༤. དུ་པྤ་ཉྙ་སུ་ཏྟཾ

༢༢༥. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘‘དུ་པྤ་ཉྙོ ཨེ་ལ༹་མཱུ་གོ, དུ་པྤ་ཉྙོ ཨེ་ལ༹་མཱུ་གོ’ཏི, བྷ་ནྟེ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, ‘དུ་པྤ་ཉྙོ ཨེ་ལ༹་མཱུ་གོ’ཏི ཝུ་ཙྩ་ཏཱི’’ཏི? ‘‘ས་ཏྟ་ནྣཾ ཁོ, བྷི་ཀྑུ, བོ་ཛ྄ཛྷ་ངྒཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ‘དུ་པྤ་ཉྙོ ཨེ་ལ༹་མཱུ་གོ’ཏི ཝུ་ཙྩ་ཏི. ཀ་ཏ་མེ་སཾ ས་ཏྟ་ནྣཾ? ས་ཏི་ས་མྦོ་ཛ྄ཛྷ་ངྒ་སྶ…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒ་སྶ – ཨི་མེ་སཾ ཁོ, བྷི་ཀྑུ, ས་ཏྟ་ནྣཾ བོ་ཛ྄ཛྷ་ངྒཱ་ནཾ ཨ་བྷཱ་ཝི་ཏ་ཏྟཱ ཨ་བ་ཧུ་ལཱི་ཀ་ཏ་ཏྟཱ ‘དུ་པྤ་ཉྙོ ཨེ་ལ༹་མཱུ་གོ’ཏི ཝུ་ཙྩ་ཏཱི’’ཏི. ཙ་ཏུ་ཏྠཾ.