(༡༠) ༥. ཨ་སུ་ར་ཝ་གྒོ
༡-༢. ཨ་སུ་ར་སུ་ཏྟཱ་དི་ཝ་ཎྞ་ནཱ
༩༡-༩༢. པ་ཉྩ་མ་སྶ པ་ཋ་མ་དུ་ཏི་ཡཱ་ནི ཨུ་ཏྟཱ་ན་ཏྠཱ་ནེ་ཝ.
ཨ་སུ་ར་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༣. དུ་ཏི་ཡ་ས་མཱ་དྷི་སུ་ཏྟ་ཝ་ཎྞ་ནཱ
༩༣. ཏ་ཏི་ཡེ ཨ་པྤ་ཊི་ཝཱ་ནཱིཏི བྷཱ་ཝ་པྤ་དྷཱ་ནོ ནི་དྡེ་སོ་ཏི ཨཱ་ཧ ‘‘ཨ་ནི་ཝ་ཏྟ་ན་ཏཱ’’ཏི. ‘‘ཨ་པྤ་ཊི་ཝཱ་ནི་ཏཱ’’ཏི ཝ་ཏྟ་བྦེ ‘‘ཨ་པྤ་ཊི་ཝཱ་ནཱི’’ཏི ཝུ་ཏྟཾ. ཏ་ཐཱ ཧི ཝཱི་རི་ཡ་པྤ་ཝཱ་ཧེ ཝ་ཏྟ་མཱ་ནེ ཨ་ནྟ་རཱ ཨེ་ཝ པ་ཊི་ག་མ་ནཾ ནི་ཝ་ཏྟ་ནཾ པ་ཊི་ཝཱ་ནཾ, ཏཾ ཨ་སྶ ཨ་ཏྠཱི་ཏི པ་ཊི་ཝཱ་ནཱི, ན པ་ཊི་ཝཱ་ནཱི ཨ་པྤ་ཊི་ཝཱ་ནཱི, ཏ་སྶ བྷཱ་ཝོ ཨ་པྤ་ཊི་ཝཱ་ནི་ཏཱ, ཨ་ནི་ཝ་ཏྟ་ནཱ་ཏི ཨ་ཏྠོ. ཨ་པྤ་ཊི་ཝཱ་ནཱིཏི ཝཱ ཨི་ཏྠི་ལི་ངྒ་ཝ་སེ་ནེ་ཝཱ་ཡཾ ནི་དྡེ་སོ. ཨ་ནྟ་རཱ་ཡེ་ཝ པ་ཊི་ག་མ་ནཾ ནི་ཝ་ཏྟ་ནཾ པ་ཊི་ཝཱ་ནཱི, ན པ་ཊི་ཝཱ་ནཱི ཨ་པྤ་ཊི་ཝཱ་ནཱི, ཨ་ནི་ཝ་ཏྟ་ནཱ་ཏི ཨ་ཏྠོ.
དུ་ཏི་ཡ་ས་མཱ་དྷི་སུ་ཏྟ་ཝ་ཎྞ་ནཱ ནི་ཊྛི་ཏཱ.
