༨. ཝ་སྶ་སུ་ཏྟཾ

༡༠༣༤. ‘‘སེ་ཡྻ་ཐཱ་པི, བྷི་ཀྑ་ཝེ, ཨུ་པ་རི་པ་བྦ་ཏེ ཐུ་ལླ་ཕུ་སི་ཏ་ཀེ དེ་ཝེ ཝ་སྶ་ནྟེ ཏཾ ཨུ་ད་ཀཾ ཡ་ཐཱ་ནི་ནྣཾ པ་ཝ་ཏྟ་མཱ་ནཾ པ་བྦ་ཏ་ཀ་ནྡ་ར་པ་ད་ར་སཱ་ཁཱ པ་རི་པཱུ་རེ་ཏི, པ་བྦ་ཏ་ཀ་ནྡ་ར་པ་ད་ར་སཱ་ཁཱ པ་རི་པཱུ་རཱ ཀུ་སོ་བྦྷེ པ་རི་པཱུ་རེ་ནྟི, ཀུ་སོ་བྦྷཱ པ་རི་པཱུ་རཱ མ་ཧཱ་སོ་བྦྷེ པ་རི་པཱུ་རེ་ནྟི, མ་ཧཱ་སོ་བྦྷཱ པ་རི་པཱུ་རཱ ཀུ་ནྣ་དི་ཡོ པ་རི་པཱུ་རེ་ནྟི, ཀུ་ནྣ་དི་ཡོ པ་རི་པཱུ་རཱ མ་ཧཱ་ན་དི་ཡོ པ་རི་པཱུ་རེ་ནྟི, མ་ཧཱ་ན་དི་ཡོ པ་རི་པཱུ་རཱ མ་ཧཱ་ས་མུ་དྡཾ [མ་ཧཱ་ས་མུ་དྡ་སཱ་ག་རཾ (ས་བྦ་ཏྠ) སཾ. ནི. ༤.༧༠] པ་རི་པཱུ་རེ་ནྟི; ཨེ་ཝ་མེ་ཝ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ ཡོ ཙ བུ་དྡྷེ ཨ་ཝེ་ཙྩ་པྤ་སཱ་དོ, ཡོ ཙ དྷ་མྨེ ཨ་ཝེ་ཙྩ་པྤ་སཱ་དོ, ཡོ ཙ ས་ངྒྷེ ཨ་ཝེ་ཙྩ་པྤ་སཱ་དོ, ཡཱ་ནི ཙ ཨ་རི་ཡ་ཀ་ནྟཱ་ནི སཱི་ལཱ་ནི – ཨི་མེ དྷ་མྨཱ ས་ནྡ་མཱ་ནཱ པཱ་རཾ ག་ནྟྭཱ ཨཱ་ས་ཝཱ་ནཾ ཁ་ཡཱ་ཡ སཾ་ཝ་ཏྟ་ནྟཱི’’ཏི. ཨ་ཊྛ་མཾ.