ཨེ་ཀཱུ་ན་ཝཱི་ས་ཏི་མོ པ་རི་ཙྪེ་དོ
༡༩. པ་བྷེ་ད་ཀ་ཐཱ
༧༠༦. ཨ་ཊྛ་ཝཱི་ས་ཝི་དྷ་མྤེ་ཏཾ, རཱུ་པཾ དཱ་ནི ཡ་ཐཱ་ར་ཧཾ;
བྷཱུ་ཏ་རཱུ་པཱ་དི་བྷེ་དེ་ཧི, ཝི་བྷ་ཛེ་ཡྻ ཝི་ཙ་ཀྑ་ཎོ.
༧༠༧. པ་ཐ་ཝཱ་དི་ཀ་མི་ད་ནྟི, བྷཱུ་ཏ་རཱུ་པཾ ཙ་ཏུ་བྦི་དྷཾ;
ཨུ་པཱ་དཱ་རཱུ་པ་མ་ཉྙཾ ཏུ, ཙ་ཏུ་ཝཱི་ས་ཏི་ཝི་དྷཾ བྷ་ཝེ.
༧༠༨. པ་ཉྩ་ཝི་དྷ་མྤི ཙ་ཀྑཱ་དི་རཱུ་པ་མ་ཛ྄ཛྷ་ཏྟི་ཀཾ མ་ཏཾ;
ཏེ་ཝཱི་ས་ཏི་ཝི་དྷཾ སེ་སཾ, བཱ་ཧི་ར་ནྟི པ་ཝུ་ཙྩ་ཏི.
༧༠༩. རཱུ་པ་ས་དྡ་ག་ནྡྷ་ར་ས་ཕོ་ཊྛ་བྦཱ ས་ཏྟ པ་ཉྩ་དྷཱ;
པ་ཉྩ་པྤ་སཱ་ད་ཝི་ས་ཡཱ, པ་ཉྩཱ་ར་མྨ་ཎ་ནཱ་མ་ཀཱ.
༧༡༠. ཨེ་ཀ་ཝཱི་ས་ཏི་ཝི་དྷཾ སེ་སཾ, དྷ་མྨཱ་ར་མྨ་ཎ་ས་ངྒ་ཧཾ;
མ་ནོ་ཝི་ཉྙཱ་ཎ་ཝི་ཉྙེ་ཡྻཾ, མ་ནོ་དྭཱ་ར་སྶ གོ་ཙ་རཾ.
༧༡༡. པ་སཱ་དཱ ཝི་ས་ཡཱ ཙེ་ཝ, པ་ཉྩ་ཀཱ དྭེ་པི ས་མྦྷ་ཝཱ;
དྭཱ་ད་སཱ་པི ས་རཱུ་པེ་ན, ད་སཱ་ཡ་ཏ་ན་དྷཱ་ཏུ་ཡོ.
༧༡༢. ཡ་དེ་དཾ པ་ན ས་བྦ་མྤི, རཱུ་པཾ ས་པྤ་ཊི་གྷཾ མ་ཏཾ;
ཏ་དེ་ཝོ་ལཱ༹་རི་ཀཾ ནཱ་མ, ས་ནྟི་ཀེ་ཏི པ་ཝུ་ཙྩ་ཏི.
༧༡༣. སེ་ས་མ་པྤ་ཊི་གྷཾ ནཱ་མ, དྷ་མྨཱ་ཡ་ཏ་ན་དྷཱ་ཏུ ཙ;
སུ་ཁུ་མ་ཉྩེ་ཝ རཱུ་པ་ཉྩ, རཱུ་པཾ སོ་ལ༹་ས་དྷཱ ཋི་ཏཾ.
༧༡༤. ཚ་བྦི་དྷཱ ཝ་ཏྠུ་རཱུ་པཾ ཏུ, པ་སཱ་ད་ཧ་ད་ཡ་མྤི ཙ;
ཨ་ཝ་ཏྠུ་རཱུ་པཾ སེ་སཾ ཏུ, དྭཱ་ཝཱི་ས་ཏི་ཝི་དྷཾ བྷ་ཝེ.
༧༡༥. པ་སཱ་དཱ ཙེ་ཝ ཝི་ཉྙ་ཏྟི, དྭཱ་ར་རཱུ་པཾ ཏུ ས་ཏྟ་དྷཱ;
སེ་སཾ ཨ་དྭཱ་ར་རཱུ་པཾ ཏུ, ཨེ་ཀ་ཝཱི་ས་ཝི་དྷ་མྤི ཙ.
