༣. སཱི་ལ་ཊྛི་ཏི་ཝ་གྒོ

༡. སཱི་ལ་སུ་ཏྟཾ

༣༨༧. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ ཨཱ་ཡ་སྨཱ ཙ ཨཱ་ན་ནྡོ ཨཱ་ཡ་སྨཱ ཙ བྷ་དྡོ པཱ་ཊ་ལི་པུ་ཏྟེ ཝི་ཧ་ར་ནྟི ཀུ་ཀྐུ་ཊཱ་རཱ་མེ. ཨ་ཐ ཁོ ཨཱ་ཡ་སྨཱ བྷ་དྡོ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏོ ཡེ་ནཱ་ཡ་སྨཱ ཨཱ་ན་ནྡོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ ཨཱ་ན་ནྡེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ བྷ་དྡོ ཨཱ་ཡ་སྨ་ནྟཾ ཨཱ་ན་ནྡཾ ཨེ་ཏ་ད་ཝོ་ཙ – ‘‘ཡཱ་ནི་མཱ་ནི, ཨཱ་ཝུ་སོ ཨཱ་ན་ནྡ, ཀུ་ས་ལཱ་ནི སཱི་ལཱ་ནི ཝུ་ཏྟཱ་ནི བྷ་ག་ཝ་ཏཱ, ཨི་མཱ་ནི ཀུ་ས་ལཱ་ནི སཱི་ལཱ་ནི ཀི་མ་ཏྠི་ཡཱ་ནི ཝུ་ཏྟཱ་ནི བྷ་ག་ཝ་ཏཱ’’ཏི?

‘‘སཱ་དྷུ སཱ་དྷུ, ཨཱ་ཝུ་སོ བྷ་དྡ! བྷ་དྡ་ཀོ ཁོ ཏེ, ཨཱ་ཝུ་སོ བྷ་དྡ, ཨུ་མྨ་ངྒོ [ཨུ་མྨ་གྒོ (སཱི. སྱཱ. ཀཾ.)], བྷ་དྡ་ཀཾ པ་ཊི་བྷཱ་ནཾ, ཀ་ལྱཱ་ཎཱི པ་རི་པུ་ཙྪཱ. ཨེ་ཝ་ཉྷི ཏྭཾ, ཨཱ་ཝུ་སོ བྷ་དྡ, པུ་ཙྪ་སི – ‘ཡཱ་ནི་མཱ་ནི ཨཱ་ཝུ་སོ ཨཱ་ན་ནྡ, ཀུ་ས་ལཱ་ནི སཱི་ལཱ་ནི ཝུ་ཏྟཱ་ནི བྷ་ག་ཝ་ཏཱ, ཨི་མཱ་ནི ཀུ་ས་ལཱ་ནི སཱི་ལཱ་ནི ཀི་མ་ཏྠི་ཡཱ་ནི ཝུ་ཏྟཱ་ནི བྷ་ག་ཝ་ཏཱ’’’ཏི? ‘‘ཨེ་ཝ་མཱ་ཝུ་སོ’’ཏི. ‘‘ཡཱ་ནི་མཱ་ནི, ཨཱ་ཝུ་སོ བྷ་དྡ, ཀུ་ས་ལཱ་ནི སཱི་ལཱ་ནི ཝུ་ཏྟཱ་ནི བྷ་ག་ཝ་ཏཱ, ཨི་མཱ་ནི ཀུ་ས་ལཱ་ནི སཱི་ལཱ་ནི ཡཱ་ཝ་དེ་ཝ ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝ་ནཱ་ཡ ཝུ་ཏྟཱ་ནི བྷ་ག་ཝ་ཏཱ’’.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷཱ་ཝུ་སོ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཡཱ་ནི་མཱ་ནི, ཨཱ་ཝུ་སོ བྷ་དྡ, ཀུ་ས་ལཱ་ནི སཱི་ལཱ་ནི ཝུ་ཏྟཱ་ནི བྷ་ག་ཝ་ཏཱ, ཨི་མཱ་ནི ཀུ་ས་ལཱ་ནི སཱི་ལཱ་ནི ཡཱ་ཝ་དེ་ཝ ཨི་མེ་སཾ ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝ་ནཱ་ཡ ཝུ་ཏྟཱ་ནི བྷ་ག་ཝ་ཏཱ’’ཏི. པ་ཋ་མཾ.

