༢༦. ཝུ་ཊྛཱ་ན་ཝི་སུ་དྡྷི་ཀ་ཐཱ
༡༠༡༩. ཏ་སྶེ་ཝཾ པ་ཊི་པ་ནྣ་སྶ, སི་ཁཱ་པ་ཏྟཱ ཝི་པ་སྶ་ནཱ;
ཝུ་ཊྛཱ་ན་གཱ་མི་ནཱི ནཱ་མ, ཡ་དཱ ཧོ་ཏི ཏ་དཱ པ་ན.
༡༠༢༠. པ་རི་ཀ་མྨོ་པ་ཙཱ་རཱ་ནུ་ལོ་མ་གོ་ཏྲ་བྷུ་ཏོ པ་རཾ;
མ་གྒོ ཏ་ཏོ ཕ་ལཾ ཧོ་ཏི, བྷ་ཝ་ངྒཱ པ་ཙྩ་ཝེ་ཀྑ་ཎཱ.
༡༠༢༡. པ་རི་ཀ་མྨོ་པ་ཙཱ་རཱ་ནུ་ལོ་མ་ས་ངྑཱ་ཏ་གོ་ཙ་རཱ;
མ་གྒ་སྶཱ་ཝ་ཛྫ་ནཾ ཧུ་ཏྭཱ, ནི་བྦཱ་ནེ ཧོ་ཏི གོ་ཏྲ་བྷུ.
༡༠༢༢. ཙ་ཏུ་ཏྠཾ པ་ཉྩ་མཾ ཝཱ་ཐ, ཚ་ཊྛཾ ཝཱ་པི ཡ་ཐཱ་ར་ཧཾ;
ཨ་པྤེ་ཏི མ་གྒ་ཛ་ཝ་ནཾ, ནི་བྦཱ་ནེ ས་ཀི་མེ་ཝ ཏཾ.
༡༠༢༣. ཏ་ཏོ ཕ་ལཱ་ནི ཏཱི་ཎི དྭེ, ཨེ་ཀཾ ཝཱ་ཐ ཡ་ཐཱ་ཀྐ་མཾ;
མ་གྒཱ་ཝ་སེ་ས་ནི་རོ་དྷ་མ་གྒ་ཝུ་ཊྛཱ་ན་ཝཱི་ཐི་ཡཾ.
༡༠༢༤. ཏ་ཏོ བྷ་ཝ་ངྒ་པཱ་ཏོ་ཝ,
ཏཾ ཚེ་ཏྭཱ པ་ཙྩ་ཝེ་ཀྑ་ཎཱ;
ཏི་སྶོ པ་ཉྩ་ཝི་དྷཱ ཧོ་ནྟི,
ཡ་ཐཱ་ཡོ་གཾ ཏ་ཐཱ ཧི ཙ.
༡༠༢༥. མ་གྒཾ ཕ་ལ་ཉྩ ནི་བྦཱ་ནཾ, ཨ་ཝ་སྶཾ པ་ཙྩ་ཝེ་ཀྑ་ཏི;
ཧཱི་ནེ ཀི་ལེ་སེ སེ་སེ ཙ, པ་ཙྩ་ཝེ་ཀྑ་ཏི ཝཱ ན ཝཱ.
༡༠༢༦. ཏ་ཏོ ཙ པུ་ན ས་ངྑཱ་རེ, ཝི་པ་སྶ་ནྟོ ཡ་ཐཱ པུ་རེ;
ཨ་པྤེ་ཏི ཨ་ནུ་པུ་བྦེ་ན, སེ་ས་མ་གྒ་ཕ་ལཱ་ནི ཙ.
༡༠༢༧. ཏ་ཏྠ ཝུ་ཙྩ་ནྟི ནི་བྦཱ་ན-ཕ་ལ་མ་གྒ་ཝི་པ་སྶ་ནཱ;
སུ་ཉྙ་ཏཱ ཙཱ་ནི་མི་ཏྟཱ ཙ, ཏ་ཐཱ་པ་ཎི་ཧི་ཏཱ་ནི ཙ.
