༤. སཱི་ས་པཱ་ཝ་ན་ཝ་གྒོ
༡. སཱི་ས་པཱ་ཝ་ན་སུ་ཏྟཾ
༡༡༠༡. ཨེ་ཀཾ ས་མ་ཡཾ བྷ་ག་ཝཱ ཀོ་ས་མྦི་ཡཾ ཝི་ཧ་ར་ཏི སཱི་ས་པཱ་ཝ་ནེ [སིཾ་ས་པཱ་ཝ་ནེ (སཱི. པཱི.)]. ཨ་ཐ ཁོ བྷ་ག་ཝཱ པ་རི་ཏྟཱ་ནི སཱི་ས་པཱ་པ་ཎྞཱ་ནི པཱ་ཎི་ནཱ ག་ཧེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ – ཡཱ་ནི ཝཱ མ་ཡཱ པ་རི་ཏྟཱ་ནི སཱི་ས་པཱ་པ་ཎྞཱ་ནི པཱ་ཎི་ནཱ ག་ཧི་ཏཱ་ནི ཡ་དི་དཾ ཨུ་པ་རི སཱི་ས་པཱ་ཝ་ནེ’’ཏི? ‘‘ཨ་པྤ་མ་ཏྟ་ཀཱ་ནི, བྷ་ནྟེ, བྷ་ག་ཝ་ཏཱ པ་རི་ཏྟཱ་ནི སཱི་ས་པཱ་པ་ཎྞཱ་ནི པཱ་ཎི་ནཱ ག་ཧི་ཏཱ་ནི; ཨ་ཐ ཁོ ཨེ་ཏཱ་ནེ་ཝ བ་ཧུ་ཏ་རཱ་ནི ཡ་དི་དཾ ཨུ་པ་རི སཱི་ས་པཱ་ཝ་ནེ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨེ་ཏ་དེ་ཝ བ་ཧུ་ཏ་རཾ ཡཾ ཝོ མ་ཡཱ ཨ་བྷི་ཉྙཱ་ཡ ཨ་ན་ཀྑཱ་ཏཾ. ཀ་སྨཱ ཙེ་ཏཾ, བྷི་ཀྑ་ཝེ, མ་ཡཱ ཨ་ན་ཀྑཱ་ཏཾ? ན ཧེ་ཏཾ, བྷི་ཀྑ་ཝེ, ཨ་ཏྠ་སཾ་ཧི་ཏཾ ནཱ་དི་བྲ་ཧྨ་ཙ་རི་ཡ་ཀཾ ན ནི་བྦི་དཱ་ཡ ན ཝི་རཱ་གཱ་ཡ ན ནི་རོ་དྷཱ་ཡ ན ཨུ་པ་ས་མཱ་ཡ ན ཨ་བྷི་ཉྙཱ་ཡ ན ས་མྦོ་དྷཱ་ཡ ན ནི་བྦཱ་ནཱ་ཡ སཾ་ཝ་ཏྟ་ཏི; ཏ་སྨཱ ཏཾ མ་ཡཱ ཨ་ན་ཀྑཱ་ཏཾ’’.
‘‘ཀི་ཉྩ, བྷི་ཀྑ་ཝེ, མ་ཡཱ ཨ་ཀྑཱ་ཏཾ? ‘ཨི་དཾ དུ་ཀྑ’ནྟི, བྷི་ཀྑ་ཝེ, མ་ཡཱ ཨ་ཀྑཱ་ཏཾ, ‘ཨ་ཡཾ དུ་ཀྑ་ས་མུ་ད་ཡོ’ཏི མ་ཡཱ ཨ་ཀྑཱ་ཏཾ, ‘ཨ་ཡཾ དུ་ཀྑ་ནི་རོ་དྷོ’ཏི མ་ཡཱ ཨ་ཀྑཱ་ཏཾ, ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི མ་ཡཱ ཨ་ཀྑཱ་ཏཾ’’.
‘‘ཀ་སྨཱ ཙེ་ཏཾ, བྷི་ཀྑ་ཝེ, མ་ཡཱ ཨ་ཀྑཱ་ཏཾ? ཨེ་ཏ་ཉྷི, བྷི་ཀྑ་ཝེ, ཨ་ཏྠ་སཾ་ཧི་ཏཾ ཨེ་ཏཾ ཨཱ་དི་བྲ་ཧྨ་ཙ་རི་ཡ་ཀཾ ཨེ་ཏཾ ནི་བྦི་དཱ་ཡ ཝི་རཱ་གཱ་ཡ ནི་རོ་དྷཱ་ཡ ཨུ་པ་ས་མཱ་ཡ ཨ་བྷི་ཉྙཱ་ཡ ས་མྦོ་དྷཱ་ཡ ནི་བྦཱ་ནཱ་ཡ སཾ་ཝ་ཏྟ་ཏི; ཏ་སྨཱ ཏཾ མ་ཡཱ ཨ་ཀྑཱ་ཏཾ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. པ་ཋ་མཾ.
