༡༤. རཱ་སི་ས་མྦྷ་ཝ་ཀ་ཐཱ
༤༩༠. ན་ཝེ་ཝ ཡེ་ཝཱ་པ་ན་ཀཱ, ཨ་ཊྛཱ་ར་ས ཙ རཱ་ས་ཡོ;
ན་ཝ་བྷིཾ་ས་ཏི་ས་མྦྷི་ནྣཱ, ད་ས དྭེ ས་ཝི་བྷ་ཏྟི་ཀཱ.
༤༩༡. ཨེ་ཀ་དྭ་ཡ་ཏི་ཙ་ཏུ་ཚ་ས་ཏྟ་ཊྛཱ་ནཱ་ན་ཝ་ཛྫ་ཀེ;
ས་ཏྟ་ཝཱི་ས་ཏི ས་ཏྟེ་ཀོ, དྭ་ཡ་མེ་ཀོ པུ་ནེ་ཀ་ཀོ.
༤༩༢. ད་སེ་ཝ ཡེ་ཝཱ་པ་ན་ཀཱ, ཨེ་ཀཱ་ད་ས ཙ རཱ་ས་ཡོ;
ཨ་ཊྛ་ཝཱི་ས་ཏི་ས་མྦྷི་ནྣཱ, ད་སེ་ཝ ས་ཝི་བྷ་ཏྟི་ཀཱ.
༤༩༣. ཨེ་ཀ་དྭ་ཡ་ཏི་ཙ་ཏུ་ཀྐ་ཚ་ཊྛཱ་ན་ནི་ཡ་ཏཱ པ་ན;
ཨ་ཊྛཱ་ར་ས ཙ ས་ཏྟེ་ཀོ, ཨེ་ཀོ ཙེ་ཀོ་ཝ པཱ་པ་ཀེ.
༤༩༤. དྭེ ཡེ་ཝཱ་པ་ན་ཀཱ ཧོ་ནྟི, རཱ་ས་ཡོ ཙ ཙ་ཏུ་བྦི་དྷཱ;
ཏེ་ར་སེ་ཏྠ ཨ་ས་མྦྷི་ནྣཱ, ཏ་ཡོ་ཝ ས་ཝི་བྷ་ཏྟི་ཀཱ.
༤༩༥. ཨེ་ཀ་དྭ་ཡ་ཏི་ཀ་ཊྛཱ་ནཱ, ད་ས དྭེ་ཀོ ཨ་ཧེ་ཏུ་ཀེ;
ཨི་ཙྩཱ་ན་ཝ་ཛྫཱ སཱ་ཝ་ཛྫཱ-ཧེ་ཏུ་ཀེ ཡོ་ག་ནི་ཙྪ་ཡོ.
༤༩༦. ས་ཏྟཱ་པི ན་ཏྠི སཱ་ཝ་ཛྫེ, ནི་ར་ཝ་ཛྫེ པ་ཀཱ་ས་ཀོ;
ཨ་ཧེ་ཏུ་ཀེ ཙ མ་གྒཱ་དི་རཱ་ས་ཡོ ན་ཏྠི ཙུ་དྡ་ས.
༤༩༧. ཨ་ན་ཝ་ཛྫཱ ཏུ སཱ་ཝ་ཛྫེ, སཱ་ཝ་ཛྫ་ཀཱ་ན་ཝ་ཛྫ་ཀེ;
ཙི་ཏྟུ་པྤཱ་ད་མྷི ན་ཏྠེ་ཝ, ན་ཏྠོ་བྷ་ཡ་མ་ཧེ་ཏུ་ཀེ.
༤༩༨. སཱ་ཝ་ཛྫཱ པ་ན སཱ་ཝ་ཛྫེ, ཨ་ན་ཝ་ཛྫཱ་ན་ཝ་ཛྫ་ཀེ;
ག་ཧེ་ཏ་བྦཱ ཏུ ས་བྦ་ཏྠ, སཱ་དྷཱ་ར་ཎཱ པ་ཀི་ཎྞ་ཀཱ.
༤༩༩. ཛྷཱ་ན་པ་ཉྩ་ཀ་ཙི་ཏྟེ་སུ, ས་ཏྟ་ས་ཊྛི་སུ ནི་དྡི་སེ;
ཛྷཱ་ན་ངྒ་ཡོ་ག་བྷེ་དེ་ན, རཱ་སི་བྷེ་དཾ ཏ་ཧིཾ ཏ་ཧིཾ.
༥༠༠. ཙ་ཏུ་ཚ་ཀྐཱ་ན་ཝ་ཛྫེ་སུ, ཉཱ་ཎ་པཱི་ཏི་ཀ་ཏཾ ཏ་ཐཱ;
ཙ་ཏུ་ཝཱི་ས པ་རི་ཏྟེ་སུ, ཙ་ཏུ་དྷཱ བྷེ་ད་མུ་དྡི་སེ.
༥༠༡. ས་རཱ་ག་ཝཱི་ཏ་རཱ་གཱ་ནཾ, ཨ་པྤ་མ་ཉྙཱ་པ་ཝ་ཏྟི་ཡཾ;
ཀ་རུ་ཎཱ་མུ་དི་ཏཱ ཧོ་ནྟི, ཀཱ་མ་པུ་ཉྙ་མ་ཧཱ་ཀྲི་ཡེ.
