(༡༦) ༡. ཨི་ནྡྲི་ཡ་ཝ་གྒོ
༡-༥. ཨི་ནྡྲི་ཡ་སུ་ཏྟཱ་དི་ཝ་ཎྞ་ནཱ
༡༥༡-༡༥༥. ཙ་ཏུ་ཏྠ་སྶ པ་ཋ་མཱ་དཱི་ནི ཨུ་ཏྟཱ་ནཱ་ནེ་ཝ.
ཨི་ནྡྲི་ཡ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༦-༨. ཀ་པྤ་སུ་ཏྟཱ་དི་ཝ་ཎྞ་ནཱ
༡༥༦-༡༥༨. ཚ་ཊྛེ སཾ་ཝ་ཊྚ་ནཾ ཝི་ན་སྶ་ནཾ སཾ་ཝ་ཊྚོ, སཾ་ཝ་ཊྚ་ཏོ ཨུ་དྡྷཾ ཏ་ཐཱ ཋཱ་ཡཱི སཾ་ཝ་ཊྚ་ཊྛཱ་ཡཱི. ཝི་ཝ་ཊྚ་ནཾ ནི་བྦ་ཏྟ་ནཾ, ཝ་ཌྜྷ་ནཾ ཝཱ ཝི་ཝ་ཊྚོ. ‘‘ཏེ་ཛོ་སཾ་ཝ་ཊྚོ, ཨཱ་པོ་སཾ་ཝ་ཊྚོ, ཝཱ་ཡོ་སཾ་ཝ་ཊྚོ་ཏི ཨེ་ཝཾ སཾ་ཝ་ཊྚ་སཱི་མཱ་ནུ་ཀྐ་མེ་ན སཾ་ཝ་ཊྚེ་སུ ཝ་ཏྟ་བྦེ་སུ ཏ་ཐཱ ཨ་ཝ་ཏྭཱ ཨཱ་པོ་སཾ་ཝ་ཊྚོ, ཏེ་ཛོ་སཾ་ཝ་ཊྚོ, ཝཱ་ཡོ་སཾ་ཝ་ཊྚོ་ཏི ཝ་ཙ་ནཾ སཾ་ཝ་ཊྚ་མ་ཧཱ་བྷཱུ་ཏ་དེ་ས་ནཱ་ནུ་པུ་བྦི་ཡཱ’’ཏི ཀེ་ཙི. ‘‘བྷཱ་ཝཱི་སཾ་ཝ་ཊྚཱ་ནུ་པུ་བྦི་ཡཱ’’ཏི ཨ་པ་རེ. ཨཱ་པེ་ན སཾ་ཝ་ཊྚོ ཨཱ་པོ་སཾ་ཝ་ཊྚོ. སཾ་ཝ་ཊྚ་སཱི་མཱཏི སཾ་ཝ་ཊྚ་ན་མ་རི་ཡཱ་དཱ. སཾ་ཝ་ཊྚ་ཏཱིཏི ཝི་ན་སྶ་ཏི. ས་དཱཏི ས་བྦ་ཀཱ་ལཾ, ཏཱི་སུ་པི སཾ་ཝ་ཊྚ་ཀཱ་ལེ་སཱུ་ཏི ཨ་ཏྠོ. ཨེ་ཀཾ བུ་དྡྷ་ཀྑེ་ཏྟཾ ཝི་ན་སྶ་ཏཱིཏི ཨེ་ཏྠ བུ་དྡྷ་ཀྑེ་ཏྟཾ ནཱ་མ ཏི་ཝི་དྷཾ ཧོ་ཏི ཛཱ་ཏི་ཀྑེ་ཏྟཾ, ཨཱ་ཎཱ་ཀྑེ་ཏྟཾ, ཝི་ས་ཡ་ཀྑེ་ཏྟ་ཉྩ.
