པ་ནྣ་ར་ས་མོ པ་རི་ཙྪེ་དོ
༡༥. རཱ་སི་ས་ངྒ་ཧ་ཀ་ཐཱ
༥༡༣. ཏེ་ཏྟིཾ་ས ཙེ་ཝ དྭ་ཏྟིཾ་ས, ཨེ་ཀ་ཏིཾ་ས ཙ ཏིཾ་ས ཙ;
ཨེ་ཀ་དྭ་ཏྟིཾ་ས་ཧཱི་ནཱ ཙ, ཏིཾ་ས དྷ་མྨཱན་ཝ་ཛྫ་ཀེ.
༥༡༤. ད་ས དྷ་མྨཱ ཏུ སཱ་ཝ་ཛྫེ, ཚ་པ་ཉྩ་ཙ་ཏུ་རཱ་དྷི་ཀཱ;
ཨེ་ཀཱ་ད་ས ད་ས ན་ཝ, ས་ཏྟ་དྷཱཧེ་ཏུ་ཀེ པ་ན.
༥༡༥. ཨི་ཏྠཾ ཙུ་དྡ་ས་དྷཱ བྷི་ནྣཱ, ཀོ་ཊྛཱ་སཱ ཏུ ས་རཱུ་པ་ཏོ;
ཝི་བྷ་ཏྟཱ ཏེ་ཧི ཡུ་ཏྟཱ ཙ, ཙི་ཏྟུ་པྤཱ་དཱ ཡ་ཐཱ་ཀྐ་མཾ.
༥༡༦. ཏི་ཀ་ཊྛ་ཀཱ པ་ཉྩ་ཝཱི་ས, ད་ས པ་ཉྩཱ་དྷི་ཀཱ ན་ཝ;
ཨ་ཊྛཱ་ར་སེ་ཏི ས་ཏྟེ་ཏེ, ཨ་ན་ཝ་ཛྫཱ ཏ་ཐེ་ཏ་རེ.
༥༡༧. དྭེ ཙ་ཏྟཱ་རོ ཚ་ལེ༹་ཀཾ དྭེ,
པ་ཉྩཱ་ཐ ད་ས་དྷཱ་པ་རེ;
སཱ་ཝ་ཛྫཱ་ཧེ་ཏུ་ཀཱ ཙེ་ཏི,
ཀོ་ཊྛཱ་སཱ ཧོ་ནྟི ཙུ་དྡ་ས.
༥༡༨. ན་ཝ ཙཱ་པི ཚ ཙ་ཏྟཱ་རོ, ཙ་ཏུ་པ་ཉྩ་ཚ་ས་ཏྟ་ཀཱ;
ན་ཝ དྭེ དྭེ ཏ་ཐེ་ཀོ ཙ, ཡེ་ཝཱ་པ་ན་ཀ་ས་ངྒ་ཧཱ.
༥༡༩. ཏེ་ཧི ཡུ་ཏྟཱ པ་ན་ཊྛཱ་ཐ, ཝཱི་སེ་ཀ་ཏིཾ་ས མཱ་ན་སཱ;
དྭེ དྭེ དྭེ ཏཱི་ཎི ཙེ་ཀཾ དྭེ, ཨ་ཊྛ ད་ས ཡ་ཐཱ་ཀྐ་མཾ.
༥༢༠. ས་ཏྟ་ཏིཾ་ས་ཀ་ཏོ ཡཱ་ཝ, ཨེ་ཀ་ཏིཾ་སཱན་ཝ་ཛྫ་ཀེ;
ཏི་ཀ་ཊྛ་ཀཱ་དི་ཀེ ས་ཏྟ, ཋི་ཏཱ ནི་ཡ་ཏ་ས་ངྒ་ཧཱ.
༥༢༡. པཱ་པེ་སུ ཝཱི་ས ཙེ་ཀཱུ་ན-ཝཱི་ས་ཊྛཱ་ར་ས སོ་ལ༹་ས;
ཙ་ཏུ་དྷཱ དྭཱི་སུ ཙ་ཏཱུ་སུ, ཙ་ཏཱུ་སུ དྭཱི་སུ ཙ་ཊྛི་ཏཱ.
༥༢༢. ཨེ་ཀ་དྭི་པ་ཉྩ་ད་ས་སུ, ཙ དྭི་དྷཱཧེ་ཏུ་ཀེ་སུ ཙ;
ཏི་ཀ་དྭེ་ཀཱ་དྷི་ཀཱ དྷ་མྨཱ, ད་ས་ཊྛ ཙ ཡ་ཐཱ་ཀྐ་མཾ.