༥༠༢. ཨུ་པ་ཙཱ་ར་པྤ་ནཱ་པ་ཏྟཱ, སུ་ཁི་ཏཱ ས་ཏྟ་གོ་ཙ་རཱ;
ཏ་སྨཱ ན པ་ཉྩ་མཱ་རུ་པྤེ, མ་ཧཱ་པཱ་ཀེ ཨ་ནུ་ཏྟ་རེ.
༥༠༣. སོ་ཏཱ་པ་ཏི་ཏུ་པེ་ཀྑཱ་སུ, པ་རི་ཀ་མྨཱ་དི་ས་མྦྷ་ཝེ;
ཛྷཱ་ནཱ་ནཾ ཏུ་ལྱ་པཱ་ཀ་ཏྟཱ, ཏ་པྤཱ་ཀེ་སུ ཙ ལ་བྦྷ་རེ.
༥༠༤. ཝི་ར་ཏཱི ཙ ས་རཱ་གཱ་ནཾ, ཝཱི་ཏི་ཀྐ་མ་ན་ས་མྦྷ་ཝཱ;
ས་མྤ་ཏྟེ ཙ ས་མཱ་དཱ་ནེ, ཀཱ་མ་པུ་ཉྙེ་སུ ལ་བྦྷ་རེ.
༥༠༥. ཏཾ་ཏཾ་དྭཱ་རི་ཀ་དུ་སྶི་ལྱ-ཙེ་ཏ་ནུ་ཙྪེ་ད་ཀི་ཙྩ་ཏོ;
མ་གྒེ ཙ ཏུ་ལྱ་པཱ་ཀ་ཏྟཱ, ཕ་ལེ ཙ ནི་ཡ་ཏཱ སི་ཡུཾ.
༥༠༦. པ་ཝ་ཏྟཱ་ཀཱ་ར་ཝི་ས་ཡ་བྷི་ནྣཱ པ་ཉྩཱ་པི ས་མྦྷ་ཝཱ;
ལོ་ཀི་ཡེ ལ་བྦྷ་མཱ་ནཱ་པི, ཝི་སུཾ ཙེ་ཝ སི་ཡུཾ ན ཝཱ.
༥༠༧. པཱ་པཱ ལ་བྦྷ་ནྟི པཱ་པེ་སུ, ས་ཏྟ ཚ་ཀྐེ་ཀ་ཀཱ ཀ་མཱ;
ས་རཱུ་པ་ཡེ་ཝོ་བྷ་ཡ་ཀཱ, ནི་ཡ་ཏ་ཊྛ ཚ་ལེ༹་ཏ་རེ.
༥༠༨. སཱ་དྷཱ་ར་ཎཱ ཙ ས་བྦ་ཏྠ, ཡ་ཐཱ་ཝུ་ཏྟཱ པ་ཀི་ཎྞ་ཀཱ;
ཏ་ཏྠ ཙེ་ཀ་གྒ་ཏཱ ན་ཏྠི, ཨི་ནྡྲི་ཡཱ་དཱི་སུ ཀ་ངྑི་ཏེ.
༥༠༩. ཚ་ནྡཱ་དྷི་མོ་ཀྑཱ ཡེ་ཝཱ་པི, ཝཱི་སེ་ཀཱ་ད་ས་ཝ་ཛྫི་ཏེ;
ཨུ་དྡྷ་ཙྩ་མེ་ཀཱ་ད་ས་སུ, མ་ཛ྄ཛྷ་ཏྟ་མ་ན་ཝ་ཛྫ་ཀེ.
༥༡༠. ས་བྦ་ཏྠ མ་ན་སི་ཀཱ་རོ, ཏི་དྭེ་ཀ་དྭི་ཏི་ཀཱ་པ་རེ;
ཨ་ཊྛ་ཊྛ་ཝཱི་ས་ཙ་ཏཱུ་སུ, པ་ཉྩ་དྭཱི་སུ ཡ་ཐཱ་ཀྐ་མཾ.
༥༡༡. ས་མུ་དཱ་ཡ་ཝ་སེ་ནེ་ཏྠ, ཨུ་དྡྷ་ཙྩ་ཝི་ར་ཏི་ཏྟ་ཡཾ;
ས་ཝི་བྷ་ཏྟི་ཀ་མ་ཉྙ་ཏྠ, ཨ་ཝི་བྷ་ཏྟི་ཀ་མེ་ཝ ཏཾ.
༥༡༢. ཙི་ཏྟུ་པྤཱ་དེ་སུ ཏེ་ནེ་ཏཾ, ཝི་བྷ་ཏྟི་ཨ་ཝི་བྷ་ཏྟི་ཀཾ;
ཨི་ཏི སཱ་དྷུ ས་ལླ་ཀྑེ་ཡྻ, ས་མྦྷ་ཝཱ་ས་མྦྷ་ཝཾ བུ་དྷོ་ཏི.
ཨི་ཏི ཙེ་ཏ་སི་ཀ་ཝི་བྷཱ་གེ རཱ་སི་ས་མྦྷ་ཝ་ཀ་ཐཱ ནི་ཊྛི་ཏཱ.
ཙུ་དྡ་ས་མོ པ་རི་ཙྪེ་དོ.