༧. ས་མ་ཏྟ་སུ་ཏྟཾ

༣༩༣. ཏཾ་ཡེ་ཝ ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ ཨ་ནུ་རུ་དྡྷཾ ཨེ་ཏ་ད་ཝོ་ཙ – ‘‘‘ཨ་སེ་ཁོ, ཨ་སེ་ཁོ’ཏི, ཨཱ་ཝུ་སོ ཨ་ནུ་རུ་དྡྷ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, ཨ་སེ་ཁོ ཧོ་ཏཱི’’ཏི? ‘‘ཙ་ཏུ་ནྣཾ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ ས་མ་ཏྟཾ བྷཱ་ཝི་ཏ་ཏྟཱ ཨ་སེ་ཁོ ཧོ་ཏི’’.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷཱ་ཝུ་སོ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁོ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ས་མ་ཏྟཾ བྷཱ་ཝི་ཏ་ཏྟཱ ཨ་སེ་ཁོ ཧོ་ཏཱི’’ཏི. ས་ཏྟ་མཾ.