༢. པ་ཙྩ་ནྟ་སུ་ཏྟཾ

༡༡༣༢. ཨ་ཐ ཁོ བྷ་ག་ཝཱ པ་རི་ཏྟཾ ན་ཁ་སི་ཁཱ་ཡཾ པཾ་སུཾ ཨཱ་རོ་པེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡོ ཝཱ་ཡཾ མ་ཡཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ, ཨ་ཡཾ ཝཱ མ་ཧཱ་པ་ཐ་ཝཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ, ཡ་དི་དཾ – མ་ཧཱ་པ་ཐ་ཝཱི; ཨ་པྤ་མ་ཏྟ་ཀཱ་ཡཾ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ. ས་ངྑ་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི མ་ཧཱ་པ་ཐ་ཝིཾ ཨུ་པ་ནི་དྷཱ་ཡ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ’’ཏི.

‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་པྤ་མ་ཏྟ་ཀཱ ཏེ ས་ཏྟཱ ཡེ མ་ཛ྄ཛྷི་མེ་སུ ཛ་ན་པ་དེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཝ བ་ཧུ་ཏ་རཱ ས་ཏྟཱ ཡེ པ་ཙྩ་ནྟི་མེ་སུ ཛ་ན་པ་དེ་སུ པ་ཙྩཱ་ཛཱ་ཡ་ནྟི ཨ་ཝི་ཉྙཱ་ཏཱ་རེ་སུ མི་ལ་ཀྑེ་སུ [མི་ལ་ཀྑཱུ་སུ (སྱཱ. ཀཾ. ཀ.)] …པེ…. དུ་ཏི་ཡཾ.