༤. ཏ་ཏི་ཡ་ས་མཱ་དྷི་སུ་ཏྟ་ཝ་ཎྞ་ནཱ
༩༤. ཙ་ཏུ་ཏྠེ ས་ཎྛ་པེ་ཏ་བྦནྟི ས་མྨ་དེ་ཝ ཋ་པེ་ཏ་བྦཾ. ཡ་ཐཱ པ་ན ཋ་པི་ཏཾ ས་ཎྛ་པི་ཏཾ ཧོ་ཏི, ཏཾ ད་སྶེ་ཏུཾ ‘‘ས་ནྣི་སཱ་དེ་ཏ་བྦ’’ནྟི་ཨཱ་དི ཝུ་ཏྟཾ. ཏ་ཏྠ ས་ནྣི་སཱ་དེ་ཏ་བྦནྟི ས་མཱ་དྷི་པྤ་ཊི་པ་ཀྑེ ཀི་ལེ་སེ ས་ནྣི་སཱི་དཱ་པེ་ནྟེ་ན ཙི་ཏྟཾ གོ་ཙ་ར་ཛ྄ཛྷ་ཏྟེ ས་ནྣི་སཱི་དཱ་པེ་ཏ་བྦ་ནྟི. ཨེ་ཀོ་དི ཀཱ་ཏ་བྦནྟི ཨ་བྱ་གྒ་བྷཱ་ཝཱ་པཱ་ད་ནེ་ན ཨེ་ཀ་གྒཾ ཀཱ་ཏ་བྦཾ. ས་མཱ་ད་ཧི་ཏ་བྦནྟི ཡ་ཐཱ ཨཱ་ར་མྨ་ཎེ སུ་ཊྛུ ཨ་པྤི་ཏཾ ཧོ་ཏི, ཨེ་ཝཾ ས་མྨཱ ས་མྨ་དེ་ཝ ཨཱ་ད་ཧི་ཏ་བྦཾ, སུ་ཊྛུ ཨཱ་རོ་པེ་ཏ་བྦཾ ས་མཱ་ཧི་ཏཾ ཀཱ་ཏ་བྦ་ནྟི ཨ་ཏྠོ.
ཏ་ཏི་ཡ་ས་མཱ་དྷི་སུ་ཏྟ་ཝ་ཎྞ་ནཱ ནི་ཊྛི་ཏཱ.
༥-༦. ཚ་ཝཱ་ལཱ་ཏ་སུ་ཏྟཱ་དི་ཝ་ཎྞ་ནཱ
༩༥-༩༦. པ་ཉྩ་མེ ཚ་ཝཱ་ལཱ་ཏནྟི ཚ་ཝཱ་ནཾ ད་ཌྜྷ་ཊྛཱ་ནེ ཨ་ལཱ་ཏཾ. ཏེ་ནེ་ཝཱ་ཧ ‘‘སུ་སཱ་ནེ ཨ་ལཱ་ཏ’’ནྟི. མ་ཛ྄ཛྷ་ཊྛཱ་ནེ གཱུ་ཐ་མ་ཀྑི་ཏནྟི པ་མཱ་ཎེ་ན ཨ་ཊྛ་ངྒུ་ལ་མ་ཏྟཾ དྭཱི་སུ ཋཱ་ནེ་སུ ཨཱ་དི་ཏྟཾ མ་ཛ྄ཛྷེ གཱུ་ཐ་མ་ཀྑི་ཏཾ. ཀ་ཊྛ་ཏྠནྟི ཀ་ཊྛེ་ན ཀཱ་ཏ་བྦ་ཀི་ཙྩཾ. སེ་ས་མེ་ཏྠ ཨུ་ཏྟཱ་ན་མེ་ཝ. ཚ་ཊྛཾ ཨུ་ཏྟཱ་ན་མེ་ཝ.
ཚ་ཝཱ་ལཱ་ཏ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
༧-༡༠. ཁི་པྤ་ནི་ས་ནྟི་སུ་ཏྟཱ་དི་ཝ་ཎྞ་ནཱ