༢. ཙི་ར་ཊྛི་ཏི་སུ་ཏྟཾ

༣༨༨. ཏཾ་ཡེ་ཝ ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ བྷ་དྡོ ཨཱ་ཡ་སྨ་ནྟཾ ཨཱ་ན་ནྡཾ ཨེ་ཏ་ད་ཝོ་ཙ – ‘‘ཀོ ནུ ཁོ, ཨཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི? ཀོ པ་ནཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏཱི’’ཏི?

‘‘སཱ་དྷུ སཱ་དྷུ, ཨཱ་ཝུ་སོ བྷ་དྡ! བྷ་དྡ་ཀོ ཁོ ཏེ, ཨཱ་ཝུ་སོ བྷ་དྡ, ཨུ་མྨ་ངྒོ, བྷ་དྡ་ཀཾ པ་ཊི་བྷཱ་ནཾ, ཀ་ལྱཱ་ཎཱི པ་རི་པུ་ཙྪཱ. ཨེ་ཝ་ཉྷི ཏྭཾ, ཨཱ་ཝུ་སོ བྷ་དྡ, པུ་ཙྪ་སི – ‘ཀོ ནུ ཁོ, ཨཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི? ཀོ པ་ནཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏཱི’’’ཏི? ‘‘ཨེ་ཝ་མཱ་ཝུ་སོ’’ཏི. ‘‘ཙ་ཏུ་ནྣཾ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི. ཙ་ཏུ་ནྣ་ཉྩ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏི’’.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷཱ་ཝུ་སོ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁོ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི. ཨི་མེ་ས་ཉྩ ཁོ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏཱི’’ཏི. དུ་ཏི་ཡཾ.

༣. པ་རི་ཧཱ་ན་སུ་ཏྟཾ

༣༨༩. ཨེ་ཀཾ ས་མ་ཡཾ ཨཱ་ཡ་སྨཱ ཙ ཨཱ་ན་ནྡོ ཨཱ་ཡ་སྨཱ ཙ བྷ་དྡོ པཱ་ཊ་ལི་པུ་ཏྟེ ཝི་ཧ་ར་ནྟི ཀུ་ཀྐུ་ཊཱ་རཱ་མེ. ཨ་ཐ ཁོ ཨཱ་ཡ་སྨཱ བྷ་དྡོ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏོ ཡེ་ནཱ་ཡ་སྨཱ ཨཱ་ན་ནྡོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ ཨཱ་ན་ནྡེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ བྷ་དྡོ ཨཱ་ཡ་སྨ་ནྟཾ ཨཱ་ན་ནྡཾ ཨེ་ཏ་ད་ཝོ་ཙ – ‘‘ཀོ ནུ ཁོ, ཨཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ས་དྡྷ་མྨ་པ་རི་ཧཱ་ནཾ ཧོ་ཏི? ཀོ ནུ ཁོ, ཨཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ས་དྡྷ་མྨ་ཨ་པ་རི་ཧཱ་ནཾ ཧོ་ཏཱི’’ཏི?

