༡. ཉཱ་ཏ་སུ་ཏྟ་ཝ་ཎྞ་ནཱ

༡༡. དུ་ཏི་ཡ་སྶ པ་ཋ་མེ ཉཱ་ཏོ་ཡེ་ཝ པ་ཉྙཱ་ཏོ་ཏི ཨཱ་ཧ ‘‘ཉཱ་ཏོ པ་ཉྙཱ་ཏོ’’ཏི. ཀ་སྶ ཨ་ན་ནུ་ལོ་མི་ཀེ་ཏི ཨཱ་ཧ ‘‘སཱ་ས་ན་སྶཱ’’ཏི, སཱ་ས་ན་སྶ ཨ་ན་ནུ་ལོ་མི་ཀེ ཨ་པྤ་ཏི་རཱུ་པེ་ཏི ཨ་ཏྠོ. ཨི་དཱ་ནི ཨ་ན་ནུ་ལོ་མི་ཀ་ས་དྡ་སྶ ནི་བྦ་ཙ་ནཾ ད་སྶེ་ནྟོ ‘‘ན ཨ་ནུ་ལོ་མེ་ཏཱི་ཏི ཨ་ན་ནུ་ལོ་མི་ཀ’’ནྟི ཨཱ་ཧ. སཱ་ས་ན་སྶཱཏི ཝཱ སཱ་ས་ན་ནྟི ཨ་ཏྠོ. སཱ་ས་ནཾ ན ཨ་ནུ་ལོ་མེ་ཏཱི་ཏི ཨ་ན་ནུ་ལོ་མི་ཀ་ནྟི ཨེ་ཝ་མེ་ཏྠ ས་མྦ་ནྡྷོ ད་ཊྛ་བྦོ. ས་བྷཱ་ག་ཝི་ས་བྷཱ་གནྟི ལི་ངྒ་ཏོ ས་བྷཱ་ག་ཝི་ས་བྷཱ་གཾ. ‘‘ཝི་ཡ་པུ་གྒ་ལེ’’ཏི ཨཱ་ཧཱཏི ལི་ངྒ་ས་བྷཱ་གེ་ཧི ཨ་ཝི་སེ་སེ་ཏྭཱ ཨཱ་ཧ. ཨུ་མྨཱ་དཾ པཱ་པུ་ཎཱིཏི སོ ཀི་ར སཱི་ལཾ ཨ་དྷི་ཊྛཱ་ཡ པི་ཧི་ཏ་དྭཱ་ར་ག་བྦྷེ ས་ཡ་ན་པི་ཊྛེ ནི་སཱི་དི་ཏྭཱ བྷ་རི་ཡཾ ཨཱ་ར་བྦྷ མེ་ཏྟཾ བྷཱ་ཝེ་ནྟོ མེ་ཏྟཱ་མུ་ཁེ་ན ཨུ་པྤ་ནྣེ་ན རཱ་གེ་ན ཨ་ནྡྷཱི་ཀ་ཏོ བྷ་རི་ཡཱ་ཡ ས་ནྟི་ཀཾ ག་ནྟུ་ཀཱ་མོ དྭཱ་རཾ ཨ་ས་ལླ་ཀྑེ་ཏྭཱ བྷི་ཏྟིཾ བྷི་ནྡི་ཏྭཱ་པི ནི་ཀྑ་མི་ཏུ་ཀཱ་མ་ཏཱ་ཡ བྷི་ཏྟིཾ པ་ཧ་ར་ནྟོ ས་བྦ་ར་ཏྟིཾ བྷི་ཏྟི་ཡུ་དྡྷ་མ་ཀཱ་སི. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.

ཉཱ་ཏ་སུ་ཏྟ་ཝ་ཎྞ་ནཱ ནི་ཊྛི་ཏཱ.