༨. ཨཱ་དི་ཙྩ་སུ་ཏྟཾ

༢༢༩. ‘‘ཨཱ་དི་ཙྩ་སྶ, བྷི་ཀྑ་ཝེ, ཨུ་ད་ཡ་ཏོ ཨེ་ཏཾ པུ་བྦ་ངྒ་མཾ ཨེ་ཏཾ པུ་བྦ་ནི་མི་ཏྟཾ, ཡ་དི་དཾ – ཨ་རུ་ཎུ་གྒཾ. ཨེ་ཝ་མེ་ཝ ཁོ, བྷི་ཀྑ་ཝེ, བྷི་ཀྑུ་ནོ ས་ཏྟ་ནྣཾ བོ་ཛ྄ཛྷ་ངྒཱ་ནཾ ཨུ་པྤཱ་དཱ་ཡ ཨེ་ཏཾ པུ་བྦ་ངྒ་མཾ ཨེ་ཏཾ པུ་བྦ་ནི་མི་ཏྟཾ, ཡ་དི་དཾ – ཀ་ལྱཱ་ཎ་མི་ཏྟ་ཏཱ. ཀ་ལྱཱ་ཎ་མི་ཏྟ་སྶེ་ཏཾ, བྷི་ཀྑ་ཝེ, བྷི་ཀྑུ་ནོ པཱ་ཊི་ཀ་ངྑཾ – ས་ཏྟ བོ་ཛ྄ཛྷ་ངྒེ བྷཱ་ཝེ་སྶ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རི་སྶ་ཏི. ཀ་ཐ་ཉྩ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ས་ཏྟ བོ་ཛ྄ཛྷ་ངྒེ བྷཱ་ཝེ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རོ་ཏི? ཨི་དྷ, བྷི་ཀྑ་ཝེ, བྷི་ཀྑུ ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ཨེ་ཝཾ ཁོ, བྷི་ཀྑ་ཝེ, བྷི་ཀྑུ ཀ་ལྱཱ་ཎ་མི་ཏྟོ ས་ཏྟ བོ་ཛ྄ཛྷ་ངྒེ བྷཱ་ཝེ་ཏི, ས་ཏྟ བོ་ཛ྄ཛྷ་ངྒེ བ་ཧུ་ལཱི་ཀ་རོ་ཏཱི’’ཏི. ཨ་ཊྛ་མཾ.