༤. པ་ད་སུ་ཏྟཾ

༥༢༤. ‘‘སེ་ཡྻ་ཐཱ་པི, བྷི་ཀྑ་ཝེ, ཡཱ་ནི ཀཱ་ནི་ཙི ཛ་ངྒ་ལཱ་ནཾ [ཛ་ངྒ་མཱ་ནཾ (སཱི. པཱི.)] པཱ་ཎཱ་ནཾ པ་ད་ཛཱ་ཏཱ་ནི ས་བྦཱ་ནི ཏཱ་ནི ཧ་ཏྠི་པ་དེ ས་མོ་དྷཱ་ནཾ ག་ཙྪ་ནྟི, ཧ་ཏྠི་པ་དཾ ཏེ་སཾ ཨ་གྒ་མ་ཀྑཱ་ཡ་ཏི, ཡ་དི་དཾ – མ་ཧ་ནྟ་ཏྟེ་ན; ཨེ་ཝ་མེ་ཝ ཁོ, བྷི་ཀྑ་ཝེ, ཡཱ་ནི ཀཱ་ནི་ཙི པ་དཱ་ནི བོ་དྷཱ་ཡ སཾ་ཝ་ཏྟ་ནྟི, པ་ཉྙི་ནྡྲི་ཡཾ པ་དཾ ཏེ་སཾ ཨ་གྒ་མ་ཀྑཱ་ཡ་ཏི, ཡ་དི་དཾ – བོ་དྷཱ་ཡ. ཀ་ཏ་མཱ་ནི ཙ, བྷི་ཀྑ་ཝེ, པ་དཱ་ནི བོ་དྷཱ་ཡ སཾ་ཝ་ཏྟ་ནྟི? ས་དྡྷི་ནྡྲི་ཡཾ, བྷི་ཀྑ་ཝེ, པ་དཾ, ཏཾ བོ་དྷཱ་ཡ སཾ་ཝ་ཏྟ་ཏི; ཝཱི་རི་ཡི་ནྡྲི་ཡཾ པ་དཾ, ཏཾ བོ་དྷཱ་ཡ སཾ་ཝ་ཏྟ་ཏི; ས་ཏི་ནྡྲི་ཡཾ པ་དཾ, ཏཾ བོ་དྷཱ་ཡ སཾ་ཝ་ཏྟ་ཏི; ས་མཱ་དྷི་ནྡྲི་ཡཾ པ་དཾ, ཏཾ བོ་དྷཱ་ཡ སཾ་ཝ་ཏྟ་ཏི; པ་ཉྙི་ནྡྲི་ཡཾ པ་དཾ, ཏཾ བོ་དྷཱ་ཡ སཾ་ཝ་ཏྟ་ཏི. སེ་ཡྻ་ཐཱ་པི, བྷི་ཀྑ་ཝེ, ཡཱ་ནི ཀཱ་ནི་ཙི ཛ་ངྒ་ལཱ་ནཾ པཱ་ཎཱ་ནཾ པ་ད་ཛཱ་ཏཱ་ནི ས་བྦཱ་ནི ཏཱ་ནི ཧ་ཏྠི་པ་དེ ས་མོ་དྷཱ་ནཾ ག་ཙྪ་ནྟི, ཧ་ཏྠི་པ་དཾ ཏེ་སཾ ཨ་གྒ་མ་ཀྑཱ་ཡ་ཏི, ཡ་དི་དཾ – མ་ཧ་ནྟ་ཏྟེ་ན; ཨེ་ཝ་མེ་ཝ ཁོ, བྷི་ཀྑ་ཝེ, ཡཱ་ནི ཀཱ་ནི་ཙི པ་དཱ་ནི བོ་དྷཱ་ཡ སཾ་ཝ་ཏྟ་ནྟི, པ་ཉྙི་ནྡྲི་ཡཾ པ་དཾ ཏེ་སཾ ཨ་གྒ་མ་ཀྑཱ་ཡ་ཏི, ཡ་དི་དཾ – བོ་དྷཱ་ཡཱ’’ཏི. ཙ་ཏུ་ཏྠཾ.