༣. ས་ར་ད་སུ་ཏྟ་ཝ་ཎྞ་ནཱ

༩༥. ཏ་ཏི་ཡེ ཝི་དྡྷེཏི དཱུ་རཱི་བྷཱུ་ཏེ. དཱུ་ར་བྷཱ་ཝོ ཙ ཨཱ་ཀཱ་ས་སྶ ཝ་ལཱ་ཧ་ཀ་ཝི་ག་མེ་ན ཧོ་ཏཱི་ཏི ཨཱ་ཧ ‘‘ཝ་ལཱ་ཧ་ཀ་ཝི་ག་མེ་ན དཱུ་རཱི་བྷཱུ་ཏེ’’ཏི. ཏེ་ནེ་ཝ ཧི ‘‘ཝི་དྡྷེ ཝི་ག་ཏ་ཝ་ལཱ་ཧ་ཀེ’’ཏི ཝུ་ཏྟཾ. ན་བྷཾ ཨ་བྦྷུ་སྶ་ཀྐ་མཱ་ནོཏི ཨཱ་ཀཱ་སཾ ཨ་བྷི་ལ་ངྒྷ་ནྟོ. ཨི་མི་ནཱ ཏ་རུ་ཎ་སཱུ་རི་ཡ་བྷཱ་ཝོ ད་སྶི་ཏོ. ནཱ་ཏི་དཱུ་རོ་དི་ཏེ ཧི ཨཱ་དི་ཙྩེ ཏ་རུ་ཎ་སཱུ་རི་ཡ་ས་མ་ཉྙཱ. དུ་ཝི་དྷ་མེ་ཝ་སྶ སཾ་ཡོ་ཛ་ནཾ ན་ཏྠཱིཏི ཨོ་ར་མྦྷཱ་གི་ཡ་ཨུ་དྡྷ་མྦྷཱ་གི་ཡ་ཝ་སེ་ན དུ་ཝི་དྷ་མྤི སཾ་ཡོ་ཛ་ནཾ ཨ་སྶ པ་ཋ་མ་ཛ྄ཛྷཱ་ན་ལཱ་བྷི་ནོ ཨ་རི་ཡ་སཱ་ཝ་ཀ་སྶ ན་ཏྠི. ཀ་སྨཱ པ་ན་སྶ ཨུ་དྡྷ་མྦྷཱ་གི་ཡ་སཾ་ཡོ་ཛ་ན་མྤི ན་ཏྠཱི་ཏི ཝུ་ཏྟཾ. ཨོ་ར་མྦྷཱ་གི་ཡ་སཾ་ཡོ་ཛ་ནཱ་ན་མེ་ཝ ཧེ་ཏྠ པ་ཧཱ་ནཾ ཝུ་ཏྟ་ནྟི ཨཱ་ཧ ‘‘ཨི་ཏ་ར་མྤཱི’’ཏི་ཨཱ་དི, ཨི་ཏ་རཾ ཨུ་དྡྷ་མྦྷཱ་གི་ཡ་སཾ་ཡོ་ཛ་ནཾ པུ་ན ཨི་མཾ ལོ་ཀཾ པ་ཊི་ས་ནྡྷི་ཝ་སེ་ན ཨཱ་ནེ་ཏུཾ ཨ་ས་མ་ཏྠ་ཏཱ་ཡ ན་ཏྠཱི་ཏི ཝུ་ཏྟ་ནྟི ཨ་ཏྠོ. ཛྷཱ་ན་ལཱ་བྷི་ནོ ཧི ས་བྦེ་པི ཨ་རི་ཡཱ བྲ་ཧྨ་ལོ་ཀཱུ་པ་པ་ནྣཱ ཧེ་ཊྛཱ ན ཨུ་པྤ་ཛྫ་ནྟི, ཨུ་དྡྷཾ ཨུ་དྡྷཾ ཨུ་པྤ་ཛྫ་ནྟཱ་པི ཝེ་ཧ་པྥ་ལཾ ཨ་ཀ་ནི་ཊྛཾ བྷ་ཝ་གྒ་ཉྩ པ་ཏྭཱ ན པུ་ན་ཉྙ་ཏྠ ཛཱ་ཡ་ནྟི, ཏ་ཏྠ ཏ་ཏྠེ་ཝ ཨ་ར་ཧ་ཏྟཾ པ་ཏྭཱ པ་རི་ནི་བྦཱ་ཡ་ནྟི. ཏེ་ནེ་ཝཱ་ཧ ‘‘ཨི་མ་སྨིཾ སུ་ཏྟེ ཛྷཱ་ནཱ་ནཱ་གཱ་མཱི ནཱ་མ ཀ་ཐི་ཏོ’’ཏི. ཛྷཱ་ན་ཝ་སེ་ན ཧི ཧེ་ཊྛཱ ན ཨཱ་ག་ཙྪ་ཏཱི་ཏི ཛྷཱ་ནཱ་ནཱ་གཱ་མཱི.

ས་ར་ད་སུ་ཏྟ་ཝ་ཎྞ་ནཱ ནི་ཊྛི་ཏཱ.