ཏ་ཏི་ཡོ པ་རི་ཙྪེ་དོ
༣. ཝཱི་ཐི་ས་ངྒ་ཧ་ཀ་ཐཱ
༨༥. ཙ་ཀྑུ་སོ་ཏ་གྷཱ་ན་ཛི་ཝ྄ཧཱ-ཀཱ་ཡཱ་ཡ་ཏ་ན པ་ཉྩ་དྷཱ;
པ་སཱ་དཱ ཧ་ད་ཡ་ཉྩེ་ཏི, ཚ ཝ་ཏྠཱུ་ནི ཝི་ནི་དྡི་སེ.
༨༦. ཙ་ཀྑུ་སོ་ཏ་གྷཱ་ན་ཛི་ཝ྄ཧཱ-ཀཱ་ཡ་དྭཱ་རཱ ཙ པ་ཉྩ་དྷཱ;
མ་ནོ་དྭཱ་རཾ བྷ་ཝ་ངྒ་ནྟི, ཚ དྭཱ་རཱ ཙི་ཏྟ་ཝཱི་ཐི་ཡཱ.
༨༧. རཱུ་པ་ས་དྡ་ག་ནྡྷ་ར་ས-ཕོ་ཊྛ་བྦཱ པ་ཉྩ གོ་ཙ་རཱ;
དྷ་མྨཱ་ར་མྨ་ཎ་པ་ཉྙ་ཏྟི, ཚ དྭཱ་རཱ་ར་མྨ་ཎ་ཀྐ་མཱ.
༨༨. ནི་མི་ཏྟ་ག་ཏི་ཀ་མྨཱ་ནི, ཀ་མྨ་མེ་ཝཱ་ཐ གོ་ཙ་རཱ;
པ་ཊི་ས་ནྡྷི་བྷ་ཝ་ངྒཱ་ནཾ, ཙུ་ཏི་ཡཱ ཙ ཡ་ཐཱ་ར་ཧཾ.
༨༩. མ་ར་ཎཱ་ས་ནྣ་ས་ཏྟ་སྶ, ཡ་ཐོ་པ་ཊྛི་ཏ་གོ་ཙ་རཾ;
ཚ་དྭཱ་རེ་སུ ཏ་མཱ་ར་བྦྷ, པ་ཊི་ས་ནྡྷི བྷ་ཝ་ནྟ་རེ.
༩༠. ཨེ་ཀ་ཙི་ཏྟ་ཀྑ་ཎཱ ཧོ་ཏི, ཡཱ་ཝ་ཛཱི་ཝཾ ཏ་ཏོ པ་རཾ;
བྷ་ཝ་ངྒཾ པ་རི་ཡོ་སཱ་ནེ, ཙུ་ཏི ཙེ་ཀ་ཀྑ་ཎཱ བྷ་ཝེ.
༩༡. དུ་ཧེ་ཏཱ་ཧེ་ཏུ་ཙུ་ཏི་ཡཱ, ཀཱ་མཱ་ཝ་ཙ་ར་ས་ནྡྷི་ཡོ;
ཏི་ཧེ་ཏུ་ཀཱ་མ་ཙུ་ཏི་ཡཱ, ས་བྦཱ་པི པ་ཊི་ས་ནྡྷི་ཡོ.
༩༢. རཱུ་པཱ་ཝ་ཙ་ར་ཙུ་ཏི་ཡཱ, ས་ཧེ་ཏུ་པ་ཊི་ས་ནྡྷི་ཡོ;
ཨཱ་རུ་པྤ་ཏོ་པ་རི ཀཱ་མེ, ཏ་ཏྠ ཝཱ་པི ཏི་ཧེ་ཏུ་ཀཱ.
༩༣. པ་ཊི་ས་ནྡྷི བྷ་ཝ་ངྒ་ཉྩ, ཨེ་ཀ་མེ་ཝེ་ཀ་ཛཱ་ཏི་ཡཾ;
ཙུ་ཏི ཙཱ་ར་མྨ་ཎ་ཉྩ་སྶ, ཨེ་ཝ་མེ་ཝ ཡ་ཐཱ་ར་ཧཾ.
༩༤. རཱུ་པཱ་དཱ་ར་མྨ་ཎེ ཙ་ཀྑུ-པྤ་སཱ་དཱ་དི་མྷི གྷ་ཊྚི་ཏེ;
མ་ཛ྄ཛྷེ བྷ་ཝ་ངྒཾ ཚི་ནྡི་ཏྭཱ, ཝཱི་ཐི ནཱ་མ པ་ཝ་ཏྟ་ཏི.
