༣. ས་ངྑཱ་ར་སུ་ཏྟ་ཝ་ཎྞ་ནཱ

༢༣. ཏ་ཏི་ཡེ ཝི་ཝི་དྷེ་ཧི ཨཱ་ཀཱ་རེ་ཧི ཨཱ་བཱ་དྷ་ན་ཏོ བྱཱ་བཱ་དྷོ་ཝ བྱཱ་བ་ཛ྄ཛྷཾ, ཀཱ་ཡི་ཀཾ ཙེ་ཏ་སི་ཀ་ཉྩ དུ་ཀྑཾ. ས་ཧ བྱཱ་བ་ཛ྄ཛྷེ་ན ཝ་ཏྟ་ཏཱི་ཏི ས་བྱཱ་བ་ཛ྄ཛྷཾ. ཏེ་ནཱ་ཧ ‘‘ས་དུ་ཀྑ’’ནྟི. ཙེ་ཏ་ནཱ་རཱ་སིནྟི པུ་བྦ་ཙེ་ཏ་ནཱ་དི་རཱ་སིཾ. ཙེ་ཏ་ནཾ པུ་ན་པྤུ་ནཾ པ་ཝ་ཏྟེ་ནྟོ ‘‘རཱ་སིཾ ཀ་རོ་ཏི པི་ཎྜཾ ཀ་རོ་ཏཱི’’ཏི ཙ ཝུ་ཏྟོ. ས་དུ་ཀྑནྟི ནི་ར་ནྟ་ར་དུ་ཀྑཾ. ཏེ་ནཱ་ཧ ‘‘སཱ་བཱ་དྷཾ ནི་ར་སྶཱ་ད’’ནྟི. ཨ་ཏྠཱིཏི ཨུ་ཛུ་ཀཾ དུ་ཀྑ་ཝེ་ད་ནཱ ན་ཏྠཱི་ཏི ཨ་ཝ་ཏྟ་བྦ་ཏྟཱ ཝུ་ཏྟཾ. ཨ་ནི་ཊྛ་ས་བྷཱ་ཝ་ཏྟཱ ཨ་ནི་ཊྛཱ་ར་མྨ་ཎ་ཏྟཱ ཙ དུ་ཀྑ་པ་ཀྑི་ཀཱ་ཝ སཱ ད་ཊྛ་བྦཱ. ན ཧི ཨ་ཀུ་ས་ལ་ཝི་པཱ་ཀཱ ཨི་ཊྛཱ ནཱ་མ ཨ་ཏྠཱི, ཀུ་ས་ལ་ཝི་པཱ་ཀཱ པ་ན ཨུ་པེ་ཀྑཱ་ཝེ་ད་ནཱ ཏ་ཏྠ ཨ་པྤཱ་ཝ་ས་རཱ. ཨ་ཊྛ་ཀ་ཐཱ་ཡཾ པ་ན ནི་ར་ཡ་སྶ དུ་ཀྑ་བ་ཧུ་ལ་ཏྟཱ དུ་ཀྑ་སྶ ཙ ཏ་ཏྠ བ་ལ་ཝ་ཏཱ་ཡ སཱ ཨ་བྦོ་ཧཱ་རི་ཀ་ཊྛཱ་ནེ ཋི་ཏཱ་ཏི ཝུ་ཏྟཾ. ཨུ་པ་མཾ ཀ་ཏྭཱ ཨཱ་ཧ་ཊོ ཝི་སེ་སོ ཝི་ཡ སཱ་མ་ཉྙ་སྶ ཡ་ཐཱ ཨ་ཡོ་པི་ཎྜི་རོ་ཧི་ནོ ཝི་ཡ རཱུ་པཱ་ན་ནྟི. པ་ཊི་བྷཱ་ག་ཨུ་པ་མཱཏི པ་ཊི་བི་མྦ་ཨུ་པ་མཱ.

ཏེ ཨ་གྒ་ཧེ་ཏྭཱཏི ཧེ་ཊྛི་མ་བྲ་ཧྨ་ལོ་ཀེ ཨ་གྒ་ཧེ་ཏྭཱ. ཝོ་མི་སྶ་ཀ་སུ་ཁ་དུ་ཀྑནྟི ཝི་མི་སྶ་ཀ་སུ་ཁ་དུ་ཀྑཾ པཱི་ཏི་མི་སྶ་ཀ་བྷཱ་ཝ་ཏོ. ཀ་མྨནྟི པཱ་པ་ཀ་མྨཾ. ཀ་མྨ་སཱི་སེ་ན ཕ་ལཾ ཝ་ད་ཏི. ཀཱ་མ་ཉྩེ་ཏྠ ‘‘ཨ་བྱཱ་བ་ཛ྄ཛྷཾ ལོ་ཀཾ ཨུ་པ་པ་ཛྫ་ཏཱི’’ཏི ཨཱ་ག་ཏཾ, ‘‘ཨ་བྱཱ་བ་ཛ྄ཛྷཱ ཕ་སྶཱ ཕུ་ས་ནྟཱི’’ཏི པ་ན ཝ་ཙ་ནེ་ན ལོ་ཀུ་ཏྟ་ར་ཕ་སྶཱ་པི ས་ངྒ་ཡ྄ཧ་ནྟཱི་ཏི ‘‘ཏཱི་ཎི སུ་ཙ་རི་ཏཱ་ནི ལོ་ཀི་ཡ་ལོ་ཀུ་ཏྟ་ར་མི་སྶ་ཀཱ་ནི ཀ་ཐི་ཏཱ་ནཱི’’ཏི ཝུ་ཏྟཾ.

ས་ངྑཱ་ར་སུ་ཏྟ་ཝ་ཎྞ་ནཱ ནི་ཊྛི་ཏཱ.