༣. ཋཱ་ནི་ཡ་སུ་ཏྟཾ

༢༠༤. ‘‘ཀཱ་མ་རཱ་ག་ཊྛཱ་ནི་ཡཱ་ནཾ, [ཀཱ་མ་རཱ་ག་ཊྛཱ་ནཱི་ཡཱ་ནཾ (སཱི.)] བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣོ ཙེ་ཝ ཀཱ་མ་ཙྪ་ནྡོ ཨུ་པྤ་ཛྫ་ཏི, ཨུ་པྤ་ནྣོ ཙ ཀཱ་མ་ཙྪ་ནྡོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི. བྱཱ་པཱ་ད་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣོ ཙེ་ཝ བྱཱ་པཱ་དོ ཨུ་པྤ་ཛྫ་ཏི, ཨུ་པྤ་ནྣོ ཙ བྱཱ་པཱ་དོ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི. ཐི་ན་མི་དྡྷ་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣ་ཉྩེ་ཝ ཐི་ན་མི་དྡྷཾ ཨུ་པྤ་ཛྫ་ཏི, ཨུ་པྤ་ནྣ་ཉྩ ཐི་ན་མི་དྡྷཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡཾ སཾ་ཝ་ཏྟ་ཏི. ཨུ་དྡྷ་ཙྩ་ཀུ་ཀྐུ་ཙྩ་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣ་ཉྩེ་ཝ ཨུ་དྡྷ་ཙྩ་ཀུ་ཀྐུ་ཙྩཾ ཨུ་པྤ་ཛྫ་ཏི, ཨུ་པྤ་ནྣ་ཉྩ ཨུ་དྡྷ་ཙྩ་ཀུ་ཀྐུ་ཙྩཾ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི. ཝི་ཙི་ཀི་ཙྪཱ་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣཱ ཙེ་ཝ ཝི་ཙི་ཀི་ཙྪཱ ཨུ་པྤ་ཛྫ་ཏི, ཨུ་པྤ་ནྣཱ ཙ ཝི་ཙི་ཀི་ཙྪཱ བྷི་ཡྻོ་བྷཱ་ཝཱ་ཡ ཝེ་པུ་ལླཱ་ཡ སཾ་ཝ་ཏྟ་ཏི.

‘‘ས་ཏི་ས་མྦོ་ཛ྄ཛྷ་ངྒ་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣོ ཙེ་ཝ ས་ཏི་ས་མྦོ་ཛ྄ཛྷ་ངྒོ ཨུ་པྤ་ཛྫ་ཏི, ཨུ་པྤ་ནྣོ ཙ ས་ཏི་ས་མྦོ་ཛ྄ཛྷ་ངྒོ བྷཱ་ཝ་ནཱ་པཱ་རི་པཱུ་རིཾ ག་ཙྪ་ཏི…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒ་ཊྛཱ་ནི་ཡཱ་ནཾ, བྷི་ཀྑ་ཝེ, དྷ་མྨཱ་ནཾ མ་ན་སི་ཀཱ་ར་བ་ཧུ་ལཱི་ཀཱ་རཱ ཨ་ནུ་པྤ་ནྣོ ཙེ་ཝ ཨུ་པེ་ཀྑཱ་ས་མྦོ་ཛ྄ཛྷ་ངྒོ ཨུ་པྤ་ཛྫ་ཏི, ཨུ་པྤ་ནྣོ ཙ ཨུ་པེ་ཀྑཱ་ས་མྦོ་ཛ྄ཛྷ་ངྒོ བྷཱ་ཝ་ནཱ་པཱ་རི་པཱུ་རིཾ ག་ཙྪ་ཏཱི’’ཏི. ཏ་ཏི་ཡཾ.