༧༡༦. པ་སཱ་དཱ བྷཱ་ཝ་ཡུ་ག་ལ༹ཾ, ཛཱི་ཝི་ཏ་ཉྩེ་ཏི ཨ་ཊྛ་དྷཱ;
ཨི་ནྡྲི་ཡ་རཱུ་པ་མ་ཉྙཾ ཏུ, ཝཱི་ས་དྷཱ་ནི་ནྡྲི་ཡཾ སི་ཡཱ.
༧༡༧. ཝ་ཎྞོ ག་ནྡྷོ ར་སོ ཨོ་ཛཱ, བྷཱུ་ཏ་རཱུ་པ་ནྟི ཨ་ཊྛ་དྷཱ;
ཨ་ཝི་ནི་བྦྷོ་ག་མི་ཏ་རཾ, ཝི་ནི་བྦྷོ་གཾ ཏུ ཝཱི་ས་དྷཱ.
༧༡༨. ཨ་ཝི་ནི་བྦྷོ་ག་རཱུ་པཱ་ནི, ས་དྡ་ཝ་ཏྠི་ནྡྲི་ཡཱ་ནི ཙ;
ནི་པྥ་ནྣཾ ཨ་ཊྛཱ་ར་ས་དྷཱ, རཱུ་པ་རཱུ་པ་ནྟི ཝེ་དི་ཏཾ.
༧༡༩. པ་རི་ཙྪེ་དོ པ་ནཱ་ཀཱ་སོ, ཝི་ཉྙ་ཏྟི་ལ་ཧུ་ཏཱ་ད་ཡོ;
ཝི་ཀཱ་རཱ ལ་ཀྑ་ཎཱ ཙེ་ཝ, རཱུ་པ་སྶུ་པ་ཙ་ཡཱ་ད་ཡོ.
༧༢༠. ད་ས་དྷཱ་པི ཨ་ནི་པྥ་ནྣཾ, ན་ཏྠེ་ཏཾ པ་ར་མ་ཏྠ་ཏོ;
རཱུ་པ་སྶེ་ཏ་ནྟི ཀ་ཏྭཱ་ན, རཱུ་པ་མི་ཙྩེ་ཝ ཝུ་ཙྩ་ཏི.
༧༢༡. རཱུ་པཱ་ཡ་ཏ་ན་མེ་ཝེ་ཀཾ, ས་ནི་ད་སྶ་ན་མཱི་རི་ཏཾ;
ཨ་ནི་ད་སྶ་ན་མ་ཉྙཾ ཏུ, ས་ཏྟ་ཝཱི་ས་ཏི་ཝི་དྷ་མྤི ཙ.
༧༢༢. ཀ་མྨ་ཛཾ པ་ནུ་པཱ་དི་ནྣཾ, ཨ་ནུ་པཱ་དི་ནྣ་ཀཱ་པ་རཾ;
ཏི་ཝི་དྷཾ ཙི་ཏྟ་ཛ་ཉྩེ་ཝ, ཨུ་ཏུ་ཛཱ་ཧཱ་ར་ཛ་ནྟི ཙ.
༧༢༣. ཙ་ཀྑུ་ས་མྥ་སྶ་ཝ་ཏྠཱུ་ཏི, ཙ་ཀྑུ་དྷཱ་ཏུ པ་ཀི་ཏྟི་ཏཱ;
ན ཝ་ཏྠུ ཏ་སྶ སེ་སཾ ཏུ, ས་ཏྟ་ཝཱི་ས་ཏི་ཝི་དྷཾ བྷ་ཝེ.
༧༢༤. སོ་ཏ་ས་མྥ་སྶ་ཝ་ཏྠཱ་དི-ཝ་སཱ ཙ དུ་ཝི་དྷཱ ཏ་ཐཱ;
ཏི་ཝི་དྷཱ ཙ ཝི་བྷཱ་ཝེ་ཡྻ, ཡ་ཐཱ་ས་མྦྷ་ཝ་ཏོ ཀ་ཐཾ.
