༡. ས་རཱུ་པ་ས་ངྒ་ཧ་ཀ་ཐཱ
༢. ཙི་ཏྟཾ ཙེ་ཏ་སི་ཀཾ རཱུ་པཾ, ནི་བྦཱ་ན་ནྟི ནི་རུ་ཏྟ་རོ;
ཙ་ཏུ་དྷཱ དེ་ས་ཡཱི དྷ་མྨེ, ཙ་ཏུ་ས་ཙྩ་པྤ་ཀཱ་ས་ནོ.
༣. ཙི་ཏྟ་མེ་ཀཱུ་ན་ན་ཝུ་ཏི་ཝི་དྷཾ ཏ་ཏྠ ཝི་བྷཱ་ཝ་ཡེ;
ཨེ་ཀ་ན་ཝུ་ཏི་ཝི་དྷཾ ཝཱ, ཨེ་ཀ་ཝཱི་ས་ས་ཏ་མྤི ཝཱ.
༤. དྭེ་པ་ཉྙཱ་ས ས་རཱུ་པེ་ན, དྷ་མྨཱ ཙེ་ཏ་སི་ཀཱ མ་ཏཱ;
ཙི་ཏྟུ་པྤཱ་ད་ཝ་སཱ བྷི་ནྣཱ, ས་མྤ་ཡོ་གཱ་ནུ་སཱ་ར་ཏོ.
༥. ཨ་ཊྛ་ཝཱི་ས་ཝི་དྷཾ རཱུ་པཾ, བྷཱུ་ཏོ་པཱ་དཱ་ཡ་བྷེ་ད་ཏོ;
དུ་ཝི་དྷཾ རཱུ་པ་རཱུ་པཾ ཏུ, ཨ་ཊྛཱ་ར་ས་ཝི་དྷཾ བྷ་ཝེ.
༦. ནི་བྦཱ་ནཾ པ་ན དཱི་པེ་ནྟི, ཨ་ས་ངྑ་ཏ་མ་ནུ་ཏྟ་རཾ;
ཨ་ཏྠ་ནཱ་མ་ཝ་སཱ དྭེ་དྷཱ, པ་ཉྙ་ཏྟཱི་ཏི པ་ཝུ་ཙྩ་ཏི.
༧. ཏེ་སཾ དཱ་ནི པ་ཝ་ཀྑཱ་མི, ཝི་བྷཱ་གཾ ཏུ ཡ་ཐཱ་ཀྐ་མཾ;
ཙ་ཏུ་དྷཱ པ་ར་མ་ཏྠཱ་ནཾ, དྭི་དྷཱ པ་ཉྙ་ཏྟི་ཡཱ ཀ་ཐཾ.
༨. ཀུ་ས་ལཱ་དི་ཝི་བྷཱ་གེ་ན, ཏ་ཏྠ ཙི་ཏྟཾ ཙ་ཏུ་བྦི་དྷཾ;
ཏ་ཐཱ བྷཱུ་མི་ཝི་བྷཱ་གེ་ན, ཀཱ་མ་བྷཱུ་མཱ་དི་ཏོ ཀ་ཐཾ.
༩. སོ་མ་ན་སྶ་ས་ཧ་ག་ཏཾ, ཨུ་པེ་ཀྑཱ་ས་ཧི་ཏཾ ཏ་ཐཱ;
ཉཱ་ཎེ་ན ས་མྤ་ཡུ་ཏྟ་ཉྩ, ཝི་པྤ་ཡུ་ཏྟ་ནྟི བྷེ་དི་ཏཾ.
༡༠. ཨ་ས་ངྑཱ་རཾ ས་ས་ངྑཱ་ར་མི་ཏི བྷི་ནྣཾ པུ་ན་ཊྛ་དྷཱ;
ཀཱ་མཱ་ཝ་ཙ་ར་ཀུ་ས་ལཾ, ཀཱ་མེ སུ་ག་ཏི་སཱ་དྷ་ཀཾ.
