༡. བོ་དྷཱ་ཡ་སུ་ཏྟཾ

༢༠༢. ཨ་ཐ ཁོ ཨ་ཉྙ་ཏ་རོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི…པེ… ཨེ་ཀ་མ་ནྟཾ ནི་སི་ནྣོ ཁོ སོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘‘བོ་ཛ྄ཛྷ་ངྒཱ, བོ་ཛ྄ཛྷ་ངྒཱ’ཏི, བྷ་ནྟེ, ཝུ་ཙྩ་ནྟི. ཀི་ཏྟཱ་ཝ་ཏཱ ནུ ཁོ, བྷ་ནྟེ, ‘བོ་ཛ྄ཛྷ་ངྒཱ’ཏི ཝུ་ཙྩ་ནྟཱི’’ཏི? ‘‘‘བོ་དྷཱ་ཡ སཾ་ཝ་ཏྟ་ནྟཱི’ཏི ཁོ, བྷི་ཀྑུ, ཏ་སྨཱ བོ་ཛ྄ཛྷ་ངྒཱ་ཏི ཝུ་ཙྩ་ནྟི. ཨི་དྷ, བྷི་ཀྑུ, ས་ཏི་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ…པེ… ཨུ་པེ་ཀྑཱ་ས་མྦོ་ཛ྄ཛྷ་ངྒཾ བྷཱ་ཝེ་ཏི ཝི་ཝེ་ཀ་ནི་སྶི་ཏཾ ཝི་རཱ་ག་ནི་སྶི་ཏཾ ནི་རོ་དྷ་ནི་སྶི་ཏཾ ཝོ་སྶ་གྒ་པ་རི་ཎཱ་མིཾ. ‘བོ་དྷཱ་ཡ སཾ་ཝ་ཏྟ་ནྟཱི’ཏི ཁོ, བྷི་ཀྑུ, ཏ་སྨཱ ‘བོ་ཛ྄ཛྷ་ངྒཱ’ཏི ཝུ་ཙྩ་ནྟཱི’’ཏི. པ་ཋ་མཾ.