༡༠༢༨. སུ་ཉྙ་ཏཱ་ཝི་པ་སྶ་ནཱ་དི་ནཱ་མེ་ན ཧི ཝི་པ་སྶ་ཏི;
ཝི་མོ་ཀྑ་མུ་ཁ་བྷཱུ་ཏཱ་ཏི, ཏི་ཝི་དྷཱ བྷཱ་ཛི་ཏཱ ཏ་ཐཱ.
༡༠༢༩. སུ་ཉྙ་ཏཱ་དི་ཀ་ནཱ་མེ་ན, ཝི་མོ་ཀྑཱ ཏི་ཝི་དྷཱ མ་ཏཱ;
ནི་བྦཱ་ན་ཕ་ལ་མ་གྒཱ ཙ, ས་མཱ་པ་ཏྟི་ས་མཱ་དྷ་ཡོ.
༡༠༣༠. ཏ་ཏྠེ་ཝ པ་ཋ་མ་བྷཱུ་མིཾ, པ་ཏྟོ ཨ་རི་ཡ་པུ་གྒ་ལོ;
ས་ཏྟ་ཀྑ་ཏྟུ་པ་ར་མོ སོ, སོ་ཏཱ་པ་ནྣོཏི ཝུ་ཙྩ་ཏི.
༡༠༣༡. པ་ཏྟོ དུ་ཏི་ཡ་བྷཱུ་མི་ཉྩ, ས་ཀ་དཱ་གཱ་མིནཱ་མ་ཀོ;
ས་ཀི་མེ་ཝ ཨི་མཾ ལོ་ཀཾ, ཨཱ་ག་ནྟྭཱ ཧོ་ཏི མཱ་ནུ་སཾ.
༡༠༣༢. པ་ཏྟོ ཏ་ཏི་ཡ་བྷཱུ་མི་ཉྩ, ཨ་ནཱ་གཱ་མཱིཏི ཝུ་ཙྩ་ཏི;
བྲ་ཧྨ་ལོ་ཀཱ ཨ་ནཱ་ག་ནྟྭཱ, ཨི་དྷ་ཀཱ་མོ་པ་པ་ཏྟི་ཡཱ.
༡༠༣༣. པ་ཏྟོ ཙ་ཏུ་ཏྠ་བྷཱུ་མི་ཉྩ, ཨ་ར་ཧཱ ཨ་གྒ་པུ་གྒ་ལོ;
དི་ཊྛེ་ཝ དྷ་མྨེ དུ་ཀྑ་གྒིཾ, ནི་བྦཱ་པེ་ཏཱི་ཏི ཝུ་ཙྩ་ཏི.
༡༠༣༤. ཨི་ཏི མ་གྒ་ཕ་ལ་ཊྛཱ་ནཾ, ཝ་སཱ ཨ་རི་ཡ་པུ་གྒ་ལཱ;
དྭི་དྷཱ་པི ཙ་ཏུ་དྷཱ ཡུ་གྒཱ, ཨ་ཊྛ ཧོ་ནྟི ཝི་བྷཱ་ག་ཏོ.
༡༠༣༥. ཨུ་བྷ་ཏོ་བྷཱ་ག་ཝི་མུ་ཏྟ-
ཝི་བྷཱ་གཱ་དི་ཝ་སཱ པ་ན;
ཝི་བྷ་ཏྟཱ ཧོ་ནྟི ས་ཏྟེ་ཏེ,
ཡ་ཐཱ་ཡོ་གཾ ཏ་ཐཱ ཧི ཙ.