༡༡. ཏ་ཀྐ་ཙཱ་ར་པཱི་ཏི་སུ་ཁ-ཙི་ཏྟ་སྶེ་ཀ་གྒ་ཏཱ་ཡུ་ཏཾ;
པ་ཋ་མ་ཛ྄ཛྷཱ་ན་ཀུ་ས་ལཾ, པ་ཉྩ་ངྒི་ཀ་མུ་དཱ་ཧ་ཊཾ.
༡༢. ཝི་ཏ་ཀྐ་ཧཱི་ནཾ དུ་ཏི་ཡཾ, ཛྷཱ་ནཾ ཏུ ཙ་ཏུ་ར་ངྒི་ཀཾ;
ཝི་ཙཱ་ར་ཧཱི་ནཾ ཏ་ཏི་ཡཾ, ཛྷཱ་ནཾ པ་ན ཏི་ཝ་ངྒི་ཀཾ.
༡༣. པཱི་ཏི་ཧཱི་ནཾ ཙ་ཏུ་ཏྠ་ཉྩ, ཨུ་པེ་ཀྑེ་ཀ་གྒ་ཏཱ་ཡུ་ཏཾ;
པ་ཉྩ་མ་ཉྩ པ་ཀཱ་སེ་ནྟི, ཨུ་བྷ་ཡ་མྤི དུ་ཝ་ངྒི་ཀཾ.
༡༤. ཨེ་ཝཾ ཛྷཱ་ན་ངྒ་བྷེ་དེ་ན, ཙི་ཏྟཾ པ་ཉྩ་ཝི་དྷཾ བྷ་ཝེ;
རཱུ་པཱ་ཝ་ཙ་ར་ཀུ་ས་ལཾ, རཱུ་པ་བྷཱུ་མི་པ་ཝ་ཏྟ་ཀཾ.
༡༥. ཨཱ་ཀཱ་སཱ་ན་ཉྩཱ་ཡ་ཏ་ནཾ, ཀུ་ས་ལཾ པ་ཋ་མཾ བྷ་ཝེ;
ཝི་ཉྙཱ་ཎ་ཉྩཱ་ཡ་ཏ་ན་ནྟི, དུ་ཏི་ཡཾ ཏ་ཏི་ཡཾ ཏ་ཐཱ.
༡༦. ཨཱ་ཀི་ཉྩ་ཉྙཱ་ཡ་ཏ་ནཾ ཏུ, ཙ་ཏུ་ཏྠཾ པ་ན མཱ་ན་སཾ;
ནེ་ཝ་ས་ཉྙཱ་ནཱ་ས་ཉྙཱ་ཡ-ཏ་ན་ཉྩེ་ཏི ཙ་ཏུ་བྦི་དྷཾ.
༡༧. ཨཱ་རུ་པྤ་ཀུ་ས་ལཾ ནཱ་མ, ཨུ་པེ་ཀྑེ་ཀ་གྒ་ཏཱ་ཡུ་ཏཾ;
དུ་ཝ་ངྒི་ཀ་མི་དཾ ས་བྦཾ, ཨཱ་རུ་པྤ་བྷ་ཝ་སཱ་དྷ་ཀཾ.
༡༨. སོ་ཏཱ་པ་ཏྟི་མ་གྒ་ཙི་ཏྟཾ, པ་ཋ་མཱ་ནུ་ཏྟ་རཾ ཏ་ཐཱ;
ས་ཀ་དཱ་གཱ་མི ཨ་ནཱ་གཱ་མི, ཨ་ར་ཧ་ཏྟ་ནྟི ས་བྦ་ཐཱ.
༡༩. ཙ་ཏུ་དྷཱ མ་གྒ་བྷེ་དེ་ན, ཛྷཱ་ན་བྷེ་དེ་ན པ་ཉྩ་དྷཱ;
ཝཱི་ས་ཏཱཔ་རི་ཡཱ་པ་ནྣ་ཀུ་ས་ལཾ དྭ་ཡ་མི་སྶི་ཏཾ.