༢. ཁ་དི་ར་པ་ཏྟ་སུ་ཏྟཾ
༡༡༠༢. ‘‘ཡོ, བྷི་ཀྑ་ཝེ, ཨེ་ཝཾ ཝ་དེ་ཡྻ – ‘ཨ་ཧཾ དུ་ཀྑཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ, དུ་ཀྑ་ས་མུ་ད་ཡཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ, དུ་ཀྑ་ནི་རོ་དྷཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ ས་མྨཱ དུ་ཀྑ་སྶ་ནྟཾ ཀ་རི་སྶཱ་མཱི’ཏི – ནེ་ཏཾ ཋཱ་ནཾ ཝི་ཛྫ་ཏི.
‘‘སེ་ཡྻ་ཐཱ་པི, བྷི་ཀྑ་ཝེ, ཡོ ཨེ་ཝཾ ཝ་དེ་ཡྻ – ‘ཨ་ཧཾ ཁ་དི་ར་པ་ཏྟཱ་ནཾ ཝཱ ས་ར་ལ་པ་ཏྟཱ་ནཾ [པ་ལཱ་ས་པ་ཏྟཱ་ནཾ (སཱི. སྱཱ. ཀཾ. པཱི.)] ཝཱ ཨཱ་མ་ལ་ཀ་པ་ཏྟཱ་ནཾ ཝཱ པུ་ཊཾ ཀ་རི་ཏྭཱ ཨུ་ད་ཀཾ ཝཱ ཏཱ་ལ་པ་ཏྟཾ ཝཱ ཨཱ་ཧ་རི་སྶཱ་མཱི’ཏི – ནེ་ཏཾ ཋཱ་ནཾ ཝི་ཛྫ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཡོ ཨེ་ཝཾ ཝ་དེ་ཡྻ – ‘ཨ་ཧཾ དུ་ཀྑཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ…པེ… དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་ན་བྷི་ས་མེ་ཙྩ ས་མྨཱ དུ་ཀྑ་སྶ་ནྟཾ ཀ་རི་སྶཱ་མཱི’ཏི – ནེ་ཏཾ ཋཱ་ནཾ ཝི་ཛྫ་ཏི.
‘‘ཡོ ཙ ཁོ, བྷི་ཀྑ་ཝེ, ཨེ་ཝཾ ཝ་དེ་ཡྻ – ‘ཨ་ཧཾ དུ་ཀྑཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ, དུ་ཀྑ་ས་མུ་ད་ཡཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ, དུ་ཀྑ་ནི་རོ་དྷཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ, དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ ས་མྨཱ དུ་ཀྑ་སྶ་ནྟཾ ཀ་རི་སྶཱ་མཱི’ཏི – ཋཱ་ན་མེ་ཏཾ ཝི་ཛྫ་ཏི.
‘‘སེ་ཡྻ་ཐཱ་པི, བྷི་ཀྑ་ཝེ, ཡོ ཨེ་ཝཾ ཝ་དེ་ཡྻ – ‘ཨ་ཧཾ པ་དུ་མ་པ་ཏྟཱ་ནཾ ཝཱ པ་ལཱ་ས་པ་ཏྟཱ་ནཾ ཝཱ མཱ་ལུ་ཝ་པ་ཏྟཱ་ནཾ ཝཱ པུ་ཊཾ ཀ་རི་ཏྭཱ ཨུ་ད་ཀཾ ཝཱ ཏཱ་ལ་པ་ཏྟཾ ཝཱ ཨཱ་ཧ་རི་སྶཱ་མཱི’ཏི – ཋཱ་ན་མེ་ཏཾ ཝི་ཛྫ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཡོ ཨེ་ཝཾ ཝ་དེ་ཡྻ – ‘ཨ་ཧཾ དུ་ཀྑཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ …པེ… དུ་ཀྑ་ནི་རོ་དྷ་གཱ་མི་ནིཾ པ་ཊི་པ་དཾ ཨ་རི་ཡ་ས་ཙྩཾ ཡ་ཐཱ་བྷཱུ་ཏཾ ཨ་བྷི་ས་མེ་ཙྩ ས་མྨཱ དུ་ཀྑ་སྶ་ནྟཾ ཀ་རི་སྶཱ་མཱི’ཏི – ཋཱ་ན་མེ་ཏཾ ཝི་ཛྫ་ཏི.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. དུ་ཏི་ཡཾ.