‘‘སཱ་དྷུ སཱ་དྷུ, ཨཱ་ཝུ་སོ བྷ་དྡ! བྷ་དྡ་ཀོ ཁོ ཏེ, ཨཱ་ཝུ་སོ བྷ་དྡ, ཨུ་མྨ་ངྒོ, བྷ་དྡ་ཀཾ པ་ཊི་བྷཱ་ནཾ, ཀ་ལྱཱ་ཎཱི པ་རི་པུ་ཙྪཱ. ཨེ་ཝ་ཉྷི ཏྭཾ, ཨཱ་ཝུ་སོ བྷ་དྡ, པུ་ཙྪ་སི – ‘ཀོ ནུ ཁོ, ཨཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ས་དྡྷ་མྨ་པ་རི་ཧཱ་ནཾ ཧོ་ཏི? ཀོ པ་ནཱ་ཝུ་སོ ཨཱ་ན་ནྡ, ཧེ་ཏུ, ཀོ པ་ཙྩ་ཡོ ཡེ་ན ས་དྡྷ་མྨ་ཨ་པ་རི་ཧཱ་ནཾ ཧོ་ཏཱི’’’ཏི? ‘‘ཨེ་ཝ་མཱ་ཝུ་སོ’’ཏི. ‘‘ཙ་ཏུ་ནྣཾ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ས་དྡྷ་མྨ་པ་རི་ཧཱ་ནཾ ཧོ་ཏི. ཙ་ཏུ་ནྣ་ཉྩ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ས་དྡྷ་མྨ་ཨ་པ་རི་ཧཱ་ནཾ ཧོ་ཏི’’.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷཱ་ཝུ་སོ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁོ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ས་དྡྷ་མྨ་པ་རི་ཧཱ་ནཾ ཧོ་ཏི. ཨི་མེ་ས་ཉྩ ཁོ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ས་དྡྷ་མྨ་ཨ་པ་རི་ཧཱ་ནཾ ཧོ་ཏཱི’’ཏི. ཏ་ཏི་ཡཾ.

༤. སུ་དྡྷ་སུ་ཏྟཾ

༣༩༠. སཱ་ཝ་ཏྠི་ནི་དཱ་ནཾ. ‘‘ཙ་ཏྟཱ་རོ་མེ, བྷི་ཀྑ་ཝེ, ས་ཏི་པ་ཊྛཱ་ནཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ …པེ… ཙི་ཏྟེ …པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ ཁོ, བྷི་ཀྑ་ཝེ, ཙ་ཏྟཱ་རོ ས་ཏི་པ་ཊྛཱ་ནཱ’’ཏི. ཙ་ཏུ་ཏྠཾ.

༥. ཨ་ཉྙ་ཏ་ར་བྲཱ་ཧྨ་ཎ་སུ་ཏྟཾ

༣༩༡. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ ཨ་ཉྙ་ཏ་རོ བྲཱ་ཧྨ་ཎོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ སོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀོ ནུ ཁོ, བྷོ གོ་ཏ་མ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི? ཀོ པ་ན, བྷོ གོ་ཏ་མ, ཧེ་ཏུ, ཀོ པ་ཙྩ་ཡོ ཡེ་ན ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏཱི’’ཏི?

‘‘ཙ་ཏུ་ནྣཾ ཁོ, བྲཱ་ཧྨ་ཎ, ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི. ཙ་ཏུ་ནྣ་ཉྩ ཁོ, བྲཱ་ཧྨ་ཎ, ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏི.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷ, བྲཱ་ཧྨ་ཎ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁོ, བྲཱ་ཧྨ་ཎ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ན ཙི་ར་ཊྛི་ཏི་ཀོ ཧོ་ཏི. ཨི་མེ་ས་ཉྩ ཁོ, བྲཱ་ཧྨ་ཎ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ཏ་ཐཱ་ག་ཏེ པ་རི་ནི་བྦུ་ཏེ ས་དྡྷ་མྨོ ཙི་ར་ཊྛི་ཏི་ཀོ ཧོ་ཏཱི’’ཏི.

ཨེ་ཝཾ ཝུ་ཏྟེ སོ བྲཱ་ཧྨ་ཎོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་བྷི་ཀྐ་ནྟཾ, བྷོ གོ་ཏ་མ…པེ… ཨུ་པཱ་ས་ཀཾ མཾ བྷ་ཝཾ གོ་ཏ་མོ དྷཱ་རེ་ཏུ ཨ་ཛྫ་ཏ་གྒེ པཱ་ཎུ་པེ་ཏཾ ས་ར་ཎཾ ག་ཏ’’ནྟི. པ་ཉྩ་མཾ.

