༨. དུ་ཏི་ཡ་སཱུ་རི་ཡ་སུ་ཏྟཾ

༡༡༠༨. ‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, ཙ་ནྡི་མ་སཱུ་རི་ཡཱ ལོ་ཀེ ནུ་པྤ་ཛྫ་ནྟི, ནེ་ཝ ཏཱ་ཝ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ཨ་ནྡྷ་ཏ་མཾ ཏ་དཱ ཧོ་ཏི ཨ་ནྡྷ་ཀཱ་ར་ཏི་མི་སཱ. ནེ་ཝ ཏཱ་ཝ ར་ཏྟི་ནྡི་ཝཱ [ར་ཏྟི་དི་ཝཱ (ཀ.)] པ་ཉྙཱ་ཡ་ནྟི, ན མཱ་ས་དྡྷ་མཱ་སཱ པ་ཉྙཱ་ཡ་ནྟི, ན ཨུ་ཏུ་སཾ་ཝ་ཙྪ་རཱ པ་ཉྙཱ་ཡ་ནྟི.

‘‘ཡ་ཏོ ཙ ཁོ, བྷི་ཀྑ་ཝེ, ཙ་ནྡི་མ་སཱུ་རི་ཡཱ ལོ་ཀེ ཨུ་པྤ་ཛྫ་ནྟི, ཨ་ཐ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ནེ་ཝ ཨ་ནྡྷ་ཀཱ་ར་ཏ་མཾ ཏ་དཱ ཧོ་ཏི ན ཨ་ནྡྷ་ཀཱ་ར་ཏི་མི་སཱ. ཨ་ཐ ར་ཏྟི་ནྡི་ཝཱ པ་ཉྙཱ་ཡ་ནྟི, མཱ་ས་དྡྷ་མཱ་སཱ པ་ཉྙཱ་ཡ་ནྟི, ཨུ་ཏུ་སཾ་ཝ་ཙྪ་རཱ པ་ཉྙཱ་ཡ་ནྟི. ཨེ་ཝ་མེ་ཝ ཁོ, བྷི་ཀྑ་ཝེ, ཡཱ་ཝ་ཀཱི་ཝ་ཉྩ ཏ་ཐཱ་ག་ཏོ ལོ་ཀེ ནུ་པྤ་ཛྫ་ཏི ཨ་ར་ཧཾ ས་མྨཱ་ས་མྦུ་དྡྷོ, ནེ་ཝ ཏཱ་ཝ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ཨ་ནྡྷ་ཏ་མཾ ཏ་དཱ ཧོ་ཏི ཨ་ནྡྷ་ཀཱ་ར་ཏི་མི་སཱ. ནེ་ཝ ཏཱ་ཝ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨཱ་ཙི་ཀྑ་ཎཱ ཧོ་ཏི དེ་ས་ནཱ པ་ཉྙཱ་པ་ནཱ པ་ཊྛ་པ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀ་མྨཾ.

‘‘ཡ་ཏོ ཙ ཁོ, བྷི་ཀྑ་ཝེ, ཏ་ཐཱ་ག་ཏོ ལོ་ཀེ ཨུ་པྤ་ཛྫ་ཏི ཨ་ར་ཧཾ ས་མྨཱ་ས་མྦུ་དྡྷོ, ཨ་ཐ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ནེ་ཝ ཨ་ནྡྷ་ཏ་མཾ ཏ་དཱ ཧོ་ཏི ན ཨ་ནྡྷ་ཀཱ་ར་ཏི་མི་སཱ. ཨ་ཐ ཁོ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨཱ་ཙི་ཀྑ་ཎཱ ཧོ་ཏི དེ་ས་ནཱ པ་ཉྙཱ་པ་ནཱ པ་ཊྛ་པ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀ་མྨཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.

‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཨ་ཊྛ་མཾ.