ཏ་ཏྠ ཛཱ་ཏི་ཀྑེ་ཏྟཾ ད་ས་ས་ཧ་སྶ་ཙ་ཀྐ་ཝཱ་ལ༹་པ་རི་ཡ་ནྟཾ ཧོ་ཏི, ཏ་ཐཱ་ག་ཏ་སྶ པ་ཊི་ས་ནྡྷི་གྒ་ཧ་ཎཱ་དཱི་སུ ཀ་མྤ་ཏི. ཨཱ་ཎཱ་ཀྑེ་ཏྟཾ ཀོ་ཊི་ས་ཏ་ས་ཧ་སྶ་ཙ་ཀྐ་ཝཱ་ལ༹་པ་རི་ཡ་ནྟཾ, ཡ་ཏྠ ར་ཏ་ན་སུ་ཏྟཾ (ཁུ. པཱ. ༦.༡ ཨཱ་ད་ཡོ; སུ. ནི. ༢༢༤ ཨཱ་ད་ཡོ) ཁ་ནྡྷ་པ་རི་ཏྟཾ (ཨ. ནི. ༤.༦༧; ཙཱུ་ལ༹་ཝ. ༢༥༡) དྷ་ཛ་གྒ་པ་རི་ཏྟཾ (སཾ. ནི. ༡.༢༤༩) ཨཱ་ཊཱ་ནཱ་ཊི་ཡ་པ་རི་ཏྟཾ (དཱི. ནི. ༣.༢༧༧-༢༧༨) མོ་ར་པ་རི་ཏྟནྟི (ཛཱ. ༡.༢.༡༧-༡༨) ཨི་མེ་སཾ པ་རི་ཏྟཱ་ནཾ ཨཱ་ནུ་བྷཱ་ཝོ ཝ་ཏྟ་ཏི. ཝི་ས་ཡ་ཀྑེ་ཏྟཾ ཨ་ན་ནྟཱ་པ་རི་མཱ་ཎཾ, ཡཾ ‘‘ཡཱ་ཝ་ཏཱ ཝཱ པ་ནཱ་ཀ་ངྑེ་ཡྻཱ’’ཏི (ཨ. ནི. ༣.༨༡) ཝུ་ཏྟཾ. ཏ་ཏྠ ཡཾ ཡཾ ཏ་ཐཱ་ག་ཏོ ཨཱ་ཀ་ངྑ་ཏི, ཏཾ ཏཾ ཛཱ་ནཱ་ཏི. ཨེ་ཝ་མེ་ཏེ་སུ ཏཱི་སུ བུ་དྡྷ་ཀྑེ་ཏྟེ་སུ ཨེ་ཀཾ ཨཱ་ཎཱ་ཀྑེ་ཏྟཾ ཝི་ན་སྶ་ཏི, ཏ་སྨིཾ པ་ན ཝི་ན་སྶ་ནྟེ ཛཱ་ཏི་ཀྑེ་ཏྟཾ ཝི་ན་ཊྛ་མེ་ཝ ཧོ་ཏི, ཝི་ན་སྶ་ནྟ་ཉྩ ཨེ་ཀ་ཏོ་ཝ ཝི་ན་སྶ་ཏི, ས་ཎྛ་ཧ་ནྟ་ཉྩ ཨེ་ཀ་ཏོ་ཝ ས་ཎྛ་ཧ་ཏི. སེ་ས་མེ་ཏྠ ཝི་སུ་དྡྷི་མ་གྒ་སཾ་ཝ་ཎྞ་ནཱ་སུ (ཝི་སུ་དྡྷི. མ་ཧཱ་ཊཱི. ༢.༤༠༤) ཝུ་ཏྟ་ན་ཡེ་ནེ་ཝ ག་ཧེ་ཏ་བྦཾ. ས་ཏྟ་མ་ཊྛ་མཱ་ནི ཨུ་ཏྟཱ་ན་ཏྠཱ་ནེ་ཝ.
ཀ་པྤ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༩. བྷི་ཀྑུ་ནཱི་སུ་ཏྟ་ཝ་ཎྞ་ནཱ
༡༥༩. ན་ཝ་མེ ཨེ་ཝཾ པ་ཝ་ཏྟཾ པ་ཙྩུ་པྤ་ནྣ་ཏ་ཎྷཾ ནི་སྶཱ་ཡཱཏི ‘‘ཀུ་དཱ་སྶུ ནཱ་མཱ་ཧ་མྤི ཨཱ་ས་ཝཱ་ནཾ ཁ་ཡཱ’’ཏི་ཨཱ་དི་ནཱ ན་ཡེ་ན ཨ་ནུ་ཏྟ་རེ ཝི་མོ་ཀྑེ པི་ཧཾ ཨུ་པྤཱ་དེ་ནྟ་སྶ ཨུ་པྤ་ནྣ་ཏ་ཎྷཾ ནི་སྶཱ་ཡ. ཀ་ཐཾ པ་ན ལོ་ཀུ་ཏྟ་ར་དྷ་མྨེ ཨཱ་ར་བྦྷ ཨཱ་སཱ ཨུ་པྤ་ཛྫ་ཏཱི་ཏི? ན ཁོ པ་ནེ་ཏཾ ཨེ་ཝཾ ད་ཊྛ་བྦཾ, ན ཨཱ་ར་མྨ་ཎ་ཀ་ར་ཎ་ཝ་སེ་ན ཏ་ཏྠ པི་ཧཱ པ་ཝ་ཏྟ་ཏི ཨ་ཝི་ས་ཡ་ཏྟཱ པུ་གྒ་ལ་སྶ ཙ ཨ་ན་དྷི་ག་ཏ་བྷཱ་ཝ་ཏོ. ཨ་ནུ་སྶ་ཝཱུ་པ་ལ་དྡྷེ པ་ན ཨ་ནུ་ཏྟ་ར་ཝི་མོ་ཀྑེ ཨུ་དྡི་སྶ པི་ཧཾ ཨུ་པྤཱ་དེ་ནྟོ ཏ་ཏྠ པི་ཧཾ ཨུ་པྤཱ་དེ་ཏི ནཱ་མ. ནཱ་ཀ་ཌྜྷ་ཏཱིཏི ཀ་མྨ་པ་ཐ་བྷཱ་ཝཾ ཨ་པྤ་ཏྟ་ཏཱ་ཡ པ་ཊི་ས་ནྡྷིཾ ན དེ་ཏི. སེ་སཾ སུ་ཝི་ཉྙེ་ཡྻ་མེ་ཝ.