༣. ད་ཎྜ་སུ་ཏྟཾ
༡༡༠༣. ‘‘སེ་ཡྻ་ཐཱ་པི, བྷི་ཀྑ་ཝེ, ད་ཎྜོ ཨུ་པ་རི་ཝེ་ཧཱ་སཾ ཁི་ཏྟོ ས་ཀི་མྤི མཱུ་ལེ་ན ནི་པ་ཏ་ཏི, ས་ཀི་མྤི ཨ་གྒེ་ན ནི་པ་ཏ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཨ་ཝི་ཛྫཱ་ནཱི་ཝ་ར་ཎཱ ས་ཏྟཱ ཏ་ཎྷཱ་སཾ་ཡོ་ཛ་ནཱ ས་ནྡྷཱ་ཝ་ནྟཱ སཾ་ས་ར་ནྟཱ [ཏ་ཎྷཱ་སཾ་ཡོ་ཛ་ན་བ་ནྡྷཱ ས་ནྡྷཱ་ཝ་ཏཱ (ཀ.)] ས་ཀི་མྤི ཨ་སྨཱ ལོ་ཀཱ པ་རཾ ལོ་ཀཾ ག་ཙྪ་ནྟི, ས་ཀི་མྤི པ་ར་སྨཱ ལོ་ཀཱ ཨི་མཾ ལོ་ཀཾ ཨཱ་ག་ཙྪ་ནྟི. ཏཾ ཀི་སྶ ཧེ་ཏུ? ཨ་དི་ཊྛ་ཏྟཱ, བྷི་ཀྑ་ཝེ, ཙ་ཏུ་ནྣཾ ཨ་རི་ཡ་ས་ཙྩཱ་ནཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཏ་ཏི་ཡཾ.
༤. ཙེ་ལ་སུ་ཏྟཾ
༡༡༠༤. ‘‘ཨཱ་དི་ཏྟེ, བྷི་ཀྑ་ཝེ, ཙེ་ལེ ཝཱ སཱི་སེ ཝཱ ཀི་མ་སྶ ཀ་ར་ཎཱི་ཡ’’ནྟི? ‘‘ཨཱ་དི་ཏྟེ, བྷ་ནྟེ, ཙེ་ལེ ཝཱ སཱི་སེ ཝཱ, ཏ་སྶེ་ཝ ཙེ་ལ་སྶ ཝཱ སཱི་ས་སྶ ཝཱ ནི་བྦཱ་པ་ནཱ་ཡ ཨ་དྷི་མ་ཏྟོ ཚ་ནྡོ ཙ ཝཱ་ཡཱ་མོ ཙ ཨུ་སྶཱ་ཧོ ཙ ཨུ་སྶོ་ལ༹ྷཱི ཙ ཨ་པྤ་ཊི་ཝཱ་ནཱི ཙ ས་ཏི ཙ ས་མྤ་ཛ་ཉྙ་ཉྩ ཀ་ར་ཎཱི་ཡ’’ནྟི.
‘‘ཨཱ་དི་ཏྟཾ, བྷི་ཀྑ་ཝེ, ཙེ་ལཾ ཝཱ སཱི་སཾ ཝཱ ཨ་ཛ྄ཛྷུ་པེ་ཀྑི་ཏྭཱ ཨ་མ་ན་སི་ཀ་རི་ཏྭཱ ཨ་ན་བྷི་ས་མེ་ཏཱ་ནཾ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཡ་ཐཱ་བྷཱུ་ཏཾ ཨ་བྷི་ས་མ་ཡཱ་ཡ ཨ་དྷི་མ་ཏྟོ ཚ་ནྡོ ཙ ཝཱ་ཡཱ་མོ ཙ ཨུ་སྶཱ་ཧོ ཙ ཨུ་སྶོ་ལ༹ྷཱི ཙ ཨ་པྤ་ཊི་ཝཱ་ནཱི ཙ ས་ཏི ཙ ས་མྤ་ཛ་ཉྙ་ཉྩ ཀ་ར་ཎཱི་ཡཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཙ་ཏུ་ཏྠཾ.
༥. ས་ཏྟི་ས་ཏ་སུ་ཏྟཾ
༡༡༠༥. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ ཝ་སྶ་ས་ཏཱ་ཡུ་ཀོ ཝ་སྶ་ས་ཏ་ཛཱི་ཝཱི. ཏ་མེ་ནཾ ཨེ་ཝཾ ཝ་དེ་ཡྻ – ‘ཨེ་ཧ་མྦྷོ པུ་རི་ས, པུ་བྦ་ཎྷ་ས་མ་ཡཾ ཏཾ ས་ཏྟི་ས་ཏེ་ན ཧ་ནི་སྶ་ནྟི, མ་ཛ྄ཛྷ་ནྷི་ཀ་ས་མ་ཡཾ ས་ཏྟི་ས་ཏེ་ན ཧ་ནི་སྶ་ནྟི, སཱ་ཡ་ནྷ་ས་མ་ཡཾ ས་ཏྟི་ས་ཏེ་ན ཧ་ནི་སྶ་ནྟི. སོ ཁོ ཏྭཾ, ཨ་མྦྷོ པུ་རི་ས, དི་ཝ་སེ དི་ཝ་སེ ཏཱི་ཧི ཏཱི་ཧི ས་ཏྟི་ས་ཏེ་ཧི ཧ་ཉྙ་མཱ་ནོ ཝ་སྶ་ས་ཏཱ་ཡུ་ཀོ ཝ་སྶ་ས་ཏ་ཛཱི་ཝཱི ཝ་སྶ་ས་ཏ་སྶ ཨ་ཙྩ་ཡེ་ན ཨ་ན་བྷི་ས་མེ་ཏཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི ཨ་བྷི་ས་མེ་སྶ་སཱི’’’ཏི.