༥༢༣. པ་ཉྩ་དྭེ་ཀ་དྭི་བྷི་པ་ཉྩ, ཀོ་ཊྛཱ་སཱ ནི་ཡ་ཏཱ ཋི་ཏཱ;
ཏེ་ཧི ཡུ་ཏྟཱ པ་ན་ཊྛཱ་ཐ, ཝཱི་ས དྭེ དྭེ ཏི་ཀེ་ཀ་ཀཱ.
༥༢༤. པུ་བྦཱ་པ་ར་དྭ་ཡཱ་པུ་ཉྙེ, ཀཱ་མ་པཱ་ཀེ ཨ་ཧེ་ཏུ་ཀེ;
པ་ཉྩ་མཱ་ནུ་ཏྟ་རཱ་རུ་པྤེ, ན་ཏྠཱ་ནི་ཡ་ཏ་ས་མྦྷ་ཝོ.
༥༢༥. ཚ་ཏྟིཾ་ས་མཱ་ན་སེ་སྭེ་ཝ, ལ་བྦྷ་ནྟཱ་ནི་ཡ་ཏཱ ན ཝཱ;
ཏེ་པ་ཉྙཱ་སཱ་ཝ་སེ་སཱ ཏུ, ས་བྦེ ནི་ཡ་ཏ་ཡོ་གི་ནོ.
༥༢༦. ནི་ཡ་ཏཱ་ནི་ཡ་ཏེ ཀ་ཏྭཱ, ལ་བྦྷ་ནྟོ་བྷ་ཡ་ཐཱ ཏ་ཐཱ;
ས་རཱུ་པ་ཡེ་ཝོ་བྷ་ཡ་ཀཱ, ཏི་ཝི་དྷེ་ཝཾ ཏུ ས་ངྒ་ཧཱ.
༥༢༧. ཉེ་ཡྻཱ ཝུ་ཏྟཱ་ནུ་སཱ་རེ་ན, ཏེ་ཧི ཡུ་ཏྟཱ་ཝ མཱ་ན་སཱ;
ཏ་ཏོ པུ་ན ཝི་བྷཱ་ཝེ་ཡྻ, ས་བྦ་ས་ངྒཱ་ཧི་ཀཾ ན་ཡཾ.
༥༢༨. ཨེ་ཀཱུ་ན་ཏཱ་ལཱི་ས་ཀ་ཏོ, ཡཱ་ཝེ་ཀ་ཏྟིཾ་ས་ཀཱ ཋི་ཏཱ;
ན་ཝ་དྷཱ ཨ་ན་ཝ་ཛྫེ་སུ, ཏེ་ཧི ཡུ་ཏྟཱ ཙ མཱ་ན་སཱ.
༥༢༩. དྭེ ཙ་ཏྟཱ་རོ ད་སེ་ཝཱ་ཐ, ཏི་ཀ་པ་ཉྩཱ་དྷི་ཀཱ ད་ས;
ཏེ་ཝཱི་ས ཀ་མ་ཏོ ས་ཏྟ, དྭེ ཙ པ་ཉྩ་ད་སཱ་པ་རེ.
༥༣༠. དྭེ ཙ དྭེ ཏི་ཀ་དྭེ དྭེ་ཀཱ, སཱ་ཝ་ཛྫེ་སུ ཙ སོ་ལ༹་ས;
ཨེ་ཀཱུ་ན་ཝཱི་ས ཝཱི་སཱ་ཐ, ཝཱི་སེ་ཀ་དྭི་ཏ་ཡཱ་དྷི་ཀཱ.
༥༣༡. ཨ་ཧེ་ཏུ་ཀེ པ་ན་ཊྛཱ་ཐ, ད་སེ་ཀ་དྭི་ཏ་ཡཱ་དྷི་ཀཱ;
ད་ས་པ་ཉྩ དྭི་ཀེ་ཀཱ་ཏི, བྷ་ཝ་ནྟེ་ཀཱུ་ན་ཝཱི་ས་ཏི.
༥༣༢. ལ་བྦྷ་མཱ་ནཱ་ནུ་སཱ་རེ་ན, དྷ་མྨཱ་ནཾ པ་ན ས་ངྒ་ཧོ;
ས་ཀྐཱ ཝུ་ཏྟ་ན་ཡེ་ནེ་ཝ, ཝི་ཉྙཱ་ཏུཾ པ་ན ཝི་ཉྙུ་ནཱ་ཏི.
ཨི་ཏི ཙེ་ཏ་སི་ཀ་ཝི་བྷཱ་གེ རཱ་སི་ས་ངྒ་ཧ་ཀ་ཐཱ ནི་ཊྛི་ཏཱ.
པ་ནྣ་ར་ས་མོ པ་རི་ཙྪེ་དོ.