༦. དེ་ཝ་ས་བྷཱ་ག་སུ་ཏྟཾ

༡༠༣༢. ‘‘ཙ་ཏཱུ་ཧི, བྷི་ཀྑ་ཝེ, དྷ་མྨེ་ཧི ས་མ་ནྣཱ་ག་ཏཾ ཨ་ཏྟ་མ་ནཱ དེ་ཝཱ ས་བྷཱ་ག་ཏཾ ཀ་ཐེ་ནྟི. ཀ་ཏ་མེ་ཧི ཙ་ཏཱུ་ཧི? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཧོ་ཏི – ཨི་ཏི་པི སོ བྷ་ག་ཝཱ…པེ… ས་ཏྠཱ དེ་ཝ་མ་ནུ་སྶཱ་ནཾ བུ་དྡྷོ བྷ་ག་ཝཱ་ཏི. ཡཱ ཏཱ དེ་ཝ་ཏཱ བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏཱ ཨི་ཏོ ཙུ་ཏཱ ཏ་ཏྲཱུ་པ་པ་ནྣཱ ཏཱ་སཾ ཨེ་ཝཾ ཧོ་ཏི – ‘ཡ་ཐཱ་རཱུ་པེ་ན ཁོ མ་ཡཾ བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏཱ ཏ་ཏོ ཙུ་ཏཱ ཨི་དྷཱུ་པ་པ་ནྣཱ, ཨ་རི་ཡ་སཱ་ཝ་ཀོ་པི ཏ་ཐཱ་རཱུ་པེ་ན བུ་དྡྷེ ཨ་ཝེ་ཙྩ་པྤ་སཱ་དེ་ན ས་མ་ནྣཱ་ག་ཏོ ཨེ་ཧཱི་ཏི དེ་ཝཱ་ནཾ ས་ནྟི་ཀེ’’’ཏི.

‘‘པུ་ན ཙ་པ་རཾ, བྷི་ཀྑ་ཝེ, ཨ་རི་ཡ་སཱ་ཝ་ཀོ དྷ་མྨེ…པེ… ས་ངྒྷེ…པེ… ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏོ ཧོ་ཏི ཨ་ཁ་ཎྜེ་ཧི…པེ… ས་མཱ་དྷི་སཾ་ཝ་ཏྟ་ནི་ཀེ་ཧི. ཡཱ ཏཱ དེ་ཝ་ཏཱ ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏཱ ཨི་ཏོ ཙུ་ཏཱ ཏ་ཏྲཱུ་པ་པ་ནྣཱ ཏཱ་སཾ ཨེ་ཝཾ ཧོ་ཏི – ‘ཡ་ཐཱ་རཱུ་པེ་ཧི ཁོ མ་ཡཾ ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏཱ ཏ་ཏོ ཙུ་ཏཱ ཨི་དྷཱུ་པ་པ་ནྣཱ, ཨ་རི་ཡ་སཱ་ཝ་ཀོ་པི ཏ་ཐཱ་རཱུ་པེ་ཧི ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏོ ཨེ་ཧཱི་ཏི དེ་ཝཱ་ནཾ ས་ནྟི་ཀེ’ཏི. ཨི་མེ་ཧི ཁོ, བྷི་ཀྑ་ཝེ, ཙ་ཏཱུ་ཧི དྷ་མྨེ་ཧི ས་མ་ནྣཱ་ག་ཏཾ ཨ་ཏྟ་མ་ནཱ དེ་ཝཱ ས་བྷཱ་ག་ཏཾ ཀ་ཐེ་ནྟཱི’’ཏི. ཚ་ཊྛཾ.