‘‘ཨ་ཏྠ་ཝ་སི་ཀེ་ན, བྷི་ཀྑ་ཝེ, ཀུ་ལ་པུ་ཏྟེ་ན ཨ་ལཾ ཨུ་པ་ག་ནྟུཾ. ཏཾ ཀི་སྶ ཧེ་ཏུ? ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ; པུ་བྦཱ ཀོ་ཊི ན་པྤ་ཉྙཱ་ཡ་ཏི ས་ཏྟི་པྤ་ཧཱ་རཱ་ནཾ ཨ་སི་པྤ་ཧཱ་རཱ་ནཾ ཨུ་སུ་པྤ་ཧཱ་རཱ་ནཾ ཕ་ར་སུ་པྤ་ཧཱ་རཱ་ནཾ [ཨ་སི་པྤ་ཧཱ་རཱ་ནཾ ཕ་ར་སུ་པྤ་ཧཱ་རཱ་ནཾ (ཀ.)]. ཨེ་ཝ་ཉྩེ་ཏཾ, བྷི་ཀྑ་ཝེ, ཨ་སྶ. ན ཁོ པ་ནཱ་ཧཾ, བྷི་ཀྑ་ཝེ, ས་ཧ དུ་ཀྑེ་ན, ས་ཧ དོ་མ་ན་སྶེ་ན ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨ་བྷི་ས་མ་ཡཾ ཝ་དཱ་མི; ཨ་པི ཙཱ་ཧཾ, བྷི་ཀྑ་ཝེ, ས་ཧཱ་ཝ སུ་ཁེ་ན, ས་ཧཱ་ཝ སོ་མ་ན་སྶེ་ན ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨ་བྷི་ས་མ་ཡཾ ཝ་དཱ་མི. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. པ་ཉྩ་མཾ.
༦. པཱ་ཎ་སུ་ཏྟཾ
༡༡༠༦. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ ཡཾ ཨི་མ་སྨིཾ ཛ་མྦུ་དཱི་པེ ཏི་ཎ་ཀ་ཊྛ་སཱ་ཁཱ་པ་ལཱ་སཾ ཏ་ཙྪེ་ཏྭཱ ཨེ་ཀ་ཛ྄ཛྷཾ སཾ་ཧ་རེ་ཡྻ; ཨེ་ཀ་ཛ྄ཛྷཾ སཾ་ཧ་རི་ཏྭཱ སཱུ་ལཾ ཀ་རེ་ཡྻ. སཱུ་ལཾ ཀ་རི་ཏྭཱ ཡེ མ་ཧཱ་ས་མུ་དྡེ མ་ཧ་ནྟ་ཀཱ པཱ་ཎཱ ཏེ མ་ཧ་ནྟ་ཀེ་སུ སཱུ་ལེ་སུ ཨཱ་ཝུ་ནེ་ཡྻ, ཡེ མ་ཧཱ་ས་མུ་དྡེ མ་ཛ྄ཛྷི་མ་ཀཱ པཱ་ཎཱ ཏེ མ་ཛ྄ཛྷི་མ་ཀེ་སུ སཱུ་ལེ་སུ ཨཱ་ཝུ་ནེ་ཡྻ, ཡེ མ་ཧཱ་ས་མུ་དྡེ སུ་ཁུ་མ་ཀཱ པཱ་ཎཱ ཏེ སུ་ཁུ་མ་ཀེ་སུ སཱུ་ལེ་སུ ཨཱ་ཝུ་ནེ་ཡྻ. ཨ་པ་རི་ཡཱ་དི་ནྣཱ ཙ, བྷི་ཀྑ་ཝེ, མ་ཧཱ་ས་མུ་དྡེ ཨོ་ལཱ༹་རི་ཀཱ པཱ་ཎཱ ཨ་སྶུ.
‘‘ཨ་ཐ ཨི་མ་སྨིཾ ཛ་མྦུ་དཱི་པེ ཏི་ཎ་ཀ་ཊྛ་སཱ་ཁཱ་པ་ལཱ་སཾ པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ. ཨི་ཏོ བ་ཧུ་ཏ་རཱ ཁོ, བྷི་ཀྑ་ཝེ, མ་ཧཱ་ས་མུ་དྡེ སུ་ཁུ་མ་ཀཱ པཱ་ཎཱ, ཡེ ན སུ་ཀ་རཱ སཱུ་ལེ་སུ ཨཱ་ཝུ་ནི་ཏུཾ. ཏཾ ཀི་སྶ ཧེ་ཏུ? སུ་ཁུ་མ་ཏྟཱ, བྷི་ཀྑ་ཝེ, ཨ་ཏྟ་བྷཱ་ཝ་སྶ. ཨེ་ཝཾ མ་ཧཱ ཁོ, བྷི་ཀྑ་ཝེ, ཨ་པཱ་ཡོ. ཨེ་ཝཾ མ་ཧ་ནྟ་སྨཱ ཁོ, བྷི་ཀྑ་ཝེ, ཨ་པཱ་ཡ་སྨཱ པ་རི་མུ་ཏྟོ དི་ཊྛི་ས་མྤ་ནྣོ པུ་གྒ་ལོ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཚ་ཊྛཾ.