༩༥. ཨཱ་ཝ་ཛྫ་པ་ཉྩ་ཝི་ཉྙཱ་ཎ་ས་མྤ་ཊི་ཙྪ་ན་ཏཱི་ར་ཎཱ;
ཝོ་ཊྛ་བྦ་ཀཱ་མ་ཛ་ཝ་ན་ཏ་དཱ་ར་མྨ་ཎ་ནཱ་མ་ཀཱ.
༩༦. ས་ཏྟེ་ཝ ཋཱ་ན་ས་ངྑེ་པཱ, པ་ཉྩ་དྭཱ་རི་ཀ་མཱ་ན་སཱ;
ཙ་ཏུ་པ་ཉྙཱ་ས ས་བྦེ་པི, ཝི་ཏྠཱ་རེ་ན ས་རཱུ་པ་ཏོ.
༩༧. ཨཱ་ཝ་ཛྫ་ས་བྦ་ཛ་ཝ་ན་ཏ་དཱ་ར་མྨ་ཎ་ནཱ་མ་ཀཱ;
ས་ཏྟ་ས་ཊྛི ས་རཱུ་པེ་ན, མ་ནོ་དྭཱ་རི་ཀ་མཱ་ན་སཱ.
༩༨. ཨི་ཊྛེ ཨཱ་ར་མྨ་ཎེ ཧོ་ནྟི, པུ་ཉྙ་པཱ་ཀཱ་ནི ས་བྦ་ཐཱ;
ཨ་ནི་ཊྛེ པཱ་པ་པཱ་ཀཱ་ནི, ནི་ཡ་མོ་ཡཾ པ་ཀཱ་སི་ཏོ.
༩༩. ཏ་ཏྠཱ་པི ཨ་ཏི་ཨི་ཊྛ་མྷི, ཏ་དཱ་ར་མྨ་ཎ་ཏཱི་ར་ཎཾ;
སོ་མ་ན་སྶ་ཡུ་ཏཾ ཨི་ཊྛ་མ་ཛ྄ཛྷ་ཏྟ་མྷི ཨུ་པེ་ཀྑི་ཏཾ.
༡༠༠. གོ་ཙ་རེ་ཏི་པ་རི་ཏྟ་མྷི, ཨ་ཏི་ཨ་པྤཱ་ཡུ་ཀེ པ་ན;
བྷ་ཝ་ངྒ་མེ་ཝ ཙ་ལ་ཏི, མོ་གྷ་ཝཱ་རོ་ཏི སོ ཀ་ཏོ.
༡༠༡. ཝོ་ཊྛ་བྦ་ནཾ པ་རི་ཏྟ་མྷི, དྭ་ཏྟི་ཀྑ་ཏྟུཾ པ་ཝ་ཏྟ་ཏི;
ཏ་ཏོ བྷ་ཝ་ངྒ་པཱ་ཏོ་ཝ, སོ་པི མོ་གྷོ་ཏི ཝུ་ཙྩ་ཏི.
༡༠༢. ཛ་ཝ་ན་ཉྩ མ་ཧ་ནྟ་མྷི, ཛ་ཝི་ཏྭཱ་ན ཏ་ཏོ པ་རཾ;
ན ས་མྦྷོ་ཏི ཏ་དཱ་ལ་མྦཾ, སོ་པི མོ་གྷོ་ཏི ཝུ་ཙྩ་ཏི.
༡༠༣. གོ་ཙ་རེ་ཏི་མ་ཧ་ནྟ་མྷི, ཨ་ཏི་དཱི་གྷཱ་ཡུ་ཀེ པ་ན;
ས་མྦྷོ་ཏི ཙ ཏ་དཱ་ལ་མྦཾ, ས་མྤུ་ཎྞོ་ཏི པ་ཝུ་ཙྩ་ཏི.
༡༠༤. གོ་ཙ་རེ་ཏི་མ་ཧ་ནྟ་མྷི, ཏ་དཱ་ར་མྨ་ཎ་ས་མྦྷ་ཝོ;
པ་ཉྩ་དྭཱ་རེ མ་ནོ་དྭཱ་རེ, ཝི་བྷཱུ་ཏེ པ་ན གོ་ཙ་རེ.
༡༠༥. ཀཱ་མཱ་ཝ་ཙ་ར་ས་ཏྟཱ་ནཾ, ཀཱ་མཱ་ཝ་ཙ་ར་གོ་ཙ་རེ;
པ་རི་ཏྟ་ཛ་ཝ་ནེ་སྭེ་ཝ, ཏ་དཱ་ར་མྨ་ཎ་མུ་དྡི་སེ.