༢༠. ཨི་ཏྠཾ བྷཱུ་མི་ཝི་བྷཱ་གེ་ན, ཀུ་ས་ལཾ ཏུ ཙ་ཏུ་བྦི་དྷཾ;
ཨེ་ཀ་ཝཱི་སཱ་པི བཱ་ཝཱི་སཾ, ས་ཏྟ་ཏིཾ་ས་ཝི་དྷ་མྤི ཝཱ.
༢༡. སོ་མ་ན་སྶ་ས་ཧ་ག་ཏཾ, ཨུ་པེ་ཀྑཱ་ས་ཧི་ཏཾ ཏ་ཐཱ;
དི་ཊྛི་ག་ཏ་ས་མྤ་ཡུ་ཏྟཾ, ཝི་པྤ་ཡུ་ཏྟ་ནྟི བྷེ་དི་ཏཾ.
༢༢. ཨ་ས་ངྑཱ་རཾ ས་ས་ངྑཱ་ར་མི་ཏི བྷི་ནྣཾ པུ་ན་ཊྛ་དྷཱ;
ལོ་བྷ་མཱུ་ལཾ པ་ཀཱ་སེ་ནྟི, ལོ་བྷ་མོ་ཧ་དྭི་ཧེ་ཏུ་ཀཾ.
༢༣. དོ་མ་ན་སྶ་ས་ཧ་ག་ཏཾ, པ་ཊི་གྷེ་ན ས་མཱ་ཡུ་ཏཾ;
ཨ་ས་ངྑཱ་རཾ ས་ས་ངྑཱ་ར་མི་ཏི བྷི་ནྣཾ དྭི་དྷཱ པ་ན.
༢༤. དོ་ས་མཱུ་ལཾ པ་ཀཱ་སེ་ནྟི, དོ་ས་མོ་ཧ་དྭི་ཧེ་ཏུ་ཀཾ;
ཝི་ཙི་ཀི་ཙྪཱ་ས་ཧ་ག་ཏཾ, ཨུ་དྡྷ་ཙྩ་ས་ཧི་ཏ་ནྟི ཙ.
༢༥. ཨུ་པེ་ཀྑཱ་ཝེ་ད་ནཱ་ཡུ་ཏྟཾ, མོ་མཱུ་ཧཾ དུ་ཝི་དྷཾ པ་ན;
མོ་ཧ་མཱུ་ལཾ པ་ཀཱ་སེ་ནྟི, མོ་ཧེ་ནེ་ཝེ་ཀ་ཧེ་ཏུ་ཀཾ.
༢༦. དྭཱ་ད་སཱ་ཀུ་ས་ལཱ ནཱ་མ, ཙ་ཏུ་རཱ་པཱ་ཡ་སཱ་དྷ་ཀཱ;
ཨེ་ཏེ སུ་ག་ཏི་ཡ་ཉྩཱ་པི, ཝི་པ་ཏྟི་ཕ་ལ་དཱ་ཡ་ཀཱ.
༢༧. ཙ་ཀྑུ་སོ་ཏ་གྷཱ་ན་ཛི་ཝ྄ཧཱ-ཀཱ་ཡ་ཝི་ཉྙཱ་ཎ་ནཱ་མ་ཀཱ;
པ་ཉྩ་ཝི་ཉྙཱ་ཎ་ཡུ་ག་ལཱ༹, ཡུ་ག་ལ༹ཾ ས་མྤ་ཊི་ཙྪ་ནཾ.
༢༨. ས་ནྟཱི་ར་ཎ་དྭ་ཡ་ཉྩེ་ཝ, ཨུ་པེ་ཀྑཱ་ས་ཧི་ཏཾ ཏ་ཐཱ;
པུ་ཉྙཱ་པུ་ཉྙ་ཝ་སེ་ནེ་ཝ, ཝི་པཱ་ཀཱ དུ་ཝི་དྷཱ ཋི་ཏཱ.