༦. པ་དེ་ས་སུ་ཏྟཾ

༣༩༢. ཨེ་ཀཾ ས་མ་ཡཾ ཨཱ་ཡ་སྨཱ ཙ སཱ་རི་པུ་ཏྟོ ཨཱ་ཡ་སྨཱ ཙ མ་ཧཱ་མོ་གྒ་ལླཱ་ནོ ཨཱ་ཡ་སྨཱ ཙ ཨ་ནུ་རུ་དྡྷོ སཱ་ཀེ་ཏེ ཝི་ཧ་ར་ནྟི ཀ་ཎྜ་ཀཱི་ཝ་ནེ [ཀ་ཎྚ་ཀཱི་ཝ་ནེ (སཱི. སྱཱ. ཀཾ. པཱི.)]. ཨ་ཐ ཁོ ཨཱ་ཡ་སྨཱ ཙ སཱ་རི་པུ་ཏྟོ ཨཱ་ཡ་སྨཱ ཙ མ་ཧཱ་མོ་གྒ་ལླཱ་ནོ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏཱ ཡེ་ནཱ་ཡ་སྨཱ ཨ་ནི་རུ་དྡྷོ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ ཨ་ནུ་རུ་དྡྷེ་ན ས་དྡྷིཾ ས་མྨོ་དིཾ་སུ. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དིཾ་སུ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ ཨ་ནུ་རུ་དྡྷཾ ཨེ་ཏ་ད་ཝོ་ཙ – ‘‘‘སེ་ཁོ, སེ་ཁོ’ཏི [སེ་ཀྑོ སེ་ཀྑོ་ཏི (སྱཱ. ཀཾ.)], ཨཱ་ཝུ་སོ ཨ་ནུ་རུ་དྡྷ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, སེ་ཁོ ཧོ་ཏཱི’’ཏི? ‘‘ཙ་ཏུ་ནྣཾ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ པ་དེ་སཾ བྷཱ་ཝི་ཏ་ཏྟཱ སེ་ཁོ ཧོ་ཏི’’.

༧. ས་མ་ཏྟ་སུ་ཏྟཾ

༣༩༣. ཏཾ་ཡེ་ཝ ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ ཨ་ནུ་རུ་དྡྷཾ ཨེ་ཏ་ད་ཝོ་ཙ – ‘‘‘ཨ་སེ་ཁོ, ཨ་སེ་ཁོ’ཏི, ཨཱ་ཝུ་སོ ཨ་ནུ་རུ་དྡྷ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, ཨ་སེ་ཁོ ཧོ་ཏཱི’’ཏི? ‘‘ཙ་ཏུ་ནྣཾ ཁོ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ ས་མ་ཏྟཾ བྷཱ་ཝི་ཏ་ཏྟཱ ཨ་སེ་ཁོ ཧོ་ཏི’’.

༨. ལོ་ཀ་སུ་ཏྟཾ

༣༩༤. ཏཾ་ཡེ་ཝ ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ ཨ་ནུ་རུ་དྡྷཾ ཨེ་ཏ་ད་ཝོ་ཙ – ‘‘ཀ་ཏ་མེ་སཾ, ཨཱ་ཝུ་སོ ཨ་ནུ་རུ་དྡྷ, དྷ་མྨཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ མ་ཧཱ་བྷི་ཉྙ་ཏཾ [མ་ཧཱ་བྷི་ཉྙཱ་ཏཾ (པཱི.)] པ་ཏྟོ’’ཏི? ‘‘ཙ་ཏུ་ནྣཾ, ཨཱ་ཝུ་སོ, ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ མ་ཧཱ་བྷི་ཉྙ་ཏཾ པ་ཏྟོ’’.

‘‘ཀ་ཏ་མེ་སཾ ཙ་ཏུ་ནྣཾ? ཨི་དྷཱ་ཧཾ, ཨཱ་ཝུ་སོ, ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཨི་མེ་སཾ ཁྭཱ་ཧཾ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ མ་ཧཱ་བྷི་ཉྙ་ཏཾ པ་ཏྟོ. ཨི་མེ་ས་ཉྩ པ་ནཱ་ཧཾ, ཨཱ་ཝུ་སོ, ཙ་ཏུ་ནྣཾ ས་ཏི་པ་ཊྛཱ་ནཱ་ནཾ བྷཱ་ཝི་ཏ་ཏྟཱ བ་ཧུ་ལཱི་ཀ་ཏ་ཏྟཱ ས་ཧ་སྶཾ ལོ་ཀཾ ཨ་བྷི་ཛཱ་ནཱ་མཱི’’ཏི. ཨ་ཊྛ་མཾ.

