༡༡. མ་ཧཱ་ཙོ་ར་སུ་ཏྟ་ཝ་ཎྞ་ནཱ

༥༡. ཨེ་ཀཱ་ད་ས་མེ མ་ཧཱ་བ་ལ་ཝ་ཙོ་རོ མ་ཧཱ་ཙོ་རོཏི ཨཱ་ཧ ‘‘མ་ཧ་ནྟོ བ་ལ་ཝ་ཙོ་རོ’’ཏི. བ་ལ་ཝ་ཙོ་རོཏི ཙ མ་ཧཱ་ཐཱ་མ་ཏཱ་ཡ མ་ཧཱ་པ་རི་ཝཱ་ར་ཏཱ་ཡ མ་ཧཱ་ཙོ་རི་ཡ་ཀ་མྨ་ས་མ་ཏྠ་ཏཱ་ཡ ཙ ཝེ་དི་ཏ་བྦོ. མ་ཧ་ཏཾ གཱ་མ་ནི་ག་མཱ་ནཾ ཝི་ལུ་པྤ་ནཾ མ་ཧཱ་ཝི་ལོ་པོ. ཏཾ ཏཾ ཀཱ་ར་ཎཾ པ་ཀྑི་པི་ཏྭཱཏི ཏཾ ཏཾ ཨ་ཀ་ར་ཎ་མེ་ཝ ཀཱ་ར་ཎཾ ཀ་ཏྭཱ ཏ་པྤ་ཊི་བ་དྡྷཱ་ཡ ཀ་ཐཱ་ཡ པ་ཀྑི་པི་ཏྭཱ. ཨ་ཏྠཾ ཀ་ཐ་ཡི་སྶ་ནྟཱིཏི ཏ་སྶ ཏ་སྶ ཨ་ཏྠ་ཉྩ ཀ་ཐ་ཡི་སྶ་ནྟི. ཧ་ར་ནྟཱཏི ཨ་པ་ནེ་ནྟཱ པ་རི་ཧ་ར་ནྟཱ. ད་ས་ཝ་ཏྠུ་ཀཱ་ཡཱཏི ‘‘ས་སྶ་ཏོ ལོ་ཀོ’’ཏི (མ. ནི. ༡.༢༦༩) ཨཱ་དི་ད་ས་ཝ་ཏྠུ་ས་ནྣི་སྶི་ཏཱ་ཡ. ཨ་ནྟཾ ག་ཧེ་ཏྭཱ ཋི་ཏ་དི་ཊྛི་ཡཱཏི ཏ་མེ་ཝ ས་སྶ་ཏཱ་དི་ཨ་ནྟཾ ག་ཧེ་ཏྭཱ ཨ་ཝི་སྶ་ཛྫེ་ཏྭཱ ཋི་ཏ་དི་ཊྛི་ཡཱ.

མ་ཧཱ་ཙོ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.

ཙཱུ་ལ༹་ཝ་གྒ་ཝ་ཎྞ་ནཱ ནི་ཊྛི་ཏཱ.

པ་ཋ་མ་པ་ཎྞཱ་ས་ཀཾ ནི་ཊྛི་ཏཾ.