༧༢༥. ས་ནི་ད་སྶ་ན་རཱུ་པ་ཉྩ, ཝ་ཎྞོ ས་པྤ་ཊི་གྷ་མྤི ཙ;
ཨ་ནི་ད་སྶ་ན་མ་ཉྙཾ ཏུ, ཐཱུ་ལཾ ས་པྤ་ཊི་གྷཾ བྷ་ཝེ.
༧༢༦. ཨ་ནི་ད་སྶ་ན་རཱུ་པ་ཉྩ, སེ་ས་མ་པྤ་ཊི་གྷ་མྤི ཙ;
སོ་ལ༹་སཱ་ཏི ཙ ས་བྦ་མྤི, རཱུ་པཾ ཏི་ཝི་དྷ་མུ་དྡི་སེ.
༧༢༧. ཨ་པ་ཏྟ་གཱ་ཧ་ཀཾ ནཱ་མ, ཙ་ཀྑུ་སོ་ཏ་དྭ་ཡཾ པ་ན;
ས་མྤ་ཏྟ་གཱ་ཧ་ཀཾ ནཱ་མ, གྷཱ་ནཱ་དི་ཏྟ་ཡ་མཱི་རི་ཏཾ.
༧༢༨. ཨ་གཱ་ཧ་ཀ་མ་ཏོ སེ་སཾ, ཏེ་ཝཱི་ས་ཏི་ཝི་དྷཾ བྷ་ཝེ;
ཀི་ཉྩི སཱ་ར་མྨ་ཎཾ ནཱ་མ, ན ག་ཡ྄ཧ་ཏཱི་ཏི ས་བྦ་ཐཱ.
༧༢༩. ཨུ་པཱ་དཱ ཨ་ཛ྄ཛྷ་ཏྟི་ཀཾ རཱུ་པཾ, ཨུ་པཱ་དཱ བཱ་ཧི་རཾ ཏ་ཐཱ;
ནོ་པཱ་དཱ བཱ་ཧི་ར་ཉྩེ་ཏི, ཨེ་ཝ་མྤི ཏི་ཝི་དྷཾ བྷ་ཝེ.
༧༣༠. ཨ་ཛ྄ཛྷ་ཏྟི་ཀ་མུ་པཱ་དི་ནྣཾ, བཱ་ཧི་ར་ཉྩ ཏ་ཐཱ་པ་རཾ;
ཨ་ནུ་པཱ་དི་ནྣ་ཀ་ཉྩེ་ཏི, ཨེ་ཝ་མཱ་དི་ཝ་སཱ་པི ཙ.
༧༣༡. དི་ཊྛཾ རཱུ་པཾ སུ་ཏཾ ས་དྡོ, ག་ནྡྷཱ་དི ཏི་ཝི་དྷཾ མུ་ཏཾ;
ཝི་ཉྙཱ་ཏ་མ་ཉྙ་ཝི་ཉྙེ་ཡྻཾ, མ་ན་སཱ་ཏི ཙ་ཏུ་བྦི་དྷཾ.
༧༣༢. རཱུ་པ་རཱུ་པཾ པ་རི་ཙྪེ་དོ, ཝི་ཀཱ་རོ ལ་ཀྑ་ཎཾ ཀ་མཱ;
ཨ་ཊྛཱ་ར་སེ་ཀ་ཀཾ པ་ཉྩ, ཙ་ཏུ་ཀྐ་ནྟི ཙ ཏཾ ཏ་ཐཱ.
༧༣༣. དྭཱ་ར་ཉྩ ཧོ་ཏི ཝ་ཏྠུ ཙ, ན ཝ་ཏྠུ དྭཱ་ར་མེ་ཝ ཏུ;
ན དྭཱ་རཾ ཝ་ཏྠུ་མེ་ཝཱ་ཐ, ནོ་བྷ་ཡ་ནྟི ཙ ནི་དྡི་སེ.
༧༣༤. ཨུ་པཱ་དཱ ཨ་ནུ་པཱ་དི་ནྣཾ, ཨ་ནུ་པཱ་དི་ནྣ་ཀཾ ཏ་ཐཱ;
ནོ་པཱ་དཱ དུ་ཝི་དྷ་ཉྩེ་ཏི, ཙ་ཏུ་དྡྷེ་ཝ་མྤི དེ་སི་ཏཾ.
