༡. ཨ་ཉྙ་ཏྲ་སུ་ཏྟཾ

༡༡༣༡. ཨ་ཐ ཁོ བྷ་ག་ཝཱ པ་རི་ཏྟཾ ན་ཁ་སི་ཁཱ་ཡཾ པཾ་སུཾ ཨཱ་རོ་པེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡོ ཝཱ་ཡཾ མ་ཡཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ, ཨ་ཡཾ ཝཱ མ་ཧཱ་པ་ཐ་ཝཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – མ་ཧཱ་པ་ཐ་ཝཱི; ཨ་པྤ་མ་ཏྟ་ཀཱ་ཡཾ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི མ་ཧཱ་པ་ཐ་ཝིཾ ཨུ་པ་ནི་དྷཱ་ཡ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ’’ཏི.

‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་པྤ་མ་ཏྟ་ཀཱ ཏེ ས་ཏྟཱ ཡེ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ བ་ཧུ་ཏ་རཱ ས་ཏྟཱ ཡེ ཨ་ཉྙ་ཏྲ མ་ནུ་སྶེ་ཧི [མ་ནུ་སྶེ་སུ (པཱི. ཀ.)] པ་ཙྩཱ་ཛཱ་ཡ་ནྟི. ཏཾ ཀི་སྶ ཧེ་ཏུ? ཨ་དི་ཊྛ་ཏྟཱ, བྷི་ཀྑ་ཝེ, ཙ་ཏུ་ནྣཾ ཨ་རི་ཡ་ས་ཙྩཱ་ནཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ’’.

‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. པ་ཋ་མཾ.