༦. ས་ཀུ་ཎ་གྒྷི་སུ་ཏྟཾ

༣༧༢. ‘‘བྷཱུ་ཏ་པུ་བྦཾ, བྷི་ཀྑ་ཝེ, ས་ཀུ་ཎ་གྒྷི ལཱ་པཾ ས་ཀུ་ཎཾ ས་ཧ་སཱ ཨ་ཛ྄ཛྷ་པྤ་ཏྟཱ ཨ་གྒ་ཧེ་སི. ཨ་ཐ ཁོ, བྷི་ཀྑ་ཝེ, ལཱ་པོ ས་ཀུ་ཎོ ས་ཀུ་ཎ་གྒྷི་ཡཱ ཧ་རི་ཡ་མཱ་ནོ ཨེ་ཝཾ པ་རི་དེ་ཝ་སི – ‘མ་ཡ་མེ་ཝ་མྷ [མ་ཡ་མེ་ཝཱ་མྷ (ཀ.)] ཨ་ལ་ཀྑི་ཀཱ, མ་ཡཾ ཨ་པྤ་པུ་ཉྙཱ, ཡེ མ་ཡཾ ཨ་གོ་ཙ་རེ ཙ་རི་མྷ པ་ར་ཝི་ས་ཡེ. ས་ཙེ་ཛྫ མ་ཡཾ གོ་ཙ་རེ ཙ་རེ་ཡྻཱ་མ ས་ཀེ པེ་ཏྟི་ཀེ ཝི་ས་ཡེ, ན མྱཱ་ཡཾ [ན ཙཱ་ཡཾ (སཱི.)], ས་ཀུ་ཎ་གྒྷི, ཨ་ལཾ ཨ་བྷ་ཝི་སྶ, ཡ་དི་དཾ – ཡུ་དྡྷཱ་ཡཱ’ཏི. ‘ཀོ པ་ན ཏེ, ལཱ་པ, གོ་ཙ་རོ ས་ཀོ པེ་ཏྟི་ཀོ ཝི་ས་ཡོ’ཏི? ‘ཡ་དི་དཾ – ན་ངྒ་ལ་ཀ་ཊྛ་ཀ་ར་ཎཾ ལེ་ཌྜུ་ཊྛཱ་ན’’’ནྟི. ‘‘ཨ་ཐ ཁོ, བྷི་ཀྑ་ཝེ, ས་ཀུ་ཎ་གྒྷི ས་ཀེ བ་ལེ ཨ་པ་ཏྠ་དྡྷཱ ས་ཀེ བ་ལེ ཨ་སཾ་ཝ་ད་མཱ་ནཱ [ཨ་ཝ་ཙ་མཱ་ནཱ (སཱི.)] ལཱ་པཾ ས་ཀུ་ཎཾ པ་མུ་ཉྩི – ‘ག་ཙྪ ཁོ ཏྭཾ, ལཱ་པ, ཏ་ཏྲ་པི མེ ག་ནྟྭཱ ན མོ་ཀྑ་སཱི’’’ཏི.

‘‘ཨ་ཐ ཁོ, བྷི་ཀྑ་ཝེ, ལཱ་པོ ས་ཀུ་ཎོ ན་ངྒ་ལ་ཀ་ཊྛ་ཀ་ར་ཎཾ ལེ་ཌྜུ་ཊྛཱ་ནཾ ག་ནྟྭཱ མ་ཧ་ནྟཾ ལེ་ཌྜུཾ ཨ་བྷི་རུ་ཧི་ཏྭཱ ས་ཀུ་ཎ་གྒྷིཾ ཝ་ད་མཱ་ནོ ཨ་ཊྛཱ་སི – ‘ཨེ་ཧི ཁོ དཱ་ནི མེ, ས་ཀུ་ཎ་གྒྷི, ཨེ་ཧི ཁོ དཱ་ནི མེ, ས་ཀུ་ཎ་གྒྷཱི’ཏི. ཨ་ཐ ཁོ སཱ, བྷི་ཀྑ་ཝེ, ས་ཀུ་ཎ་གྒྷི ས་ཀེ བ་ལེ ཨ་པ་ཏྠ་དྡྷཱ ས་ཀེ བ་ལེ ཨ་སཾ་ཝ་ད་མཱ་ནཱ ཨུ་བྷོ པ་ཀྑེ ས་ནྣ་ཡ྄ཧ [ས་ནྡྷཱ་ཡ (སཱི. སྱཱ.)] ལཱ་པཾ ས་ཀུ་ཎཾ ས་ཧ་སཱ ཨ་ཛ྄ཛྷ་པྤ་ཏྟཱ. ཡ་དཱ ཁོ, བྷི་ཀྑ་ཝེ, ཨ་ཉྙཱ་སི ལཱ་པོ ས་ཀུ་ཎོ ‘བ་ཧུ་ཨཱ་ག་ཏོ ཁོ མྱཱ་ཡཾ ས་ཀུ་ཎ་གྒྷཱི’ཏི, ཨ་ཐ ཏ་སྶེ་ཝ ལེ་ཌྜུ་སྶ ཨ་ནྟ་རཾ པ་ཙྩུ་པཱ་དི. ཨ་ཐ ཁོ, བྷི་ཀྑ་ཝེ, ས་ཀུ་ཎ་གྒྷི ཏ་ཏྠེ་ཝ ཨུ་རཾ པ་ཙྩ་ཏཱ་ལེ༹་སི. ཨེ་ཝ་ཉྷི ཏཾ [ཨེ་ཝཾ ཧེ་ཏཾ (སཱི.)], བྷི་ཀྑ་ཝེ, ཧོ་ཏི ཡོ ཨ་གོ་ཙ་རེ ཙ་ར་ཏི པ་ར་ཝི་ས་ཡེ.