༧༣༥. ས་པྤ་ཊི་གྒྷ་མུ་པཱ་དཱ ཙ, རཱུ་པ་མ་པྤ་ཊི་གྷཾ ཏ་ཐཱ;
ནོ་པཱ་དཱ དུ་ཝི་དྷ་ཉྩེ་ཏི, ཙ་ཏུ་དྡྷཱ ཨེ་ཝ་མཱ་དི་ཏོ.
༧༣༦. ཨེ་ཀཱ་ད་སེ་ཀ་ཛ་རཱུ་པཾ, ཧ་ད་ཡི་ནྡྲི་ཡ་ན་ཝ་ཀཾ;
ཀ་མྨ་ཛཾ ཙི་ཏྟ་ཛ་ཉྩེ་ཝ, ཏ་ཐཱ ཝི་ཉྙ་ཏྟི་ཀཾ དྭ་ཡཾ.
༧༣༧. ས་དྡོ ཙི་ཏྟོ་ཏུ་ཛོ ཏ་སྨཱ, རཱུ་པ་མེ་ཀཾ དྭི་ཛཾ མ་ཏཾ;
ཙི་ཏྟོ་ཏཱ་ཧཱ་ར་ས་མྦྷཱུ་ཏཾ, ལ་ཧུ་ཏཱ་དི་ཏྟ་ཡཾ ཏི་ཛཾ.
༧༣༨. ན་ཝཱ་ཀཱ་སཱ་ཝི་ནི་བྦྷོ་གཱ, ཀ་མྨཱ་དི་ཙ་ཏུ་ས་མྦྷ་ཝཱ;
ཨ་ཐ ལ་ཀྑ་ཎ་རཱུ་པ་ནྟི, རཱུ་པ་མེ་ཝཾ ཏུ པ་ཉྩ་དྷཱ.
༧༣༩. ན་ཝཱ་ཀཱ་སཱ་ཝི་ནི་བྦྷོ་གཱ, ན་ཝ ཝ་ཏྠི་ནྡྲི་ཡཱ་ནི ཙ;
ཨ་ཊྛཱ་ར་ས་ཝི་དྷཾ རཱུ་པཾ, ཀ་མྨ་ཛཾ ཧོ་ཏི པི་ཎྜི་ཏཾ.
༧༤༠. ས་དྡཱ་ཀཱ་སཱ་ཝི་ནི་བྦྷོ་གཱ, ཝི་ཉྙ་ཏྟི་ལ་ཧུ་ཏཱ་ད་ཡོ;
པ་ཉྩ་ད་ས་ཝི་དྷཾ རཱུ་པཾ, ཙི་ཏྟ་ས་མྦྷ་ཝ་མུ་དྡི་སེ.
༧༤༡. ས་དྡཱ་ཀཱ་སཱ་ཝི་ནི་བྦྷོ་གཱ, ལ་ཧུ་ཏཱ་དི་ཏྟ་ཡ་ནྟི ཙ;
ཨུ་ཏུ་ས་མྦྷ་ཝ་མཱི་རེ་ནྟི, རཱུ་པཾ ཏེ་ར་ས་དྷཱ ཋི་ཏཾ.
༧༤༢. པ་རི་ཙྪེ་དཱ་ཝི་ནི་བྦྷོ་གཱ, ལ་ཧུ་ཏཱ་དི་ཏྟ་ཡ་མྤི ཙ;
ཨེ་ཝ་མཱ་ཧཱ་ར་ཛཾ ནཱ་མ, རཱུ་པཾ དྭཱ་ད་ས་དྷཱ ཋི་ཏཾ.
༧༤༣. ཛཱ་ཏི ཛ་རཱ ཙ མ་ར་ཎཾ, ན ཀུ་ཏོ་ཙི་པི ཛཱ་ཡ་ཏི;
ཨེ་ཝ་མྤི པ་ཉྩ་དྷཱ ཧོ་ཏི, རཱུ་པ་ཛཱ་ཏི་ཝི་བྷཱ་ག་ཏོ.
༧༤༤. པ་ཉྩ་ཝཱི་ས་ཏི་ཝི་དྷཾ ཀ་མྨཾ, ཀཱ་མ་རཱུ་པ་ཝ་ཝ་ཏྠི་ཏཾ;
ཛ་ནེ་ཏི ཀ་མྨ་ཛཾ རཱུ་པཾ, ཀཱ་མ་རཱུ་པ་བྷ་ཝ་དྭ་ཡེ.