༩. སི་རི་ཝ་ཌྜྷ་སུ་ཏྟཾ

༣༩༥. ཨེ་ཀཾ ས་མ་ཡཾ ཨཱ་ཡ་སྨཱ ཨཱ་ན་ནྡོ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ ཀ་ལ་ནྡ་ཀ་ནི་ཝཱ་པེ. ཏེ་ན ཁོ པ་ན ས་མ་ཡེ་ན སི་རི་ཝ་ཌྜྷོ [སི་རཱི་ཝ་ཌྜྷོ (ཀ.)] ག་ཧ་པ་ཏི ཨཱ་བཱ་དྷི་ཀོ ཧོ་ཏི དུ་ཀྑི་ཏོ བཱ་ལ༹ྷ་གི་ལཱ་ནོ. ཨ་ཐ ཁོ སི་རི་ཝ་ཌྜྷོ ག་ཧ་པ་ཏི ཨ་ཉྙ་ཏ་རཾ པུ་རི་སཾ ཨཱ་མ་ནྟེ་སི – ‘‘ཨེ་ཧི ཏྭཾ, ཨ་མྦྷོ པུ་རི་ས, ཡེ་ནཱ་ཡ་སྨཱ ཨཱ་ན་ནྡོ ཏེ་ནུ་པ་ས་ངྐ་མ; ཨུ་པ་ས་ངྐ་མི་ཏྭཱ མ་མ ཝ་ཙ་ནེ་ན ཨཱ་ཡ་སྨ་ཏོ ཨཱ་ན་ནྡ་སྶ པཱ་དེ སི་ར་སཱ ཝ་ནྡ – ‘སི་རི་ཝ་ཌྜྷོ, བྷ་ནྟེ, ག་ཧ་པ་ཏི ཨཱ་བཱ་དྷི་ཀོ དུ་ཀྑི་ཏོ བཱ་ལ༹ྷ་གི་ལཱ་ནོ. སོ ཨཱ་ཡ་སྨ་ཏོ ཨཱ་ན་ནྡ་སྶ པཱ་དེ སི་ར་སཱ ཝ་ནྡ་ཏཱི’ཏི. ཨེ་ཝ་ཉྩ ཝ་དེ་ཧི – ‘སཱ་དྷུ ཀི་ར, བྷ་ནྟེ, ཨཱ་ཡ་སྨཱ ཨཱ་ན་ནྡོ ཡེ་ན སི་རི་ཝ་ཌྜྷ་སྶ ག་ཧ་པ་ཏི་སྶ ནི་ཝེ་ས་ནཾ ཏེ་ནུ་པ་ས་ངྐ་མ་ཏུ ཨ་ནུ་ཀ་མྤཾ ཨུ་པཱ་དཱ་ཡཱ’’’ཏི. ‘‘ཨེ་ཝཾ, བྷ་ནྟེ’’ཏི ཁོ སོ པུ་རི་སོ སི་རི་ཝ་ཌྜྷ་སྶ ག་ཧ་པ་ཏི་སྶ པ་ཊི་སྶུ་ཏྭཱ ཡེ་ནཱ་ཡ་སྨཱ ཨཱ་ན་ནྡོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ནྟཾ ཨཱ་ན་ནྡཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ སོ པུ་རི་སོ ཨཱ་ཡ་སྨ་ནྟཾ ཨཱ་ན་ནྡཾ ཨེ་ཏ་ད་ཝོ་ཙ – ‘‘སི་རི་ཝ་ཌྜྷོ, བྷ་ནྟེ, ག་ཧ་པ་ཏི ཨཱ་བཱ་དྷི་ཀོ དུ་ཀྑི་ཏོ བཱ་ལ༹ྷ་གི་ལཱ་ནོ, སོ ཨཱ་ཡ་སྨ་ཏོ ཨཱ་ན་ནྡ་སྶ པཱ་དེ སི་ར་སཱ ཝ་ནྡ་ཏི. ཨེ་ཝ་ཉྩ ཝ་དེ་ཏི – ‘སཱ་དྷུ ཀི་ར, བྷ་ནྟེ, ཨཱ་ཡ་སྨཱ ཨཱ་ན་ནྡོ ཡེ་ན སི་རི་ཝ་ཌྜྷ་སྶ ག་ཧ་པ་ཏི་སྶ ནི་ཝེ་ས་ནཾ ཏེ་ནུ་པ་ས་ངྐ་མ་ཏུ ཨ་ནུ་ཀ་མྤཾ ཨུ་པཱ་དཱ་ཡཱ’’’ཏི. ཨ་དྷི་ཝཱ་སེ་སི ཁོ ཨཱ་ཡ་སྨཱ ཨཱ་ན་ནྡོ ཏུ་ཎྷཱི་བྷཱ་ཝེ་ན.