‘‘ཏ་སྨཱ་ཏི་ཧ, བྷི་ཀྑ་ཝེ, མཱ ཨ་གོ་ཙ་རེ ཙ་རི་ཏྠ པ་ར་ཝི་ས་ཡེ. ཨ་གོ་ཙ་རེ, བྷི་ཀྑ་ཝེ, ཙ་ར་ཏཾ པ་ར་ཝི་ས་ཡེ ལ་ཙྪ་ཏི མཱ་རོ ཨོ་ཏཱ་རཾ, ལ་ཙྪ་ཏི མཱ་རོ ཨཱ་ར་མྨ་ཎཾ. ཀོ ཙ, བྷི་ཀྑ་ཝེ, བྷི་ཀྑུ་ནོ ཨ་གོ་ཙ་རོ པ་ར་ཝི་ས་ཡོ? ཡ་དི་དཾ – པ་ཉྩ ཀཱ་མ་གུ་ཎཱ. ཀ་ཏ་མེ པ་ཉྩ? ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ, སོ་ཏ་ཝི་ཉྙེ་ཡྻཱ ས་དྡཱ…པེ… གྷཱ་ན་ཝི་ཉྙེ་ཡྻཱ ག་ནྡྷཱ… ཛི་ཝ྄ཧཱ་ཝི་ཉྙེ་ཡྻཱ ར་སཱ… ཀཱ་ཡ་ཝི་ཉྙེ་ཡྻཱ ཕོ་ཊྛ་བྦཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ – ཨ་ཡཾ, བྷི་ཀྑ་ཝེ, བྷི་ཀྑུ་ནོ ཨ་གོ་ཙ་རོ པ་ར་ཝི་ས་ཡོ.

‘‘གོ་ཙ་རེ, བྷི་ཀྑ་ཝེ, ཙ་ར་ཐ ས་ཀེ པེ་ཏྟི་ཀེ ཝི་ས་ཡེ. གོ་ཙ་རེ, བྷི་ཀྑ་ཝེ, ཙ་ར་ཏཾ ས་ཀེ པེ་ཏྟི་ཀེ ཝི་ས་ཡེ ན ལ་ཙྪ་ཏི མཱ་རོ ཨོ་ཏཱ་རཾ, ན ལ་ཙྪ་ཏི མཱ་རོ ཨཱ་ར་མྨ་ཎཾ. ཀོ ཙ, བྷི་ཀྑ་ཝེ, བྷི་ཀྑུ་ནོ གོ་ཙ་རོ ས་ཀོ པེ་ཏྟི་ཀོ ཝི་ས་ཡོ? ཡ་དི་དཾ – ཙ་ཏྟཱ་རོ ས་ཏི་པ་ཊྛཱ་ནཱ. ཀ་ཏ་མེ ཙ་ཏྟཱ་རོ? ཨི་དྷ, བྷི་ཀྑ་ཝེ, བྷི་ཀྑུ ཀཱ་ཡེ ཀཱ་ཡཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ; ཝེ་ད་ནཱ་སུ…པེ… ཙི་ཏྟེ…པེ… དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏི ཨཱ་ཏཱ་པཱི ས་མྤ་ཛཱ་ནོ ས་ཏི་མཱ, ཝི་ནེ་ཡྻ ལོ་ཀེ ཨ་བྷི་ཛ྄ཛྷཱ་དོ་མ་ན་སྶཾ – ཨ་ཡཾ, བྷི་ཀྑ་ཝེ, བྷི་ཀྑུ་ནོ གོ་ཙ་རོ ས་ཀོ པེ་ཏྟི་ཀོ ཝི་ས་ཡོ’’ཏི. ཚ་ཊྛཾ.