༢. པ་དྷཱ་ན་སུ་ཏྟ་ཝ་ཎྞ་ནཱ

༢. དུ་ཏི་ཡེ ཨུ་བྷ་ཏོ་བྱཱུ་ལ༹ྷ་ས་ངྒཱ་མ་པྤ་ཝེ་ས་ན་ས་དི་སནྟི ཡུ་དྡྷ་ཏྠཱ་ཡ ཨུ་བྷ་ཏོ་རཱ་སི་ཀ་ཏ་ཙ་ཏུ་ར་ངྒི་ནི་སེ་ནཱ་མ་ཛ྄ཛྷ་པྤ་ཝེ་ས་ན་ས་དི་སཾ. དཱ་ན་ཉྩ ཡུ་དྡྷ་ཉྩ ས་མཱ་ན་མཱ་ཧཱུཏི ཨེ་ཏྠ ཀ་ཐཾ པ་ནཱི་ད་མུ་བྷ་ཡཾ ས་མཱ་ནཾ? ཛཱི་ཝི་ཏ་ཝི་ནཱ་ས་བྷཱི་རུ་ཀོ ཧི ཡུ་ཛ྄ཛྷི་ཏུཾ ན ས་ཀྐོ་ཏི, བྷོ་ག་ཀྑ་ཡ་བྷཱི་རུ་ཀོ དཱ་ནཾ དཱ་ཏུཾ ན ས་ཀྐོ་ཏི. ‘‘ཛཱི་ཝི་ཏ་ཉྩ ར་ཀྑི་སྶཱ་མི, ཡུ་ཛ྄ཛྷི་སྶཱ་མཱི’’ཏི ཧི ཝ་ད་ནྟོ ན ཡུ་ཛ྄ཛྷ་ཏི, ཛཱི་ཝི་ཏེ པ་ན ཨཱ་ལ་ཡཾ ཝི་སྶ་ཛྫེ་ཏྭཱ ‘‘ཧ་ཏྠ་པཱ་དཱ་དི་ཙྪེ་དོ ཝཱ ཧོ་ཏུ མ་ར་ཎཾ ཝཱ, ག་ཎྷི་སྶཱ་མེ་ཏཾ ཨི་སྶ་རི་ཡ’’ནྟི ཨུ་སྶ་ཧ་ནྟོ་ཝ ཡུ་ཛ྄ཛྷ་ཏི. ‘‘བྷོ་གེ ཙ ར་ཀྑི་སྶཱ་མི, དཱ་ན་ཉྩ ད་སྶཱ་མཱི’’ཏི ཝ་ད་ནྟོ་པི ན ད་དཱ་ཏི, བྷོ་གེ་སུ པ་ན ཨཱ་ལ་ཡཾ པི་སྶ་ཛྫེ་ཏྭཱ ‘‘མ་ཧཱ་དཱ་ནཾ ད་སྶཱ་མཱི’’ཏི ཨུ་སྶ་ཧ་ནྟོ་ཝ དེ་ཏི. ཨེ་ཝཾ དཱ་ན་ཉྩ ཡུ་དྡྷ་ཉྩ ས་མཾ ཧོ་ཏི. ཀི་ཉྩ བྷི་ཡྻོ – ཨ་པྤཱ་པི ས་ནྟཱ བ་ཧུ་ཀེ ཛི་ན་ནྟི, ཡ་ཐཱ ཙ ཡུ་དྡྷེ ཨ་པྤ་ཀཱ་པི ཝཱི་ར་པུ་རི་སཱ བ་ཧུ་ཀེ བྷཱི་རུ་པུ་རི་སེ ཛི་ན་ནྟི, ཨེ་ཝཾ ས་དྡྷཱ་དི་ས་མྤ་ནྣོ ཨ་པྤ་ཀ་མྤི དཱ་ནཾ ད་ད་ནྟོ བ་ཧུ་ཝི་དྷཾ ལོ་བྷ་དོ་ས་ཨི་སྶཱ་མ་ཙྪ་རི་ཡ་དི་ཊྛི་ཝི་ཙི་ཀི་ཙྪཱ་དི་བྷེ་དཾ ཏ་པྤ་ཊི་པ་ཀྑཾ ཨ་བྷི་བྷ་ཝ་ཏི, བ་ཧུ་ཉྩ དཱ་ན་ཝི་པཱ་ཀཾ ཨ་དྷི་ག་ཙྪ་ཏི. ཨེ་ཝ་མྤི དཱ་ན་ཉྩ ཡུ་དྡྷ་ཉྩ ས་མཱ་ནཾ. ཏེ་ནཱ་ཧ ‘‘ཨ་པྤ་མྤི ཙེ ས་དྡ་ཧཱ་ནོ ད་དཱ་ཏི, ཏེ་ནེ་ཝ སོ ཧོ་ཏི སུ་ཁཱི པ་ར་ཏྠཱ’’ཏི.