ཨ་ཐ ཁོ ཨཱ་ཡ་སྨཱ ཨཱ་ན་ནྡོ པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ ཡེ་ན སི་རི་ཝ་ཌྜྷ་སྶ ག་ཧ་པ་ཏི་སྶ ནི་ཝེ་ས་ནཾ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ པ་ཉྙ་ཏྟེ ཨཱ་ས་ནེ ནི་སཱི་དི. ནི་ས་ཛྫ ཁོ ཨཱ་ཡ་སྨཱ ཨཱ་ན་ནྡོ སི་རི་ཝ་ཌྜྷཾ ག་ཧ་པ་ཏིཾ ཨེ་ཏ་ད་ཝོ་ཙ – ‘‘ཀ་ཙྩི ཏེ, ག་ཧ་པ་ཏི, ཁ་མ་ནཱི་ཡཾ ཀ་ཙྩི ཡཱ་པ་ནཱི་ཡཾ, ཀ་ཙྩི དུ་ཀྑཱ ཝེ་ད་ནཱ པ་ཊི་ཀྐ་མ་ནྟི, ནོ ཨ་བྷི་ཀྐ་མ་ནྟི; པ་ཊི་ཀྐ་མོ་སཱ་ནཾ པ་ཉྙཱ་ཡ་ཏི, ནོ ཨ་བྷི་ཀྐ་མོ’’ཏི? ‘‘ན མེ, བྷ་ནྟེ, ཁ་མ་ནཱི་ཡཾ ན ཡཱ་པ་ནཱི་ཡཾ. བཱ་ལ༹ྷཱ མེ དུ་ཀྑཱ ཝེ་ད་ནཱ ཨ་བྷི་ཀྐ་མ་ནྟི, ནོ པ་ཊི་ཀྐ་མ་ནྟི; ཨ་བྷི་ཀྐ་མོ་སཱ་ནཾ པ་ཉྙཱ་ཡ་ཏི, ནོ པ་ཊི་ཀྐ་མོ’’ཏི.

‘‘ཏ་སྨཱ་ཏི་ཧ ཏེ, ག་ཧ་པ་ཏི, ཨེ་ཝཾ སི་ཀྑི་ཏ་བྦཾ – ‘ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རི་སྶཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་རི་སྶཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶ’ནྟི. ཨེ་ཝ་ཉྷི ཏེ, ག་ཧ་པ་ཏི, སི་ཀྑི་ཏ་བྦ’’ནྟི.

‘‘ཡེ་མེ, བྷ་ནྟེ, བྷ་ག་ཝ་ཏཱ ཙ་ཏྟཱ་རོ ས་ཏི་པ་ཊྛཱ་ནཱ དེ་སི་ཏཱ སཾ་ཝི་ཛྫ་ནྟི, ཏེ དྷ་མྨཱ [སཾ་ཝི་ཛྫ་ནྟེ ར་ཏ་ན་དྷ་མྨཱ (སཱི.)] མ་ཡི, ཨ་ཧ་ཉྩ ཏེ་སུ དྷ་མྨེ་སུ ས་ནྡི་སྶཱ་མི. ཨ་ཧ་ཉྷི, བྷ་ནྟེ, ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཡཱ་ནི ཙི་མཱ་ནི, བྷ་ནྟེ, བྷ་ག་ཝ་ཏཱ པ་ཉྩོ་ར་མྦྷཱ་གི་ཡཱ་ནི སཾ་ཡོ་ཛ་ནཱ་ནི དེ་སི་ཏཱ་ནི, ནཱ་ཧཾ, བྷ་ནྟེ, ཏེ་སཾ ཀི་ཉྩི ཨ་ཏྟ་ནི ཨ་པྤ་ཧཱི་ནཾ ས་མ་ནུ་པ་སྶཱ་མཱི’’ཏི. ‘‘ལཱ་བྷཱ ཏེ, ག་ཧ་པ་ཏི, སུ་ལ་དྡྷཾ ཏེ, ག་ཧ་པ་ཏི! ཨ་ནཱ་གཱ་མི་ཕ་ལཾ ཏ་ཡཱ, ག་ཧ་པ་ཏི, བྱཱ་ཀ་ཏ’’ནྟི. ན་ཝ་མཾ.