༧. པ་ཋ་མ་སཱུ་རི་ཡ་སུ་ཏྟཾ
༡༡༠༧. ‘‘སཱུ་རི་ཡ་སྶ [སུ་རི་ཡ་སྶ (སཱི. སྱཱ. ཀཾ. པཱི.)], བྷི་ཀྑ་ཝེ, ཨུ་ད་ཡ་ཏོ ཨེ་ཏཾ པུ་བྦ་ངྒ་མཾ ཨེ་ཏཾ པུ་བྦ་ནི་མི་ཏྟཾ, ཡ་དི་དཾ – ཨ་རུ་ཎུ་གྒཾ. ཨེ་ཝ་མེ་ཝ ཁོ, བྷི་ཀྑ་ཝེ, བྷི་ཀྑུ་ནོ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཡ་ཐཱ་བྷཱུ་ཏཾ ཨ་བྷི་ས་མ་ཡཱ་ཡ ཨེ་ཏཾ པུ་བྦ་ངྒ་མཾ ཨེ་ཏཾ པུ་བྦ་ནི་མི་ཏྟཾ, ཡ་དི་དཾ – ས་མྨཱ་དི་ཊྛི. ཏ་སྶེ་ཏཾ བྷི་ཀྑ་ཝེ, བྷི་ཀྑུ་ནོ པཱ་ཊི་ཀ་ངྑཾ – ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནི་སྶ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནི་སྶ་ཏི.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ས་ཏྟ་མཾ.
༨. དུ་ཏི་ཡ་སཱུ་རི་ཡ་སུ་ཏྟཾ
༡༡༠༨. ‘‘ཡཱ་ཝ་ཀཱི་ཝ་ཉྩ, བྷི་ཀྑ་ཝེ, ཙ་ནྡི་མ་སཱུ་རི་ཡཱ ལོ་ཀེ ནུ་པྤ་ཛྫ་ནྟི, ནེ་ཝ ཏཱ་ཝ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ཨ་ནྡྷ་ཏ་མཾ ཏ་དཱ ཧོ་ཏི ཨ་ནྡྷ་ཀཱ་ར་ཏི་མི་སཱ. ནེ་ཝ ཏཱ་ཝ ར་ཏྟི་ནྡི་ཝཱ [ར་ཏྟི་དི་ཝཱ (ཀ.)] པ་ཉྙཱ་ཡ་ནྟི, ན མཱ་ས་དྡྷ་མཱ་སཱ པ་ཉྙཱ་ཡ་ནྟི, ན ཨུ་ཏུ་སཾ་ཝ་ཙྪ་རཱ པ་ཉྙཱ་ཡ་ནྟི.
‘‘ཡ་ཏོ ཙ ཁོ, བྷི་ཀྑ་ཝེ, ཙ་ནྡི་མ་སཱུ་རི་ཡཱ ལོ་ཀེ ཨུ་པྤ་ཛྫ་ནྟི, ཨ་ཐ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ནེ་ཝ ཨ་ནྡྷ་ཀཱ་ར་ཏ་མཾ ཏ་དཱ ཧོ་ཏི ན ཨ་ནྡྷ་ཀཱ་ར་ཏི་མི་སཱ. ཨ་ཐ ར་ཏྟི་ནྡི་ཝཱ པ་ཉྙཱ་ཡ་ནྟི, མཱ་ས་དྡྷ་མཱ་སཱ པ་ཉྙཱ་ཡ་ནྟི, ཨུ་ཏུ་སཾ་ཝ་ཙྪ་རཱ པ་ཉྙཱ་ཡ་ནྟི. ཨེ་ཝ་མེ་ཝ ཁོ, བྷི་ཀྑ་ཝེ, ཡཱ་ཝ་ཀཱི་ཝ་ཉྩ ཏ་ཐཱ་ག་ཏོ ལོ་ཀེ ནུ་པྤ་ཛྫ་ཏི ཨ་ར་ཧཾ ས་མྨཱ་ས་མྦུ་དྡྷོ, ནེ་ཝ ཏཱ་ཝ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ཨ་ནྡྷ་ཏ་མཾ ཏ་དཱ ཧོ་ཏི ཨ་ནྡྷ་ཀཱ་ར་ཏི་མི་སཱ. ནེ་ཝ ཏཱ་ཝ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨཱ་ཙི་ཀྑ་ཎཱ ཧོ་ཏི དེ་ས་ནཱ པ་ཉྙཱ་པ་ནཱ པ་ཊྛ་པ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀ་མྨཾ.
‘‘ཡ་ཏོ ཙ ཁོ, བྷི་ཀྑ་ཝེ, ཏ་ཐཱ་ག་ཏོ ལོ་ཀེ ཨུ་པྤ་ཛྫ་ཏི ཨ་ར་ཧཾ ས་མྨཱ་ས་མྦུ་དྡྷོ, ཨ་ཐ མ་ཧ་ཏོ ཨཱ་ལོ་ཀ་སྶ པཱ་ཏུ་བྷཱ་ཝོ ཧོ་ཏི མ་ཧ་ཏོ ཨོ་བྷཱ་ས་སྶ. ནེ་ཝ ཨ་ནྡྷ་ཏ་མཾ ཏ་དཱ ཧོ་ཏི ན ཨ་ནྡྷ་ཀཱ་ར་ཏི་མི་སཱ. ཨ་ཐ ཁོ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨཱ་ཙི་ཀྑ་ཎཱ ཧོ་ཏི དེ་ས་ནཱ པ་ཉྙཱ་པ་ནཱ པ་ཊྛ་པ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀ་མྨཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ཨ་ཊྛ་མཾ.