༡༠༣༦. ས་དྡྷཱ་དྷུ་ར་སྶཱ་ནི་ཙྩ་ཏོ, ཝུ་ཊྛཱ་ནཾ དུ་ཀྑ་ཏོ་པི ཙ;
པ་ཉྙཱ་དྷུ་ར་སྶཱ་ན་ཏྟ་ཏོ, ཨི་ཏི དཱི་པེ་ནྟི པ་ཎྜི་ཏཱ.
༡༠༣༧. ས་དྡྷཱ་ནུ་སཱ་རི ཨཱ་དི་མྷི, མ་ཛ྄ཛྷེ ས་དྡྷཱ་ཝི་མུ་ཏྟ་ཀོ;
ཨ་ནྟེ པ་ཉྙཱ་ཝི་མུ་ཏྟོ་ཝ, ཏ་སྨཱ ས་དྡྷཱ་དྷུ་རོ སི་ཡཱ.
༡༠༣༨. དྷ་མྨཱ་ནུ་སཱ་རི ཨཱ་དི་མྷི, དི་ཊྛི་པྤ་ཏྟོ ཏ་ཏོ་པ་རི;
ཨ་ནྟེ པ་ཉྙཱ་ཝི་མུ་ཏྟོ་ཝ, ཧོ་ཏི པ་ཉྙཱ་དྷུ་རོ་པི ཙ.
༡༠༣༩. ས་མ་ཐ་ཡཱ་ནི་ཀཱ ཙེ་ཝ, རཱུ་པཱ་ནུ་ཏྟ་ར་པཱ་ད་ཀཱ;
ཝི་པ་སྶ་ནཱ་ཡཱ་ནི་ཀཱ ཙ, ས་བྦེ སུ་ཀྑ་ཝི་པ་སྶ་ཀཱ.
༡༠༤༠. དྷུ་ར་ཝུ་ཊྛཱ་ན་བྷེ་དེ་ན, ཧོ་ནྟི པ་ཉྩེ་ཝ ས་བྦ་ཐཱ;
ཨཱ་རུ་པྤ་པཱ་ད་ཀཱ ཙཱ་པི, ཨཱ་དི་མྷི དུ་ཝི་དྷཱ ཏ་ཐཱ.
༡༠༤༡. ཚ་སུ ཋཱ་ནེ་སུ མ་ཛ྄ཛྷ་ཀེ, ཀཱ་ཡ་ས་ཀྑཱི་ཏི བྷཱ་ཛི་ཏཱ;
ཨུ་བྷ་ཏོ་བྷཱ་ག་ཝི་མུ་ཏྟོ, ཨ་ར་ཧ་ཏྟེ པ་ཏི་ཊྛི་ཏོ.
༡༠༤༢. ཨི་ཏྠཾ ཝུ་ཏྟ་ཡཱ་ན་དྷུ་ར-ཝུ་ཊྛཱ་ནཱ་ནཾ ཝི་བྷཱ་ག་ཏོ;
མ་གྒ་པྥ་ལ་བྷཱུ་མི་ཡོ ཙ, ས་ཏྟ་ཊྛཱ་རི་ཡ་པུ་གྒ་ལཱ.
༡༠༤༣. ཏ་ཏྠ ཙཱ་ནུ་ཏྟ་ར་ཉཱ་ཎཾ, ས་ཙྩཱ་ནཾ པ་ཊི་ཝེ་དྷ་ཀཾ;
ས་མུ་ཙྪེ་ད་པྤ་ཧཱ་ནེ་ན, ཀླེ་སཱ་ནུ་ས་ཡ་སོ་དྷ་ནཾ.
༡༠༤༤. ཙ་ཏུ་མ་གྒ་ཝི་བྷཱ་གེ་ན, ཝུ་ཊྛཱ་ན་ནྟི པ་ཀི་ཏྟི་ཏཾ;
ཉཱ་ཎ་ད་སྶ་ན་ཝི་སུ་དྡྷི, ནཱ་མ ཧོ་ཏི ཏ་ཐཱ་པི ཙ.