༧༤༥. པ་ཉྩ་ཝི་ཉྙཱ་ཎ་མཱ་རུ་པྤ-ཝི་པཱ་ཀཱ ས་བྦ་ས་ནྡྷི་ཡོ;
ཙུ་ཏི ཁཱི་ཎཱ་ས་ཝ་སྶེ་ཏི, སོ་ལ༹་སེ་ཏེ ཝི་ཝ་ཛྫ་ཡེ.
༧༤༦. པ་ཉྩ་ས་ཏྟ་ཏི སེ་སཱ་ནི, ཙི་ཏྟཱ་ནི་མཱ་ནི ས་མྦྷ་ཝཱ;
ཛ་ནེ་ནྟི ཙི་ཏྟ་ཛཾ རཱུ་པཾ, པ་ཉྩ་ཝོ་ཀཱ་ར་བྷཱུ་མི་ཡཾ.
༧༤༧. ཛ་ནེ་བྷི ཨུ་ཏུ་ཛཾ རཱུ་པཾ, ཏེ་ཛོ་དྷཱ་ཏུ བྷ་ཝ་དྭ་ཡེ;
ཀཱ་མ་བྷཱུ་མི་ཡ་མོ་ཛཱ ཏུ, ཛ་ནེ་ཏཱ་ཧཱ་ར་ཛཾ ཏ་ཐཱ.
༧༤༨. ཀ་མྨཾ ཛ་ནེ་ཏི རཱུ་པཱ་ནི, ཨ་ཏྟ་ཛཱ་ནི ཁ་ཎེ ཁ་ཎེ;
ཙི་ཏྟ་མུ་པྤཱ་ད་ཀཱ་ལ་མྷི, ཨུ་པྤཱ་དཱ་ན་ནྟ་རཾ པ་རཾ.
༧༤༩. ཨུ་ཏུ་ས་མྦྷ་ཝ་མཱི་རེ་ནྟི, རཱུ་པཾ ཏེ་ར་ས་དྷཱ ཋི་ཏཾ;
པ་རི་ཙྪེ་དཱ་ཝི་ནི་བྦྷོ་གཱ, ལ་ཧུ་ཏཱ་དི་ཏྟ་ཡ་མྤི ཙ.
༧༥༠. ས་ནྡྷི་ཡ་མྤི ཀ་མྨ་ཛཾ ཏུ, པ་ཝ་ཏྟེ་པི ཙ ས་མྦྷ་ཝཱ;
ཛ་ནེ་ཏི རཱུ་པཾ སེ་སཱ་ནི, པ་ཝ་ཏྟེ, ན ཏུ ས་ནྡྷི་ཡཾ.
༧༥༡. ཨི་ནྡྲི་ཡ་བ་དྡྷ་ས་ནྟཱ་ནེ, ཀ་མྨཱ་དི ཏི་ཝི་དྷ་མྤི ཙ;
ཛ་ནེ་ཏི རཱུ་པཾ མ་ཏ་ཀེ, བཱ་ཧི་རེ ཏུ ཡ་ཐཱ་ར་ཧཾ.
༧༥༢. ཨི་ཏི ཀ་མྨཱ་ད་ཡོ རཱུ་པཾ, ཛ་ནེ་ནྟི ཙ ཡ་ཐཱ་ས་ཀཾ;
སེ་སཱ་ན་མྤི ཙ རཱུ་པཱ་ནཾ, པ་ཙྩ་ཡཱ ཧོ་ནྟི ས་མྦྷ་ཝཱ.
༧༥༣. ཨི་ཏི རཱུ་པ་ཝི་བྷཱ་ག་ཉྩ, ཛཱ་ཏི་བྷེ་ད་ཉྩ ས་མྦྷ་ཝཱ;
ཛ་ན་ཀཱ་དི་པྤ་བྷེ་ད་ཉྩ, རཱུ་པཱ་ནཾ ཏ་ཏྠ དཱི་པ་ཡེ་ཏི.
ཨི་ཏི རཱུ་པ་ཝི་བྷཱ་གེ པ་བྷེ་ད་ཀ་ཐཱ ནི་ཊྛི་ཏཱ.
ཨེ་ཀཱུ་ན་ཝཱི་ས་ཏི་མོ པ་རི་ཙྪེ་དོ.