༦. སཱ་ལ༹ྷ་སུ་ཏྟ་ཝ་ཎྞ་ནཱ

༦༧. ཚ་ཊྛེ པཱ་ཏོ ཨ་སི་ཏ་བྦ་བྷོ་ཛ་ནཾ པཱ་ཏ་རཱ་སཾ, བྷུ་ཏྟཾ པཱ་ཏ་རཱ་སཾ ཨེ་ཏེ་ས་ནྟི བྷུ་ཏྟ་པཱ་ཏ་རཱ་སཱ. དཱ་སཱ ནཱ་མ ཨ་ནྟོ་ཛཱ་ཏཱ ཝཱ དྷ་ན་ཀྐཱི་ཏཱ ཝཱ ཀ་ར་མ་རཱ་ནཱི་ཏཱ ཝཱ ས་ཡཾ ཝཱ དཱ་ས་བྱཾ ཨུ་པ་ག་ཏཱ. བྷ་ཏྟ་ཝེ་ཏ་ན་བྷ་ཏཱ ཀ་མྨ་ཀཱ་རཱ ནཱ་མ.

ནི་ཙྪཱ་ཏོཏི ཨེ་ཏྠ ཚཱ་ཏཾ ཝུ་ཙྩ་ཏི ཏ་ཎྷཱ ཛི་གྷ་ཙྪཱ་ཧེ་ཏུ་ཏཱ་ཡ, སཱ ཨ་སྶ ན་ཏྠཱི་ཏི ནི་ཙྪཱ་ཏོ. ཏེ་ནཱ་ཧ ‘‘ནི་ཏྟ་ཎྷོ’’ཏི. ཨ་བྦྷ་ནྟ་རེ ས་ནྟཱ་པ་ཀ་རཱ་ནཾ ཀི་ལེ་སཱ་ནནྟི ཨ་ཏྟ་ནོ ས་ནྟཱ་ནེ ད་ར་ཐ་པ་རི་ལཱ༹་ཧ་ཛ་ན་ནེ་ན ས་ནྟཱ་པ་ན་ཀི་ལེ་སཱ་ནཾ. ཨ་ནྟོ་ཏཱ་པ་ན་ཀི་ལེ་སཱ་ནཾ ཨ་བྷཱ་ཝཱ སཱི་ཏོ སཱི་ཏ་ལོ བྷཱུ་ཏོ ཛཱ་ཏོ་ཏི སཱི་ཏི་བྷཱུ་ཏོ. ཏེ་ནཱ་ཧ ‘‘སཱི་ཏ་ལཱི་བྷཱུ་ཏོ’’ཏི. མ་གྒ་ཕ་ལ་ནི་བྦཱ་ན་སུ་ཁཱ་ནི ཝཱ པ་ཊི་སཾ་ཝེ་དེ་ཏཱི་ཏི སུ་ཁ་པྤ་ཊི་སཾ་ཝེ་དཱི. སེ་སཾ སུ་ཝི་ཉྙེ་ཡྻ་མེ་ཝ.

སཱ་ལ༹ྷ་སུ་ཏྟ་ཝ་ཎྞ་ནཱ ནི་ཊྛི་ཏཱ.