༡. པ་ཋ་མ་དྭེ་བྲཱ་ཧྨ་ཎ་སུ་ཏྟ་ཝ་ཎྞ་ནཱ

༥༢. བྲཱ་ཧྨ་ཎ་ཝ་གྒ་སྶ པ་ཋ་མེ ཛ་རཱ་ཛི་ཎྞཱཏི ཛ་རཱ་ཝ་སེ་ན ཛི་ཎྞཱ, ན བྱཱ་དྷི་ཨཱ་དཱི་ནཾ ཝ་སེ་ན ཛི་ཎྞ་ས་དི་ས་ཏྟཱ ཛི་ཎྞཱ. ཝ་ཡོ་ཝུ་དྡྷཱཏི ཝ་ཡ་སོ ཝུ་དྡྷི་པྤ་ཏྟི་ཡཱ ཝུ་དྡྷཱ, ན སཱི་ལཱ་དི་ཝུ་དྡྷི་ཡཱ. ཛཱ་ཏི་མ་ཧ་ལླ་ཀཱཏི ཛཱ་ཏི་ཡཱ མ་ཧ་ནྟ་ཏཱ་ཡ ཙི་ར་ར་ཏྟ་ཉྙུ་ཏཱ་ཡ ཛཱ་ཏི་མ་ཧ་ལླ་ཀཱ. ཏ་ཡོ ཨ་དྡྷེ ཨ་ཏི་ཀྐ་ནྟཱཏི པ་ཋ་མོ, མ་ཛ྄ཛྷི་མོ, པ་ཙྪི་མོ་ཏི ཏ་ཡོ ཨ་དྡྷེ ཨ་ཏཱི་ཏཱ. ཏ་ཏི་ཡཾ ཝ་ཡཾ ཨ་ནུ་པྤ་ཏྟཱཏི ཏ་ཏོ ཨེ་ཝ པ་ཙྪི་མཾ ཝ་ཡཾ ཨ་ནུ་པྤ་ཏྟཱ. ཨ་ཀ་ཏ་བྷ་ཡ་པ་རི་ཏྟཱ་ཎཱཏི ཨེ་ཏྠ བྷ་ཡ་པ་རི་ཏྟཱ་ཎནྟི དུ་གྒ་ཏི་བྷ་ཡ་ཏོ པ་རི་ཏྟཱ་ཡ་ཀཾ པུ་ཉྙཾ, ཏཾ ཨ་ཀ་ཏཾ ཨེ་ཏེ་ཧཱི་ཏི ཨ་ཀ་ཏ་བྷ་ཡ་པ་རི་ཏྟཱ་ཎཱ. པ་ཏི་ཊྛཱ་ཀ་མྨནྟི སུ་ག་ཏི་ས་ངྑཱ་ཏ་པྤ་ཏི་ཊྛཱ་ཝ་ཧཾ ཀ་མྨཾ. ཨུ་པ་སཾ་ཧ་རཱི་ཡ་ཏཱིཏི ས་མྤཱ་པཱི་ཡ་ཏི. ‘‘ཨུ་པ་ནཱི་ཡ་ཏཱི’’ཏི ཝུ་ཏྟཾ, ཀིཾ ཀེ་ན ཨུ་པ་ནཱི་ཡ་ཏཱི་ཏི ཨཱ་ཧ ‘‘ཨ་ཡ་ཉྷི ཛཱ་ཏི་ཡཱ ཛ་རཾ ཨུ་པ་ནཱི་ཡ་ཏཱི’’ཏི་ཨཱ་དི. ཨ་ཡནྟི ལོ་ཀོ. ཛཱ་ཏོ ན ཛཱ་ཏ་བྷཱ་ཝེ་ནེ་ཝ ཏི་ཊྛ་ཏི, ཨ་ཐ ཁོ ཏ་ཏོ པ་རཾ ཛ་རཾ པཱ་པཱི་ཡ་ཏི, ཛ་རཱ་ཡ བྱཱ་དྷིཾ པཱ་པཱི་ཡ་ཏི. ཨེ་ཝཾ པ་ར་ཏོ པ་རཾ དུ་ཀྑ་མེ་ཝ ཨུ་པ་ནཱི་ཡ་ཏི.

ཏཱ་ཡ་ན་ཊྛེ་ནཱཏི ར་ཀྑ་ན་ཊྛེ་ན. ནི་ལཱི་ཡ་ན་ཊྛེ་ནཱཏི ནི་ལཱི་ན་ཊྛཱ་ན་བྷཱ་ཝེ་ན. པ་ཏི་ཊྛཱ་ན་ཊྛེ་ནཱཏི པ་ཏི་ཊྛཱ་ན་བྷཱ་ཝེ་ན. ཨ་ཝ་སྶ་ཡ་ན་ཊྛེ་ནཱཏི ཨ་ཝ་སྶ་ཡི་ཏ་བྦ་བྷཱ་ཝེ་ན. ཨུ་ཏྟ་མ་ག་ཏི་ཝ་སེ་ནཱཏི པ་ར་མ་ག་ཏི་བྷཱ་ཝེ་ན.

པ་ཋ་མ་དྭེ་བྲཱ་ཧྨ་ཎ་སུ་ཏྟ་ཝ་ཎྞ་ནཱ ནི་ཊྛི་ཏཱ.