༩. ཨི་ནྡ་ཁཱི་ལ་སུ་ཏྟཾ
༡༡༠༩. ‘‘ཡེ ཧི ཀེ་ཙི, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ ན་པྤ་ཛཱ་ན་ནྟི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ན་ནྟི, ཏེ ཨ་ཉྙ་སྶ ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ མུ་ཁཾ ཨུ་ལློ་ཀེ་ནྟི [ཨོ་ལོ་ཀེ་ནྟི (སཱི. སྱཱ.)] – ‘ཨ་ཡཾ ནཱུ་ན བྷ་ཝཾ ཛཱ་ནཾ ཛཱ་ནཱ་ཏི, པ་སྶཾ པ་སྶ་ཏཱི’’’ཏི.
‘‘སེ་ཡྻ་ཐཱ་པི, བྷི་ཀྑ་ཝེ, ཏཱུ་ལ་པི་ཙུ ཝཱ ཀ་པྤཱ་ས་པི་ཙུ ཝཱ ལ་ཧུ་ཀོ ཝཱ་ཏཱུ་པཱ་དཱ་ནོ ས་མེ བྷཱུ་མི་བྷཱ་གེ ནི་ཀྑི་ཏྟོ. ཏ་མེ་ནཾ པུ་ར་ཏྠི་མོ ཝཱ་ཏོ པ་ཙྪི་མེ་ན སཾ་ཧ་རེ་ཡྻ, པ་ཙྪི་མོ ཝཱ་ཏོ པུ་ར་ཏྠི་མེ་ན སཾ་ཧ་རེ་ཡྻ, ཨུ་ཏྟ་རོ ཝཱ་ཏོ ད་ཀྑི་ཎེ་ན སཾ་ཧ་རེ་ཡྻ, ད་ཀྑི་ཎོ ཝཱ་ཏོ ཨུ་ཏྟ་རེ་ན སཾ་ཧ་རེ་ཡྻ. ཏཾ ཀི་སྶ ཧེ་ཏུ? ལ་ཧུ་ཀ་ཏྟཱ, བྷི་ཀྑ་ཝེ, ཀ་པྤཱ་ས་པི་ཙུ་ནོ. ཨེ་ཝ་མེ་ཝ ཁོ, བྷི་ཀྑ་ཝེ, ཡེ ཧི ཀེ་ཙི ས་མ་ཎཱ ཝཱ བྲཱ་ཧྨ་ཎཱ ཝཱ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ ན་པྤ་ཛཱ་ན་ནྟི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ ན་པྤ་ཛཱ་ན་ནྟི, ཏེ ཨ་ཉྙ་སྶ ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ མུ་ཁཾ ཨུ་ལློ་ཀེ་ནྟི – ‘ཨ་ཡཾ ནཱུ་ན བྷ་ཝཾ ཛཱ་ནཾ ཛཱ་ནཱ་ཏི, པ་སྶཾ པ་སྶ་ཏཱི’ཏི. ཏཾ ཀི་སྶ ཧེ་ཏུ? ཨ་དི་ཊྛ་ཏྟཱ, བྷི་ཀྑ་ཝེ, ཙ་ཏུ་ནྣཾ ཨ་རི་ཡ་ས་ཙྩཱ་ནཾ.
‘‘ཡེ ཙ ཁོ ཀེ་ཙི, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ན་ནྟི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ན་ནྟི, ཏེ ན ཨ་ཉྙ་སྶ ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ མུ་ཁཾ ཨུ་ལློ་ཀེ་ནྟི – ‘ཨ་ཡཾ ནཱུ་ན བྷ་ཝཾ ཛཱ་ནཾ ཛཱ་ནཱ་ཏི, པ་སྶཾ པ་སྶ་ཏཱི’’’ཏི.