༡༠. མཱ་ན་དི་ནྣ་སུ་ཏྟཾ

༣༩༦. ཏཾ་ཡེ་ཝ ནི་དཱ་ནཾ. ཏེ་ན ཁོ པ་ན ས་མ་ཡེ་ན མཱ་ན་དི་ནྣོ ག་ཧ་པ་ཏི ཨཱ་བཱ་དྷི་ཀོ ཧོ་ཏི དུ་ཀྑི་ཏོ བཱ་ལ༹ྷ་གི་ལཱ་ནོ. ཨ་ཐ ཁོ མཱ་ན་དི་ནྣོ ག་ཧ་པ་ཏི ཨ་ཉྙ་ཏ་རཾ པུ་རི་སཾ ཨཱ་མ་ནྟེ་སི – ‘‘ཨེ་ཧི ཏྭཾ, ཨ་མྦྷོ པུ་རི་ས…པེ… ན མེ, བྷ་ནྟེ, ཁ་མ་ནཱི་ཡཾ ན ཡཱ་པ་ནཱི་ཡཾ. བཱ་ལ༹ྷཱ མེ དུ་ཀྑཱ ཝེ་ད་ནཱ ཨ་བྷི་ཀྐ་མ་ནྟི, ནོ པ་ཊི་ཀྐ་མ་ནྟི; ཨ་བྷི་ཀྐ་མོ་སཱ་ནཾ པ་ཉྙཱ་ཡ་ཏི, ནོ པ་ཊི་ཀྐ་མོ་ཏི. ཨེ་ཝ་རཱུ་པཱ་ཡ ཙཱ་ཧཾ, བྷ་ནྟེ, དུ་ཀྑཱ་ཡ ཝེ་ད་ནཱ་ཡ ཕུ་ཊྛོ ས་མཱ་ནོ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་རཱ་མི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ. ཡཱ་ནི ཙི་མཱ་ནི, བྷ་ནྟེ, བྷ་ག་ཝ་ཏཱ པ་ཉྩོ་ར་མྦྷཱ་གི་ཡཱ་ནི སཾ་ཡོ་ཛ་ནཱ་ནི དེ་སི་ཏཱ་ནི, ནཱ་ཧཾ, བྷ་ནྟེ, ཏེ་སཾ ཀི་ཉྩི ཨ་ཏྟ་ནི ཨ་པྤ་ཧཱི་ནཾ ས་མ་ནུ་པ་སྶཱ་མཱི’’ཏི. ‘‘ལཱ་བྷཱ ཏེ, ག་ཧ་པ་ཏི, སུ་ལ་དྡྷཾ ཏེ, ག་ཧ་པ་ཏི! ཨ་ནཱ་གཱ་མི་ཕ་ལཾ ཏ་ཡཱ, ག་ཧ་པ་ཏི, བྱཱ་ཀ་ཏ’’ནྟི. ད་ས་མཾ.

སཱི་ལ་ཊྛི་ཏི་ཝ་གྒོ ཏ་ཏི་ཡོ.

ཏ་སྶུ་དྡཱ་ནཾ –

སཱི་ལཾ ཋི་ཏི པ་རི་ཧཱ་ནཾ, སུ་དྡྷཾ བྲཱ་ཧྨ་ཎ་པ་དེ་སཾ;

ས་མ་ཏྟཾ ལོ་ཀོ སི་རི་ཝ་ཌྜྷོ, མཱ་ན་དི་ནྣེ་ན ཏེ ད་སཱ་ཏི.