ཨ་གཱ་ར་སྶ ཧི་ཏཾ ཀ་སི་གོ་ར་ཀྑཱ་དི ཨ་གཱ་རི་ཡཾ, ཏཾ ན་ཏྠི ཨེ་ཏྠཱ་ཏི ཨ་ན་གཱ་རི་ཡཾ, པ་བྦ་ཛྫཱ་ཏི ཨཱ་ཧ ‘‘ཨ་གཱ་ར་སྶ…པེ… ཨ་ན་གཱ་རི་ཡཾ པ་བྦ་ཛྫ’’ནྟི. ས་བྦཱུ་པ་དྷི་པ་ཊི་ནི་སྶ་གྒ་ཏྠཱ་ཡཱཏི ཨེ་ཏྠ ཙ་ཏྟཱ་རོ ཨུ་པ་དྷཱི – ཀཱ་མུ་པ་དྷི, ཁ་ནྡྷུ་པ་དྷི, ཀི་ལེ་སུ་པ་དྷི, ཨ་བྷི་ས་ངྑཱ་རུ་པ་དྷཱི་ཏི. ཀཱ་མཱ་པི ཧི ‘‘ཡཾ པ་ཉྩ ཀཱ་མ་གུ་ཎེ པ་ཊི་ཙྩ ཨུ་པྤ་ཛྫ་ཏི སུ་ཁཾ སོ་མ་ན་སྶཾ, ཨ་ཡཾ ཀཱ་མཱ་ནཾ ཨ་སྶཱ་དོ’’ཏི (ཨ. ནི. ༩.༣༤) ཨེ་ཝཾ ཝུ་ཏྟ་སྶ སུ་ཁ་སྶ, ཏ་ད་སྶཱ་ད་ནི་མི་ཏྟ་སྶ ཝཱ དུ་ཀྑ་སྶ ཨ་དྷི་ཊྛཱ་ན་བྷཱ་ཝ་ཏོ ཨུ་པ་དྷཱི་ཡ་ཏི ཨེ་ཏྠ སུ་ཁ་ནྟི ཨི་མི་ནཱ ཝ་ཙ་ན་ཏྠེ་ན ‘‘ཨུ་པ་དྷཱི’’ཏི ཝུ་ཙྩ་ནྟི. ཁ་ནྡྷཱ་པི ཁ་ནྡྷ་མཱུ་ལ་ཀ་སྶ དུ་ཀྑ་སྶ ཨ་དྷི་ཊྛཱ་ན་བྷཱ་ཝ་ཏོ, ཀི་ལེ་སཱ་པི ཨ་པཱ་ཡ་དུ་ཀྑ་སྶ ཨ་དྷི་ཊྛཱ་ན་བྷཱ་ཝ་ཏོ, ཨ་བྷི་ས་ངྑཱ་རཱ་པི བྷ་ཝ་དུ་ཀྑ་སྶ ཨ་དྷི་ཊྛཱ་ན་བྷཱ་ཝ་ཏོ ‘‘ཨུ་པ་དྷཱི’’ཏི ཝུ་ཙྩ་ནྟི. ས་བྦེ་སཾ ཨུ་པ་དྷཱི་ནཾ པ་ཊི་ནི་སྶ་གྒོ པ་ཧཱ་ནཾ ཨེ་ཏྠཱ་ཏི ས་བྦཱུ་པ་དྷི་པ་ཊི་ནི་སྶ་གྒཾ, ནི་བྦཱ་ནཾ. ཏེ་ནཱ་ཧ ‘‘ས་བྦེ་སཾ ཁ་ནྡྷཱུ་པ་དྷི…པེ… ནི་བྦཱ་ན་སྶ ཨ་ཏྠཱ་ཡཱ’’ཏི.

པ་དྷཱ་ན་སུ་ཏྟ་ཝ་ཎྞ་ནཱ ནི་ཊྛི་ཏཱ.