༢༩. ཨུ་པེ་ཀྑཱ་ས་ཧི་ཏཱ ཏ་ཏྠ, མཱ་ན་སཱ དྭཱ་ད་སེ་རི་ཏཱ;
ཀཱ་ཡ་ཝི་ཉྙཱ་ཎ་ཡུ་ག་ལ༹ཾ, སུ་ཁ་དུ་ཀྑ་ཡུ་ཏཾ ཀ་མཱ.
༣༠. སོ་མ་ན་སྶ་ས་ཧ་ག་ཏཾ, ཡཾ ས་ནྟཱི་ར་ཎ་མཱ་ན་སཾ;
ཏཾ པུ་ཉྙ་པཱ་ཀམེ་ཝཱ་ཧུ, པཱ་པ་པཱ་ཀཾ ན ཝི་ཛྫ་ཏི.
༣༡. པ་ཉྩ་དྭཱ་ར་མ་ནོ་དྭཱ་ར-ཝ་སེ་ན དུ་ཝི་དྷཾ པ་ན;
ཨུ་པེ་ཀྑཱ་ཝེ་ད་ནཱ་ཡུ་ཏྟཾ, ཀྲི་ཡཱ་ཝ་ཛྫ་ན་ནཱ་མ་ཀཾ.
༣༢. སོ་མ་ན་སྶ་ས་ཧ་ག་ཏཾ, ཧ་སི་ཏུ་པྤཱ་ད་མཱ་ན་སཾ;
ཀྲི་ཡཱ་ཛ་ཝ་ན་མི་ཙྩེ་ཝཾ, ཏི་ཝི་དྷཱཧེ་ཏུ་ཀ་ཀྲི་ཡཱ.
༣༣. ཨ་ཊྛེ་ཝ པུ་ཉྙ་པཱ་ཀཱ་ནི, པཱ་པ་པཱ་ཀཱ་ནི ས་ཏྟ་དྷཱ;
ཀྲི་ཡ་ཙི་ཏྟཱ་ནི ཏཱི་ཎཱི་ཏི, ཨ་ཊྛཱ་ར་ས ཨ་ཧེ་ཏུ་ཀཱ.
༣༤. ས་པུ་ཉྙེ་ཧི ས་མཱ་ནཱ ཙ, མ་ཧཱ་པཱ་ཀ་མ་ཧཱ་ཀྲི་ཡཱ;
མ་ཧ་གྒ་ཏ་ཀྲི་ཡཱ པཱ་ཀཱ, ཕ་ལ་ཙི་ཏྟཱ་ནི ཙ ཀ་མཱ.
༣༥. ཨི་ཏྠ་མེ་ཀཱུ་ན་ན་ཝུ་ཏི-ཝི་དྷཾ ཙི་ཏྟཾ བྷ་ཝེ ཏ་ཐཱ;
ཨེ་ཀ་ན་ཝུ་ཏི་ཝི་དྷཾ ཝཱ, ཨེ་ཀ་ཝཱི་ས་ས་ཏ་མྤི ཝཱ.
༣༦. ཏ་ཀྐ་ཙཱ་ར་པཱི་ཏི་སུ་ཁ་ཙི་ཏྟ་སྶེ་ཀ་གྒ་ཏཱ་ཡུ་ཏཾ;
སོ་ཏཱ་པ་ཏྟི་མ་གྒ་ཙི་ཏྟཾ, པ་ཋ་མ་ཛ྄ཛྷཱ་ནི་ཀཾ མ་ཏཾ.
༣༧. དུ་ཏི་ཡཾ ཏ་ཀྐ་ཏོ ཧཱི་ནཾ, ཏ་ཏི་ཡཾ ཏུ ཝི་ཙཱ་ར་ཏོ;
ཙ་ཏུ་ཏྠཾ པཱི་ཏི་ཏོ ཧཱི་ནཾ, ཨུ་པེ་ཀྑེ་ཀ་གྒ་ཏཱ་ཡུ་ཏཾ.
