ཀ་ལཱ་པ་ཡོ་ཛ་ནཱ་ཝ་ཎྞ་ནཱ

༤༥. ཡ་སྨཱ པ་ནེ་ཏཱ་ནི རཱུ་པཱ་ནི ཀ་མྨཱ་དི་ཏོ ཨུ་པྤ་ཛྫ་མཱ་ནཱ་ནི་པི ན ཨེ་ཀེ་ཀཾ ས་མུ་ཊྛ་ཧ་ནྟི, ཨ་ཐ ཁོ པི་ཎྜ་ཏོ་ཝ. ཏ་སྨཱ པི་ཎྜཱ་ནཾ ག་ཎ་ན་པ་རི་ཙྪེ་དཾ, ས་རཱུ་པ་ཉྩ ད་སྶེ་ཏུཾ ‘‘ཨེ་ཀུ་པྤཱ་དཱ’’ཏྱཱ་དི ཝུ་ཏྟཾ. ས་ཧ་ཝུ་ཏྟི་ནོཏི ཝི་སུཾ ཝི་སུཾ ཀ་ལཱ་པ་ག་ཏ་རཱུ་པ་ཝ་སེ་ན ས་ཧ་ཝུ་ཏྟི་ནོ, ན ས་བྦ་ཀ་ལཱ་པཱ་ནཾ ཨ་ཉྙ་མ་ཉྙཾ ས་ཧུ་པྤ་ཏྟི་ཝ་སེ་ན.

༤༦. ད་ས པ་རི་མཱ་ཎཱ ཨ་སྶཱ་ཏི ད་ས་ཀཾ, ས་མུ་དཱ་ཡ་སྶེ་ཏཾ ནཱ་མཾ, ཙ་ཀྑུ་ནཱ ཨུ་པ་ལ་ཀྑི་ཏཾ, ཏ་པྤ་དྷཱ་ནཾ ཝཱ ད་ས་ཀཾ ཙ་ཀྑུ་ད་ས་ཀཾ. ཨེ་ཝཾ སེ་སེ་སུ་པི.

༤༧. ཝ་ཙཱི་ཝི་ཉྙ་ཏྟི་གྒ་ཧ་ཎེ་ན ས་དྡོ་པི ས་ངྒ་ཧི་ཏོ ཧོ་ཏི ཏ་སྶཱ ཏ་ད་ཝི་ནཱ་བྷཱ་ཝ་ཏོ་ཏི ཝུ་ཏྟཾ ‘‘ཝ་ཙཱི་ཝི་ཉྙ་ཏྟི་ད་ས་ཀ’’ནྟི.

༥༠. ཀིཾ པ་ནེ་ཏེ ཨེ་ཀ་ཝཱི་ས་ཏི ཀ་ལཱ་པཱ ས་བྦེ་པི ས་བྦ་ཏྠ ཧོ་ནྟི, ཨུ་དཱ་ཧུ ཀེ་ཙི ཀ་ཏྠ་ཙཱི་ཏི ཨཱ་ཧ ‘‘ཏ་ཏྠཱ’’ཏྱཱ་དི.

ཀ་ལཱ་པ་ཡོ་ཛ་ནཱ་ཝ་ཎྞ་ནཱ ནི་ཊྛི་ཏཱ.