾ པཱ་ལི༹་ཡཾ ‘‘ཨ་ན་ནུ་བོ་དྷཱ…པེ… ཏུ་མྷཱ་ཀ་ཉྩཱ’’ཏི. པ་ཊི་ས་ནྡྷི་གྒ་ཧ་ཎ་ཝ་སེ་ན བྷ་ཝ་ཏོ བྷ་ཝ་ནྟ་རཱུ་པ་ག་མ་ནཾ ས་ནྡྷཱ་ཝ་ནཾ, ཨ་པ་རཱ་པ་རཾ ཙ་ཝ་ནཱུ་པ་པ་ཛྫ་ན་ཝ་སེ་ན ས་ཉྩ་ར་ཎཾ སཾ་ས་ར་ཎནྟི ཨཱ་ཧ ‘‘བྷ་ཝ་ཏོ’’ཏི་ཨཱ་དི. ས་ནྡྷཱ་ཝི་ཏ་སཾ་ས་རི་ཏ་པ་དཱ་ནཾ ཀ་མྨ་སཱ་དྷ་ན་ཏཾ ས་ནྡྷཱ་ཡཱ་ཧ ‘‘མ་ཡཱ ཙ ཏུ་མྷེ་ཧི ཙཱ’’ཏི པ་ཋ་མ་ཝི་ཀ་པྤེ. དུ་ཏི་ཡ་ཝི་ཀ་པྤེ པ་ན བྷཱ་ཝ་སཱ་དྷ་ན་ཏཾ ཧ་ད་ཡེ ཀ་ཏྭཱ ‘‘མ་མ་ཉྩེ་ཝ ཏུ་མྷཱ་ཀ་ཉྩཱ’’ཏི ཡ་ཐཱ་རུ་ཏ་ཝ་སེ་ནེ་ཝ ཝུ་ཏྟཾ. དཱི་གྷ་ར་ཛྫུ་ནཱ བ་དྡྷ་ས་ཀུ་ཎཾ ཝི་ཡ ར་ཛྫུ་ཧ་ཏྠོ པུ་རི་སོ དེ་ས་ནྟ་རཾ ཏ་ཎྷཱ་ར་ཛྫུ་ནཱ བ་དྡྷཾ ས་ཏྟ་ས་ནྟཱ་ནཾ ཨ་བྷི་ས་ངྑཱ་རོ བྷ་ཝ་ནྟ་རཾ ནེ་ཏི ཨེ་ཏཱ་ཡཱ་ཏི བྷ་ཝ་ནེ་ཏྟི. ཏེ་ནཱ་ཧ ‘‘བྷ་ཝ་ར་ཛྫཱུ’’ཏི་ཨཱ་དཱི.

ཝ་ཊྚ་དུ་ཀྑ་སྶ ཨ་ནྟ་ཀ་རོཏི ས་ཀ་ལ་ཝ་ཊྚ་དུ་ཀྑ་སྶ ས་ཀ་ས་ནྟཱ་ནེ པ་ར་ས་ནྟཱ་ནེ ཙ ཝི་ནཱ་ས་ཀ་རོ ཨ་བྷཱ་ཝ་ཀ་རོ. བུ་དྡྷ་ཙ་ཀྑུ་དྷ་མྨ་ཙ་ཀྑུ་དི་བྦ་ཙ་ཀྑུ་མཾ་ས་ཙ་ཀྑུ་ས་མ་ནྟ་ཙ་ཀྑུ་ས་ངྑཱ་ཏེ་ཧི པ་ཉྩ་ཧི ཙ་ཀྑཱུ་ཧི ཙ་ཀྑུ་མཱ. ས་ཝཱ་ས་ནཱ་ནཾ ཀི་ལེ་སཱ་ནཾ ས་མུ་ཙྪི་ནྣ་ཏྟཱ སཱ་ཏི་ས་ཡཾ ཀི་ལེ་ས་པ་རི་ནི་བྦཱ་ནེ་ན པ་རི་ནི་བྦུ་ཏོ. དུ་ཏི་ཡཾ ཨུ་ཏྟཱ་ན་མེ་ཝ.

ཨ་ནུ་བུ་དྡྷ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.