‘‘སེ་ཡྻ་ཐཱ་པི, བྷི་ཀྑ་ཝེ, ཨ་ཡོ་ཁཱི་ལོ ཝཱ ཨི་ནྡ་ཁཱི་ལོ ཝཱ ག་མྦྷཱི་ར་ནེ་མོ སུ་ནི་ཁཱ་ཏོ ཨ་ཙ་ལོ ཨ་ས་མྤ་ཀ་མྤཱི. པུ་ར་ཏྠི་མཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ བྷུ་སཱ ཝཱ་ཏ་ཝུ་ཊྛི, ནེ་ཝ ས་ངྐ་མྤེ་ཡྻ [ནེ་ཝ ནཾ ས་ངྐ་མྤེ་ཡྻ (སཱི. པཱི.)] ན ས་མྤ་ཀ་མྤེ་ཡྻ ན ས་མྤ་ཙཱ་ལེ་ཡྻ; པ་ཙྪི་མཱ་ཡ ཙེ་པི དི་སཱ་ཡ…པེ… ཨུ་ཏྟ་རཱ་ཡ ཙེ་པི དི་སཱ་ཡ…པེ… ད་ཀྑི་ཎཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ བྷུ་སཱ ཝཱ་ཏ་ཝུ་ཊྛི, ནེ་ཝ ས་ངྐ་མྤེ་ཡྻ ན ས་མྤ་ཀ་མྤེ་ཡྻ ན ས་མྤ་ཙཱ་ལེ་ཡྻ. ཏཾ ཀི་སྶ ཧེ་ཏུ? ག་མྦྷཱི་ར་ཏྟཱ, བྷི་ཀྑ་ཝེ, ནེ་མ་སྶ སུ་ནི་ཁཱ་ཏ་ཏྟཱ ཨི་ནྡ་ཁཱི་ལ་སྶ. ཨེ་ཝ་མེ་ཝ ཁོ, བྷི་ཀྑ་ཝེ, ཡེ ཙ ཁོ ཀེ་ཙི ས་མ་ཎཱ ཝཱ བྲཱ་ཧྨ་ཎཱ ཝཱ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ན་ནྟི…པེ… ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ན་ནྟི, ཏེ ན ཨ་ཉྙ་སྶ ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ མུ་ཁཾ ཨུ་ལློ་ཀེ་ནྟི – ‘ཨ་ཡཾ ནཱུ་ན བྷ་ཝཾ ཛཱ་ནཾ ཛཱ་ནཱ་ཏི, པ་སྶཾ པ་སྶ་ཏཱི’ཏི. ཏཾ ཀི་སྶ ཧེ་ཏུ? སུ་དི་ཊྛ་ཏྟཱ, བྷི་ཀྑ་ཝེ, ཙ་ཏུ་ནྣཾ ཨ་རི་ཡ་ས་ཙྩཱ་ནཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ན་ཝ་མཾ.
༡༠. ཝཱ་ད་ཏྠི་ཀ་སུ་ཏྟཾ
༡༡༡༠. ‘‘ཡོ ཧི ཀོ་ཙི, བྷི་ཀྑ་ཝེ, བྷི་ཀྑུ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི, པུ་ར་ཏྠི་མཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ ས་མ་ཎོ ཝཱ བྲཱ་ཧྨ་ཎོ ཝཱ ཝཱ་ད་ཏྠི་ཀོ ཝཱ་ད་ག་ཝེ་སཱི – ‘ཝཱ་ད་མ་སྶ ཨཱ་རོ་པེ་སྶཱ་མཱི’ཏི, ཏཾ ཝ་ཏ ས་ཧ་དྷ་མྨེ་ན ས་ངྐ་མྤེ་སྶ་ཏི ཝཱ ས་མྤ་ཀ་མྤེ་སྶ་ཏི ཝཱ ས་མྤ་ཙཱ་ལེ་སྶ་ཏི ཝཱ་ཏི – ནེ་ཏཾ ཋཱ་ནཾ ཝི་ཛྫ་ཏི. པ་ཙྪི་མཱ་ཡ ཙེ་པི དི་སཱ་ཡ…པེ… ཨུ་ཏྟ་རཱ་ཡ ཙེ་པི དི་སཱ་ཡ…པེ… ད་ཀྑི་ཎཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ ས་མ་ཎོ ཝཱ བྲཱ་ཧྨ་ཎོ ཝཱ ཝཱ་ད་ཏྠི་ཀོ ཝཱ་ད་ག་ཝེ་སཱི – ‘ཝཱ་ད་མ་སྶ ཨཱ་རོ་པེ་སྶཱ་མཱི’ཏི, ཏཾ ཝ་ཏ ས་ཧ་དྷ་མྨེ་ན ས་ངྐ་མྤེ་སྶ་ཏི ཝཱ ས་མྤ་ཀ་མྤེ་སྶ་ཏི ཝཱ ས་མྤ་ཙཱ་ལེ་སྶ་ཏི ཝཱ་ཏི – ནེ་ཏཾ ཋཱ་ནཾ ཝི་ཛྫ་ཏི.