༡༠༦. ནཱ་ཏི་ཏི་ཀྑེ ནཱ་ཏི་སཱི་གྷེ, ནཱ་ཏི་ཏེ་ཛུ་སྶ་དེ ཛ་ཝེ;
ས་མ་མ་ནྡ་པྤ་ཝ་ཏྟ་མྷི, ཏ་དཱ་ར་མྨ་ཎ་མི་ཙྪི་ཏཾ.
༡༠༧. སུ་ཁོ་པེ་ཏཾ ཏ་དཱ་ལ་མྦཾ, ཨུ་པེ་ཀྑཱ་ཀྲི་ཡ་ཏོ པ་རཾ;
ན ཧོ་ཏུ་པེ་ཀྑཱ་ས་ཧི་ཏཾ, སུ་ཁི་ཏ་ཀྲི་ཡ་ཏོ ཏ་ཐཱ.
༡༠༨. ན ཧོ་ཏི དོ་མ་ན་སྶ་མྷཱ, སོ་མ་ན་སྶི་ཀ་མཱ་ན་སཾ;
ཏ་དཱ་ར་མྨ་ཎ་མ་ཉྙ་ཉྩ, བྷ་ཝ་ངྒཾ ཙུ་ཏི ཝཱ ཏ་ཐཱ.
༡༠༩. ར་ཛྫ་ནཱ་དི་ཝ་སེ་ནེ་ཏྠ, ཛ་ཝ་ནཱ་ཀུ་ས་ལཾ བྷ་ཝེ;
ཀུ་ས་ལཾ པ་ན ས་མྦྷོ་ཏི, ས་དྡྷཱ་པ་ཉྙཱ་དི་ས་མྦྷ་ཝེ.
༡༡༠. ཏ་དེ་ཝ ཝཱི་ཏ་རཱ་གཱ་ནཾ, ཀྲི་ཡཱ ནཱ་མ པ་ཝུ་ཙྩ་ཏི;
ཨ་ཝི་པཱ་ཀ་ཏ་མཱ་པ་ནྣཾ, ཝ་ཊྚ་མཱུ་ལ་པ་རི་ཀྑ་ཡཱ.
༡༡༡. ཨ་པྤ་ནཱ་ཛ་ཝ་ནཾ སེ་སཾ, མ་ཧ་གྒ་ཏ་མ་ནུ་ཏྟ་རཾ;
ཚ་བྦཱི་ས་ཏི ཡ་ཐཱ་ཡོ་གཾ, ཨ་པྤ་ནཱ་ཝཱི་ཐི་ཡཾ བྷ་ཝེ.
༡༡༢. པ་རི་ཀ་མྨཾ ཀ་རོ་ནྟ་སྶ, ཀ་སི་ཎཱ་དི་ཀ་གོ་ཙ་རེ;
སུ་ས་མཱ་ཧི་ཏ་ཙི་ཏྟ་སྶ, ཨུ་པ་ཙཱ་ར་ས་མཱ་དྷི་ནཱ.
༡༡༣. པ་རི་ཀ་མྨོ་པ་ཙཱ་རཱ་ནུ་ལོ་མ་གོ་ཏྲ་བྷུ་ཏོ པ་རཾ;
པ་ཉྩ་མཾ ཝཱ ཙ་ཏུ་ཏྠཾ ཝཱ, ཛ་ཝ་ནཾ ཧོ་ཏི ཨ་པྤ་ནཱ.
༡༡༤. པུ་ཐུ་ཛྫ་ནཱ་ན སེ་ཀྑཱ་ནཾ, ཀཱ་མ་པུ་ཉྙ་ཏི་ཧེ་ཏུ་ཏོ;
ཏི་ཧེ་ཏུ་ཀཱ་མ་ཀྲི་ཡ་ཏོ, ཝཱི་ཏ་རཱ་གཱ་ན་མ་པྤ་ནཱ.
༡༡༥. ཏ་ཏྲཱ་པི སུ་ཁི་ཏ་ཛ་ཝཾ, སུ་ཁི་ཏ་དྭ་ཡ་ཏོ པ་རཾ;
ཨུ་པེ་ཀྑི་ཏ་མྷཱ ས་མྦྷོ་ཏི, ཨུ་པེ་ཀྑེ་ཀ་གྒ་ཏཱ་ཡུ་ཏཾ.