༡༠༤༥. མ་གྒོ ཙ པ་རི་ཛཱ་ནཱ་ཏི, དུ་ཀྑཾ ཏེ་བྷཱུ་མ་ཀཾ ཏ་ཐཱ;
ཡ་ཐཱ་ཡོ་གཾ པ་ཛ་ཧ་ཏི, ཏ་ཎྷཱ་ས་མུ་ད་ཡ་མྤི ཙ.
༡༠༤༦. ནི་རོ་དྷཾ ས་ཙྪི་ཀ་རོ་ཏི, མ་གྒ་ས་ཙྩ་མ་ནུ་ཏྟ་རཾ;
བྷཱ་ཝ་ནཱ་ཝཱི་ཐི་མོ་ཏི་ཎྞོ, བྷཱ་ཝེ་ཏཱི་ཏི པ་ཝུ་ཙྩ་ཏི.
༡༠༤༧. དི་ཊྛི་གྒ་ཏ་ཝི་ཙི་ཀི་ཙྪཱ-སཱི་ལ་བྦ་ཏ་མ་སེ་ས་ཏོ;
ཨ་པཱ་ཡ་ག་མ་ནཱི་ཡ་ཉྩ, རཱ་ག་དོ་སཱ་དི་ཀ་ཏྟ་ཡཾ.
༡༠༤༨. ཏ་དེ་ཀ་ཊྛེ ཀི་ལེ་སེ ཙ, ས་ཧ་ཛཱ་ཏ་པྤ་ཧཱ་ན་ཏོ;
པ་ཛ་ཧཱ་ཏི སོ་ཏཱ་པ་ཏྟི-མ་གྒོ པ་ཋ་མ་བྷཱུ་མི་ཀོ.
༡༠༤༩. ཏ་དེ་ཀ་ཊྛེ པ་ཛ་ཧ་ཏི, རཱ་ག་དོ་སཱ་དི་ཀེ་པི ཙ;
ཐཱུ་ལེ ཏུ ས་ཀ་དཱ་གཱ་མི-མ་གྒོ དུ་ཏི་ཡ་བྷཱུ་མི་ཀོ.
༡༠༥༠. པ་ཛ་ཧཱ་ཏི ཨ་ནཱ་གཱ་མི-མ་གྒོ ནི་ར་ཝ་སེ་ས་ཏོ;
ཀཱ་མ་རཱ་ག་བྱཱ་པཱ་དེ ཙ, ཏ་དེ་ཀ་ཊྛེ ཙ ས་མྦྷ་ཝཱ.
༡༠༥༡. རཱུ་པཱ་རཱུ་པ་རཱ་ག་མཱ་ནུ-དྡྷ་ཙྩཱ་ཝི་ཛྫཱ་ཏི པ་ཉྩ་ཀཾ;
ཨ་གྒ་མ་གྒོ པ་ཛ་ཧ་ཏི, ཀླེ་སེ སེ་སེ ཙ ས་བྦ་ཐཱ.
༡༠༥༢. ཨི་ཏི ས་ཙྩ་པ་ཊི་ཝེ་དྷཾ, ཀླེ་ས་ཀྑ་ཡ་ཕ་ལཱ་ཝ་ཧཾ;
མ་གྒ་ཉཱ་ཎཾ པ་ཀཱ་སེ་ནྟི, ཝི་སུ་དྡྷིཾ ས་ཏྟ་མཾ བུ་དྷཱ.
༡༠༥༣. ཚ་བྦི་སུ་དྡྷི་ཀ་མེ་ནེ་ཝཾ, ས་བྦ་ཐཱ་ཡ ཝི་སུ་དྡྷི་ཡཱ;
ས་ཏྟ་མཱ་ཡཱ་ནུ་པ་ཏྟ་བྦཾ, ནི་བྦཱ་ན་ནྟི པ་ཝུ་ཙྩ་ཏི.