‘‘སེ་ཡྻ་ཐཱ་པི, བྷི་ཀྑ་ཝེ, སི་ལཱ་ཡཱུ་པོ སོ་ལ༹་ས ཀུ་ཀྐུ་ཀོ. ཏ་སྶ་སྶུ ཨ་ཊྛ ཀུ་ཀྐུ ཧེ་ཊྛཱ ནེ་མ་ངྒ་མཱ, ཨ་ཊྛ ཀུ་ཀྐུ ཨུ་པ་རི་ནེ་མ་སྶ. པུ་ར་ཏྠི་མཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ བྷུ་སཱ ཝཱ་ཏ་ཝུ་ཊྛི, ནེ་ཝ ས་ངྐ་མྤེ་ཡྻ ན ས་མྤ་ཀ་མྤེ་ཡྻ ན ས་མྤ་ཙཱ་ལེ་ཡྻ; པ་ཙྪི་མཱ་ཡ ཙེ་པི དི་སཱ་ཡ…པེ… ཨུ་ཏྟ་རཱ་ཡ ཙེ་པི དི་སཱ་ཡ…པེ… ད་ཀྑི་ཎཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ བྷུ་སཱ ཝཱ་ཏ་ཝུ་ཊྛི, ནེ་ཝ ས་ངྐ་མྤེ་ཡྻ ན ས་མྤ་ཀ་མྤེ་ཡྻ ན ས་མྤ་ཙཱ་ལེ་ཡྻ. ཏཾ ཀི་སྶ ཧེ་ཏུ? ག་མྦྷཱི་ར་ཏྟཱ, བྷི་ཀྑ་ཝེ, ནེ་མ་སྶ སུ་ནི་ཁཱ་ཏ་ཏྟཱ སི་ལཱ་ཡཱུ་པ་སྶ. ཨེ་ཝ་མེ་ཝ ཁོ, བྷི་ཀྑ་ཝེ, ཡོ ཧི ཀོ་ཙི བྷི་ཀྑུ ‘ཨི་དཾ དུ་ཀྑ’ནྟི ཡ་ཐཱ་བྷཱུ་ཏཾ པ་ཛཱ་ནཱ་ཏི…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡ་ཐཱ་བྷཱུ་ཏཾ པ་ཛཱ་ནཱ་ཏི; པུ་ར་ཏྠི་མཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ ས་མ་ཎོ ཝཱ བྲཱ་ཧྨ་ཎོ ཝཱ ཝཱ་ད་ཏྠི་ཀོ ཝཱ་ད་ག་ཝེ་སཱི ‘ཝཱ་ད་མ་སྶ ཨཱ་རོ་པེ་སྶཱ་མཱི’ཏི, ཏཾ ཝ་ཏ ས་ཧ་དྷ་མྨེ་ན ས་ངྐ་མྤེ་སྶ་ཏི ཝཱ ས་མྤ་ཀ་མྤེ་སྶ་ཏི ཝཱ ས་མྤ་ཙཱ་ལེ་སྶ་ཏི ཝཱ་ཏི – ནེ་ཏཾ ཋཱ་ནཾ ཝི་ཛྫ་ཏི. པ་ཙྪི་མཱ་ཡ ཙེ་པི དི་སཱ་ཡ…པེ… ཨུ་ཏྟ་རཱ་ཡ ཙེ་པི དི་སཱ་ཡ…པེ… ད་ཀྑི་ཎཱ་ཡ ཙེ་པི དི་སཱ་ཡ ཨཱ་ག་ཙྪེ་ཡྻ ས་མ་ཎོ ཝཱ བྲཱ་ཧྨ་ཎོ ཝཱ ཝཱ་ད་ཏྠི་ཀོ ཝཱ་ད་ག་ཝེ་སཱི – ‘ཝཱ་ད་མ་སྶ ཨཱ་རོ་པེ་སྶཱ་མཱི’ཏི, ཏཾ ཝ་ཏ ས་ཧ་དྷ་མྨེ་ན ས་ངྐ་མྤེ་སྶ་ཏི ཝཱ ས་མྤ་ཀ་མྤེ་སྶ་ཏི ཝཱ ས་མྤ་ཙཱ་ལེ་སྶ་ཏི ཝཱ་ཏི – ནེ་ཏཾ ཋཱ་ནཾ ཝི་ཛྫ་ཏི. ཏཾ ཀི་སྶ ཧེ་ཏུ? སུ་དི་ཊྛ་ཏྟཱ, བྷི་ཀྑ་ཝེ, ཙ་ཏུ་ནྣཾ ཨ་རི་ཡ་ས་ཙྩཱ་ནཾ. ཀ་ཏ་མེ་སཾ ཙ་ཏུ་ནྣཾ? དུ་ཀྑ་སྶ ཨ་རི་ཡ་ས་ཙྩ་སྶ…པེ… དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་རི་ཡ་ས་ཙྩ་སྶ.
‘‘ཏ་སྨཱ་ཏི་ཧ, བྷི་ཀྑ་ཝེ, ‘ཨི་དཾ དུ་ཀྑ’ནྟི ཡོ་གོ ཀ་ར་ཎཱི་ཡོ…པེ… ‘ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ’ཏི ཡོ་གོ ཀ་ར་ཎཱི་ཡོ’’ཏི. ད་ས་མཾ.
སཱི་ས་པཱ་ཝ་ན་ཝ་གྒོ ཙ་ཏུ་ཏྠོ.
ཏ་སྶུ་དྡཱ་ནཾ –
སཱི་ས་པཱ ཁ་དི་རོ ད་ཎྜོ, ཙེ་ལཱ ས་ཏྟི་ས་ཏེ་ན ཙ;
པཱ་ཎཱ སུ་རི་ཡཱུ་པ་མཱ དྭེ་དྷཱ, ཨི་ནྡ་ཁཱི་ལོ ཙ ཝཱ་དི་ནོ་ཏི.