༣༨. པ་ཉྩ་མ་ནྟི ཙ པ་ཉྩེ་ཏེ, པ་ཋ་མཱ་ནུ་ཏྟ་རཱ མ་ཏཱ;
དི་ཊྛི་ཀ་ངྑཱ་སཱི་ལ་བྦ་ཏ་པ་རཱ་མཱ་ས་པྤ་ཧཱ་ཡི་ནོ.
༣༩. ཏ་ཐེ་ཝ ས་ཀ་དཱ་གཱ་མི་མ་གྒ་ཙི་ཏྟ་ཉྩ པ་ཉྩ་དྷཱ;
རཱ་ག་དོ་ས་མོ་ཧ་ཏྟ་ཡ་ཏ་ནུ་ཏྟ་ཀ་ར་མཱི་རི་ཏཾ.
༤༠. ཀཱ་མ་དོ་ས་ས་མུ་གྒྷཱ་ཏ་ཀ་རཾ ནི་ར་ཝ་སེ་ས་ཏོ;
ཏ་ཏི་ཡཱ་ནུ་ཏྟ་ར་ཉྩཱ་པི, ཀུ་ས་ལཾ པ་ཉྩ་དྷཱ ཏ་ཐཱ.
༤༡. རཱུ་པ་རཱ་གཱ་རཱུ་པ་རཱ་ག་མཱ་ནུ་དྡྷ་ཙྩཱ་པི ཙཱ་པ་རཱ;
ཨ་ཝི་ཛྫཱ ཙེ་ཏི པ་ཉྩུ་དྡྷཾ་བྷཱ་གི་ཡཱ་ན་མ་སེ་ས་ཏོ.
༤༢. སཾ་ཡོ་ཛ་ནཱ་ནཾ སེ་སཱ་ནཾ, ས་མུ་གྒྷཱ་ཏ་ཀ་རཾ པ་རཾ;
ཙ་ཏུ་ཏྠཱ་ནུ་ཏྟ་རཾ མ་གྒ་ཙི་ཏྟཾ པ་ཉྩ་ཝི་དྷ་ནྟི ཙ.
༤༣. ཙ་ཏྟཱ་རི པ་ཉྩ་ཀཱ་ནེ་ཝ, མ་གྒེ་སུ ཙ ཕ་ལེ་སུ ཙ;
སེ་སཱ་ནི ཙེ་ཀཱ་སཱི་ཏཱི་ཏི, ཨེ་ཀ་ཝཱི་ས་ས་ཏཾ བྷ་ཝེ.
༤༤. ལོ་ཀུ་ཏྟ་རཱ་ནཾ ཨ་ཊྛ་ནྣཾ, ཨི་ཙྩེ་ཝཾ པ་ཉྩ་དྷཱ པུ་ན;
ཛྷཱ་ན་ངྒ་མ་གྒ་བོ་ཛ྄ཛྷ་ངྒ-ཝི་བྷཱ་གཱ་ཡ ཡ་ཐཱ་ར་ཧཾ.
༤༥. པཱ་ད་ཀ་ཛ྄ཛྷཱ་ན་མཱ་མ་ཊྛ་ཛྷཱ་ནཾ ཨ་ཛ྄ཛྷཱ་ས་ཡོ ཏ་ཐཱ;
ཝུ་ཊྛཱ་ན་གཱ་མི་ནཱི ཙེ་ཝ, ནི་ཡཱ་མེ་ཏི ཝི་པ་སྶ་ནཱ་ཏི.
ཨི་ཏི ཙི་ཏྟ་ཝི་བྷཱ་གེ ས་རཱུ་པ་ས་ངྒ་ཧ་ཀ་ཐཱ ནི་ཊྛི་ཏཱ.
པ་ཋ་མོ པ་རི་ཙྪེ་དོ.