༩༧-༡༠༠. ས་ཏྟ་མེ ཁི་པྤ་ནི་ས་ནྟཱིཏི ཁི་པྤ་པ་ཉྙོ. ཏེ་ནཱ་ཧ ‘‘ཁི་པྤ་ནི་སཱ་མ་ནོ’’ཏི་ཨཱ་དི. ཨ་ནུ་རཱུ་པ་དྷ་མྨནྟི ལོ་ཀུ་ཏྟ་རཱ་དྷི་ག་མ་སྶ ཨ་ནུ་ཙྪ་ཝི་ཀ་ས་བྷཱ་ཝཾ. ཀ་ལྱཱ་ཎཱ སུ་ནྡ་རཱ པ་རི་མ་ཎྜ་ལ་པ་ད་བྱ་ཉྫ་ནཱ ཝཱ་ཙཱ ཨ་སྶཱ་ཏི ཀ་ལྱཱ་ཎ་ཝཱ་ཙོ. ཏེ་ནཱ་ཧ ‘‘སུ་ནྡ་ར་ཝ་ཙ་ནོ’’ཏི. ཀ་ལྱཱ་ཎཾ མ་དྷུ་རཾ ཝཱ་ཀྐ་ར་ཎཾ ཨུ་དཱ་ཧཱ་ར་གྷོ་སོ ཨ་སྶཱ་ཏི ཀ་ལྱཱ་ཎ་ཝཱ་ཀྐ་ར་ཎོ. གུ་ཎ་པ་རི་པུ་ཎྞ་བྷཱ་ཝེ་ན པཱུ་རེ པུ་ཎྞ་བྷཱ་ཝེ བྷ་ཝཱ་ཏི པོ་རཱི, ཏཱ་ཡ པོ་རི་ཡཱ. ཏེ་ནཱ་ཧ ‘‘གུ་ཎ་པ་རི་པུ་ཎྞཱ་ཡཱ’’ཏི. པུ་རེ བྷ་ཝ་ཏྟཱ པོ་རི་ཡཱ ནཱ་ག་རི་ཀི་ཏྠི་ཡཱ སུ་ཁུ་མཱ་ལ་ཏྟ་ནེ་ན ས་དི་སཱ་ཏི པོ་རཱི, ཏཱ་ཡ པོ་རི་ཡཱ. ‘‘སུ་ཁུ་མཱ་ལ་ཏྟ་ནེ་ནཱ’’ཏི ཨི་མི་ནཱ ཏ་སྶཱ ཝཱ་ཙཱ་ཡ མུ་དུ་ས་ཎྷ་བྷཱ་ཝོ ཝུ་ཏྟོ. ཨ་པ་ལི་བུ་དྡྷཱ་ཡཱཏི པི་ཏྟ་སེ་མྷཱ་དཱི་ཧི ན པ་ལི་ཝེ་ཋི་ཏཱ་ཡ. ཨ་དོ་སཱ་ཡཱཏི ས་ནྡི་དྡྷ་ཝི་ལ་མྦི་ཏཱ་དི་དོ་ས་ར་ཧི་ཏཱ་ཡ ཨ་ག་ལི༹་ཏ་པ་ད་བྱ་ཉྫ་ནཱ་ཡཱཏི ཨ་པ་ཏི་ཏ་པ་ད་བྱ་ཉྫ་ནཱ་ཡ ཨ་ཝི་ར་ཧི་ཏ་པ་ད་བྱ་ཉྫ་ནཱ་ཡ. ཨུ་བྷ་ཡ་མེ་ཏཾ ཨ་ནེ་ལ་ག་ལཱ་ཡཱ་ཏི ཨི་མ་སྶེ་ཝ ཨ་ཏྠ་ཝ་ཙ་ནཾ. ཨ་ནེ་ལ་ག་ལཱ་ཡཱཏི ཧི ཨ་ནེ་ལཱ་ཡ ཙེ་ཝ ཨ་ག་ལཱ་ཡ ཙཱ་ཏི ཨ་ཏྠོ. ཨ་ཏྠཾ ཝི་ཉྙཱ་པེ་ཏུཾ ས་མ་ཏྠཱ་ཡཱཏི ཨཱ་དི་མ་ཛ྄ཛྷ་པ་རི་ཡོ་སཱ་ནཾ པཱ་ཀ་ཊཾ ཀ་ཏྭཱ བྷཱ་སི་ཏ་ཏྠ་སྶ ཝི་ཉྙཱ་པ་ན་ས་ཏྠཱ་ཡ. ཨ་ཊྛ་མ་ན་ཝ་མ་ད་ས་མཱ་ནི ཨུ་ཏྟཱ་ན་ཏྠཱ་ནེ་ཝ.
ཁི་པྤ་ནི་ས་ནྟི་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.
ཨ་སུ་ར་ཝ་གྒ་ཝ་ཎྞ་ནཱ ནི་ཊྛི་ཏཱ.
དུ་ཏི་ཡ་པ་ཎྞཱ་ས་ཀཾ ནི་ཊྛི་ཏཾ.