༡༠༥༤. ཀླེ་ས་ཀྑ་ཡ་ཀ་རཾ ཏཱ་ཎཾ, སཾ་སཱ་རཱ་ཏི་ཀྐ་མཾ པ་རཾ;
པཱ་རི་མཾ ཏཱི་ར་མ་བྷ་ཡཾ, ས་བྦ་ས་ངྑཱ་ར་ནི་སྶ་ཊཾ.
༡༠༥༥. ཏེ་ན་མྨ་ད་ནི་མྨ་ད་ནཾ, པི་པཱ་ས་ཝི་ན་ཡཱ་དི་ནཱ;
ཀླེ་ས་སཾ་སཱ་ར་ས་ངྑཱ་ར-པ་ཊི་པ་ཀྑ་ནི་ད་སྶི་ཏཾ.
༡༠༥༦. ཨ་ཛ་རཱ་མ་ར་མ་ཙྩ་ནྟ-མ་ནུ་པྤཱ་ད་མ་ས་ངྑ་ཏཾ;
ཨ་ནུ་ཏྟ་ར་མ་ས་ངྑཱ་རཾ, ཨ་ན་ནྟ་མ་ཏུ་ལ་ཉྩ ཏཾ.
༡༠༥༧. པ་ར་མ་ཏྠ་མ་ནོ་པ་མྨཾ, ས་ནྟི ཨ་པྤ་ཊི་མཾ སུ་ཁཾ;
ནི་རོ་དྷ་ས་ཙྩ ནི་བྦཱ་ནཾ, ཨེ་ཀ་ནྟཾ ཨ་མ་ཏཾ པ་དཾ.
༡༠༥༨. སོ་པཱ་དི་སེ་ས་ནི་བྦཱ་ན-དྷཱ་ཏུ ཙེ་ཝ ཏ་ཐཱ་པ་རཱ;
ཨ་ནུ་པཱ་དི་སེ་སཱ ཙེ་ཏི, དུ་ཝི་དྷཱ པ་རི་ཡཱ་ཡ་ཏོ.
༡༠༥༩. སུ་ཉྙ་ཏཾ ཙཱ་ནི་མི་ཏྟ་ཉྩ, ཏ་ཐཱ་པ་ཎི་ཧི་ཏ་ནྟི ཙ;
ཨ་ཏྟཱ་དི་གཱ་ཧཱ་བྷཱ་ཝེ་ན, ཏི་ཝི་དྷཱ་པི ཙ བྷཱ་ཛི་ཏཾ.
༡༠༦༠. ཀླེ་ས་སཾ་སཱ་ར་ས་ངྑཱ་ར-པ་ཙྩ་ནཱི་ཀ་ཝི་བྷཱ་ག་ཏོ;
བྷ་ཝ་ཀྑ་ཡཱ་དི་བྷེ་དེ་ཧི, བ་ཧུ་དྷཱ་པི པ་ཝུ་ཙྩ་ཏི.
༡༠༦༡. ཏ་དེ་ཝ་མ་ཙྩུ་ཏཾ དྷ་མྨཾ, ལོ་ཀུ་ཏྟ་ར་མ་ཀཱ་ལི་ཀཾ;
ཝཱ་ནཱ་བྷཱ་ཝཱ ཝཱ་ནཱ་ཏཱི་ཏོ, ‘‘ནི་བྦཱ་ན’’ནྟི པ་ཀི་ཏྟི་ཏཾ.
ཨི་ཏི ནི་བྦཱ་ན་ཝི་བྷཱ་གེ ཝུ་ཊྛཱ་ན་ཝི་སུ་དྡྷི་ཀ་ཐཱ ནི་ཊྛི་ཏཱ.
ཚ་བྦཱི་ས་ཏི་མོ པ་རི་ཙྪེ་དོ.
ནི་ཊྛི་ཏོ ཙ ས་བྦ་ཐཱ་པི ནི་བྦཱ་ན་ཝི་བྷཱ་གོ.