༡༡༦. པ་ཉྩ ཝཱ་རེ ཚ ཝཱ ས་ཏྟ, པ་རི་ཏྟ་ཛ་ཝ་ནཾ བྷ་ཝེ;
ས་ཀིཾ དྭེ ཝཱ ཏ་དཱ་ལ་མྦཾ, ས་ཀི་མཱ་ཝ་ཛྫ་ནཱ་ད་ཡོ.
༡༡༧. ཨ་པྤ་ནཱ་ཛ་ཝ་ན་ཉྩེ་ཀཾ, པ་ཋ་མུ་པྤ་ཏྟི་ཡཾ པ་ན;
ཏ་ཏོ པ་རཾ ཝ་སཱི་བྷཱུ་ཏཾ, ཨ་ཧོ་ར་ཏྟཾ པ་ཝ་ཏྟ་ཏི.
༡༡༨. ས་ཀིཾ དྭེ ཝཱ ནི་རོ་དྷ་སྶ, ས་མཱ་པ་ཏྟི་ཀྑ་ཎེ པ་ན;
ཙ་ཏུ་ཏྠཱ་རུ་པྤ་ཛ་ཝ་ནཾ, ཏ་ཏོ ཙི་ཏྟཾ ནི་རུ་ཛ྄ཛྷ་ཏི.
༡༡༩. ནི་རོ་དྷཱ ཝུ་ཊྛ་ཧ་ནྟ་སྶ, ཨུ་པ་རི་ཊྛ་ཕ་ལ་དྭ་ཡཾ;
པ་ཉྩཱ་བྷི་ཉྙཱ ཏ་ཐཱ མ་གྒཱ, ཨེ་ཀ་ཙི་ཏྟ་ཀྑ་ཎཱ མ་ཏཱ.
༡༢༠. ཕ་ལ་མེ་ཀ་དྭ་ཡཾ ཏ་ཐཱ, ཏི་སྶོ ཝཱ མ་གྒ་ཝཱི་ཐི་ཡཾ;
ས་མཱ་པ་ཏྟི་ཀྑ་ཎེ ཏ་མྤི, ཨ་ཧོ་ར་ཏྟཾ པ་ཝ་ཏྟ་ཏི.
༡༢༡. པ་ཉྩ་དྭཱ་རེ ན ལ་བྦྷ་ནྟི, ལོ་ཀུ་ཏྟ་ར་མ་ཧ་གྒ་ཏཱ;
ཝཱི་ཐི་མུ་ཏྟ་མ་ནོ་དྷཱ་ཏུ, པ་ཉྩ ཙི་ཏྟཱ་ནི ཨ་ནྟི་མེ.
༡༢༢. པ་རི་ཏྟཱ་ནེ་ཝ ས་བྦཱ་ནི, པ་ཉྩ་དྭཱ་རེ་སུ ས་མྦྷ་ཝཱ;
མ་ནོ་དྭཱ་ར་མྷི ཝོ་ཊྛ་བྦ-ཏ་དཱ་ལ་མྦ་ཛ་ཝཱ སི་ཡུཾ.
༡༢༣. གྷཱ་ན་ཛི་ཝ྄ཧཱ་ཀཱ་ཡ་ཝཱི་ཐི, ཏ་དཱ་ར་མྨ་ཎ་མེ་ཝ ཙ;
རཱུ་པེ ན་ཏྠི ཏ་ཐཱ་རཱུ་པེ, ཙ་ཀྑུ་སོ་ཏཱ་པི ཝཱི་ཐི་ཡོ.
༡༢༤. ས་བྦཱ་པི ཝཱི་ཐི་ཡོ ཀཱ་མེ,
རཱུ་པེ ཏི་སྶོ པ་ཀཱ་སི་ཏཱ;
ཨེ་ཀཱ ཝཱི་ཐི པ་ནཱ་རཱུ་པེ,
ན་ཏྠཱ་ས་ཉྙཱི་སུ ཀཱ་ཙི་པི.
༡༢༥. ས་ཏྟཱ་པི ཝཱི་ཐི་ཙི་ཏྟཱ་ནི, ཀཱ་མེ རཱུ་པེ ཚ ས་མྦྷ་ཝཱ;
ཨ་རཱུ་པེ དྭེ མ་ནོ་དྭཱ་རཱ-ཝ་ཛྫ་ནཾ ཛ་ཝ་ན་ནྟི ཙཱ་ཏི.
ཨི་ཏི ཙི་ཏྟ་ཝི་བྷཱ་གེ ཝཱི་ཐི་ས་ངྒ་ཧ་ཀ་ཐཱ ནི་ཊྛི་ཏཱ.
ཏ་ཏི་ཡོ པ་རི་ཙྪེ་དོ.