བྷི་ཀྑུ་ནཱི་སུ་ཏྟ་ཝ་ཎྞ་ནཱ ནི་ཊྛི་ཏཱ.
༡༠. སུ་ག་ཏ་ཝི་ན་ཡ་སུ་ཏྟ་ཝ་ཎྞ་ནཱ
༡༦༠. ད་ས་མེ ཝ་ལ༹་ཉྫེ་ནྟཱིཏི ས་ཛ྄ཛྷཱ་ཡ་ནྟི ཙེ་ཝ ཝཱ་ཙུ་གྒ་ཏཾ ཀ་རོ་ནྟཱ དྷཱ་རེ་ནྟི ཙ. ཨ་ཝི་ག་ཏ་ཏ་ཎྷ་ཏཱ་ཡ ཏཾ ཏཾ པ་རི་ཀྑཱ་ར་ཛཱ་ཏཾ བ་ཧུ་མྤི ཨཱ་དི་ཡ་ནྟཱི་ཏི བ་ཧུ་ལཱ, ཏེ ཨེ་ཝ བཱ་ཧུ་ལི་ཀཱ ཡ་ཐཱ ‘‘ཝེ་ན་ཡི་ཀོ’’ཏི (མ. ནི. ༡.༢༤༦; ཨ. ནི. ༨.༡༡; པཱ་རཱ. ༨). ཏེ པ་ན ཡ་སྨཱ པ་ཙྩ་ཡ་བ་ཧུ་ལ་བྷཱ་ཝཱ ཡུ་ཏྟ་པྤ་ཡུ་ཏྟཱ ནཱ་མ ཧོ་ནྟི, ཏ་སྨཱ ཨཱ་ཧ ‘‘པ་ཙྩ་ཡ་བཱ་ཧུ་ལླཱ་ཡ པ་ཊི་པ་ནྣཱ’’ཏི. སི་ཐི་ལཾ ག་ཎྷ་ནྟཱི་ཏི སཱ་ཐ་ལི་ཀཱ, སི་ཀྑཱ་ཡ ཨཱ་ད་ར་གཱ་ར་ཝཱ་བྷཱ་ཝེ་ན སི་ཐི་ལཾ ཨ་ད་ལ༹ྷཾ ག་ཎྷ་ནྟཱི་ཏི ཨ་ཏྠོ. སི་ཐི་ལནྟི ཙ བྷཱ་ཝ་ན་པུཾ་ས་ཀ་ནི་དྡེ་སོ, སི་ཐི་ལ-ས་དྡེ་ན ཝཱ ས་མཱ་ན་ཏྠ་སྶ སཱ་ཐ་ལ་ས་དྡ་སྶ ཝ་སེ་ན སཱ་ཐ་ལི་ཀཱཏི པ་ད་སི་དྡྷི ཝེ་དི་ཏ་བྦཱ. ཨ་ཝ་ག་མ་ན་ཏོཏི ཨ་དྷོ་ག་མ་ན་ཏོ, ཨོ་ར་མྦྷཱ་གི་ཡ་བྷཱ་ཝ་ཏོ་ཏི ཨ་ཏྠོ. ནི་བྦཱི་རི་ཡཱཏི ཨུ་ཛ྄ཛྷི་ཏུ་སྶཱ་ཧཱ ཏ་ད་དྷི་ག་མཱ་ཡ ཨཱ་ར་མྦྷ་མྤི ཨ་ཀུ་རུ་མཱ་ནཱ.
སུ་ག་ཏ་ཝི་ན་ཡ་སུ་ཏྟ་ཝ་ཎྞ་ནཱ ནི་ཊྛི་ཏཱ.
ཨི་ནྡྲི་ཡ་ཝ་གྒ་ཝ་ཎྞ་ནཱ ནི་ཊྛི་ཏཱ.